This is topic ــــــــGalaxy S6 & Galaxy S6 edge ـــــــ كــل ما تبحثون عنه ! ـــــــــــ in forum ســــاحـــــة الكمبيوتر وتقنية الإتصالات at منتــدى الســالميــه.
المعدن المستخدم اقوى ب50% من المعادن في الاجهزه الاخرى تغطية الشاشه والخلف باستخدام زجاج غوريلا قلاس وهو اقوى نوع زجاج حاليا بالسوق
أول اجهزة سامسونع بمعمارية 64 بت بتقنية 14 نانو متر ذاكره عشوائية 3GB RAM
وضوح الشاشة 2K 1440*2560 بكسل وبكثافة عالية جدا 577ppi
يأتي في 3 احجام 32 / 64 / 128 جي بي مع التخلي عن دعم زيادة الحجم بأستخدام الذاكرة الخارجية
الكاميرا 16 ميغا بيكسل لها ثلاث مستشعرات مع دعم تقنية مطوره Real HDR لتصوير ليلي أفضل من السابق كاميرا امامية 5 ميغا بيكسل الجدير بالذكر أن الكاميرا دائما على وضع standby وتلتقط الصور في 0.7 ثانية
يدعم الشحن اللاسلكي بدون اضافات او اسلاك
مع تطوير سرعة الشحن 30 دقيقه كافية لشحن الجهاز بالكامل! و 10 دقائق كفيله لأستخدام الجهاز ب4 ساعات !
سيتوفر 10 ابريل، الادج اغلى بـ 100 دولار عن ال6 جالكسي..
[ مارس 02, 2015, 04:49 AM: تم تحرير المشاركه من قبل: R Y A N ]
مرسلة من DIFFERENT (رقم العضويه 12040) on :
يعطيك العافية ريان ،
بعض الملاحظات
نحف الجهاز 6.8 mm السعات هي 32/64/128 لا وجود لـ16
الكاميرا الامامية والخلفية كلها f1.9
الكام الخلفي فيه OIS
الرام 3 قيقا DDR4
خدمة سامسونق باي تدعم اي جهاز يدعم الفيزا والماستر كارد ومو لازم جهاز خاص بالمحلات
الواجهة خففوها كثييييييير وشالوا البرامج اللي مالها لزمه وخلوها اختياريه تحملها من متجر سامسونق
بصراحة Galaxy s6 edge بددددعة
بس القلب ميّال لـ G Flex 2
[ مارس 02, 2015, 04:48 AM: تم تحرير المشاركه من قبل: DIFFERENT ]
مرسلة من DIFFERENT (رقم العضويه 12040) on :
+ المعالج غير انه 64 بت ، هو أول معالج بالعالم بتقنية 14 نانو مرسلة من R Y A N (رقم العضويه 90308) on :
شكرًا مسعود تم التعديل مأساة تكتب موضوع من الايباد ؛ (
حبيبيت وااايد سالفة Samsung pay هالشي ممكن يمشي باي مكان بالعالم حتى عندنا بدون سالفة ننطر دعم او شي اتوقع ! لان الجهاز صار يقرا الماغنت ستريبس حاله حال اي كريدت كارد !
بس هل صج ممكن احد يثق يحط بيانات بطاقته في أندرويد ؟! اممم
بخصوص فتحة العدسة
شفت صورة المقارنه مع الايفون لول ؟ تصويره الليلي شكله ممتاز فعلا
الجهاز تقنيا وشكليا ما عليه كلام فعلا حتى الواجهه غيروها
كل هاي وتقول ميال حق شي غيره !
مرسلة من DIFFERENT (رقم العضويه 12040) on :
ساحرني
مرسلة من DIFFERENT (رقم العضويه 12040) on :
رد مقتبس:المرسل الأصلي هو R Y A N: بس هل صج ممكن احد يثق يحط بيانات بطاقته في أندرويد ؟! اممم
بخصوص فتحة العدسة
شفت صورة المقارنه مع الايفون لول ؟
1- بدون روت ، يس يثق ويحط في بطنه بطيخة صيفي
2- الكام شكلها بتكون خورافية ، خايف تأثر علي هالنقطة مرسلة من iDoc (رقم العضويه 74592) on :
يا جماعة أنا شايف iphone 6 بنظام أندرويد ! إنتم إيش شايفين؟؟
let's talk
الجهاز بإختصار Z3 + Iphone 6 ضعهم في خلاط و يطلعلك هالشكل !!
أول شي نتفق كلنا على أنه سامسونغ من أكبر الشركات في العالم هياطا ! من الاس 3 و 4 الي النوت 2 , والنوت 3 فأجهزة هذه الشركة تتميز وتتشارك ميزة واحدة ، هي المواصفات أبوكلب ، أرقام مهولة وضخمة ، هاردوير يبدوا وكإنك قادر على التفوق حتي علي بعض أجهزة اللابتوب لكن تعال علي أرض الواقع
في شغلتين لفتوا أنتباهي
1- البطارية المدمجة !
الله يا وائل مو هالشركة و جمهورها كانوا أكثر ناس يعيبون ببطاريات الأيفون و يتمسخرون على فانزها أنهم يقدرون يستبدلون البطارية بأي وقت بس أنت يا الأيفونيين خلكم بالجدار !! لا و من قوة الهياط جايبيين بطارية اقل من s5 بحوالي 20% و على شاشة قوتها 1440 !!! أذا نوت 4 وهو qhd و سعة 3220 و بالقوة جايب 6 ساعات أستعمال شلون مع s6 !! أغلب الناس و المواقع الأجنبية و اليوتيوب إنتقدوا هالجانب ! طيب كنتم أحترمتم حالكم و خليتوا الشاشة FHD زي M9 ووقتها البطارية حتكون عال العال ! لكن تكررون غلطة LG G3 فهذي تخلف ماحد فينا حتفرق معاه هالشاشة العظيمة ليش الكذب! لكن الهياط و ما يفعل
بتيجي حتقولي أنهم مستخدمين معالج جديد بتقنية 14nm وأكيد حيوفر وووو انا هالكلام ما يخش راسي لأنه على الأرض الواقع يبان المرج
بخصوص ذكرهم لبطارية أيفون 6 و أنه يشحن في 10 دقايق بيعطيك 4 أربع ساعات أستعمال !! واضح أنه الأيفون صار الستاندرد عند العالم لكن كـ ميزة أشوفها حلوة !
2- سعات الذاكرة
32 - 64 -128
والله العظيم كانوا دايما يذمون الأيفون عشان أبل ما عندها منفذ ذاكرة و بس تعطيت أحجام معينة عشان يكسبوا من Isheep ع قولتهم عندهم فلوس زي الرز
اشوف الأية إنقلبت يا سام سلامات
تقولي ضحيت بهالميزة عشان تصميم الجهاز الجديد طيب إيش معنى Htc ما عملوا نفس الشي !! أجهزتهم من الألومينوم و لسه عندهم منفذ للذاكرة !!
ياخي هالشركة تجيب لنفسها كلام طيب سعر 128 كم حيطلع؟ شكله حينافس 64 من البلس لول
نيجي للجهة الحلوة
أقدر أقول مع تخليهم عن البلاسيتك الرخيص في صناعتهم انه الجهاز صار فعلا تحسه premium
صحيح الأطراف كوبي بيست من iphone 6 والجهة الخلفية زجاج ابو بصمات من Z3 لكن overall it good
أقدر أقول أنه هالنقلة أكبر نقلة لها من أيام S3 بعد ما الناس شرشحوهم أخر جهازين !!
الـtouch wiz قالوا خففنا 40% و أنا أقول على تبن يا سام والله بالأندرويد غير sense 7 من Htc إنسى
بخصوص الكميرا كالعادة على الورق تشوف شي WOW لكن تعال أستخدم تلاقي مو قد هالأنطباع الكبير انا جربت سلفي نوت 4 و لسة تعبانة و تخلي وجهك رمادي على مزيّت
بالنهاية اذا ( لا سمح الله ) قررت اشتري جهاز من عندهم حختار Edge لأنه صراحة مرة funky و شبابي
مرسلة من iDoc (رقم العضويه 74592) on :
إيه صحيح شفيهم خربوها خلاص
أجل samsung pay من قلة الأسامي يا سام ولا البصمة من swipe صارت ضغطة ههههههههههههههههههههههههههههههه
هالشركة أبل واقفة في بلعوهم وفقة بنت الكلب مرسلة من iDoc (رقم العضويه 74592) on :
Samsung is ripping off Apple’s EarPods for the Galaxy S6
[ مارس 02, 2015, 09:05 AM: تم تحرير المشاركه من قبل: iDoc ]
مرسلة من R Y A N (رقم العضويه 90308) on :
بكل صراحه تقنيا الجهاز قوي حده سالفة ان البطارية ما تتبدل برأيي الشركه عوضتها بسرعة شحنها الخرافي ( اذا كان كلامهم صحيح ) ماحس السامسونغيين لهم حق يعترضون على هالنقطه عيل 10 دقايق تعطيك 4 ساعات omg ! روعه
الي كان حابب يشيل معاه بطارية زياده عشان التبديل معليش يقدر يشيل شاحن بطاريه معاه
سالفة الميموري كارد هذي الي اشوفها زاعجه الناس جدا وتقريبا معاهم حق اذا هم شي متعودين عليه وكان يكرهون اجهزه منافسه عشانه خصوصا ان في كثير ماكان استخدامهم مجود حجم إضافي .. لا كأنو يحبون سهولة نقل الصور الكبيرة وإلملفات وغيره بالميموري !
عموما للي اعرفه عن السامسونغيين .. كانوا دايما يحبون ان اجهزتهم تكمل نواقص apple .. حاليا صارو أبل الاندرويد
مرسلة من iDoc (رقم العضويه 74592) on :
ريان ،
من الاشياء اللي انا لاحظتها وما شفت احد يتكلم فيها هي المعالج من نوع 64 بت ( اللي قدمته ابل قبل عامين! )
الغربب في الموضوع انه لما اطلقت ابل معالج بمعمارية 64 بت انتقده الجميع بما فيهم شخص مسؤول في قوقل او سامسونج بصراحة ما اذكره حالياً.
وكانت هي جملة الاندرويديين المسكتة! ان صح التعبير
وقتها الجميع قال ان معالج 64 بت مع رام اقل من 4 جيجا بالبلدي " ماينفع! "
والان جالكسي اس 6 بمعالج 64 بت و 3 جيجا رام والتطبيل من كل اتجاه!!
مرسلة من Zyood (رقم العضويه 90699) on :
^ عادي فالمستقبل تنزل جوالات high end بمعالج رباعي او حتى ثنائي النواة لأن مع ال64 بت ما بيحتاجون عدد انوية كبير. عشان توصل لقوة معالج ابل الثنائي النوة ب32 بت، تحتاج لأربع انوية. يعني اللي يقول لك ابل بعدها معالج ثنائي النواة و الشركات وصلت لرباعي و ثماني النواة ما يدري عن ال32 و ال64 بت. اذا الايفون 6 بس بنواتين جاب ارقام عالية، فشلون لو حطو اربع انوية!
و بالنسبة لل4 جيجا رام ال32 بت حده 4 جيجا، مايصير اكثر اما ال64 بت غير محدود و مافي اقل او اكثر طبعا بعد على حسب نوع الرام، و الأس 6 فيه احدث نوع رام DDR4
[ مارس 02, 2015, 09:55 PM: تم تحرير المشاركه من قبل: Zyood ]
مرسلة من iDoc (رقم العضويه 74592) on :
^
got it مرسلة من iDoc (رقم العضويه 74592) on :
اعوذ بالله 86% وهذا بدون ما يحمل تطبيقات !!!! لا و مخففين السوفت ويت بنسبة 40%
مرسلة من R Y A N (رقم العضويه 90308) on :
^ ^ !!
مرسلة من iDoc (رقم العضويه 74592) on :
الرام ريان من أصل 3 جيجا 86% ممتلئ هههههههههه
برضه في في مراجعة عبدالرحمن العنزي xq55 الرام المتبقي 1 جيجا من اصل 3 النظام يستهلك 2 جيجا لحاله !!
مرسلة من R Y A N (رقم العضويه 90308) on :
^
اوف اوف بدت السوالف تطلع
حبيت استلامك للجهاز
--- اووريدوو القطريه تشوق لتلفونات الجالكسي الجديدة
مرسلة من [ مـختلـف ] (رقم العضويه 66151) on :
مدري غير مقتنع فيه
مرسلة من iDoc (رقم العضويه 74592) on :
ليش مختلف؟ مو سام حبيبتك؟
مرسلة من Zyood (رقم العضويه 90699) on :
مهما نسخت سام من ابل مافي نفس شيومي فالنسخ مرسلة من ™LOST (رقم العضويه 21152) on :
الجهاز يشبه ايفون 6 لول
#اعتراف_فضيلة مرسلة من iDoc (رقم العضويه 74592) on :
رد مقتبس:المرسل الأصلي هو Zyood: مهما نسخت سام من ابل مافي نفس شيومي فالنسخ
شيومي هذي وضعها ثاني نفسي اجرب اجهزتها للصراحة مرسلة من *risky (رقم العضويه 14875) on :
الازرق شكله عجيب ولا شنو
عورتو راسنا مايعجبكم العجب هههههه
مرسلة من [ مـختلـف ] (رقم العضويه 66151) on :
رد مقتبس:المرسل الأصلي هو iDoc: ليش مختلف؟ مو سام حبيبتك؟
حتى لو احبها مايعني اصفق لها ع كل شي حتى لو مش مقتنع فيه
عن نفسي ماحبيت الصراحة مرسلة من iDoc (رقم العضويه 74592) on :
فيديو يوضح مقارنة الجالكسي اس 6 وايفون 6 يظهر فيها خاصية مانع الاهتزاز للجالكسي اس 6
سامسونج أعلنت بالأمس خلال أحداث مؤتمر MWC 2015 عن هاتفي Galaxy S6 و Galaxy S6 Edge وكشفت العملاقة الكورية أن كلا الهاتفين سيكونوا متوفرين للبيع يوم 10 أبريل ولكنها لم تكشف عن السعر .
اليوم موقع سامسونج هولندا فتح الطلب المسبق على الهاتفين وكشف عن سعر كلاهما حيث أن سعر النسخة الـ 32 جيجا بايت من هاتف Galaxy S6 سيكون 700 يورو وهو نفس سعر الـ Galaxy S5 وقت إطلاقه في الأسواق .
أما سعر النسخة الـ 32 جيجا بايت من هاتف Galaxy S6 Edge سيكون 850 يورو أي أغلى 150 يورو من النسخة العادية ويتوقع البعض أن تكون النسخ الأكبر في المساحة من كلا الهاتفين أغلى 100 أو 150 يورو .
يُذكر أن موقع سامسونج المملكة المتحدة كان ذكر أن الهاتف قادم قريباً والتسريبات كانت أكدت أن الهاتف سيكون سعره في المملكة المتحدة 700 جنيه إسترليني وللمقارنة فهاتف HTC One M9 قد يتوفر في هولندا بسعر 700 يورو .
32 جيجا = 3550 ريال 64 جيجا = 3985 ريال 128 جيجا = 4400 ريال
مرسلة من DIFFERENT (رقم العضويه 12040) on :
دوك هذي الاسعار بالضريبه والحمدلله ماعندنا ضرايب
+
شفيكم محد تكلم عن G flex 2 مرسلة من iDoc (رقم العضويه 74592) on :
أدري مع الضريبة مسعود بدون ضريبة شيل حوالي 100 ريال برضه أسعار مبالغ فيها ومعروف عن سامسونغ أنه بعد 4 شهور الأسعار تطيح مو زي الأيفون يمسك سعره لوقت طويييييييييل
+
بخصوص الجي فليكس 2 شفت كثير فديوهات عنه و يذمون بطاريته الصراحة غير مرضية و المعالج فيه حرارة نوعا ما والشركة أعترفت بهالشي و قالوا في update قريب لكن ما يندرا أبديت سوفت وير و لا قصدهم هاردوير يعني النسخ الجديدة حيتلافون الأخطاء واحد من الفيدوهات نصح بالجيل الأول إذا ما تهمك دقة الشاشة لأنه الجيل الأول أحسن
الحلو بالجهاز أنه مسكته أثناء المكالمة للأذن مريحة لأنه جاية مع الوجه بالزبط لكن ما أتخيل نفسي أشتريه مرسلة من بَعطوشْ (رقم العضويه 75) on :
حبيت.
مرسلة من R Y A N (رقم العضويه 90308) on :
الأخضر يغري 😍
طبعا أمس طاح أيفوني وانكسر زجاج الشاشه
شكلي بنطره وبقرر حق شنو الابقريد أيفون 6 بلاس ولا الجالكسي
مرسلة من DIFFERENT (رقم العضويه 12040) on :
دوك
ياحليلك الضريبة على نوت فور مثلاً 400-450 ريال تقريباً
بخصوص الفلكس ، الاول كبير 6" ورزلوشن ضعيف ! بس تو فظيع ، + الجي نفت سالفة الحرارة بسبب المعالج! عموما كـ سوفتوير أثق جداً بـ LG بعد الجي تو و ثري .
مرسلة من DIFFERENT (رقم العضويه 12040) on :
رد مقتبس:المرسل الأصلي هو R Y A N: الأخضر يغري 😍
طبعا أمس طاح أيفوني وانكسر زجاج الشاشه
شكلي بنطره وبقرر حق شنو الابقريد أيفون 6 بلاس ولا الجالكسي
معوض خير ريان 3>
انا مركب اللذر كڤر حق أبل ، أمس شلته قلت بدونه أحلى ، وطاح مني بعد ماشلته بربع ساعة لول (شف الحظ ) بس الحمدلله جت سليمه ، بعدها فتحت الدرج وركبت الكڤر
[ مارس 05, 2015, 07:11 AM: تم تحرير المشاركه من قبل: DIFFERENT ]
مرسلة من iDoc (رقم العضويه 74592) on :
لول ريان على طول الكوفر سنين مركبه بجهازي ما طاح و اول ما شلت الكوفر مرتين طاح مني سبحان الله. ههههههه طيب عندك ضمان لسه ساري خلهم يبدلونك
. . مسعود ححاول ادورلك الفيديو اللي يقول فيها انه lg معترفين بهالشي اساسا ليش سامسونغ هالسنة تخلوا عن كوالكوم !!! طلعت تقارير من شهرين انه معالجهم الجديد 810 مليان حرارة والله اعلم
مرسلة من R Y A N (رقم العضويه 90308) on :
ثانكيو غايز
انا كنت حاطه في ليذر كوفر مال ابل فتره وبعدين استخدمت نوع ثاني وكنت دايما اتملل منهم برايي الشركات نحفت تلفوناتهم عشان نستمتع بخفتهم لكن تجي الكوفرات و تثقل والشعور تجاه الفون يختلف حتى . .
طبعا النصب عندنا لاعب لعبته لقيت تغيير الشاشه ب 1500 ريال خخخ يعني نص سعر الفون قررت اطرشه لندن مع اخوي مسافر بكرا على حظي .. تبديل الشاشة بالموقع الرسمي ب 100$ / 86 باوند معقول جدا
Accidents happen. Sometimes a screen can get cracked or shattered. We’re here to help.
وصلنا عصر صرنا المفروض مو بس نفكر شنو الجهاز المحمول الي بنشتريه .. صرنا لازم نشوف هالشركة شنو حلولها واستعداداتها بمساعدتك حتى بعد الشراء
عقبال مايفتحون عندنا فرع
مرسلة من iDoc (رقم العضويه 74592) on :
أخ ريان لا تحرني يلعن عارهم ليش ما يبون يفتحون فروع هنا مدري !! بالسعودية أوكي أصحاب الفيفتي فيفتي ما يرضون أبل تدخل بالسوق لحالها و ابل إمعصي ترضي طيب دبي ليش ما يفتحون فرع زيه زي إللي فتجوه قريب بتركيا؟؟ الأمارات مو ناقصها شي و يرحبون بالأستثمارات الأجنبية و already أبل عندها ستور أونلاين في دبي المفروض تكمل معروفها و يفتحون محل !! يقولون حسب الأشاعة من فترة أحتمال يفتحون فرع بموول جديد ناسي أسمه المهم موول كبير و لسه ما أنفتح أن ما خاب ظني
. .
أتفق معاك بخصوص الكوفرز المفروض نستمتع بالتلفون لكن المشكلة أنه دافع مبلغ و قدره $$$$ و تبي تحافظ عليه و تستثمره لأطول فترة ممكنة مرسلة من R Y A N (رقم العضويه 90308) on :
تيم كوك زار دبي في شهر 4 السنه الي فاتت وبعدها بفتره بموقع apple الاماراتي طلبوا موظفين retail
وصار رسمي الخبر بيفتحون أكبر ستور في العالم في دبي والاخبار كلها انه بيكون في دبي مول
هالكلام رسمي 100٪
..
معاك بأن شي روعه نحافظ عليه كانه للحين جديد بس كله اسأل نفسي لي متى ؟ لما ينزل الفون الي بعده وانت ما حللت جهازك من النواحي الثانيه ؟ احب احس اني من هذيل الي يطلعون في دعايات أبل لما يستخدمون اجهزتهم خخخ بالنسبه لي اول شهر او شهرين كافي خلاص .. المشكله مهما سويت لو طاح على شاشته باي باي مرسلة من iDoc (رقم العضويه 74592) on :
ههههههههههههههههههههههه
الصراحة ما في غير اجهزة HTC هم الوحيدين إللي ما تحتاج تشتريلهم كوفر لأنه خامتهم قوية و كشخة
سامسونغ سابقا طبعا ما حد يشتري كوفر يكفي أنه الخامة بلاستيك أساسا بس أتحداك مع S6 رح تشوف أنواع الكوفرز من أول يوم لأخر يوم مرسلة من ريجاتا (رقم العضويه 91671) on :
انا عاوز التليفون دا بس عشان ربنا ظلمني مفيش معايا فلوس
مرسلة من Zyood (رقم العضويه 90699) on :
إختبارات جالاكسي اس 6 و اس 6 إيدج
شكرا سام لأنكم حطيتو معالج 64 بت
شوفو الفرق بين الون m8 و الأس 6 بس
[ مارس 05, 2015, 07:10 PM: تم تحرير المشاركه من قبل: Zyood ]
مرسلة من iDoc (رقم العضويه 74592) on :
ههههههه تذكرت فضيحة S4 لما زوروا بنتائج البنشمارك لول بس اذا فعلا هذا اداء الجهاز الطبيعي يبقى Bravo
مرسلة من iDoc (رقم العضويه 74592) on :
موقع gsmarena إللي معروف عنه تحيزه لجوالات الأندرويد و ذمه للأيفون مسوي تيست للبطارية
مقارنة أيفون 6 ذو سعة 1880 للبطارية
فضيييييييييييييحة بطارية 2550 و شاشة 2K هذي أخرتها
مرسلة من ™LOST (رقم العضويه 21152) on :
افكر في رجوع لايفون
[ مارس 13, 2015, 05:10 PM: تم تحرير المشاركه من قبل: ™LOST ]
مرسلة من Zyood (رقم العضويه 90699) on :
تذكرون اول ما بدأت الجوالات اللي شاشتها 1080 بالسوق؟ كلها كانت بطارياتها عادية و ارتفعت بالتدريج
تقييم بطارية اول جوال بشاشة 1080
و الناس كانت تقول ما نحتاج 1080 فالجوال و ليش نحتاجه اصلاً و استهلاك بطارية و مادري ايش، و صار mainstream الحين نفس الشي قاعد يصير حاليا شاشات ال2 كي هي المستقبل so...
[ مارس 13, 2015, 06:21 PM: تم تحرير المشاركه من قبل: Zyood ]
مرسلة من DIFFERENT (رقم العضويه 12040) on :
زيود الصورة
اتفق معك
+
اذا الشحن بيكون سريع ، البطارية مو مشكلة ، البلا لاصارت البطارية سيئة والشحن يطووول :/ ايفوني اشحنه بشاحن ايباد اير وياخذ ساعتين الى ساعتين ونص عشان يفلل !!!
مرسلة من ZoLiTo. (رقم العضويه 10437) on :
رد مقتبس:المرسل الأصلي هو iDoc: ههههههه تذكرت فضيحة S4 لما زوروا بنتائج البنشمارك لول بس اذا فعلا هذا اداء الجهاز الطبيعي يبقى Bravo
نتفت عرض شركة سامسونج ههههههههههههههههه و الله ابل لو تعرف عنك تخليك مدير قسم
انا بدخل هالساعة عشانك
مرسلة من iDoc (رقم العضويه 74592) on :
^
مرسلة من [ oSama ] (رقم العضويه 51697) on :
مليت من جهازي و محتار أجيب السامسونغ الجديد لما ينزل ولا أجيب الـ HTC M9
مسعود شايفك بتتكلم عن الـ LG بزيادة .. بصراحة أنا عاجبني بس قريت إنه الكاميرا 13 MP مرسلة من DIFFERENT (رقم العضويه 12040) on :
أسامه
شيله شييييله من راسك ، أمس شفت الجهاز وطقطقت عليه شوي ، الشكل والمسكة رووووعه ، الانحناء مخليه قلامور
الجهاز كـ شكل روعة بس الشاشه !! صدمتني :/ انقهرت ، اول مره اشوف شاشة P-Oled سيئة سيئة ! اذا قللت الاضاءة تحسها "تُرابية" (ذكرتني بشاشة جالكسي نكسس)
هالشي خلاني اشيل G flex 2 من راسي بشكل نهائي :/
مرسلة من Zyood (رقم العضويه 90699) on :
الكاميرا الخلفية من الأصدار السابق روعة خصوصا التصوير بالفلاش، جبارة
لكن تعال للكاميرا الأمامية زبالة من كثر ما زايدين الميغابكسلز يطلع كل شي غلط للتصوير كسلفي + الأضاءة الرمادية! ، ومن خلال المفيديو هذا عرفت ان نفس الشي باقي بالجهاز الجديد وماصلحوه عاجبهم ان الكاميرا تاخذ ابعاد اكثر وناسيين انها اساسا سلفي كاميرا والكوالتي اهم
ككاميرا اماية اكيد افضل كاميرا الأيفون 6
مرسلة من iDoc (رقم العضويه 74592) on :
^
أواقفك و بقووووووووووووووة
السلفي عند سامسونغ خياس بشكل مو طبيعي حتى لما تخفف beauty face برضه الصورة خياس و تطلع رمادي
بالكام الأمامي مافي زي الأيفون و حاليا الكام حق M9 خرافية أحطها بالمركز الأول بعدين وراه أيفون 6
من فترة كنت أطقطق على جهاز من هاواوي أتوقع vibe كميرته الأمامية روعة كمان مرسلة من DIFFERENT (رقم العضويه 12040) on :
انتم مستوعبين ان فتحة العدسة الامامية f/1.9 ؟
بس ان شاء الله سالفة wide angle تكون اوبشن بالكام الامامي مو اجباري !
مرسلة من iDoc (رقم العضويه 74592) on :
كيف أوبشن ما فهمت؟
مرسلة من DIFFERENT (رقم العضويه 12040) on :
رد مقتبس:المرسل الأصلي هو iDoc: كيف أوبشن ما فهمت؟
يعني تقدر تعطلها ، لأنها لو بتكون اجبارية معناته لازم تبعد الجوال شوي لو بتصور سلفي ، لو صورت من قريب بيمط وجهك مرسلة من iDoc (رقم العضويه 74592) on :
اها اوكي وهالميزة موجودة في S5 و نوت4؟؟
مرسلة من R Y A N (رقم العضويه 90308) on :
عشان جذي الاس 5 كان يصور بطريقة fish eye !! خخخ كل اصدقائي عبالهم تلفونهم خربان او شي وقت السلفي لوول
مرسلة من R Y A N (رقم العضويه 90308) on :
تقييم الجوال من ذا فيرج
8.8
المميزات
تصميم جميل
كاميرا ممتازه
شاشة مذهله
السلبيات
عمر عادي للبطاريه
النظام محتاج شغل
البطارية والذاكرة غير قابلين للازالة
[ أبريل 01, 2015, 02:56 AM: تم تحرير المشاركه من قبل: R Y A N ]
مرسلة من Zyood (رقم العضويه 90699) on :
خلاص ما بقى شي على استقبال افضل جوالين في سنة 2015
[ أبريل 07, 2015, 11:16 AM: تم تحرير المشاركه من قبل: Zyood ]
مرسلة من iDoc (رقم العضويه 74592) on :
البطارية فضيحة لا صارت و لا إستوت
كل الشباب إللي شرا الجهاز يشتكون من ضعف البطارية
الجهاز مايكمل معاك ساعتين ويطفي
رح أحطلكم كذا جهاز
1
------------------------
2
---------------------
3
----------------------
4
وأنا أقول إيش فيهم بالمؤتمر بس مركزين كل شوي على الشحن السريع و شحن الشريع أتاريه في فضيحة
لا و الأحلى أنه أغلب المحلات بالخليج أذا إشتريت جهاز يعطونك الجهاز تبع وايرلس شارجنغ هدية
الايفون يحطلك وقت الاستخدام (يشمل وانت مشغل الشاشة او طافية ومشغل ميوزك مثلاً ) عشان كذا تلقى الايفون يقولك وقت الاستخدام 7 ساعات مثلاً ! وهو فعلياً الشاشة ماشتغلت الا 4 ساعات مثلاً !
الاندرويد لو شغلت ميوزك 10 ساعات ومافتحت الشاشة مايطلعلك زمن الاستخدام ، تصير الشاشة زيرو !
عموماً الحكم بدري عالبطارية بس متأكد انها ماراح تكون أقل من ايفون سكس (وفوق هذا الشاشة 2k) والشحن سررريع مرسلة من R Y A N (رقم العضويه 90308) on :
من الصور الي شفته ان البطاريه اتم 11 ساعه او 10 ساعات ؟ مو اوكي يعني ؟ اشوفها اوكي لول
عموما في بيتنا كلهم ماخذينه وقاعد احوس فيه احين
الشاشة واااو مرسلة من [ مـختلـف ] (رقم العضويه 66151) on :
ماعندي مشكلة الصراحة ان الجهاز يبقى عشر ساعات صامد ع البطارية واشحنه في عشر دقايق لأربع ساعات زود ، شي يغطي على شي مع اني متأكد ان تو الناس ع الحكم على البطارية
شخصيا عندي ثقة كبيرة في بطاريات سامسونغ ، بطارية الـS5 كانت افضل بطارية استخدمتها. ماظن الجديدة بتفرق عنها.
بس مع هذا مافكر اشتري الجهاز مش متحمس ، ممكن اغير رايي بالمستقبل مدري
مرسلة من iDoc (رقم العضويه 74592) on :
أنا عكسكم أهتم في screen on أكثر شي عكس usage time
[ أبريل 11, 2015, 01:21 PM: تم تحرير المشاركه من قبل: iDoc ]
مرسلة من iDoc (رقم العضويه 74592) on :
أيش رأيكم بتصويره؟
مرسلة من [ مـختلـف ] (رقم العضويه 66151) on :
حلو .. بس احس مايفرق عن الي قبله الي اساسا كان تصويره حلو بعد
الي يميز كاميرا السامسونغ عن الأيفون هو التصوير بالفلاش ، ككوالتي احس الكفة تميل شوي للأيفون
الفلاش عند سام شي رائع والألوان تطلع حقيقية , الأيفون لو كان ظلام وصورت فلاش يغلب اللون الأصفر ع الصورة.
مرسلة من iDoc (رقم العضويه 74592) on :
هو عيب الأيفون إللي يقهر هي حجم الميجا بكسلز !!!!!!!! المفروض في الأيفون 6 يكون يوصل أقل شي 13 ميجا مو 8 مرسلة من Zyood (رقم العضويه 90699) on :
قاعد اكتب المراجعة ترقبوها
مرسلة من iDoc (رقم العضويه 74592) on :
قد ما هي الصورة حلوة خليتها خلفية للكمبيوتر ماشاء الله و بالأنتظار
مرسلة من Zyood (رقم العضويه 90699) on :
جالاكسي أس 6 إيدج…مرحباً بعودتك يا سامسونج
المقدمة
في نفس هالوقت في 2011 أطلقت سامسونج جوال جالاكسي أس 2، هالجوال بالنسبة لي كان أفضل جوال سوته سامسونج في تاريخها، جودة صنع ممتازة، حجم ممتاز، شاشة ممتازة أداء ممتاز، كامير ممتازة وبطارية مقبولة، و من بعد هالجوال طاحت جودة جوالات سامسونج في الحضيض، أس 3،4،5 كل واحد كان أسوء من الثاني، الى ما جا هاليوم، سامسونج أخيراً تعلمت من أخطائها السابقة و إبتدت من أول و جديد، سامسونج سوت كل اللي ابيه في جوال في الجالاكسي أس 6 و أس 6 إيدج، و أخذو مكان الأس 2 في أفضل جوال سوته سامسونج.
التصميم و جودة الصنع
أخيراً سامسونج تخلصت من البلاستيك و الجلد المزيف و سوت أجهزة فخمة و بجودة صنع ممتازة، زجاج من الأمام و الخلف و المنيوم عالجوانب،أخيراً يوم تمسك الجهاز تحس انه قيمته فيه، التصميم و خصوصاً تصميم الإيدج و اللون الأسود جداً فخم، أفخم من الأيفون 6 حتى! و الإيدج أعطى سامسونج تصميم فريد من نوعه و ما تحصله عند اي شركة ثانية. جداً مستانس عالتصميم و جودة الصنع، عادي خلها تاخذ شوي من خصائص أبل في تصميم جوالاتها بس تعطينا جوال بجودة صنع و تصميم ممتازين، كل هذا يكون بصالحنا بالنهاية.
الشاشة
الشاشة تجلط يا جماعة ساااحرة عالآخر، مهما تكلمت عنها ما أقدر اوفيها حقها، الألوان، الحدة، زوايا الرؤية، شي أخاذ و بيخليك تحس انه هالشاشة من كوكب ثاني كنت أظن انه شاشة النوت 4 أفضل شاشة جوال و ما بيجي بعده شاشة أفضل، كنت غلطان، شاشة الأس 6 تفوقت حتى على شاشة النوت 4! جد سامسونج أبدعت في الشاشة، و شي زين انهم ما كبرو حجمها
الأداء و المميزات
أخيراً سامسونج سمعت كلام الناس و خففت من ثقل واجهة التتش ويز حقهم، أخيراً جهاز سام ما يعلق و يستهبل، و مافيه الا البرامج الأساسية فقط، الجهاز طيارة حرفياً! و المميزات اللي ضافتها سامسونج عملية و مفيدة للمستخدم، كمثال، اذا ضغطت زر الهوم مرتين من أي مكان بيفتح لك الكاميرا بسرعة، عكس قبل اذا ضغطت زر الهوم مرتين يفتح لك ال S Voice الخايس اللي ما بتستخدمه، و البصمة هالمرة تشتغل! و أقدر اعتمد عليها عكس الأس 5 اللي البصمة ماتشتغل معاي الا مرة من عشر مرات.
الكاميرا
إبداع كل الصور تفاصيلها حادة و الوانها جميلة و تصوير الماكرو او الشياء القريبة جداً جميل سامسونج سوت الصح في انها مارفعت عدد الميجابيكسل و ركزت عالعدسة و الحساس و معالجة الصور خرافية الكاميرا من قلب
الشحن و البطارية
سرعة الشحن أذهلتني صراحة! البطارية كانت 5٪ و حطيتها عالشاحن، و ما مرت نص ساعة و الا الشحن موصل 40٪!! الشحن فعلاً سريع و مع الشحن اللاسلكي سام تقريباً حلت مشكلة مدة شحن البطارية، أما بالنسبة لأداء البطارية فهو مقبول، اذا فصلته من الشاحن 8 الصبح بحتاج اشحنه عالساعة 7-8 بالليل، و هذا مع استخدام عادي و عالوايفاي و ال3جي.
الختام
سامسونج قدمت أفضل جوال لها من سنين، شكراً سامسونج لأنج سمعتي كلام الناس و تعلمتي من أخطائج السابقة، شكراً سامسونج لأنج عطيتينا أفضل جوال في 2015 مرسلة من DIFFERENT (رقم العضويه 12040) on :
حبيت التقرير والانطباع يعطيك العافية زيود
وفعلاً الجوالين بدعة خصوصاً الايدج مرسلة من [ oSama ] (رقم العضويه 51697) on :
زيود يعطيك العافية .. ممكن تكلمنا عن التصوير الليلي للكاميرا (بفلاش و بدون)؟ تعقدت من هالموضوع مافي ولا جهاز متمكن من التصوير الليلي! كمان ياريت لو تكلمنا عن انطباعك على الكاميرا الأمامية ..
مرسلة من R Y A N (رقم العضويه 90308) on :
روعه الريفيو زايد يعطيك العافيه بدعت ،
والجهاز فعلا ممتاز وتوفقت سامسونغ فيه
مرسلة من iDoc (رقم العضويه 74592) on :
الكميرا خيالية مرسلة من «[.MASTER.]» (رقم العضويه 12532) on :
ما اثق بسام
مشكور زيوووود ع التقرير حبيت جدا
مرسلة من iDoc (رقم العضويه 74592) on :
رد مقتبس:المرسل الأصلي هو «[.MASTER.]»: ما اثق بسام
. .
بعد مقارنة بين الأيدج و الـflat صراحة الفلات أحسن مسكته حلوة و أثقل شوي من أبو الأيدج الأيدج so gimmicky
مرسلة من iDoc (رقم العضويه 74592) on :
الجميع يشتكون من بطاريته لول عيب سامسونغ أنه الشاشة 2K !! و أنا برأيي معالج سامسونغ هو السبب مرسلة من DIFFERENT (رقم العضويه 12040) on :
رد مقتبس:المرسل الأصلي هو iDoc: الجميع يشتكون من بطاريته لول عيب سامسونغ أنه الشاشة 2K !! و أنا برأيي معالج سامسونغ هو السبب
بطاريته مقاربة للـ m8
وتشحن بسررررعة 3>
الحين شاشة 2K صارت عيب ؟ على فكرة بطاريته أفضل من ايفون 6 + تشحن بنص مدة شحن ايفون 6 (حرفيّاً)
المعالج روعة ! شاشة بهالدقة وبطارية بهالسعة ويعطي نفس أداء بطارية الجي 3 اللي بطاريته(3000)
دوك لاتصير من جماعة يقولون لول
[ أبريل 14, 2015, 09:29 AM: تم تحرير المشاركه من قبل: DIFFERENT ]
مرسلة من DIFFERENT (رقم العضويه 12040) on :
اللي يتشكون لأن بطارية الاس فايف كانت أفضل ، بالمقابل شحن الاس 6 أسرع
مرسلة من khalled (رقم العضويه 90093) on :
انا عجبني الايدج
بس اللون الي ابغاه مو موجود في الايدج موجود فالعادي الي هو الازرق الياقوتي مرسلة من Zyood (رقم العضويه 90699) on :
الكاميرا لذيذة
مرسلة من iDoc (رقم العضويه 74592) on :
خرافية !
مرسلة من iDoc (رقم العضويه 74592) on :
رد مقتبس:المرسل الأصلي هو Zyood:
الكاميرا لذيذة
كنت أبيك تصور بنفس الوضعية مع أيفون 6 او المرة الجاية مرسلة من DIFFERENT (رقم العضويه 12040) on :
الجهاز بِدعة ، الكام رهيب !
تحس انك مُحترف مرسلة من iDoc (رقم العضويه 74592) on :
كل بدعة ضلالة
مرسلة من DIFFERENT (رقم العضويه 12040) on :
مرسلة من R Y A N (رقم العضويه 90308) on :
عندي مشكله مع كام سامسونغ
ايام الs5 و ال s4 كان التسويق كله بأنها كاميرات أفضل جودة من الايفون سواء خصوصا عدد البيكسلات الأكثر
لكن هالشي من تجاربي الشخصيه نهائيا ما كنت اشوفه
وانا واحد اعشق التصوير بالجوال
ماشالله صج صور زايد تبين جميله واحترافيه بس يمكن هالشي راجع لاحترافيته هو .. أممم مادري
مرسلة من Zyood (رقم العضويه 90699) on :
[ أبريل 22, 2015, 03:36 PM: تم تحرير المشاركه من قبل: Zyood ]
مرسلة من DIFFERENT (رقم العضويه 12040) on :
مقارنة حلوة بس فيه بعض الملاحظات ،
الكام الفرق مو بسيط ! ويقول بسيط جداً ، لا الفرق كبير وخصوصاً بعد الزووم بعد التصوير التفاصيل أفضل بكثير بالاس سكس وعن تجربة .
النقطة الثانية البطارية ، الاس سكس أفضل ، مو بكثير بس أفضل + الشحن أسرع بكثير بكثير بكثير نص المدة تقريباً ! ومو كلام من المؤتمر ، الكلام هذا من تجربتي الشخصية .
الرام مثل ما تكلم صحيح الون قيقا رام ماعاد يكفي ، لي متى يا أبل ؟ لي متى اذا فتحت صفحات كثيرة بالمتصفح وبتنقل بينهم يرجع يعيد تحميلهم لأنهم مخلين السوفتوير مايحافظ على الصفحات المفتوحة ، كل هذا بسبب الرام ؟ طيب ليش !
بالنهاية لكل نظام مستخدم ، شخصياً ماعندي مشكلة بأي نظام ، بس مرتاح للأندرويد أكثر .
ندمت على الفترة اللي استخدمت فيها الآيفون ؟
لا ، كانت تجربة حلوة بمزاياها وعيوبها .
[ أبريل 22, 2015, 07:04 PM: تم تحرير المشاركه من قبل: DIFFERENT ]
مرسلة من iDoc (رقم العضويه 74592) on :
مليون مرة بطارية ايفون 6 افضل 😪
مرسلة من DIFFERENT (رقم العضويه 12040) on :
رد مقتبس:المرسل الأصلي هو iDoc: مليون مرة بطارية ايفون 6 افضل 😪
كلامي عن تجربة مو يقولون مرسلة من iDoc (رقم العضويه 74592) on :
![[heartpump]](graemlins/heartpump.gif)
![[Big Grin]](biggrin.gif)
![[Eek!]](eek.gif)
![[super]](graemlins/super.gif)
![[Embarrassed]](redface.gif)
![[crazy]](graemlins/crazy.gif)
![[bye]](graemlins/bye.gif)
![[Wink]](wink.gif)
![[rofl]](graemlins/rofl.gif)
![[sick]](graemlins/sick029.gif)
![[kiss]](graemlins/kiss.gif)
![[nerd]](graemlins/nerd.gif)
![[Razz]](tongue.gif)
![[Frown]](frown.gif)
![[battingeyelashes]](graemlins/battingeyelashes.gif)
![[applause]](graemlins/applause.gif)
![[crying]](graemlins/crying.gif)
![[pleased]](graemlins/pleased.gif)
![[eyelove]](graemlins/eyelove.gif)
![[worried]](graemlins/worried.gif)
![[nut]](graemlins/nut.gif)
![[smoke]](graemlins/smoke.gif)
