لو كنتوا مكاني تنصحوني بالايفون او اجدد واخذ اندرويد؟
مرسلة من K رم (رقم العضويه 76358) on :
هلا حمزة
أنا انتقلت للأيفون من شهر بعد عمر كامل أندرويد باستثناء فترة تلات شهور حملت ايفون 6 اس بلس بال 2017
ولما اشتريته من شهر كان الموضوع عندي للامانة مرتبط بالفزلكة وبريستيجات الشغل والناس اللي بضطر قابلهم
بس كان إلي تلتين الخاطر - حتى تقنياً - بموضوع الأيفون لإني مليت من الاندرويد وسوالفه
رفيقي معو سامسونج .. فاجاني انو مو هالشي العظيم اللي كنت متوقعه.. معه ألترا مدري شو اسمو يلي لونه موف ودهبي
لو بدنا نحكي عالفخامة والتصميم ودقة الشاشة والنظام بشكل عام فالموضوع محسوم ما بيتقارن بأي اندرويد
بتحس حالك حامل بإيدك سبيكة دهب عيار 24 حتى بغير اللون الدهبي حتى بالبلو باسفيك
نبهوني منه أنو أغلب التطبيقات مدفوعة عالأبل ستور وكلشي بمصاري .. بس كل شي بستخدمه موجود مجاني وبنسخ مدفوعة متل أي تلفون تاني التطبيق اللي بيعجبني بشتريه
بس فرق عليي بشغلة .. أنو ما عاد بقدر حمل اغاني مجانية عالسريع لطبقها عالستوري ببرنامج VN أو Inshot
بس تفاجأت انو أبل معوضة القصة وبتخلي ستوري الفيسبوك يتطبق عليه غنية من ستور الفيسبوك لمدة 26 ثانية المدة القصوى للستوري. بالأندريود كان بيعطيك 16 ثانية موسيقا من الستور وبكب باقي الفيديو ما بتشوفه بس تنزلها ..
وطبعا الأيفون علق معي تلات اربع مرات من شهر لهلق رغم انو عمره صفر بس مطول بالي عليه لانه معه سنة ضمانة لسا .. عدا ذلك لو فاتح ألف نافذه وفي بالاستديو 10 الاف صورة بضل ماشي معك متل الطلقة.
الكاميرا .. بين الجيدة والجيدة جدا وبتصير ممتازة حسب ظرف التصوير واللي عم يصور .. وفي نقطة مهمة انو بالتصوير الليلي بيعطيك نقاط الاضاءة الدخيلة لما بتصور هدف مضيء .. هي فضيحة لشركة أخدت منك 1500 دولار حق تلفون.. قالوا أنو موضوع فيزيائي بس لما كان معي شاومي كانت صورة الليل متل الكريستال ولا غلطة
بس الحلو بالكاميرا مانع الاهتزاز .. بتصوير الفيديو بتصور فيه دعاية لاجدع شركة بالعالم
البطارية حلوة ونظام أبل باي مريحني بكتير تفاصيل, دقة الشاشة وجمالها لا يعلى عليهم ..
والصوت .. صوت البفلات فيه خرافي كأنك بحفلة لشي ديجي عالمي
وموضوع MagSafe كمان حلو كتير
مبروك سلفا بنصحك فيه أكيد
مرسلة من حمـزة (رقم العضويه 82337) on :
شكرًا كرم فدتني وايد بمعلوماتك وفيه قصص ما كنت اعرفها والحسن توضحت لي
مرسلة من K رم (رقم العضويه 76358) on :
هلا حمزة واكيد بنصحك فيه عالعميانة بدون تردد
انا جبت البرو ماكس وجبت الميني لرحلات البحر والسهرة اللي فيها زحمة مشان حجمو الروعة ينحط بالجيبة ولا بتحس بوجوده بس بنفس الوقت بتحس بغيابه / حجم أبعاد عبقري لموضوع السرقات /
شوف هالفيديو صورته أول مبارح وكان عالسريع وبدون اعدادات وبالكاميرا الاسااسية وكان بس شي توثيقي ما اشتغلت عليه من قلبي
رفيقي معه سامسونج صور نفس المشاهد معي بالاخير كب الفيديو تبعه وقلي بعتلي فيديو تبعك
ونصيحة خود 12 برو ماكس لان 13 مو زايد عليه رح يكون غير ب500 يورو عالفاضي مرسلة من حمـزة (رقم العضويه 82337) on :
ماشالله التصوير قوي وفعلا وايد قالولي اخذ 12 برو ماكس لان التحديثات مو فارقة وايد الله يسهل ان شاءالله شكرًا
مرسلة من • مصطفى Mustapha • (رقم العضويه 90614) on :
حمزة لي متعود عالايفون صعب يروح للاندرويد بنصح ال 11 برو ماكس و 12 برو ماكس معايا الاثنين بس بصور لليوتيوب بالا 11 برو ماكس لانه مساحة التخزين فيه اكبر 512 جيغا و الصورة تطلع روعة 4k رغم انه الفيديوهات بعديهم على برنامجين للمونتاج عشان اقلل حجمهم و اعرف ارفعهم عاليوتيوب ال 12 برو ماكس رائع كمان و هو تلفوني الاساسي لي صرت استعمله كل الوقت البطارية افضل من الايفونات لي قبل بكثير الصورة رهيبة و خفيف في الاداء بس من الافضل اذا كنت ناوي تشتري اشتري اخر اصدار
انا لو منك ما بغير الابل ابدا لول بس انت شوف اكثر شي بيساعدك
[ سبتمبر 15, 2021, 06:42 AM: تم تحرير المشاركه من قبل: • مصطفى Mustapha • ]
مرسلة من حمـزة (رقم العضويه 82337) on :
يعطيك العافية مصطفى على المعلومات، للامانة انا طول عمري مع الابل واحس فعلاً لو انتقلت الى الاندرويد راح يكون كل شي صعب بالنسبة لي. ف ان شاءالله بتم على الابل واكمل المسيرة
![[Big Grin]](biggrin.gif)
.. صوت البفلات فيه خرافي كأنك بحفلة لشي ديجي عالمي ![[Razz]](tongue.gif)
