منتــدى الســالميــه: أسرار وخفايا الماسنجر

This is topic أسرار وخفايا الماسنجر in forum ساحة مميز الكمبيوتر والانترنت at منتــدى الســالميــه.

To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=8;t=000132

مرسلة من الــــ مـــــــروان ــــمر (رقم العضويه 1095) on :

حبيت ابين لكم من خلالل موضوعي بعض أسرار الماسنجر والتي يمكن ان تفيدكم ......

كيف تعرف مين اللي حذفك من قائمة الماسنجر :-

* الطريقة سهلة جداً وتتكون من عدة خطوات فقط إتبعها:-
1-من القوائم في الماسنجر أختر((أدوات Tools)).
2-بعد ماتختار الأولى أختار ((خيارات Option)).
3-تلقائياً بتطلع لك نافذة أسمها((السرية Privacy)).

في نفس النافذة راح تشوف مستطيلين واحد في اليمن وواحد في اليسار,,,,,أهم شي اللي في اليسار روح لهناك وأضغط على اللي تبي تعرف هل هو حذفك أو لا بالزر اليمين وراح تتطلع لك خيارات آخر واحد اللي هو ((حذف Delete))إذا شفت الخيار هذا بوضع تمكين معناه إن الرجال حاذفك أما إذا شفت إنها في حالة عدم التمكين أعرف أن الرجال مو حاذفك بس راكنك هههههه.. [Smile]

تحدث مع شخص غير مضاف :-

*تبغى تخم لك واحد خذ ذي الطريقة وتكلم مع واحد مو مضاف عندك ولا هو مضيفك كمان:-

بس أهم حاجة قبل ماتسوي الطريقة لازم يكون الرجال اللي تبي تخمة متصل على الأنترنت وكمان مشغل الماسنجر حقه.....بعدين تروح لقائمة الماسنجر حقك وتختار ((أدوات))بعدين تضغط على إرسال رسالة فورية راح يطلعلك أسماء الأشخاص المتصلين من اللستة حقك وتحتهم بتلاقي جهة إتصال أخرى إضغط عليها راح يطلع لك نافذة صغيرة أكتب فيها إيميل اللي تبغى تكلمه وأضغط موافق وراح يطلع لك مربع الحوار....بس أنت أول ماتتطلع له بيقول هذا هكر هههههههه.... [Smile]

أما في الحقيقة هي مجرد حركة ذكية من الماسنجر.

كيفية تغيير خلفية الماسنجر :-

*إذا أرت تغيير خلفية الماسنجر يعني الصورة الموجودة اللي على جنب فأنت تستطيع ذلك وكل ماعليك فعله هو أن تصمم صورة بحجم 240*240 بيكسل بحيث تكون بنفس حجم خلفية الماسنجر وتقوم بعد تصمم الصورة أو التوقيع بتغيير أسمها الى((lvback))وتأكد من أن يكون إمتداد الصورة gif وتقوم بالذهاب إلى مجلد الماسنجر وعادةً مايكون في هذا الإمتداد C:\Program Files\Messenger وتقوم بلصق الصورة بعد نسخها بعد النسخ سيقوم بسؤالك هل ترد إستبدال الصورة بال.....الخ؟ قم بالأجابة بنعم ستلاحظ أنه تم تغيير الصورة بالصورة حقك......!!!!

إظهار رقم آيبي المرسل :- (جماعه الهاك بيحبونها)

*إذا تبغى تطلع رقم آيبي أي واحد من الرسالة اللي أرسلها لك سواء قديمة أو جديدة هذي ميزة توفرها لك شركة الهوتميل وفي الحقيقة هذي الميزة لا تقتصر على إظهار رقم الآيبي فقط فهي تقوم بإظهار معلومة عن المرسل مثلاً هل أستخدم برنامج في إرسال هذه الرسالة كالأوت لوك أو غيرة من البرامج وأيضاً توفر لك هذه الخدمة انها تظهر السيرفر الوارد منه وهذه الميزة تفيدك بأنك ستعرف هل هذه الرسالة حقيقة أو وهمية.....كثرت كلام صح ولا تزعلوا هذي الطريقة:-
1-بعد ماتفتح بريدك روح لعند الخيار ((Options))وإضغط عليه.
2-راح تتطلع لك خيارات كثيرة انت بس أختر هذا الخيار((Mail Display Settings)).
3-راح تجيك ثلاث خيارات الأول سيبه وكمان الثاني روح لعند الثالث اللي هوه((Message Headers)).
4-في الخيارات بدل مايكون المؤشر في((None-Basic-Full))شيله وحطه على((Advanced))بس.
5-الآن ماعليك إلا تروح للشخص اللي تبي تطلع الآيبي حقه وتفتح رسالته وراح يعطيك معلومات عنه تحت عنوانه.

إستخدم الماسنجر من أي بريد آخر :-

*كيف لك أن تستخدم الماسنجر في الهوتميل من أي بريد آخر كالياهو أو أين أو متكوب...ألخ!إليك الطريقة التي إذا رغبت بإستخدام ماسنجر الهوتميل من بريدك الخاص من أي موقع آخر..:
1-عندما تقوم بفتح الماسنجر أقصد النافذة التي تكتب فيها بريدك والباسوررد الخاص بك في نفس النافذة ستظهر لك في الجنب الأخر هذه الصورة

والتي تعني هل تريد جواز يعني إذا تبغى رخصة إستخدام الماسنجر من أي بريد إضغط عليها.
2-بعد ما تضغط عليها راح يفتحلك موقع ويطلب منك بعض البيانات اللي طبعاً فيها أسم البريد اللي راح تطلب منه الباسبورت وتكتب له باسوورد وسؤال الأمن.....ألخ.
3-في الخطوة الأخيرة وهي بعد ماترسل لهم بياناتك طبعاً راح يرسلولك رسالة على البريد اللي طلبت منهم السماح أو الجواز وتتضمن الرسالة وصلتين الأولى عشان تضغط عليها ويتأكدون أنه بريدك وتأخذ الأذن على طول...والثانية يعتذرون منك في حالة أحد قام بكتابة بريدك وتضغط عليها عشان تكنسل كل شي.

توقيع دائم :-

*إذا أرت عمل توقيع يظهر دائماً مع كل رساله ترسلها ماعليك الا إتبع الخطوات التاليه:-
1- إذهب إلى قائمه خيارات((Options))وأضغط عليها
2-من قائمة الخيارات أختر خيار توقيع((Signature)) وأضغط عليه
3-أخيراً ستظهر لك نافذه مثل نافذة كتابه الرسائل العاديه الآن اكتب توقيعك الذي تريده أن يظهر تلقائيا نهاية كل رسال وأضغط OK إذا كنت تريد التوقيع وCancel للإلغاء فقط.

كيفية إخفاء اسمي من الماسنجر :-

أتبع هذه الطريقة:
1-إذهب إلى إدوات...Tools.
2-ثم خيارات....Options.
3-ظلل الأسم.
4-إضغط على مفتاح.."Alt"مع"Caps Lock"في نفس الوقت.
5-في أثناء ضغطك للمفتاحين .....أكتب هذه الأرقام((0158)).
ثم موافق .......وستلاحظ إختفاء اسمك من الماسنجر.

وتقبلوا تحياتي

مرسلة من BOUMETEEN (رقم العضويه 7) on :

تسلم والله خوووش معلومات ونستني [Wink]

مرسلة من الفارس الملثم (رقم العضويه 243) on :

تسلممممممم أخوي مرون

حركات حلوه

واللي يزدها روعه أنك أنت اللي كاتبها [Wink]

مرسلة من يوسف (رقم العضويه 279) on :

مشكووووووووووووووووووووووووور على المعلومات

UBB.classic™ 6.7.1