لمن كنت طالعه مع البنات قلتلهم ابي اغير كحل وانا عندي كحل channel بس مو عاجبني وايد وقلت ابي اجرب شيء ثاني قالتلي رفيجتي جربي maybelline gel eyeliner في 4 الوان : black black with gold navy blue purple
انا خذيت black with gold اهوا بلاك بس عليه لمعه من gold عجبني طريقه استخدامه مع الفرشاه وانتي تتحكمين فيه اسهل من القلم وسائل حتى وفرشتهم زينه بس مع الوقت تصير يابسه لذا احسن يكون في فرشتين
هذي صورته :
+ انا اكثر شيء يقهرني لمن اسوي flick عين اسويها حلو وعين شوي طالعه بره ويحتاج تضبيط اعصب واخر شيء اخليها وامسح flick الحلوه قهررر لوول
ثاني شيء هالايام انا وايد مهوسه بالحمر لاني ادور حمراء مو قادره القاها اللي في بالي شريت 5 حمر هالشهر وكلهم تقريبا درجات الوردي اللي ابيه مو لاقيته وامشي واشتري يعجبني بالمحل وبالبيت لا لوول ناسيه ارقامهم بس في حمرا ماابدلها بمليون لول غرامي وعشقي هاللون ولازم احطها من ميك اب فور ايفير رقمها 37 غرامي هالحمره
بخصوص الميك اب انا مو وايد اوفر بالميك اب مثلا للجامعه الشيء الاساسي لي هو الكحل وحمرا وماسكرا وبالبدايه كنت احط بس تحت العين وهالفتره صرت احط فوق العين وصار يعجبني وحلو علي بس لمن ارد البيت وامسح اللي فوق واضل باللي تحت احس عيووني احلى لوول بس كله ع المزاج
وشيء الثاني انا الحمدالله بشرتي صافيه وبيضه ومااحط فونديشين للجامعه ولا حتى loose powder لان لوني زين ومقبول وحتى مره وحده من البنات تقولي انتي حظج ما تحتاجين تحطين بشرتج صافيه ولون واحد بس مرات لمن اقعد مبجر ومزاجي فوق العالي ولي خلق احط loose powder اذا كنت بحط حمرا فوشيه