مرسله في
السلام عليكم جميعا" انا انشالله عندي زياره على دبي قريبا" لكن حبيت منكم تعرفوني على الاماكن الحلوه للزياره في دبي وايضا"حابه اعرف احسن محلات فساتين السهره المرتبه لاني بصراحه ذوقي جدا" صعب وما احب اي شي ومحلات العبايات وأكون شاكره لكل من يساعدني
-------------------- أنكان للدنيا وجه..فوجهها لبنان ..وأن كان لها اسياد فاسيادها قصمـــــان المشاركات: 82 | من: U.S.A | تاريخ التسجيل: مارس 2004
|
حبيبتي دبي كلها اماكن حلوه.. يعني وين ماتروحين تستانسين وتلقين شغلات حلوه (لاتخافين ماراح تضيعين فيها )
ما قصرت اختي ibrss787 بالاماكن اللي قالتهم..
جميرا كلها على بعضها حلوه يعني منطقه راقيه ومرتبه.. لو تمشين بشارع جميرا وناسه وبتحصلين اول شي Palm Strip مجمع صغير فيه كافيهات ومطاعم.. فوق في محل عبايات وشيل راقي وحلو Elite ..
بنفس الشارع في جميرا بتحصلين مجمعات صغيره وايد مثل مركز الشاطئ و تاون سنتر.. أنصحج في ميركاتو ( مجمع كبير على الطراز الايطالي القديم )..
بنفس الشارع لو تكملين سيده بتحصلين فندق جميرا بيتش و برج العرب و مينا السلام و القصر ( كلهم فنادق وفيهم كافيهات حلوه ).. أعتقد جدام شوي موجود مرسى دبي .. فيه مطاعم وقعده حلوه
طبعا سيتي سنتر غني عن التعريف.. برجمان.. مول الامارات ( فيه سكي دبي ).. ابن بطوطه.. وافي.. الغرير..
الكافيهات والمطاعم حدث ولا حرج.. بكل مكان موجوده .. مادري وين اقولج روحي من كثرها ..
السينمات بكل مكان بعد .. أنصحج تروحين سينما جراند Grand cinema عباره عن مجمع سينمات قريب فندق حياة جراند اليديد.. فيه صالات سينما و مطاعم وكافيهات ..
بالنسبه لمحلات العبايات والشيل.. بالاضافه لايليت، فيه محل اسمه My fair lady أو سيدتي الجميلة.. موجود في أبراج الامارات اللي في شارع الشيخ زايد.. محل حناين تلقينه بأكثر من مكان مثل سيتي سنتر والغرير.. محل اسمه First choice موجود بأكثر من مكان بعد مثل سيتي سنتر ..
أما بالنسبه لصحارى و ميغا مول هذيلا مجمعين في الشارجه.. صحارى وايد حلو و تحسينه شرح خصوصا بالنهار أحسه أحلى لما الاضاءه تدخل له ..
مممممم شنو بعد
هذا اللي في بالي حاليا.. واذا تبين اي شي انا حاضره
--------------------
أنا لا أملك جمال يوسف ولا قوة موسى ولا كنوز قارون لكني أملك في قرارة نفسي
"مالا يعلمه الآخرون"
المشاركات: 57172 | من: Kuwait & Dubai | تاريخ التسجيل: يونيو 2003
|