الكاتب
الموضوع: ( ابــشـــركـــم انـخـطـبـت )
أبوغزل
عضو جديد
رقم العضويه 78189
مرسله في يناير 01, 2007 06:27 AM
هذي قصه منقوله لبنت تحكي عن نفسها وتقول : ( ابــشـــركـــم انـخـطـبـت ) كنت قاعدة اتفرج عالتلفزيون ... متابعة مسلسل .. وجا مشهد زواج وحدة من الشخص اللي تحبه من زمااااان ... قلبت القناة على قناة ثانيه ... لقيت عرض أزياء فساتين عرايس... قلبت القناة .. لقيت خطوات وضع مكياج العروس ... سكرت التلفزيون وجريت الونة " تنهيدة كبيرة " تشقق الصدر التفت علىّ ابوي اللي نسيت تماما انه كان جنبي ... قال لي ابوي : خير إن شاء الله يابنتي ؟! وش فيك ؟! عسى ماشر ؟! انا تلخبطت ساعتها وفتحت له التلفزيون وقعدت ساكتة ... ايه اكيد بسكت وش اقول ؟ اقول له ودي أعرس ؟؟؟ ( يعني اتزوج بالعربي ) ... اقول له ان صاحباتي اغلبهم تزوجوا ؟؟؟ وإلا أقول له إني تمنيت أكون مكان بنت خالي في كوشتها وفي الزفة أمس ؟ يقطع الدراسة وسنينها ياشيخ ... اوف والله غثا .. يا بخت جداتنا ماتطق الوحدة العشر سنين إلا هي مخطوبة .. وعلى الثنعش اعرست .. وان وصلت البنت ثمنطعش ما اعرست قالوا عانس !!! هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا ... أخخخ .. يُبه الله يفتح عليك وتخليني اعرس ... وتفكني من الدراسة ... وساعة انا غارقة في قاع هذي الهواجيس ويرن التلفون ويقطع حبل افكاري ... طالع الرقم ابوي وقال رقم غريب ... رد بلهجة رسميه : - وعليكم السلام ..... الله يسلمك ..... الحمد لله بخير ..... ايه أنا أبوفلانة ( منيب قايلة لاحد عشان محد يعرفني ويضحك علي ) .... لا منت غلطان انا هو ... ماعليك زود الله يسلمك ... من معاي ياخوي ماعرفتك ... والنعم .... تفضل وش السالفة اللي تبيني فيها ؟.... لا ماني مشغول ... لهالدرجة الموضوع مهم ؟!... تفضل تكلم شغلتني ... والتفت ابوي علي وعطاني نظرة غريبة .. انا ساعتها قرصني قلبي مو من ردود ابوي بس من نظراته الغريبة .. رد ابوي على المتصل : وش فيها زود طيب ؟... لا بس مافيها أي ميزات عن الباقي ... اقول في نفسي .. ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل .. رد ابوي على المتصل : طيب وبعدين ... أيوه .... طيب وش اسمك الكامل ؟ وش تشتغل بالضبط ؟ طيب من دلك علي وعطاك رقمنا ؟ لا الموضوع يا ابني مو بهالبساطة .... العملية مش بيع وشرى وبس ... الواحد لازم يسأل كثير ويحرص قبل يقدم على أي خطوة ... لا موضوع انك تجي لبيتنا خليها بعدين ... لين أسأل عن كل صغيرة وكبيرة ... لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله .. انا كنت اتابع حركات ابوي وانا متشققة من الفرحة ... أخيرا انخطبت وبتزوج مثلي مثل غيري ... يوووووه أخيرا بلبس فستان أبيض منفووووووش أخيرا بطلع أجهز واتقضى للزواج ... بسوي زواج كبير مررررررة وبحط زفة ريميكس وطرحتي مابيها خليجية بخليها مبتكرة ... منيرة منيب عازمتها هي وخواتها .. ماعزموني الأسبوع اللي فات على الدي جي اللي سووه ... وحصة صديقة امي منيب عازمتها بعد مطوعة مالي خلقها تحوسني لو حطيت اورج ... وبشتري أغراض واشيل واحط واخطط ... بيصدع راسي بس ولو لذيذ هالصداع ... يوم قفل الخط ابوي التفت علي وهو مبتسم ابتسامة تعجب وهو ساكت ... قلت : - هاه يبه ؟ متى بيجي يشوفني ؟ - منهو - هذا اللي خطبني تو - وشو؟! - خطيبي اللي تو - تموووووونين انتي ووجهك صار خطيبك على طول ماعندك وقت .. - ايه يبه ترا احذرك هالمرة شف تكرش العريس .. مثل ماكرشت ولد أم مساعد العام الماضي . للحين تراها حازة في نفسي .. ترا هالمرة بضرب عن الدراسة ... والا الاكل مقدر اضرب عنه ... وجع يبه بعنس من تحت راس فعايلك بخطاطيبي ... والرسول حث على تزويج من ترضون دينه وخلقه ... وهذا الخاطب قايل قلبي انه أجودي .. ترا ما اعرفه بس اتوقع انه كذا... وترا العرس أهم من الدراسة عشان الجنس البشري ماينقرض .... وبعدين من قال لك اني منيب مكملة دراستي والله بكمل . حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك . - هي انتي وين رحتي ... حدك حدك لا تشطحين !!! - وش اشطح ؟! هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة - أي عريس وأي هم؟؟!! انتي مصخنة ؟؟ هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ .. قومي نامي يابنيتي .. ولا تكثرين قعدة قدام التلفزيون ... الحين بس عرفت ليه سكرتيه تو... انا لا تسألون عن وجهي ... الله يقطع أم العجلة اللي تعرفونها .... مشكلتي اني أجزم على طوووووول قبل أتأكد استروا ما واجهتوا -------------------- سبحان الله وبحمده سبحان الله العظيم
المشاركات: 60 | من: المدينة المنورة | تاريخ التسجيل: ديسمبر 2006
|
[ RaNa ]
عضو نشيط
رقم العضويه 69900
مرسله في يناير 01, 2007 04:19 PM
يا حرام تفشلت هالبنت يسلمو ابوغزل -------------------- Faraj
المشاركات: 260 | من: PaLesTinE | تاريخ التسجيل: أغسطس 2006
|
Remy
عضو متميز
رقم العضويه 9207
مرسله في يناير 02, 2007 03:51 AM
-------------------- ما في توقيع
المشاركات: 28652 | من: كوكب زحل | تاريخ التسجيل: يونيو 2003
|
¤§ مروى §¤
عضو مستمر
رقم العضويه 20931
مرسله في يناير 03, 2007 03:24 PM
شكرا علي الموضوع -------------------- فعلا فنانه العرب
المشاركات: 3738 | من: عاصمة الضباب | تاريخ التسجيل: فبراير 2005
|
Miss salmiya
عضو نشيط
رقم العضويه 47040
مرسله في يناير 04, 2007 11:26 PM
Merci 3ala elmaw'6oo3 -------------------- Miss Sαlmiya is BACK ... No Body Is Pαεrfεct .. I'm No Body !!
المشاركات: 639 | من: κύẁàįt •London | تاريخ التسجيل: ديسمبر 2005
|
أجـمــل إحـســاس
Miss Golden
رقم العضويه 9558
مرسله في يناير 10, 2007 04:13 AM
لووووووووووووووووووووووووووووول لو انا مكانها.. اتمنى الارض تنشق وتبلعني من الفشله شكرا بو غزل -------------------- أنا لا أملك جمال يوسف ولا قوة موسى ولا كنوز قارون لكني أملك في قرارة نفسي "مالا يعلمه الآخرون"
المشاركات: 57172 | من: Kuwait & Dubai | تاريخ التسجيل: يونيو 2003
|
كيفي مزاجـيـّــه
عضو فعال
رقم العضويه 10072
مرسله في يناير 12, 2007 10:05 AM
ههههههههههههههههههه --------------------
المشاركات: 4080 | من: Bahrain | تاريخ التسجيل: يوليو 2003
|
الدعسوووقه
عضو مستمر
رقم العضويه 35628
مرسله في يناير 12, 2007 11:16 PM
مشكور ع الموضوع -------------------- ]
المشاركات: 2291 | من: AD | تاريخ التسجيل: يوليو 2005
|
صــادق النـيـة
عضو نشيط
رقم العضويه 40252
مرسله في يناير 13, 2007 01:50 PM
لووووووووول تكبر وتنسى ان شاء الله ... ,,,,,,,,, كل الشكر لك اخوي بوغزل عالقصه ^_^ ارقى التحية من صادق النيه -------------------- التحـ ارقى ـية من النـ صادق ـية
المشاركات: 573 | من: united arab emirates | تاريخ التسجيل: سبتمبر 2005
|
™Z ينـــــــــــ هــ
عضو مستمر
رقم العضويه 45845
مرسله في يناير 17, 2007 12:57 AM
لوووووووووووووووول لا واحلى شي مش حاتعزم منيرة منيب هي وخواتها لان .. ماعزموها الأسبوع اللي فات على الدي جي اللي سووه ... بس موقف لا يحسد عليييه ابداااااااااا يعطيك العافية ابو غزل -------------------- THE ONE AND ONLY [/center]
المشاركات: 3070 | من: somewhere | تاريخ التسجيل: ديسمبر 2005
|
slsbeeel
عضو نشيط
رقم العضويه 68118
مرسله في يناير 31, 2007 02:34 AM
يسلمووووووووو ويعطيك الف عافيه --------------------
المشاركات: 261 | من: الكويت | تاريخ التسجيل: يوليو 2006
|
DaLaL Q8
عضو فعال
رقم العضويه 24
مرسله في فبراير 02, 2007 08:38 AM
ههههههههههههههههههههههههههههههههههههههههااااااااااااااا حلوه القصة شكرا -------------------- ألغى كلمة المعظم فالعظيم هو الله .. السلام الأميري أصبح السلام الوطني .. رفض طبع صورته على العملة الوطنية (الدينار) لأن العملة للوطن .. هكذا بدأ حكمه .. فلما الإستغراب إذا إنطبعت صورته الجميلة في القلوب ..!! الله يرحمك يا بابا جابر
المشاركات: 4456 | من: Kuwait | تاريخ التسجيل: أبريل 2001
|