الكاتب
الموضوع: حب عن طريق الزبالة ......
حبوبه السالميه
عضو نشيط
رقم العضويه 4214
مرسله في نوفمبر 30, 2002 09:05 AM
حب عن طريق الزبالة ...... هذي قصة من القصص اللي عجبتني ,,, وايد حلوة انصحكم بقرايتها ... و هي قصة مضحكة ... كانت في بنت عندها أخوات أكبر منها وأصغر منها وهي توها متخرجة من الثانوي المهم بالبيت ما عندهم خدامة كل يوم الدور على وحدة من البنات تطبخ وبعدين يوم يجي دور رمي الزبالة كان ابوها يرمي الزبالة "الله يكرمكم " عند الباب المهم جاء دور هالبنت عشان تنظف المطبخ هي نست اتنظف المطبخ لأنها كانت سهرانة مع اخواتها الين الساعة 2 الصبح... وبعدها خواتها طلعوا ينامون فوق... وهي قعدت تنظف المطبخ وتشطب عليه.. و يوم خلصت ... قالت اليوم بخلي الوالد يرتاح و انا راح ارمي الزبالة... وقامت طلعت الزبالة عند الباب ... فقالت ليش أحطها عند الباب خليني أتشجع وارميها بالزبالة احسن..** وطلعت بره بالشارع وكان الشارع فاضي.. مرة وكانت الساعة حوالي 3.30 المهم يوم جت تطلع ترمي الزبالة الهوا صك باب بيتهم هههههههه خخخخخخخ وقعدت المسكينة بالشارع ... فكرت ترن الجرس لكنها خافت أبوها يهاوشها ويسويلها شيء و يقوللها ليش رميت الزبالة من الاصل ..( لأن أبوها شديد)... وطلعت بالشارع ما عليها إلا ! جلابية حق البيت .. المهم حست أن صوت يقرب.. صوت سيارة !! قامت مسكت الزبالة وقلبتها ودخلت داخل الزبالة المهم كان اللي جاي ولد الجيران.. كان توه جاي من المقهى او من استراحة ... المهم جاء ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بالزبالة؟! واستغرب إن الزبالة مقلوبة قام قرب من عندها ...و جا بيرفع الزبالة ويزينها ...إلا صرخت البنت وقالت: لالالالا... قال: بسم الله الرحمن الرحيم.. إنتي إنس ولا جن؟! قالت: والله إنس، قال: إنتي وش جابك هنا؟؟!!... وقالت له: القصة وهي متغطية بالزبالة وترجت ولد الجيران يساعدها... قال:خلاص لا تخافين... قام قرب سيارته من باب البيت و ركب فوق السيارة ونقز وفتح للبنت الباب.. وقالها: ادخلي بسرعة لا احد يشوفك... قامت مسكينة ما صدقت رمت الزبالة ..وطلعت كذا قدام ولد جيرانهم المهم دخلت وقفلت الباب على طوول.... وولد الجيران واقف ما تحرك يناظر فيها المهم.. ما مر على هالسالفة يومين إلا جا وخطبها من أبوها وتزوجها... ههههههه والله قصة غريبة و زواج غريب ... لكن النهاية سعيدة .... اقول شو رايكم يالبنات كل وحدة تدخل الزبالة و تتريا و لد جيرانهم يجي عشان اول ما يساعدها يخطبها على طول .... __________________ تحياتي -------------------- حـــبوبه السـالميه
المشاركات: 857 | من: السعودية | تاريخ التسجيل: أكتوبر 2002
|
manaya
عضو نشيط
رقم العضويه 4400
مرسله في نوفمبر 30, 2002 09:41 AM
قصة غريبة والله اظن هذي القصة حصلت في الهند. [ 30-11-2002, 09:43 AM: تم تحرير المشاركه من قبل: manaya ] -------------------- ابنسحب في صمت ما استحمل وداع… واقطع حبال الوصل بينك وبيني… أكيد قصة حبنا كانت خداع… وكل المشاعر زايفة صدقيني…
المشاركات: 208 | من: دار زايد | تاريخ التسجيل: أكتوبر 2002
|
صبا
عضو جديد
رقم العضويه 4451
مرسله في نوفمبر 30, 2002 08:01 PM
ولا يهمج يا ام عزوز من باجر بصير خووش مره و اريح خدامتنا من شيل الزباله --------------------
المشاركات: 40 | من: الكويت(أنا كويتيه أنا) | تاريخ التسجيل: أكتوبر 2002
|
Spanish Eyes
عضو نشيط جدا
رقم العضويه 4396
مرسله في نوفمبر 30, 2002 08:10 PM
ههههههههههههههههه حلووووه يسلمووووووو والله -------------------- حــــــزب دار بو خليــــــفه عضو رقم(1)
المشاركات: 1892 | من: دار بـــــــوخليـــــــــــــــــــلفه | تاريخ التسجيل: أكتوبر 2002
|