This is topic لغة الحريم, ( قامووووووس لا يفوتكم ككككك) in forum ســاحــة الـمجـتمــع و الـــصــحــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=9;t=001868

---

مرسلة من الموج الهادر (رقم العضويه 11985) on :
 
بعض الرياييل ما يفهمون حريمهم.. وهذا سبب مشاكل كثيرة في البيوت.. إليكم قاموس لغة الحريم:

عادي:هذي الكلمة تستخدمها الزوجة في النقاش الحاد يوم تحس أنها على حق وتبغيك تنجعم. وحذاري من أنك تستخدم كلمة "عادي" إذا سألتك شو رايك في شكلها أو فستانها لأنك بها الطريقة بتبدأ "نقاش حاد" ثاني.

خمس دقايق:وتعني نص ساعة. وهي مساوية تماما "للخمس دقايق" اللي انت تقولها يوم يالس تتفرج على مباراة وحرمتك تطلب منك تسوي شي.

ماشي:وهذي معناها فيه شي، ولازم تحسب حسابك. فكلمة "ماشي" تستخدمها الحرمة عادة يوم يكون في خاطرها أنها تكفخك وترفسك وتجلبك داخل بره. فكلمة "ماشي" تعني بداية نقاش حاد بيستمر "خمس دقايق" وبينتهي بكلمة "خلاص"!

تفضل (وبحواجب مرتفعة):وهذا تحدي منها لك. وبيتطور الموضوع إلى أنها بتحرج على "ماشي" وتنهي السالفة بكلمة "خلاص"!

كيفك:ترجمتها: "أنا يأست منك. سوي اللي تبغيه." وفي خلال دقايق بتسمع "تفضل (وبحواجب مرتفعة)". وبيتبعها "ماشي" و "خلاص" .. وبترجع تكلمك عقب "خمس دقايق" يوم بتهدأ أعصابها.

نفخة من الحلج "أوف":وهذي مب كلمة في حد ذاتها، بل تعبير غير لفظي الرياييل ما يفهمونه عادة. يوم الحرمة تنفخ أوف، هذا يعني أنها تعتقد أنك غبي وتقول في خاطرها: "أنا ليش يالسة أتناقش مع هذا الإنسان على "ماشي"؟ "

ما عليه:وحدة من أخطر العبارات اللي ممكن تقولها حرمة لريال. يوم تقول لك "ماعليه" هذا معناه أنها تبغي فرصة تفكر زين في طريقة تخليك تدفع الثمن غالي. تستخدم "ماعليه" عادة مع "خلاص" وبالتعاون مع الحواجب المرتفعة.

تفضل طال عمرك:هذي مب عبارة بل عرض. هي فهذي اللحظة تعطيك فرصة أنك تطلع لها علثة مناسبة تبرر فيها موقفك من أي مشكلة انت سببتها. إذا كنت صريح معاها بتتجنب كلمة "ماعليه."

شكرا:الحرمة تشكرك. لا يغمى عليك. بس قول لها "العفو".

مشكور وما قصرت:وهي تختلف عن "شكرا". فالحرمة تقول "مشكور ما قصرت" يوم تكون معصبة عليك وايد. هذا دليل على أنك أهنتها بطريقة أو بأخرى، وبتييك "نفخة الأوف". انتبه في هذي الحالة ولا تسألها شو بلاها، لأن الإجابة بتكون "ماشي.
 

---

مرسلة من maab (رقم العضويه 10072) on :
 
هههههههههههه مو بشرط

ليش انت مجرب؟؟؟؟؟
 

---

مرسلة من بشرى (رقم العضويه 13406) on :
 
هههههههههههههههههههههه حلوه
 

---

مرسلة من 7aBoBah (رقم العضويه 10456) on :
 
لووووووول تونة بنات
 

---

مرسلة من قلب حساس (رقم العضويه 10429) on :
 
لووول اي والله مو جنه حجينا ومعناه بعد
 

---

مرسلة من أجمل إحساس (رقم العضويه 9558) on :
 
لوووووووووووووووووول
 

---

مرسلة من DL3 (رقم العضويه 11874) on :
 

 

---

مرسلة من الفــــــــلا (رقم العضويه 13008) on :
 
تصدق قاعدة اقرأ وامسك بطني من كثر الضحك

هههههههههههههههههههههههههههههههههههههههههههه

والله عرفتوا قاموسنا اخيرا بس ياليت التطبيق
 

---

مرسلة من بنوتة الكويتية (رقم العضويه 11646) on :
 


 

---

UBB.classic™ 6.7.1