ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم العـــام » ســاحــة الـمجـتمــع و الـــصــحــة » نصـــــائـــــح قبـــــل تـــوهـــق بشهـــر العســـل :)

إرسال هذه الصفحه لصديق!

الكاتب الموضوع: نصـــــائـــــح قبـــــل تـــوهـــق بشهـــر العســـل :) بـــ خلـــي ـــو عضو نشيط رقم العضويه 13772 مرسله في                     السلام عليكم ورحمة الله وبركاته أكيد لاحظتوا إن مواضيع الاعراس دايما تركز على العروس .. على ملابسها على مكياجها.. على صحتها على اعصابها و.و.و... والعريس المسكين .. محد جايب خبره ماغير ادفع وانت ساكت لذلك جرى التنويه لما يلي: تضامناً مع إخواننا المعاريس , المقبلين على الزواج واللي محد واقف جنبكم , اهدي إليكم هذه النصائح قبل العرس تأكد انك سويت الأشياء التاليه: قبل العرس بأسبوعين حسابك في البنك مغطى(مو تتوهق بكره وتقول ماقلتولي) حجز تذاكر السفر لشهر العسل.. حجز الاوتيل في بلد شهر العسل.. (خللي اختيارك رومنسي شوي يعني روح لمكان بعيد انت وياها (جزيره نائيه)فرصه تضيعها وترجع وحدك كنك ماتدري او مكان في الجبل والهواء حلو هديه بسيطة تهديها لعروستك في أول يوم عسل .. تجهيز كل الحاجيات لبيت الزوجيه .. قبل العرس بأسبوع لا تحلق ابد أسبوع كامل عشان يوم العرس تلق استلام التذاكر السفر.. استلام تأكيد حجز الاوتيل.. علق ثيابك في بيتك مو تروح طرزان.. ثوب العرس والبشت جاهزين.. أدواتك الشخصية كاملة وجاهزة.. فرشاه اسنان.. ماكينه الحلاقه.. عطوراتك.. ملابسك الخاصه.. نظف وجهك بالبخار قبل أسبوع من العرس ( علشان مايطلع وجهك منفخ في العرس) حجز موعد عند الحلاق علشان حلاقه ومساج و الخ الخ الخ. يوم العرس !!! خذ كفايتك من النوم بعد ماتقوم خذلك دوش دافي وتفرك زين تلاقيك من العيد للعيد تتسبح .. روق بالك وعقلك وفكر في افكار حلوه ورايقه عشان ينعكس الروقان على وجهك (يعني لا تروح العرس وانت مكشر او مرتبك او او او.) تغدى كويس لا تطيح علينا في العرس وتفشلنا عشاء مافي !! لاتحلم انك تاكل في الليل علشان تكون خفيف ياخفيف (في واحد مشفوح وتعشى قبل العرس وجاله تسمم من الأعصاب ليلتها وقضى الليله مابين الحمام والحمام وكانت ليله مايعلم فيها الا ربنا ولين الحين نضحك عليه بسبتها ). بخر الثوب والبشت وهدومك اللي بتلبسها كلها روح موعدك للحلاق وخليه يسويلك حلاقه معتبره ومساج عشان يروح أي ضغط عصبي وريلاكس البس هدومك وتبخر وتدهن بالعود وبخ من العطور الزينه وهذه لسته على البيعه بانواع العطور الرجاليه الحلوه: هافن هريريرا كارتييه شانيل بوشيرون س ت ديبون فلس الرجال مسيكين وهو بعد ماعرس روح الحين لعرسك بدري مو تحسب نفسك معزوم وتروح متاخر (يعنني اتغلى) ارسم الابتسامه الحلوه لحظة الدخول لقاعة النساء : سمي بالله ارسم ابتسامه حلوه وجه عيونك لعروستك اللي قاعده في الكوشه (هذا اذا سوت فيك حركه نذاله وسبقتك للكوشه وقعدت على الكرسي قبلك) اما اذا كنتوا ماشيين سوا: امسك يدها بشويش مو تضغط عليها كنك خايف وماسك ايد امك ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك لما توصل عند الكوشه وقبل لاتقعدون على الكراسي ارفع الطرحه عن وجهها وبوس جبينها الحين اقعد على الكرسي انتبه لا تقعد على كرسيها (واحد من الربكه بعد ماقعدت عروسته وهو كان يسلم على خواته وعماته وقام من الربكه قعد على العروس وكل الصاله قامت تضحك عليه ) بعد التصوير بيجيبون لكم عصير عشان تشربون انتبه لاتفشلنا وتشرب العصير لازم تشربها من كاسك وتشربك من كاسها وياريت تنتبه انك لاتطيح العصير على فستانها .. واذا لاسمح الله وطيحت العصير على الفستان اضحك ضحكه هبلاء وقولها طيحي عصير على ثوبي علشان نصير خالصين هههههه. وانت قاعد في الكوشه مع العروس انتبه تستخف دمك وتسالها مين هذيك ومين هاذي في واحد سال عروسته وهم في الكوشه قال لها مين هذيك اللي لابسه عدسات زرق وتضحك (من يومها وزوجته فاقده الثقه فيه) إذا عيونك ضربت شوط وشافت العدسات وش تسوي ؟؟ عندي لك حل البس نظارات سوود في العرس علشان لاتشوف احد بعض الاعراس يقومون العريس مع عروسته للرقص (لاتنسى نفسك وتردح وتفشلنا) ترى والله صارت مره قوموا العريس مع عروسته علشان يرقصون شوي والعريس استـنـزل . عند تقطيع الكيكة : امسك يدها وروحوا للكيكه ( يمكن ماتدل مكان الكيكه ) امسك السكينه ويدك فوق يدها على السكينه (كذا الاتيكيت) وقطعوا الكيكه ..خذ بالشوكه قطعه صغيره مره عشان تأكلها مو تحط نص الكيكه في الشوكه وتقولها كلي ترزز مره ثانيه للتصوير بس خلاص نادوا الناس للعشاء وكل واحد يروح بيته قلنا خلاص وش منتظرين؟؟ -------------------- العقــول الصغيــره تحادث الاشخــاص،، والعقــول المتوســطه تحادث الاشيــاء,, والعقــول الكبيره تحادث المبادئ المشاركات: 208 | من: kuwait | تاريخ التسجيل: يناير 2004  |  *الأصيلـــة* عضو فعال جدا رقم العضويه 258 مرسله في                     هههههههههههههههه موضوع جميييييل اخوي بو خلي.. الحين الشباب كللللللهم صايرين يعرفون الاتيكيت في الزواجات.. وشلون يتعاملون مع البنوتة.. بس الشى اللى فعلا ماني قادره انساه.. يوم الخميس كنت معزومة بفرح.. ودخل المعرس مع عروسته.. في حيــــــــــــــاتي ماشفت مثله.. اول شي مربي لحية وداخل على انغام الموسيقى لفتت نظري هالنقطة بعدين قلت يمكن يبي يجاملها.. شوي الا يغنون للعريس والعروس اغنية مانشوف الا العريس يرقص غربي(هذا وهو مسوي مطوع).. وماسك السيف ويسوى حركااااات قسم بالله ذهلت.. شوي منادى عالشلة ابوه..واخوانه..(عادي اخوانه يكشفون على زوجته مررره عادي محارمها)..وخاله وولد خاله.. وتعيد تغنيلهم المطربة وربي عاشوا جووووو يرقصون رقص الله لايبلانا..(عيلة فاهيه وربي).. مااؤيد دخلة العريس مع العروسة بالمره.. العريس رزة وهيبة..يوقف مع الرياجيل برى.. ووقت العشا ياخذ زوجته ويتكل.. لكن يدخل ويرقص ويستهبل مهزلة وربي..(==لليوم تذكر اختها بهالمعرس عموما موضوعك جمييل ياخوي.. واسمحلىانقله للمرأة..عشان ياخذ صداه هناك.. تحياتي لك -------------------- اللهم لك الحمد أطعمت وسقيت وكفيت وأغنيت لك الحمد رب ولك الشكر على ما أنعمت به وأوليت المشاركات: 14833 | من: حيث تُمطـــــــــر | تاريخ التسجيل: يوليو 2001  |  [BONITA] عضو مستمر رقم العضويه 11646 مرسله في                     يعطيك ألف عافية بو خلي عالموضوع الحلو. -------------------- المشاركات: 2752 | من: دار المـحــ الكويت ــــــبة | تاريخ التسجيل: سبتمبر 2003  |  حــبوبہ عضو فعال جدا رقم العضويه 10456 مرسله في                       لوووووول يسلمو -------------------- أبشرك قلبي نسى طعم الآلام .. نموت لكن ما تموت الكرامه دامك نويت الصد فالوعد قدام من يومنا حتى تقوم القيامه .... ياللي تقول في غيبتك حدي أيام .. و يرد قلبي يشتكي من غرامه بهديك للهجران عام ورى عام .. لا عاش راسي لو رجع في كلامه .. حــبوبہ .. المشاركات: 14858 | من: كو المحبة يـــت | تاريخ التسجيل: يوليو 2003  |  Pumpkin Gal عضو نشيط رقم العضويه 12548 مرسله في                    شكرا على الموضوع الحلو ! ياريت لو يكون في منتدى للرجل وفيه هذي النوع من المواضيع عشان كل الرجال يقدرون يقرون ويشاركون ! وشكرا مرة ثانية -------------------- ©§¤°^°¤§©¤ Pumpkin Gal ¤©§¤°^°¤§© ©§¤°^°¤§©¤ Pumpkin Gal ¤©§¤°^°¤§© المشاركات: 200 | من: البحرين | تاريخ التسجيل: نوفمبر 2003  |  بـــ خلـــي ـــو عضو نشيط رقم العضويه 13772 مرسله في                     شكرا على وجهت النظر وصــايف واحترم كل من يطرح راايه او مجرد مشااركه باسمه ,,ولج وجهت نظر انا شخصيا من مؤيدين لشيء هذا,, واتمنى نكون مانختلف على لب الموضوع مهما تبااعدت الارائ.... وشكرا على تفااعلكم مع موضعي واختيااركم له اتمنى ايف ماهوو مفيد ويسعدكم وشكراا,,,,,, -------------------- العقــول الصغيــره تحادث الاشخــاص،، والعقــول المتوســطه تحادث الاشيــاء,, والعقــول الكبيره تحادث المبادئ المشاركات: 208 | من: kuwait | تاريخ التسجيل: يناير 2004  |  قلب حساس Miss Dla3 رقم العضويه 10429 مرسله في                    ياشين السرج على البقر ماعتقد بيكونون ذربين يعني بس الله يسمع منك وانشالله يصير هالشي -------------------- قلب حساس المشاركات: 18694 | من: Disney World | تاريخ التسجيل: يوليو 2003  |  SMBY عضو جديد رقم العضويه 13660 مرسله في                        يعطيك ألف عافية أخوي المشاركات: 9 | من: كويت | تاريخ التسجيل: يناير 2004  |  أجـمــل إحـســاس Miss Golden رقم العضويه 9558 مرسله في                    صح لسانك ويعطيك الف عافيه اخوي بوخلي على هالموضوع.. عاد صج احنا كلنا تقريبا ناسين المعاريس ومركزين عالعرايس بس بس اللي صج ضحكني القصه اللي قالتها اختي وصايف لووول... الحمدالله والشكر اول مره اسمع بعرس جذيه .. لا والغريبه ان المعرس يعني مطوع -------------------- أنا لا أملك جمال يوسف ولا قوة موسى ولا كنوز قارون لكني أملك في قرارة نفسي "مالا يعلمه الآخرون" المشاركات: 57172 | من: Kuwait & Dubai | تاريخ التسجيل: يونيو 2003  |  الفــــــــلا عضو مستمر رقم العضويه 13008 مرسله في                       يسلموووووووووووووو اخوي والله قاعدة اقرا وميته من الضحك امي تمر من الغرفة وتقول الحمد لله والشكر البنت استخفت واضم صوتي لوصايف مايدخل المعرس مع النسوان -------------------- www.sebasound.com صبا الصوت . المشاركات: 2272 | من: دار صقر العروبة | تاريخ التسجيل: ديسمبر 2003  |  بـــ خلـــي ـــو عضو نشيط رقم العضويه 13772 مرسله في                     يعطيـــكم العافيـه بمشااركه الرأي ,,, انا مثل ما وضحت بالامر انا جداا مؤيد اختى وصاايف بس العادت والتقااليد تفرض علينــا اشياء احنا اصلا مانحبا ولا يقبلها ديــن,,,, وكل عائله ماتخلى من العيوووب,,, والكامل الله وحـــده مع العلـــم تم إلغـــاء دخووول المعرس إلى صاله العرووس بعد ماشخطتوو فيني هههههههههه,,, ورااح اجمع العائلــه وبعرض عليهم الصفحه عشاان يشوفون فضيحتهم بقلاقل ... ولكم فائــق الاحتــرام والود,,, أخوكم بو خلي -------------------- العقــول الصغيــره تحادث الاشخــاص،، والعقــول المتوســطه تحادث الاشيــاء,, والعقــول الكبيره تحادث المبادئ المشاركات: 208 | من: kuwait | تاريخ التسجيل: يناير 2004  |

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1