اعجبني خبر طريف قرأته في جريدة وهو : " أفادت دراسة أجريت في بريطانيا حديثاً أن تسوق المرأة وتجولها في الأسواق يفيد صحتها ويحسن حالتها النفسية .. في الوقت الذي يسبب ارتفاع ضغط الدم عند الرجل وتسارع نبضات قلبه وتوتر أعصابه .
وأظهرت الدراسة ان 31 % من الرجال على استعداد لأن يخوضوا مباريات وسباقات صعبة على أن يبحثوا عن هدايا مناسبة لزوجاتهم كما سجل عدد منهم انهم يدعون المرض أو يصابون بآلام الرأس والمعدة كلما طلبت زوجاتهم الخروج معهم إلى السوق مشيراً أن أكثر الاحداث الموترة للرجال .
ما رأيكم ؟؟ .. وهل هذا صحيح ؟؟ .. مع الوضع في عين الاعتبار ان المراة العربية اكثر حب للتسوق والشراء من نظيرتها الغربية واحنه ما نجوف حالتها النفسية تتغير
مرسلة من 7aBoBah (رقم العضويه 10456) on :
انا أعتقد إذا رحت السوق و إذا كان فاضي !! أستانس
بس إذا كان متروس و زحمة أزهق ! ما أحب ما أرتاح و انا أشتري
و ان الرياييل ما يحبون السوق هذي 99%
لأنه أبوي ما يرضى يروح السوق لو شنو إذا أبي شي من السوق يعطيني أو يعطي أمي فلوس و أشتري اللي ابي
يسلمو الموج الهادر
مرسلة من FaRoOo7h (رقم العضويه 13412) on :
غرررامي الشووبنج
التسوق يحسن من صحة المرأة << كلام مافيه شك
يعني لو اكون معصبه ويقولولي يلا سرينا لسوق تتغير حالتي >>>
بس بشكل عام في حريم وايد مايحبون يتسوقون والريايل عكس يحبون يتسوقون
مرسلة من 7aBoBah (رقم العضويه 10456) on :
الرياييل ما يحبون السوق السبب :
1- عشان الدفع
2- والنطرة برة المحل !
3- الفرارة من محل لي محل
بس يحبون السوق إذا كانوا رايحين يتمشون أو يتعشون
مرسلة من أجمل إحساس (رقم العضويه 9558) on :
أنا اشهد ان التسوق يحسن من مزاج المرأه
فعلا بالنسبه لنفسي احب التسوق او الذهاب للسوق ليس
بهدف التسوق فقط.. بل من اجل المتعه
مرات كثيره نروح فيها للسوق عشان نقعد في احد
الكافيهات المنتشره في المجمعات التجاريه والمولات..
تشرب لك شي و ( تتطمش ) على الناس .. يعني نطالع
اللي رايح واللي راد.. تغيير عن قعدة البيت..
أوافق حبوبه في كلامها عن الرياييل ليش يكرهون التسوق
وايضا بعد اوافق فروحه ان في رياييل وايد يحبون
السوق والفراره سواء للتسوق او لمجرد (القز) او يمكن
مثلنا يبون يشربونلهم Coffee
يعطيك العافيه اخوي الموج الهادر عالموضوع
مرسلة من maab (رقم العضويه 10072) on :