This is topic سؤال للبنت الجريئة فقط؟ in forum ســاحــة الـمجـتمــع و الـــصــحــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=9;t=003787

---

مرسلة من haider (رقم العضويه 35363) on :
 
سؤالي للفتيات فقط ولا مانع من إبداء الرأي من الشباب

السؤال هو ؟؟

لو مثلا فرضت عليك العائلة في اختيار شريك حياتك هل توافقين ؟

ولمااااذا ؟

أتمنى من جميع بنات المنتدى المشاركة بكل وضوح

تحياتي حيدر البغدادي
 

---

مرسلة من ®SaRa_Kw (رقم العضويه 6544) on :
 
السلام عليكم ..

انا اهلي ما يفرضون علي اكل .. فما بالكـ بريال ؟

لا يمكن انجبر على شي ..
هذا زواج يعني حياة لي الممات ..
شلون اعيش مع انسان مجبورة عليه ..

انا اذا رفضت انسان لمجرد الرفض اكون غلطانه خصوصا اذا كان خلوق و كل صفاته زينه حتى وضعه المادي ..
في هالحاله يكون الاجبار لمصلحتي ..
لاني بكبر عقلي و بشوف هالانسان على حقيقته الحلوة .. بدون نظرة سوداوية مني للامور ..

لكن انهم يجبروني على الزواج بانسان لا يمكن اني احبه او باسوأ الاحوال لا يمكن استحمل العيشه معاه .. هذا الشي اللي لا يمكن اني ارضى فيه ..
 

---

مرسلة من دلوعـة مـامـا (رقم العضويه 16197) on :
 




انا جوابـي نفس جـواب سـاره


يعني اعتقد وبهالأيام وهالجيل تحديدا
قليل تلقى اهل يفرضون على بناتهم زوج معين


بنات هالأيام راسهم يابس واللي يبونه يسوونه


وغير عن جذي هم يعني متفهمين حق هالسوالف
مو معقوله يغصبون البنت على واحد ما تبيه وتعيش معاه حياتها كلهـا

او حتى يجبرونها عليه وحرام شوي وتتطلق واهي صغيـره


انا عن نفسي ما ارضى احد يغصبني على شي
خصوصا باختيار شريك حياتي


بس الحمد لله انا اهلي مو من هالنوع


دلوعـة مـامـا




 

---

مرسلة من مغرومة ديانا (رقم العضويه 21283) on :
 
عادي لاني اثق باختيار اهلى

تحياتي
 

---

مرسلة من hot choclate (رقم العضويه 30961) on :
 
اكيد في بنات كثير يمرون بمثل هالموقف خاصه بالعوايل اللي تستخدم النظام التعسفي في القرارات المصيريه اللي مثل هذي
انا سمعت كم قصه انو انفرض على بعض الشباب يتزوجون من بنات معينين
الحمد لله انا عايلتي ديمقراطيه وعلى راحتي باتخاذ قراراتي وواثقين اني راح اكون على حق وراح اختار صح
 

---

UBB.classic™ 6.7.1