مرسله في
أنصحك أختي الخجولة بنصائح تجنبك الإحساس بالوحدة بأي مجتمع تكونين فيه والنصائح تساعدك انشاالله بالتخلي عن الخجل مو الحيـاء.
أحب أقولك أختي إن هذا الخجل مو مرض مثل ما يتوقعه البعض منا بس انه طبع يكون بالبنت مثل أي طبع تتميز فيه أي بنت سواء زين ولا شين انشاالله نصائحي تساعدك بأنك تبعدين عنك هالخجل: أحب أوضح لك أن فيه موضوعيات ما تحتاج منك أي نوع من الثقافة أكثر من انك تقرأين الجرايد(الصحف) هالشي يمكن يساعدك بأنك تقدرين تفتحين موضوع بأي مجلس أو شخص إذا حصل فيه مجال. إذا أنتي بمجلس الحاضرين يتكلمون عن موضوع ما عندك فيه أي خلفية لا يكون السكوت والإنصات بس هم الطاغين عليك, تقدرين تستخدمين ذكاءك بأخذ معلومات عن الموضوع بأنك تسالين عنه عشان تستفيدين من اللي ينقال وبكذا بتلقين أكثر من شخص يرد عليك ويفتح لك مجال للمناقشة وبكذا تقدرين تكسرين الخجل. لا تحاولين انك تغيرين موضوع ما تعرفين عنه شي بشكل مفتعل حاول تغيرينه بطريقه غير محسوسة. إذا انفتح معك موضوع ما تحبين انك تتكلمين فيه لا تبيني ضيقك من الموضوع بيني العكس بيني أن الموضوع عاجبك وبها لطريقه تقدرين المشاركة بالكلام, مثل فتحو موضوع عن السياسة أو الاقتصاد حاولي انك تمدحين النظرية اللي انقالت لك بدون انك تدخلين بالتفاصيل وبكذا تلقين اللي يناقشك يعطيك التفاصيل اللي ما عندك خلفية عنها وبكذا تدخلين بالحوار. إذا حصل وغلطتي مرة بمعلومة لا تتوترين ويبين عليك الخجل وتأكدي أختي أن كلنا نغلط ومو عيب من هالشي بس الأفضل في مثل هالموقف الابتسامة وسماع المعلومة الصحيحة وبرري انك غلطتي بالمعلومة بسبب كثرة المعلومات اللي براسك عشان كذا صار لخبطة بالبرمجة؟!!!. حاولي انك تجمعين معلومات عامة بسيطة عن الحياة والثقافة وأشياء من هالشي. حاولي انك تحفظين قصص ومواقف تقدرين تقولينها بأكثر من مكان ومجلس لان يمكن وتنحدين بان تفتحين موضوع بمجلس. لا تحاولين وتغشين أو تخدعين احد.
تحياتي. منقووووووو وووووووول
-------------------- جميل ان يكون لك قلب انت صاحبه
و لكن الاجمل ان يكون لك صاحب انت قلبه المشاركات: 1864 | من: المغرب | تاريخ التسجيل: أبريل 2005
|
إرسال هذه الصفحه لصديق!
لطباعه هذا الموضوع
![[rose]](graemlins/40.gif)
![[battingeyelashes]](graemlins/battingeyelashes.gif)
![[Smile]](smile.gif)
![[heartpump]](graemlins/heartpump.gif)
