This is topic هدية لخطيبي .. in forum ســاحــة الـمجـتمــع و الـــصــحــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=9;t=004091

---

مرسلة من سعودية وافتخر (رقم العضويه 25242) on :
 
السلام عليكم ورحمته الله وبركاته ..

انا صار لي كم شهر مخطوبة عقبالكم انشالله ..

وابغى اهدي خطيبي هدية بالعيد ياليت تساعدوني ماادري ايش يحبون الشباب من هدايا ..
واذا عندكم افكار للهدية لا تبخلون علي فيها ..

ساعدوني اذا ما عليكم امر ..
 

---

مرسلة من أجمل إحساس (رقم العضويه 9558) on :
 


عليكم السلام ورحمة الله وبركاته..


أول شي ألف ألف مبروك على الخطبه حبيبتي ..


الله يوفقج ويهنيج ويكتب لج اللي فيه الصالح والخير..


بالنسبه للهدايا المناسبه للشباب أقترح كم هديه ممكن تفيدج..

1- عطر او مجموعته اللي تبيي مع اللوشن والبودي سبراي و after shave وهالسوالف هذي..

من العطور الرجاليه اللي أحبها دنهل الاحمر والازرق بعد حلو.. يعجبني اتيرنتي من CK وفي عطور وايده ممكن تجربينها وتختارين اللي يعجبج منها..


2- ممكن بدل العطور الفرنسيه تجربين العطورات العربيه.. دهن عود.. مخلط.. بالاضافه الى بخور مع مبخر وتغلفينهم بطريقه حلوه


3- ممكن وانتي بكرامه تشترين له جوتي او نعال على ذوقج والافضل يكون موديله كلاسيكي عشان ماتكون له موضه معينه ويناسب كل وقت..


4- لو خطيبج يلبس دشداشه اللي فيها بزمه بالكم.. واتوقع أغلب السعوديين يلبسونها.. ممكن تشترين له بزمه حلوه وماركه مثل ديور مثلا>> شفت منهم وايد حلوين


5- ممكن تشترين له مجموعة تيشرتات رياضيه لو كان يلبس الملابس الرياضيه بكثره..


6- جربي تشترين له مسباح أنيق.. لو كان يحب يستعمل المسابيح..

7- ميداليه حلوه للسياره مثلا..

8- موبايل يديد..

9- مجموعة غتر يديده مثلا..


هذا اللي عندي حاليا وماوصيج بالتغليف الحلو مع بوكيه ورد .. انتي وذوقج عاد ..


 

---

مرسلة من غـــريب الــدار (رقم العضويه 3111) on :
 
شوفي اقترح اقترح


ولا شي

عن جد والله اكلمك تبين السبب اذكرة لك لاحقاً انشالله
 

---

مرسلة من ليتني همك (رقم العضويه 25242) on :
 
مشكورة على نصايحك اخت اجمل احساس ..

غريب الدار ليه ولا شي ..

ابي السبب ؟؟

ومشكور مقدماً ..
 

---

مرسلة من tears (رقم العضويه 2237) on :
 
مبروك
اهم شي تغلفينه هديتج بطريقه حلوه
وتحطين فيها شعر
 

---

مرسلة من ليتني همك (رقم العضويه 25242) on :
 
الله يبارك فيك ..

انشالله ومشكورة على مرورك ..
 

---

مرسلة من ValentineS (رقم العضويه 8815) on :
 
اقتراحي بسيط جدا وبصراحه كل الشباب يحبونها


و اول شيء اقول الف الف مبروك على خطوبتج


شوفي يا بنت الناس احل هديه تهدينها له

اهي كلمتين تقولينه بصراحه حبيبي بخاطري كلمتي ودي اقولها لك بصراحه دشيت المجمع ورحت ودرت محل محل ما ليقيه إلليه كلمه ( الله لا يحرمني منك انشالله ) وصدقني راح ينجن بهالكلمه وما راح ينساهل طول عمره

واسفين على القصور

[ أكتوبر 26, 2005, 10:48 AM: تم تحرير المشاركه من قبل: ValentineS ]
 

---

مرسلة من ليتني همك (رقم العضويه 25242) on :
 
الف شكر لك على مرورك ..
 

---

UBB.classic™ 6.7.1