This is topic أحبك نعم .... أتزوجك لا ...!!!!! in forum ســاحــة الـمجـتمــع و الـــصــحــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=9;t=004573

---

مرسلة من عاشق ألكويت (رقم العضويه 70971) on :
 
أ حبك نعم .... أتزوجك لا ...!!!!! لننـظر إلى هذه العبارة

أحبك نعم، أتزوّجك لا

واعتقد انة كثير من البنات تعرضو لمثل هذى العبارة ودمرت حياتهم

ومااخص البنات فيها بس لان كثير من الشباب انقالت لهم مع انها نسبة

قليلة

الآن جاء دور الاسئلة .:.

- لو قالها لك من تحبه هل تستمر في حبه؟

- هل تؤمن بالحب بدون إطار الزواج الشرعي؟

- هل تعتقد أن من يقول مثل هذه العبارة قادر على الحب مئات المرات مادام

لن يرتبط برباط الزواج أبداً؟

- ما رأيك في من يقول هذه العبارة إذا كانت ظروفه تسمح بالزواج فعلاً؟

- هل تعتقد أن الحب كعاطفة يقتلها الزواج؟

هل تستطيع ان تستحقر الطرف الأخر لدرجة أنك لا تريد أن ترتبط فيه إلى

الأبد و في الوقت نفسه تحبه ؟


بانتظار اجوبتكم وارائكم
__________________
 

---

مرسلة من bronze_sky (رقم العضويه 51987) on :
 
انا قبل كنت اؤمن ان الحب لابد و ان بنتهي بالزواج , بس عقب ما كبرت و عقلي كبر معاي

شفت ان الحب شي و الزواج شي ثاني , مثلا اذا انا

احب انسان و فيه مواصفات الزوج كان بها و خير على خير ونتزوج

بس اذا كان الشخص الي احبه مافيه مواصفات الزوج

و انا بتزوجه لمجرد الحب لا طبعا لان الزواج

مسؤوليات و واجبات و غبرها لكن الحب مافيه اي مسؤوليات

هي علاقه قائمة عالحب لا اكثر ولا اقل بعكس الزواج و إلتزاماته خاصه اذا كان الحب ياي على غفله من غير تكفير في الطرف الآخر من امكانيات ماديه و غيرها تسهل و تجعل الزواج ناجح ..
 

---

مرسلة من أجمل إحساس (رقم العضويه 9558) on :
 
هلا فيك أخوي عاشق الكويت ..

أشكرك على هالموضوع الحلو وعلى هالطرح الواقعي..


في البدايه احب اقول الله يعين البنات اليل عرفوا بهالحقيقه المره بالاخير.. يعني انصدموا في اللي يحبونه انه مايبي يتزوجهم..

اما اللي تدري من الاول هذا شي ثاني لانه باختيارها ورغبتها..


- لو قالها لك من تحبه هل تستمر في حبه؟


راح اعرف شالاسباب؟!!

لو مايبي يتزوجني لانه لعاب ويبيني مضيعة وقت او انه شاف له شوفه ثانيه اكييييييييد بخليه بدون اي تفكير..

اما لو عنده ظروف فعلا تمنعه من الزواج والظروف وايده فممكن اني اعذره.. وبالنهايه كل شي قسمه ونصيب..


هل تؤمن بالحب بدون إطار الزواج الشرعي؟


اذا هدف الحب هذا الزواج.. أِْؤمن فيه..


هل تعتقد أن من يقول مثل هذه العبارة قادر على الحب مئات المرات مادام

لن يرتبط برباط الزواج أبداً؟


مو شرط.. كل من له ظروفه الخاصه..


ما رأيك في من يقول هذه العبارة إذا كانت ظروفه تسمح بالزواج فعلاً؟

اذا ظروفه تسمح وقالها... يطلع نذل وخسيس ومايستاهل الحب لانه من النوع اللي يحب يلعب على بنات خلق الله ويغيرهم مثل مايغير سيارته..


هل تعتقد أن الحب كعاطفة يقتلها الزواج؟

المفروض الزواج يعزز الحب وينميه.. لان الزواج بيت وعشره وأطفال فلا بد للحب من ان يكون موجود وبقوه لانجاح العائله الصغيره..


هل تستطيع ان تستحقر الطرف الأخر لدرجة أنك لا تريد أن ترتبط فيه إلى

الأبد و في الوقت نفسه تحبه ؟


الزعل موجود بين الحبايب وهذا شي عادي..

ممكن نستحقر الطرف الاخر بلحظة غضب.. بس اني استحقره لدرجة اني مابي ارتبط فيه وبنفس الوقت احبه هذي قويه...

ممكن اعزه كأخ او كصديق ومابي ارتبط فيه.. بس مو احبه..


---


يعطيك الف عافيه اخوي وماقصرت على هالموضوع الحلو



 

---

مرسلة من قلب حساس (رقم العضويه 10429) on :
 




اول شي تسلم ع الموضوع ^_^

_____________


- لو قالها لك من تحبه هل تستمر في حبه؟

اول شي انا ماحب احد الا يكون اهوه يحبني قبل لوول..مابي اعلق نفسي في حلم احب احد واهوه ماراح يحبني...واذا حصل هالشي بتقببببببل هالشي وراح يكون يووم المنى بالنسبه لي

__________

- هل تؤمن بالحب بدون إطار الزواج الشرعي؟

اؤمن بالحب..لان وايد علاقات حب تفشل بالنهايه بعدم الزواج..


_________

- هل تعتقد أن من يقول مثل هذه العبارة قادر على الحب مئات المرات مادام

لن يرتبط برباط الزواج أبداً؟

اذا السبب منه ماراح اتزوجه يووووولي ليش يحبني بالله

بس اذا ظروف يمكن ..


__________



- ما رأيك في من يقول هذه العبارة إذا كانت ظروفه تسمح بالزواج فعلا

اذا كانت ظروفه تسمح له !! ونااوي!!

طبعا راح يعجبني

___________

- هل تعتقد أن الحب كعاطفة يقتلها الزواج؟

لا..مو بكل الاحوال..مرات يكبر الحب اكثررر

ومرات ينتهي ..

__________


هل تستطيع ان تستحقر الطرف الأخر لدرجة أنك لا تريد أن ترتبط فيه إلى
الأبد و في الوقت نفسه تحبه ؟



اي نعم

اسويها انا خخخخ .. والله بنفس الوقت يمكن اتزوجه


تحياتي فديتني ارق قلب حساس





 

---

مرسلة من anane of the sahara (رقم العضويه 43195) on :
 
و ليش ما يكون العكس كثير بنات ما تحب انها ترتبط يعني تحب تعيش علاقة حب بدون إرتباط الزواج رح يقيدها و يجعل منها مسيرة و مش مخيرة خصوصا رجال الزمن هدا بس يتمسكنو حتى يتمكنو.و بعد البنت تكون عاشت حياتها بعدين تفكر في الارتباط جديا بس ما تفكر بقلبها تفكر بعقلها لانو الحب قبل الزواج مش هو نفسو بعدو كثير الاشياء تتغير بعد كم شهر او كم سنة زواج
 

---

UBB.classic™ 6.7.1