في رمضان عندنا ذكريات ما ننساها من كنا صغار الى الان
في رمضان تكثر زواراتنا وعزايمنا واكيد طبخاتنا
في رمضان نتفنن بجميع الطبخات من سلطات واطباق رئيسية وحلويات
في رمضان تكثر فيه المسلسلات والبرامج وتكثر معاها سوالفنا
وفي رمضان حبيت نجتمع في ساحة المرأة والمجتمع عشان يكون رمضان احلى بجمعتنا وسوالفنا
•••
____________•____________
••• القرآن الكريم ••• أدعية ••• أذكار ••• ليلة القدر •••العشر أواخر •••
بقسم العبادة نذكر بعضنا بالعبادة
نشارك بعض بطرق ختم القرآن
والأدعية والأذكار وأفضال الشهر الكريم
وغيرها الكثير من العبادات
____________•____________
•••فطور•••سحور•••غبقات••• سلطات ••• أطباق رئيسية ••• حلويات ••• مشروبات •••غبقات •••كل ما يخص المطبخ •••
بقسم المطبخ نجهز الفطور والسحور
طبعا في شهر رمضان موائد الفطور والسحور تكون عامره
بمختلف الأصناف ما لذ وطاب غير الغبقات والعزايم
راح نتشارك بأحلى أنواع الأطباق
من سلطات وأطباق رئيسية وحلويات ومشروبات
وكل ما يخص المطبخ والموائد الرمضانية
____________•____________
•••ترفيه•••مسلسلات•••برامج••• طلعات ••• زوارات ••• دراسة ••• ستايل رمضان •••أزياء •••مكياج •••
بهالقسم راح نسولف عن كل شي وراح نرفه عن نفسنا
شنو نتابع من مسلسلات وبرامج
طلعاتنا.. زواراتنا
أزياءنا .. شهر رمضان شهر الدراريع
راح نتكلم عن ستايلنا برمضان مكياجنا لبسنا
الدراسة برمضان وغيرها الكثير من الواضيع
____________•____________
•••ذكرياتنا•••مواقف طريفة•••مواقف حزينة•••
ذكريات .. يا كثر ذكرياتنا برمضان
رمضان شهر الذكريات .. شلون نقدر ننسى ذكرياتنا بهالشر
ايام ما كنا صغار ونسوي روحنا صايمين وناكل من ورا اهلنا لول
والا ايام القرقيعان وفرارتنا بالفرجان نجمع القرقيعان
ولما نرد البيت ناكل القرقيعان ونشوف منو يمع اكثر
وغيرها وغيرها من الذكريات الحلوة والظريفة
____________•____________
باختصار حبيت من هالموضوع نتيمع برمضان
ونسولف وندردش على راحتنا لان رمضان شهر واحد بالسنة وحلو نتيمع فيه
وأتمنى يعجبكم الموضوع
ورمضان كريم
[ سبتمبر 15, 2007, 05:15 PM: تم تحرير المشاركه من قبل: [BONITA] ]
مرسلة من Goran Kurdi (رقم العضويه 21152) on :
اولا كل عام وانتم بالف خير موضوع حلو !
سيكون لى رد مفصل بعدين طبعا بعد ما افطر
لوول تسلمى على موضوع
مرسلة من الصغيره (رقم العضويه 10056) on :
فكرة موضوعج وايد حلو يعطيج الف عافيه والتنسيق بعد اروع
واكيد لي رجعه للموضوع مرسلة من 7aBoBah (رقم العضويه 10456) on :
اول شي اشتقنالج بونيتا شخبارج مبارك عليج الشهر مرة ثانية ثاني شي شهالمفاجآت الحلوة شهالزين شهالحلاة ... موضوعج يبيله قعده طويله بأقسامه الحلوة
خاصة الطبخات اللي ترست بطوننا .. نشتهي الاكل وودنا ما نقوم بس ماكو مكان ببطوننا
ان شاء الله لي مشاركة ثانية
مرسلة من &بنت النــور& (رقم العضويه 12387) on :
كل عام وانتي بخير بونيتا والله مو غريبه عليج المواضيع الحلوة والافكار الجديدة بسراحه موضوع حلو رمضان يجمعنا كل سنه بصحه وعافيه ونشاءالله راح اكون من متابعين الموضوع
مرسلة من الصغيره (رقم العضويه 10056) on :
تدرون احلى شي برمضان ان الناس تذكر بعض يزورون بعض يتيمعون وبالايام العاديه مانشوف بعض الا بالمناسبات والله انه شهر الخير والبركه والاحلى فيه ان الناس تسامح بعضها والمفروض الواحد يبدي الشهر الكريم بانه سامح اي شخص او انه يتذر لشخص اساء له لانه اذا بدى شهر رمضان واهوا شايل على الناس ماينقبل صيامه
مرسلة من ™Miss jOrdan (رقم العضويه 19623) on :
هلا بوني هالمواضيع المميزة تعودنا عليها تطلع منك يا زوق نورتي المنتدى موضوعك روعة وردي المفصل بعد الافطار \هلاء جوعانة مش مركزة مرسلة من فتونة المزيونة (رقم العضويه 11514) on :
موضوع وايد حلو ومميز
يعطيج الف عافيه على المجهود الرائع
لي عوده مره ثانيه مرسلة من هندو (رقم العضويه 82207) on :
اشكرك على الموضوع القيم
مرسلة من [BONITA] (رقم العضويه 11646) on :
••• السلام عليكم •••
•••
Goran Kurdi
وانت بخير وصحة وسلامة منور الموضوع وبانتظار ردك
•••
الصغيره
تسلمين حبيبتي ومشاركتج اروع وانا معاج باللي قلتيه احلى شي الزوارات والتسامح والله ان شاءالله يتقبل صيامنا وقيامنا
•••
حبوبة
تشتاقلج العافية حبيبتي ومنورة الموضوع بردج الحلو اي والله الاكلات نسوي ونتفنن بس ما نقدر ناكل خصوصا عالفطور ناكل جم لقمة ونشبع وتلاقين السفرة متروسة حياج الله منوره وبانتظار عودتج
•••
بنت النور
وانتي بخير حبيبتي تسلمين حبيبتي عالاطراء الحلو وحياج الله بالموضوع متابعة ومشاركة معانا بافكارج الحلوة علميننا الطبخات السعودية
•••
سوما
هلا وغلا سوما هذا من ذوقج حبيبتي وتعالي كل يوم شاركيننا بالموضوع علمينا الاكل والعادات الاردنية برمضان
•••
فتونة المزيونة
تسلمين حبيبتي وردج الاحلى
وبانتظار عودتج وردج مره ثانية
•••
هندو
العفو حبيبتي وحياج الله وبانتظار مشاركتج معانا
•••
مشكورين عالردود والمشاركة
شلونكم مع رمضان والصيام والقيام
وشلونكم مع الزوارات لان صج مثل ما قالت الصغيره احلى شي برمضان الناس تذكر بعض وويتيمعون
واكيد مثل ما قالت الصغيره احلى شي التسامح
الحين خلوني انتقل حق اقسام الموضوع واحطلكم جم شغله مجهزتها لكم
وان شاءالله ينالون على اعجابكم
•••
____________•____________
••• القرآن الكريم ••• أدعية ••• أذكار ••• ليلة القدر •••العشر أواخر •••
أدعيةرمضانية ••••••••• اللهم اجعل صيامي فيه صيام الصائمين، وقيامي فيه قيام القائمين، ونبّهني فيه عن نومة الغافلين، وهب لي جُرمي فيه يا إله العالمين واعفُ عني يا عافياً عن المجرمين. ••• اللّهم قرّبني فيه إلى مرضاتك وجنّبني فيه من سخطك ونقماتك، ووفقني فيه لقراءة آياتك برحمتك يا أرحم الراحمين. ••• اللّهم أرزقني فيه الذهن والتنبيه، وباعدني فيه من السفاهة والتمويه واجعل لي نصيباً من كل خيرٍ تنزل فيه بجودك يا أجود الأجودين. ••• اللّهم قوّني فيه على إقامة أمرك وارزقني فيه حلاوة ذكرك، وأوزعني فيه لأداء شكرك بكرمك واحفظني فيه بحفظك وسترك يا أبصر الناظرين يا خير الناصرين. ••• اللّهم اجعلني فيه من المستغفرين واجعلني فيه من عبادك الصالحين القانتين واجعلني فيه من أوليائك المتقين (المقربين) برأفتك يا أرحم الراحمين. ••• اللّهم لا تخذلني فيه لتعرّض معصيتك ولا تضربني بسياط نقمتك وزحزحني فيه من موجبات سخطك بمنّك (واياديك) يا منتهى رغبة الراغبين. ••• اللّهم أعنّي فيه على صيامه وقيامه وجنّبني فيه من هفواته وآثامه وارزقني فيه ذكرك بدوامه بتوفيقك يا ولي المؤمنين (يا هادي المضلّين). •••••••••
____________•____________
•••فطور•••سحور•••غبقات••• سلطات ••• أطباق رئيسية ••• حلويات ••• مشروبات •••غبقات •••كل ما يخص المطبخ •••
1- يغسل البرغل بالماء ثم يتنقع ويوضع على جنب لمدة تقريبا ربع ساعة او عشر دقايق 2- يتبل البصل المبشور بالفلفل الاسود والملح حسب الرغبة وشوية دارسين 3- توضع كل الخضراوات في اناء ويوضل فوقها البصل المبشور اللي تبلناه 4- يعصر البرغل ويخلط مع المقادير 5- تضاف كمية كبيره من زيت الزيتون 6- يضاف عصير االليمون حسب الرغبة
وبالعافية •••
____________•____________
•••ترفيه•••مسلسلات•••برامج••• طلعات ••• زوارات ••• دراسة ••• ستايل رمضان •••أزياء •••مكياج •••
الدراسة برمضان متعبة خصوصا مثل حالاتي ايام دوامي من 8 الصبح وارد البيت عالثلاث والا اربع ما يمديني ارتاح
وغير يوم الخميس دخلة المشرحة برمضان وريحتها والجثث ويع
نرد البيت لايعة جبدنا مالنا خلق ناكل يوم الخميس بعد المشرحة لول
وغير الكوزات يعني مادري ادرس والا اتعبد والا اطالع تلفزيون لول
بس قمت اتعود عالوضع مالت عليهم المفروض يعطوننا برمضان عطلة
احس صاير جدول رمضان زحمة دوام وعبادة وتلفزيون وزوارات وتسوق حق العيد
بس الحمدلله ماشية بالطريج الصح بختم القرآن الكريم
ومو مخلية شي مو متابعته برمضان بس اهم شي باب الحارة انطره نطره ونعم ولا والخراز واي شي ثاني يوم اي ويوم لا حسب الوقت لول
وبرنامج قصص الانبياء تقديم نبيل العوضي وايد احبه واتابعه على قناة الوطن قبل الفطور
قولولي شنو جدولكم برمضان وشنو تتابعون
____________•____________
•••ذكرياتنا•••مواقف طريفة•••مواقف حزينة•••
اتذكر كل سنة اظل اشتري حق العيد لما اخر يوم برمضان لما يسكر السوق لول
ذوقي صعب لول السوق يصير خايس قبل العيد وصعب الوحده تحصل شي على ذوقها
اقعد افتر ما اخلي ولا مجمع لازم نشتري جم بدله واكسسوارات
ومكياج وعطورات حق العيد ودراعة حق الزوارة
الله يعيننا هالسنة وما نظل لما اخر يوم بالسوق
____________•____________
وبانتظار مشاركاتكم وتعليقاتكم وسوالفكم
[ سبتمبر 22, 2007, 04:00 PM: تم تحرير المشاركه من قبل: [BONITA] ]