This is topic موضــة الـ"شوارفسكي " تجتاح الكويــت ... ~!* in forum ســاحــة الـمجـتمــع و الـــصــحــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=9;t=004881

---

مرسلة من قلب حساس (رقم العضويه 10429) on :
 



Swarovski





موضة الكريستال او شوارفسكي .. صااارت بكل مكان


اللي نعرفه ان الشوارفسكي ( علامتهم السوان ) على المجوهرات

اما الحين فصارت بكل مكااااااااااااااان

كل ما اروح مكان اشوف بويهي شغلات تتلامع وتدمع لها الاعين من جمالها


على السيارات : الشباب حاطين على شعار السياره كريستال ولا على اسم السياره ووولا كاتبين عبارات مثل " سبحان الله "
اوو علامات ولا ماركات ولا شعار فريق او من هالسوالف


وبعد شفت على الموبايلات ( اجمل توها مسويه تلفونها ) والفال لي


وعلى الشيلات والملافع

وعلى كفرات اللاب توب

وعلى الجواتي

وعلى سماعة التلفوون = جم نقطه كريستال بس لول

وو على الملابس

وو شفت انا نظاره الغوووص مالت البحر كللللللها كريستتاااال.. مادري الاخ كاشخ للسمج


عاد الكويتيين اذا هبوا بشي .. الكللللل يسويه لول


وهذي صوور
















كوووووول بس في شغلات أوفر


تحياتي فديتني ارق قلب حساس




 

---

مرسلة من فطونة (رقم العضويه 19557) on :
 
ماتبقين تراجي شوارفسكي


حلوو اذا كانت بسيطه


وصارت مووووضه الله يعين الموضه اللى بتيي


يسلمو قلبووو


يعطيج الـــف عافيه
 

---

مرسلة من [ Hadoola ] (رقم العضويه 15440) on :
 
طب قلبو وين يسونهاهذول ؟!

عجبتني فكرة كوفر للاب توب ..

خاطري اسوي لاب توبي ولا جوالي ..

وين ؟!
 

---

مرسلة من Kuwaity (رقم العضويه 4) on :
 
تسلمين قلب حساس انا ملاحظ من زمان والله يا اختي عندنا بالكويت ظاهرة التقليد شي بشع الناس تقلد كل شي الزين والشين يعني مثلا الشوارفسكي اول ماوصل كان في بعض الملافع (الشيله)وبدا ينتشر بشكل خطير ومثلا قصة شعر حليمة بولند بدأت تنتشر والحين صارت موضة وظاهره او صاحبة صالون حنان دشتي وآلاء دشتي صارو الحين اشهر من مدونا وكان مافي كوافيرة غير حنان و آلاء دشتي

اقول الله يعين الحريم على التقليد الأعمى هذا
 

---

مرسلة من razan007 (رقم العضويه 233) on :
 
ايييييييييي .. بس ما تحسون بنات ان هالموضة طولت عندنا ؟؟

عادة احنا نهب بالشي سنة و ننساه .. بس هذا له سنتين يمكن

عن نفسي الشوارفسكي ما جربته إلا على الشيلات ّو هم بعد على عباية عباية وحدة .. اذكر شريتها طقم مع الشيلة للضرورة

و اللي صارت اسعارها خياليه بسبته

احس وايد بوق و نهب صاير .. و ان قلتي ليش غالي جيذي و ماكو غير نقشة صغيرة بطرف الشيله يقولج هذا شوارفسكي اصلي

ودي اجرب احط على تلفوني بس متحسفه عليه و حرام اخرب التلفون فيه

اما مال اللاب توب يونس .. ودي اجربه

يسلمووو قلبووو عالموضوووع
 

---

مرسلة من روح المحبـــة (رقم العضويه 12395) on :
 
شفت شيل وعجبتني الحركة

الموبايلات كمان حلوين

اكره شي عندي اذا صارت شغلة واحدة الكل مسويها تحسينهم كلهم شبه بعض
 

---

مرسلة من Kuwaity^Cool (رقم العضويه 10667) on :
 
الكريستال صار موضه هالسنه

كل ماأروح مكان الاقي شغله مطرزه بالكريستال

سيارات - تليفونات

انا حاط على اطار شاشتي
 

---

مرسلة من ابو الزلف (رقم العضويه 81393) on :
 
بالتلفزيون كثير فولكير
حبيت سوبر ماريو و التلفونات الجوالة
 

---

مرسلة من 7aBoBah (رقم العضويه 10456) on :
 
حلو الشوارفسكي
وايد استخدمته بالشيلات
و جربت فصلت عباية بعد .. بس خليتها حق العروس لول
وايد تلمع

و ان شاء الله قريبا بسوي تلفوني
 

---

مرسلة من 7aBoBah (رقم العضويه 10456) on :
 

رد مقتبس:

---

المرسل الأصلي هو razan007:


احس وايد بوق و نهب صاير .. و ان قلتي ليش غالي جيذي و ماكو غير نقشة صغيرة بطرف الشيله يقولج هذا شوارفسكي اصلي

---

اي والله قاصين علينا
 

---

مرسلة من DaLaL Q8 (رقم العضويه 24) on :
 
نسيتي تيبين طاري الضرس الشوارفسكي خخخخخخخخخخخخخخخخخخخ

حلو طبعا الكريستال بس مو حق النهار والدوام والجامعة وايد يبرق
 

---

مرسلة من / حبيتـكـ بجنـون / (رقم العضويه 19099) on :
 
شوفو حتى ديانا كرزون فستها الي اطلت في المرة الاخيرة ببرج العرب

من تصميم وليد عطا الله كلو شوارفسكي

روعة

 

---

مرسلة من أجمل إحساس (رقم العضويه 9558) on :
 
يهبل الكريستال .........


تلفوني سويته من قبل بس كان لون والحين غيرت اللون


الشيلات طبعا مزينتها الحين كريستالات الشوارفسكي بكل الوانها واشكالها..


ومثل ماقلتي.. على الملابس والسيارات اللاب توبات الاكسسوارات حتى الجواتي وانتوا بكرامه..


أحلى شي ان الكل يستخدمه من بنات وشباب

---


رزان..


ايه طولت الموضه بس احسن عشان الشيلات الغاليه وكل شي غالي شريناه مايطيح بجبدنا


بالاضافه ان انا ماشوفها موضه كثر ماشوف انها شي كلاس وراقي والواحد يقدر يستعمله بأكثر من مكان وبأكثر من شكل يبيه..


ثانكس قلبووووووووووو عالتوبيك الروعه
 

---

مرسلة من razan007 (رقم العضويه 233) on :
 
حبوبة

شفتي شلووون .. و المشكلة ندري انهم قاصين علينا و هم نروح نشتري ماكو فايدة

====

اجمليتا

اييييييي والله صدقتي .. اهم شي انها طولت علشان الفلوس اللي قطيناها نحللها ما تروح بلاش

من ناحية انها راقية .. صج صج شكلها وايد حلو و ناعم و كلاس
 

---

مرسلة من أجمل إحساس (رقم العضويه 9558) on :
 
^
^


اي والله .. أصلا تدرين انا استانس لما اروح مكان واشوف الناس ليلحين يشترون


عشان أحس ان الموضه مطوله بعد ومطلوبه ليلحين بقوه وهالشي يريحني من الداخل
 

---

مرسلة من &بنت النــور& (رقم العضويه 12387) on :
 
أنا تو مسويه موبايلي
وابي اسوي الاب توب





بس صج اذا هبو عالشي هبو
 

---

مرسلة من قلب حساس (رقم العضويه 10429) on :
 



فديت ذا الردود


::
::


فطونه

لوووول اللي يبي يعرف سالفة التراجي..كنت اكلم فطونه بالمسنجر عن الشوارفسكي ونسولف وقلتلها اني يمكن احطه موضوع بالمنتدى ولا اشوف تلفوني يرن ترن ترن فمن المتصل ياترى !!!

ولا أجمل للعطور متصله تقوليييي : قلبببببببو تبين تراجي شوارفسكي ؟!!!

عاد انا تميت اضحك اقولها: ياهالشوارسفكي اللي ماخذ عقلنا قاعده اكلم فطونه عنه لول

مم يمكن اذا بسيطه حلوه بس مرات احس كل مازاد كل ماصار احلى ويبرررررق برررقان حلو

مشكوورة حوبي


_______________________________________


هلا هدووله .. فديتج احنا يسوونها عندنا في محلات مختصه بالاكسسوارات وجذي

بالسعوديه ماعرف والله بس انا شفت رد بنت النور مسويه ويمكن مسويته عندكم بالسعوديه ياليت نعرف منهااا من وين سوته

اذا تبين تعرفين اللي عندنا في محل عندنا يبيع بس شوارفسكي وكريستال

وعندنا محل في سالميه بلازا يسوي لج اللللللي تبينه

اي شي تبينه اهمه يركبونه عليه

ويمكن عندكم جذي مادري والله


________________________________________


هلا كويتي الله يسلم غاليك .. نورتنا

المشكله بالكويت اي موضه تنزل الكللللللل يسويها
وصح بعضهم ما يلوق عليهم هالشي ويكون شكلهم بشع حده يخخ بس شنسوي بعد

موضة حليمه لول .. عاد يقولون مو شعرها صج القصير باروكه مايندرى

اللي يقصون شعرهم ويكون لايق عليهم مو مشكله عليهم بالعافيه..بسس اللي مو لايق وييع

بس شدعوه مو كل الحريم اذا يبون يقلدون قلدوا بصورة سيئه بالعكس .. رغبة بالجمال
وشكرا على الطله


____________________________________

لوول رزون

انا مثل كلام اجملوو الحمدلله انها تطول لان كل شيله نشتريها بـ20 ولا 30 وتصك الاربعين


خاااااااطري انا اسوي عبايه على طرف الشيله والجموم شوارفسكي شفتها على فاطمه عبدالرحيم وينيت عليها ابي مثلهاااا

بس بسويها عقب العيد ^_^

____________________________________


دلوووله

على قولتج اذا الكل مسوي هالشي يصير شي بايخ

بس اذا شي حلو تتحسفين ليش ماعندج مثلهم لول

ايي الموبايلات وايد حلوه يبيلنا نسوي جذي مع التلفون اليديد اللي ماظنتي بشتريه بسبة احباط يالي من مشرفين التلفونات


______________________________________


كويتي كووول.. منور واللهي

ايييي والله بكل مكان

بس ناقص ابراج الكويت يحطون فيه عشان يتلامع من بعيد

ونااسه حاط بالشاشه شكله كول عيل


by the way

تواقيعك نايس نايس والبيبي اسم الله عليه يهبل اللي حاط صورته


___________________________________


بوالزلف..




لو انا حاطه بالتلفزيون جان صار فيني حوول اشوف القنوات ولا الكريستال


ميغسي على المغوغ


___________________________________


حبوبااااه

ايييي كل الشيلات الحين جذي .. بس حلووو وايد على الشيله

شلون طريقة عبايتج وين الشوارفسكي عليها بالضبط؟


ويبيله موبايلاتنا


______________________________________


دلووول

لوووووووووووووووووووووووووووووول

ايييييي والله شلون نسيييييييييييت

اذكر لما رحنا عيادة الاسنان اللي تشتغل حاطه .. عاد كانت تسألنا اذا كنا نبي نحط

تقولنا اكوو الوان .. احمر اسود ابيض

عاد تخيلووا كريستاله سوده بالضرس وييع لول جنه سوس


______________________________________


حبيتك بجنووووووووووووووووووون

يالييييت الصورة تحطها لنا مره ثااانيه ماتطلع


_______________________________________


اجمليتاااا


ولكموووووووووووووووووو

وكلامج مييييه مييييه


______________________________________


بنت النووووووور..


مشالله واااااايد حلووووو الستراس اللي على موباايلج

نعووووووووووم

بس ياليت تقولين لنا وين سويتيه عشان اللي بالسعوديه يستفيدون


::

::

تحياتي فديتني ارق قلب حساس





[ سبتمبر 29, 2007, 03:37 AM: تم تحرير المشاركه من قبل: قلب حساس ]
 

---

مرسلة من [ Hadoola ] (رقم العضويه 15440) on :
 
بانتظار رد بنت النور .. وياريت تقولين بكم سويتيه
 

---

مرسلة من &بنت النــور& (رقم العضويه 12387) on :
 
انا سويته بمحل في الخبر في مجمع الظهران وفي محلات كثير اكيد الي يروح هناك بشوف

واختاري الرسمه الي تعجبج اناالي طلبت الرسمه هاذي
وسويته ب180
وكل ماكثر الكرستال كل ماغلا
عشان كذا انا خففت p
وانعم لان احب الناعم
لوووول :
 

---

مرسلة من أجمل إحساس (رقم العضويه 9558) on :
 
^
^


الله يهنيج فيه


انا سويت بموبايلي ستراس احمر وفيه قلب بالنص ستراس rainbow ...


اليوم استلمت شي يديد


سويت ستراس بعد لشعار سيارتي.. حطيته ورا صوب دبة السياره...


ماشالله روووووعه ولمعته حلوه بالليل تبرق من بعيد


احلى شي بالموضوع ان الستراس سويته على ستيكر ملزوق على الشعار.. يعني اقدر اشيله بعدين بأي وقت ... في ناس شفتهم لازقينه على السياره نفسها!!
 

---

مرسلة من &بنت النــور& (رقم العضويه 12387) on :
 
8
8
8
وناااسه ياليت عندي سيارة واكشخها قولي ياليت اقدر اسوق بسس

لول
 

---

مرسلة من _ غلا حصه_ (رقم العضويه 17970) on :
 
ووآآيــد حلو الستراس اذا انحط بمكان صح و بشكل مرتب و نعوووم يطلع زوووغـة

صج الموضه صار لها فتره طويله , لكن مثل ما قلتوا شكلها مطووله , وعلى قوله اجمل عشان ما تحط بجبدونا الاشياء

خاطري احط على موبايلي بس متحسفه بصراحه لانه حدا يديد

حـــيـــل حلووو التوبك .. تونست عليه

يعطيج العافيه قلبووشه
 

---

مرسلة من نــــــورة (رقم العضويه 144) on :
 
مثل ماقال كويتي احنا عندنا دفاشة كل وحدة تقلد الثانية بالصح وبالغلط بالحلو والموحلو احنا الموضه عندنا تصير ظاهرة والسبب التقليد

تسلمين عمري على الموضوع الحلووو
 

---

مرسلة من أجمل إحساس (رقم العضويه 9558) on :
 
^
^

تدرين نوره..


موضة الخط الواحد بالشيلات نازله بالامارات من سنييين ايام ما كنت ادرس هناك..


أذكر اول ماهبوا فيها هناك شريت ولبستها بالكويت، الكل استغرب منها وبعضهم قال لي شهاللمعه!! هذي حق عروس مو طلعات!! مع العلم ان الستراس كان واايد ناعم وحلووووو



واذكر خالتي بعد قالت لي شكلج اماراتي، خصوصا طريقة لفتي لان الكويتيات ذيك الفتره كانوا يلفون الشيله على الصوبين لو تذكرين..


مو عيب الواحد يتبع الموضه لو كانت حلوه ومناسبه ومافيها شي غلط او عيب او مخالف لعاداتنا وتقاليدنا.. واهم شي ان الموضه تناسبه وتلوق عليه..


اما الستراس حلاته ناعم مو دفش!

[ أكتوبر 08, 2007, 02:51 AM: تم تحرير المشاركه من قبل: أجمل إحساس ]
 

---

مرسلة من نــــــورة (رقم العضويه 144) on :
 
اجمل احساس انا اتذكر شريناشيلات انا واختي اول مانزلت بالامارات من محل اسمه حناين في الامارات مول كان بالكويت قليل بس ماكو يمكن 7 شهور انتشرت .
اجمل احساس انا ما اقول عيب لكن اقول عندنا مبالغة في الشي او يمكن في بعض البنات حتى لو مومقتنعه مثلا بالشوارفسكي بس عندها عيب لانها ماقلدت
 

---

مرسلة من أجمل إحساس (رقم العضويه 9558) on :
 
^
^


ايه صاجه.. التقليد عندنا بالكويت منتشر عند البنات والشباب.. سواء باللبس او قصات الشعر وغيره..

لاحظي مثلا الشباب اللي وقفوا شعورهم!! والبنات غير البف الحين هابين بقصة حليمه
 

---

مرسلة من Fisaal (رقم العضويه 31) on :
 
مو باقي بس الا يحطون الـ"شوارفسكي " في ويووهم وعلى خدودهم

التقليد عندنا ماصخ يخلون الواحد يمل ويزهق يعني دفاشه حدهم

تسلمين قلبوووو
 

---

مرسلة من تميزنا ما يميزنا (رقم العضويه 68576) on :
 
بصراحة أذا الشئ بسيط بيكون حلوووو يعني مو كثيييير أوفر
 

---

UBB.classic™ 6.7.1