This is topic ســـؤال ... !! in forum ســاحــة الـمجـتمــع و الـــصــحــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=9;t=005054

---

مرسلة من قلب حساس (رقم العضويه 10429) on :
 



سؤال وجاوبوا بصراحه

هل انت ضد او مع الحب قبل الزواج ؟!!





تحياتي فديتني ارق قلب حساس




 

---

مرسلة من همســـــه حــــب (رقم العضويه 83246) on :
 
مع الحب قبل الزواج
بس يكون بحدود الادب والاحترام بعيد عن الاشياء الي تخل بالادب وتمس الفتاه بالاخص
ووايد قصص حب شريفه انتهت بزواج وعاشوا مع بعض احلى ايام وانجبوا اطفال
وانشالله كل واحد ووحده تعيش قصه حب الله يسعدهم ويهنيهم

وتسلمين على الموضوع الرائع
 

---

مرسلة من 7aBoBah (رقم العضويه 10456) on :
 


انا ضده اذا كانوا الاهل ما يعرفون عنه شي و رافضينه
و معاه اذا كانوا الاهل عارفين فيه و متقبلينه

( فئة قليلة من اللي يتزوجون عن حب ) و لو بحطها بنسبة بقول انها 1% بس - طبعا انا اتكلم بالنسبة لنا كعرب و مسلمين -

بالنسبة لنفسي احب ان يكون الحب بعد الزواج
لان في ناس تقعد تحب ببعضها قبل الزواج و ما يصير سنة ولا سنتين من زواجهم يلقون هالحب تبخر و راح

و الحب بعد الزواج اقوى لان بكون نابع عن عشرة بين الزوجين و احس ان واقعي ..

انا قبل كنت افكر بحب الافلام و هالخرابيط كنت اتمنى ان اتزوج واحد رومانسي لوول

بس لمة اشوف الواقع اللي احنا عايشين اشوف ان هالشي مو موجود
ماكو حصان ابيض ولا واحد يعزف موسيقى رومانسية عند دريشتي ولا بحبك يا سعاد و بحبك يا حمدي لوول

الافلام تبقى افلام .. و الواقع يبقى واقع

الحب قبل الزواج يولد عند الرجل شكوك بزوجته .. حبتني ؟ يمكن حبت قبلي ؟
و هالشي وارد ..

و على فكرة وايد شباب يقصون على البنات على اساس ان بينهم حب و بعده زواج ووووو...

و لمة ايي يتزوج ما ياخذها و يخلي امه اهيه اللي تختار له احسن البنات ..

الرجل ماراح ينقص منه شي اذا حب 10 و بعدها تزوج وحده من اختيار امه
اما البنت بتصير سمعتها بالأرض و محد بيرضى ياخذها

اذا رجل حب بنت و يبيها .. قبل لا يكلمها يكلم اهلها علشان ما يسبب لها مشااكل و بجذي اهوه قاعد يصونها و يحفظها

انا مو ضد ان الشخص يحب و يتحب بس وسط قواعد و شروط ما يتخطاها

حب هاليومين ( هاللي يسموونه حب ) كله خرابيط و تفاهات
ايام قبل غير الحين ..

الناس ما تفكر الا بمصلحتها و الباقي مو مهم

و شكرا عالموضوع الحلو


 

---

مرسلة من أجمل إحساس (رقم العضويه 9558) on :
 







كلامي ما يختلف عن كلام الاخوات همسة حب و حبوبة..

الحب احساس جميل ومافي أحد ما يتمتى يحب وينحب..

بس الواقع غير الخيال.. خصوصا في زمنا هذا نااااادر ما نلقى حب حقيقي، وان وجد قبل الزواج لا يتمم بالزواج بالنهاية يعني يبقى ذكرى وقصة مثل روميو وجولييت وووووو جاك و روز..


الحب أجمل إحساس على وجه الارض.. بس شالفايدة اذا وقعنا بالحب قبل الزواج وكل شي ينتهي بعدين!!!

الأهم في نظري واللي الكل يبيه ويتمناه لنفسه ان الحب يدوووم ويستمر بعد الزواج .. يستمر بين الازواج لبناء عائلة قوية محبة وأبناء مؤدبين متعلمين...


ياحلاة منظر زوج كبير بالسن مع زوجته المسنه وهم في حالة انسجام تام وحب أبدي مستمر...


في الكثير من الناس تزوجوا عن حب بس أعيد و أكرر المهم ان الحب يستمر ويكون الشخص اللي حبيناه فعلا يستاهل هذا الحب..


ألف شكر قلبو على الموضوع








 

---

مرسلة من قلب حساس (رقم العضويه 10429) on :
 


نورتوا همسة حب وحبوبه على الطله وابداء الراي ..


انا رايي محتاره فيه .. مرات اتمنى احب قبل الزواج ومرات اقول لا الزواج التقليدي مافيه احسن منه

بس ليش محتاره بهالشي ..

لأن لما اقول الزواج التقليدي احسن مثل ما اهلنا من زمان يتزوجون وعايشين احسن عيشه

بس الحين زماننا يختلف عن قبل.. يمكن يخطبني واحد واتزوجه ونعيش فتره .. بس مع هالوقت بشوف فيه صفات ماتعجبني لان بحياتنا هذي مخططه لرجل بصفات معينه وراح اقعد اقارن زوجي بغيره وغيره من الشباب

فهذا شي(يمكن) يسبب لي طلاق ..

وايضا مثل ما قالت حبوبه ان يمكن الحب يتغير بعد الزواج ويتبخرررر..


عاد اذكر أبلتي ايام الثانويه الله يذكرها بالخير.. كانت صغيره وتقعد تسولف لنا...تقولنا رفيجاتها اللي متزوجين اللي ماخذين عن حب..زواجهم ناجح 100% غير اللي متزوجين زواج تقليدي خخخ

اهو حلو انه لما يخطب البنت شخص يقعدون يتعرفون على بعض فتره .. انا أأيد هالشي من ناحية الزواج التقليدي

يعني ما يخطبها وياللا على طووول ملجه وزواج

يعني يفضل ان في ليلة العرس اسولف وياه وماخذين على بعض نوعا ما

بس اني تزوج شخص ما اعرفه واعتبره غريب وبنفس ليلة الملجه ولا العرس نتعرف على بعض.. صعبببه ومستحيله بالنسبه لي

^_^

تحياتي فديتني ارق قلب حساس




 

---

مرسلة من 7aBoBah (رقم العضويه 10456) on :
 
اكيد صعبة انج تتزوجين شخص ما دش قلبج
علشان جذي الرجل و المرأة يشوفون بعض قبل الزواج بوجود الاهل .. و يتكلموون
و كل طرف باحساسة و تقبله للطرف الثاني بيقبل او يرفض فيه
مرات الرجل او المرأة يطيح نفسه بورطة لمة يحب شخص ..
لان ممكن هالشخص ما يناسب العائلة او ان شهادته مو اوكي او ان الاب رافضه لشغلة معينه فيه .. او ان اكتشف ان سمعته او سمعتها مو زينه

بهالطريقة بصير جدل بين الاب و الرجل او المرأة اللي بيتزوجون ..

اهوه يحبها و الاب رافض .. اهيه تحبه و الاب راافضه

و بالنسبة للزواج .. مافي زواج مافيه مشااكل
ذكرتيني بقصة قريتها عن وحده .. تقول تبي تسوي سحر لزوجها علشان يصير متيم فيها
راحت للساحر ( رجل يدعي انه ساحر ) و قالت له انا ابي زوجي يحبني يمووت علي و ما يعاملني بقسوة ولا بعنف كلش

قال لها بس هالشي صعب عليج تحققينه و و و و ..
قالت انا مستعدة اسوي المستحيل علشان يحبني ..
قال لها الساحر لازم تييبين لي شعرة من راس الاسد و انتي اللي تاخذينها بايدج

قالت شعرة من راس الاسد شلوون ماقدر اخاف ياكلني

قال لها ولا شعرة من راس الاسد ولا ماكو زوجج يحبج

راحت المرأة سألت عن الأسد و شلون تتحكم فيه و شلون تاخذ منه الشعرة من راسه
قالولها الاسد اذا كان شبعاان ما ياكل ..

و قعدت كل يوووم تقط للأسد لحم .. لمة الاسد تعود عليها و حبها ==> علاء الدين لووووول

كل يوم صارت تقرب منه شوي شوي .. لمة يه اليوم اللي حطت ايدها على راسه و بسهولة خذت الشعرة من راسه

راحت تركض للساحر عطته الشعرة مستناااسة بتطير اخيرا زوجها بحبها حب ابدي

قال لها شلون يبتي الشعرة ؟؟ قالت سويت جذي و جذي و جذي ....

قال لها زوجج اكيد مو اشرس من الاسد .. عامليه مثل ما عاملتي الاسد و بتلقين الحب اللي تبينه ترااااااا لووووووول

مو بس اقرب طريق للرجل معدته ...
حتى في اشياء ثانية وااايد يتمناها الزوج في زوجته
اذا حققتها الزوجة بتكون اسعد انسانة لان ردة فعل الزوج بتكون ايجابية 100% عليها


==> وايد تقرق
 

---

مرسلة من قلب حساس (رقم العضويه 10429) on :
 





اهم شي اسد لو ماتحب زوجها جان ما راحت وضحت بعمرها عشان هالاسد يممه

وعلى كلامج اول شي صاااجه .. مشكله الحب هالايام بسبة هالمشاكل

وقررقي خلينا نقرق من زمان ماقعدنا نسولف
تحياتي فديتني ارق قلب حساس




 

---

مرسلة من نــــــورة (رقم العضويه 144) on :
 

رد مقتبس:

---

المرسل الأصلي هو همســـــه حــــب:
مع الحب قبل الزواج
بس يكون بحدود الادب والاحترام بعيد عن الاشياء الي تخل بالادب وتمس الفتاه بالاخص
ووايد قصص حب شريفه انتهت بزواج وعاشوا مع بعض احلى ايام وانجبوا اطفال
وانشالله كل واحد ووحده تعيش قصه حب الله يسعدهم ويهنيهم

وتسلمين على الموضوع الرائع

---

نفس الكلام
 

---

مرسلة من عــاشقة البـحر (رقم العضويه 12387) on :
 
انا مع حبوبه100%
 

---

مرسلة من **weroode @alhob ** (رقم العضويه 29434) on :
 



عجبني رد حبوبة كتير واقعي

وانا كمان ضد الحب قبل الزواج لان ممكن يتسبب بمشاكل وعداب ودموع وفي هالحالة البنت وحدها اللي بتعاني اما الشباب قلوبهم من حجر ومن ناحية ثانية ممكن ياثر على شرفها وسمعتها...

الحب هو اسمى احساس بالكون لكن المشكلة مو بالحب نفسه المشكلة في اجناس البشر اللي قليل ما يقدرون هالاحساس ويعرفوا قيمتوا وما بيستغلوه الا للتسلية او لاشياء تانية...

وكما قالوا بعض العضوات ان في علاقات حب توجت بالزواج وكان هالزواج ناجح كتير بشوف ان هالشئ راجع لمدى مصداقية الطرفين... وكمان في ناس ما عرفوا بعض ولا حبوا بعض قبل الزواج وعندي كمثال ماما وبابا هي كانت صبية عمرها 17 سنة واهلها زوجوها لبابا وما شافوا بعض اللا ليلة العرس لكن الحمد لله عرفوا يتعاملوا مع بعض بمودة واحترام وحبوا بعض فاستمروا مع بعض سنين طويلة ..لكن بالنسبة لي انا ما اقدر اغامر مثل ماما يعني عالاقل من حقي اتعرف عالشخص اللي متقدملي واشوف ادا مناسب او لا ادا حقدر انسجم معاه واعيش معاه او لا اعرف شو هي صفاتوا شو الاشياء المشتركة بيننا والاشياء اللي بنختلف فيها ..وبالنهاية ما بنعرف القدر شو مخبيلنا اللي مكتوب علينا حنعيشو...<<طولت كتير لوول

قلبو موضوعك رائع حبيبتي يعطيكي الف عافية وحلوة الصورة كلها براءة لوول




[ فبراير 06, 2008, 11:59 PM: تم تحرير المشاركه من قبل: **weroode @alhob ** ]
 

---

مرسلة من ANA ROOH (رقم العضويه 72720) on :
 

Ma3 bas Behdood LOOOL
Ma Ykoon Hob Taaiesh wa Ghair Mas2ooL
ded Hob el Moraahaqa Ya3ni Ykoon el TaraFain
Foq 18 Sene..
BETTER..La mostaqbaL el 3aLaqa


3aL Topic


 

---

مرسلة من فطونة (رقم العضويه 19557) on :
 
قــلبووووو

يودتــينى من ايــدي اللى تعووورنـــي

سؤالج حــلوو

والحب حــلوو قبل الزواج بس محد يعرف شنو نهايته

الكل يحب قبل او بعد الزواج بس شنو فايده الحب قبل وانتى واهوه مقتنعين والاهل لا فالاهل اهمه الحاجز اذا اجتازيتيهم فانتى اجتازيتى مرحله الخطر بس يكون حب من القلب مو لعب شباب هالايام يحب يوم وثانى يوم يغير .

بس نصيحـــــه من كل قلبي لاحد يحب قبل الزواااج اخذى شخــص الكل مقتنع فيه واهم شئ اهوه اللى يضحـى عشانج..

تمنياتى لكل العزابيه زواج قريببببب باذن الله
 

---

مرسلة من ميدو تائر (رقم العضويه 83626) on :
 
بصراحه انا معكم 100.\. ضد الحب قبل الزواج
 

---

مرسلة من ميدو تائر (رقم العضويه 83626) on :
 
وينكوم لي سكرتو على الموضوع
 

---

مرسلة من قلب حساس (رقم العضويه 10429) on :
 



ما سكرنا بس موجودين

وكل حدا عطا رأيه و وجهة نظرة


تحياتي فديتني ارق قلب حساس




 

---

مرسلة من ميدو تائر (رقم العضويه 83626) on :
 
ايوا عصبتي عليه سوري جد سوري مو قصدي بس حابب نحرك القسم مو اكثر كمان مره سوري عمو
 

---

مرسلة من قلب حساس (رقم العضويه 10429) on :
 



ما عصبت

بس اذا حابب تتناقش فيك تتناقش

ما قلت لأ


تحياتي فديتني ارق قلب حساس




 

---

مرسلة من نحوله (رقم العضويه 6550) on :
 
ضدتاحب قبل الزواج
السبب !! مجهول
 

---

مرسلة من نحوله (رقم العضويه 6550) on :
 
ضدالحب قبل الزواج
السبب !! مجهول
 

---

مرسلة من سالي متيمة رورو (رقم العضويه 84288) on :
 
مرسييييييييييييييييي
 

---

UBB.classic™ 6.7.1