This is topic @@درس احترافي في عمل السموكي بالصـــور@@ in forum ســاحــة الـمجـتمــع و الـــصــحــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=9;t=005079

---

مرسلة من قلب حساس (رقم العضويه 10429) on :
 






طلة السموكي آيز اي بنت تتمنى ان تظهر بهالطله

كعيون هيفا وهبي وعيون اليسا

يزيد جمال العين ويعطي لوك عربي مميز جذاب

وهذي طريقة سهله وبروفيشنال

لعمل سموكي اسود

نبدا

بسم الله


اولاا الادوات المستخدمه بهالدرس هي




مثل ماانتو شايفينها بالصور الالوان كلها من ماك الاسود الفلويد من ماك اسمه Blacktrack fluidline

لون اسود مات يفضل لون الكربون من ماك
الاضاءات الخبيره مختاره لونين اضاءه واحد اسمه Malt eyeshadow وهذي اضاءه فاتحه واضاءه ثانيه اسمهاPerformance eyeshadow تكون اغمج من الاولى المالت

اي قلم كحل انتي ترتاحين لسواده وممكن تستعملين البلاك تراك فلويد من ماك وتعتمدينه لاكثر من شغله مثل ماراح نشوف كبيس للسموكي وكاي لاينر وككحل لداخل العين

وهي بعد مختاره لون اسود شيمرنج (البيجمنت الاسود) بس مو مصورته ومخليته كخطوه اختياريه للي يفضل السموكي الشيمرنق

1 مو شرط تتقيدين بالماركه اي ماركه انتي مرتاحه لها يمشي الحال




بس افضل اسود على الاطلاق هو الكربون من ماك وافضل اضاءه قويه لون النايلون ايضا من ماك وان كنتي مرتاحه لنوعيه ثانيه مااافي مشكله انتو ملاحظين انها مو مختاره لون النايلون لانها ماتبي الهاي لايت يكون قوي جدااا مختاره الوان اهدى منه شويه

2. والالوان تقدرين تغيرين عن الاسود ممكن تعتمدين البني مثلا...البنفسجي..انتي وابداعج بهالمجال



بعد ماتجهزين بشرتج لاستقبال الميك اب وومديتي فاونديشنج الي انتي معتمدته والكونسيلرز

ناخذ من البلاك تراك فلويد الاسود باستخدام هالفرشه يسمونها الفلاتflat brush مثل الي انتو شايفينها بالصوره مقدار بسيط




وتمدينه على كل عينج...وكلما احتجتي تزيدين ،اخذي كميه بسيطه لانه هالمنتج قوي وااي غلطه ممكن تحووسج فانتبهي..

شووفي شلون هي مدته على جفنها العلوي..ولااحظيها من وين بدت...





طبعا بدت تحطه كبيس او كقاعده من بدايه العين يعني على الجزء الداخلي للعين مثل ماانتو ملاحظينها

وتبدى تسحب اللون دخولا للداخل الجفن وصعودا يعني جنها تمشي على انحناء العين...اتوقع فهمتووني

وبالصوره الرابعه توضح لكم مقصدي شلون هي تتبع شكل العين علشان توزع البيس عدل على كاامل العين




شووفوها هني اوضح شلون توزع البيس الاسود




هني الخبيره تورينا بالصوره الي تحت لو انه التوزيع تم بهالطريقه الي تشوفونها اللون بيتلاشي تدريجيا وبيخف وهذا الشي احنا مانحبذه و لنتائج افضل نوزع البيس (القاعده) الي هو البلاك تراك فلويد عن طريق التربيت بالفلات برش (الفرشه) على الجفن علشان اللون يلتصق بالجفن افضل من انه يطلع لج مقلم وباهت




طبعا بهالصوره راح يبين المقصود انه اللون وقاعدته يطلع لج قوي وثاااابت وهالشي يتم عن طريق التربيت بالفرشه مو التوزيع العشوائي لا التربيت جنج داخله وطالعه على الجفن<<اتوقع وصلت المعلوومه لكم




مداخله من سنا الفضه: مو شرط تتقيدين بالبلاك تراك فلويد من ماك وتعتمدينه كبيس للسموكي لاا


تقدرين باستخدام قلم الكحل اي قلم كحل اسود عندج تحطينه على كامل جفنج العلوي

اذا مو قلم كحل ممكن الاي لاينر تحطينه بطريقه عشوائيه وتموهينه بالفرشه - وممكن اي لون اسود مائي يعطيج نتايج مماثله للبيس الى معتمتدته الارتيست الي بالصوره


شكل العين بعد التوزيع الصحيح للبيس



وبعدها



اخذت من اللون الاسود ( الكربون من ماك)علشان تعزز السوااد وتضمن الثبات باستعمال الفرشه اسمهاblending brush يعني فرشه الدمج بليدنق


مداخله من سنا الفضه : الاصل بالسموكي ايز انه اللون يكون متدرج بالدرجه اللونيه له يعني يكون من صوب الرموش والقاعده غااااامج ويفتح صعودا للجفن العلوي صوب الحاجب مثل الدخان طبعا بتدرجات متداخله وهني تبين الشطاره بالدمج على خلاف الستومباج


بدت توزع لون الكربون على القاعده الي سبق وانها سوتها يعني جنها تعبي المكان باللون الاسود




مثل مانتو شايفين تتأكد من توزيع اللون عدل حتى تضمن انه يبقى ثاااابت




وتبدى تصعد بالفرشه من الحواف الى فوق شوي وبحذر طبعا لمن تتمرسين من الشغله تصيرين سريعه وتقدرين تتقنينها





بتلاحظين الحين شلون قاعده تطلع فوق حافه البيس وقاعده اللون صعودا بمقاربه الجفن المتحرك



وتظل تحاول تدمج اللون وتطلعه عن الحواف بكل دقه مثل ماانتو ملاحظين






يتبع






 

---

مرسلة من قلب حساس (رقم العضويه 10429) on :
 





بعدها تضيف الهايلايت(الاضاءه) تحت الحاجب







تحط الاضاءه بضمير ولاحظوا شلون تحاول تدمج اللونين مع بعض بدون اي حوسه وبمنتهى النظافه



باستعمال الفرشه الاولى الي دمجنا فيها اللون الاسود الكربون من ماك بترجع تحاول تعزز اللون من صوب الجفن المتحرك يعني بتخليه مثل اللون المظلل




شكل العين وهي مفتووحه



الحين بتاخذ من البلاكتراك فلويد وبتحطه داخل عينها وبترسم عينها فيه يعني مثل الشامبو 3×1

الااكثر من الشامبو بيس وكحل داخل العين وهم اي لاينر<<<اقتصاديين تعلمواا صيروا مثلهم





زيين ماتبط عيينها ...شفتوووا التضحيه كله علشااان تعلمنااا قااازه عينها بالكحل



ياااسلاام حطت الاي لاينر وتمسكرت وشووووفوا النظره الخلااااابه



شوفوا اللقطه على كذا زاااويه ....يااااولللد




وهي مغمضه



وعلى جنب ..




__________________

لحد هنيي وممكن تخلصوون الا الي تبيي تحط لمعه وشيمرنج(بيجمنت) شووفوا شلوون

من منتصف العين وعن طريق الضغط الخفيف علشان تثبت



مستعمله اضاءه سلفر ناعمه مو خبه حلووة هم بيجمنت من ماك



شوفوا شلوون توزعه بخفه



هذي نتيجه عينها



واخيراا مع قلوووس بيبي بينك نااعم وخفيف من ماك ايضاا






ان كان مكياج العين بالوان قويه فضروري يكون لون الشفايف فاتح وهادي حتى يعطي نتيجه راقيه لانه لو كانت العين بمكياج قوي وشفايف بلون بارز بيكون اللوك متكلف ومو رااقي نهائياا


وايضا لو كانت عيوونج صغيره تجنبي تمليينها كلها بالبيس الاسود اكتفي فقط بوضع القاعده على اطراف الرموش العلويه وحاولي تموهين اللون صعوداا الى اعلى لتفتيحه بجذيه ماراح تصغيرين عيونج بالعكس تمنحينها مدى ونظره يااعيني علييها

وبالختااام شووووووووووفوا صوره الاخت لووو مكتفيه على صوره عيوونها بس




^^

مشكووورة وما قصرتي تعبناج ويانا





 

---

مرسلة من ahla_malak (رقم العضويه 19768) on :
 
شكرا كتير على المجهود الرائع

فطست ضحك وانا اقرا الشرح من تعليقك المهضوم
 

---

مرسلة من أجمل إحساس (رقم العضويه 9558) on :
 







حلو السموكي والطريقة حلوه وبسيطة

على قولتج لو تامه على صور عينها بس وايد احلى


بس هم ماقصرت تبرعت تكون موديل


ثانكس قلبووووو








 

---

مرسلة من Remy (رقم العضويه 9207) on :
 
شكرا قلبو على الطريقة والشرح والصور
بس حسيته تقيل
لو يتخفف احسن
 

---

مرسلة من عــاشقة البـحر (رقم العضويه 12387) on :
 



مشكووورة قلب
بصراحه شرحج وايد حلو وواضح بس ليتج ماحطيتي صورتها في الاخير احسن تامه عا العين وايد ابرك
وانا اشوف العين اقول مشاءالله شكلها جميله

مشكورة حبيبتي ع الشرح




 

---

مرسلة من قلب حساس (رقم العضويه 10429) on :
 



لوووووول

اي والله شكلها مو لايق بس يحليلها والله

ريمي

انا حسيته ثقيل بس ينفع حق حفله ولا سهره

حتى ألووس خففت من السموكي اللي جذي

تسلمون كلكم


تحياتي فديتني ارق قلب حساس




 

---

مرسلة من spanish-moon (رقم العضويه 15216) on :
 
تخرع البنت لووول استغفر الله

الطريقه سهله وحلوه بس مو على عيني خخخخ
 

---

مرسلة من قلب حساس (رقم العضويه 10429) on :
 
^^

لوول اي استغفر الله

انا احس بعد مو حلو على عيني

حياااج الله
 

---

مرسلة من نحوله (رقم العضويه 6550) on :
 
مشكوره حبيبتي
 

---

مرسلة من nano44 (رقم العضويه 84099) on :
 
شكرا الك حبي
 

---

مرسلة من سالي متيمة رورو (رقم العضويه 84288) on :
 
مرسي كتييييييييييييير حلو
 

---

مرسلة من صديقه رويدا عطيه (رقم العضويه 65361) on :
 
كثير حلو
 

---

مرسلة من قلب حساس (رقم العضويه 10429) on :
 



Welcome all

^.^


تحياتي فديتني ارق قلب حساس




 

---

مرسلة من Rouwaida (رقم العضويه 25892) on :
 

رد مقتبس:

---

المرسل الأصلي هو صديقه رويدا عطيه:
كثير حلو

---

UBB.classic™ 6.7.1