مرحبا فيكم أعضاء منتدى السالمية. أخوي طبيعي بدر سبق وفتح موضوع بالساحة الفنية العامة يبلغكم بقرار القائمين على المنتدى بإغلاقه نهائيًا لعدة أسباب سبق وعرفتوها.
قرار اغلاق المنتدى نهائيًا مو لعبة أو غشمرة ثقيلة أو مزحة. الخبر صحيح 100% والمراقب ماك بنفسه نزل الموضوع بساحة الإشراف. ماقصرتوا بموضوع بدر كل واحد أدلى بدلوه وعبر عن مشاعر الصدمة والحزن. ةهذا موضوع الي كتبه ماك بنفسه. اضغط على الصورة للتكبير
نبيكم بهالموضوع تقولون كلمة للقائمين على المنتدى لعل وعسى يغيرون رايهم ولأن الساحة العامة هي الساحة الأولى وعلى راس الساحات ان شالله تكون أصواتنا واصلة للمراقبين.
اذا في حل منطقي تقترحون نسويه علشان ما تتشتت الجمعة ياريت تقولونه مع اني اشوف الحل الوحيد هو انشاء منتدى جديد مخصص لنا. مواقع التواصل الاجتماعي أبدًا ماراح تنفع
راح يتثبت الموضوع. بينوا للمراقبين انكم تبون المنتدى بينوا لهم شكثر هالمنتدى يهمنا.. وما نبيه يمحى من الوجود.. آخر شي كنت اتوقع ان هالمنتدى راح يسكر. ما خطر في بالي بأي حال من الاحوال انه يتسكر.
عندنا مهلة 7 أيام وكل شي ينتهي في حال ما رد ماك علينا. شباب وبنات لا تستهينون بالـ 7 أيام ترا راح تطير مثل البرق. رمضان الي هو رمضان طار وباجر بنصبح باليوم 16 منه.. أنا مستعد أدفع مبلغ شهري علشان المنتدى يمشي ولا يوقف.
أحبكم يا أخواني أحبكم ويارب ما نتفارق. مستعد أسوي أي شي ولا المنتدى يتم اغلاقه
حمزة
[ يوليو 17, 2014, 12:33 PM: تم تحرير المشاركه من قبل: حمـزة ]
مرسله في
امس والله عبالي بدر يتغشمر كعادته و ظليت مو مستوعب لين صحيت اليوم الصبح على رسالة ناصر عالفيسبوك يقولي الخبر صحيح
انتو شتقولون
والله هالمنتدى يعنيلي كثييير كثييير .. والله العظيم اول شي اسويه الصبح لما افتح النت ادش السالمية و الفيسبوك
و هذا شي يومي و روتيني صار عندي مثل اللي يقرا الجريدة كل يوم الصبح
يا جماعة السالمية مو مجرد منتدى .. السالمية صار شي يونيك جدا مافي مثله بطول النت و عرضه
اعضائه و مواضيعه و كل شي فيه واقعي و مميز و قريب للقلب ومافيه تصنع مثل المنتديات الثانية
السالمية والله اني اعتبره عالم بروحه و شبكة سوشل ميديا اكثر من انه منتدى
غير اني اعتبره مرجع اساسي و مهم لأخبار و احداث فنية صارت بال13 سنة الماضية وياما دورت على مواضبع قديمة من سنوات عشان اقرا الردود و اشوف اشياء ماكنت لاحق عليها
من هالمنتدى تعرفت على أغلى اصدقاء تعرفت عليهم بحياتي و الحين متواصل معهم بشكل يومي من أصحى لين أنام
والله العظيم ما بالغ لما اقول هالمنتدى غير أشياء بحياتي لأنه جد مريت بمواقف و بعض الأصدقاء من المنتدى ساعدوني بشكل والله العظيم اللي اعرفهم بحياتي العملية ما بيسوونه
انا لولا هالمنتدى وين كنت تعرفت عليهم
حتى لما كانت تصير هوشات بالمنتدى و بعض الأعضاء سابو المنتدى و راحو فتحو منتدى بروحهم كلها اسبوع و رجعو هنا ماقدرو
والله للحين مو قادر استوعب الخبر
يا جماعة المنتدى ناجحححح جداااا و زواره بالألاااف و ينافس اكبر المنتديات العربية اقلاع و غيره
تخيلو منتديات عالمية صارت تدش هنا و تنقل اخبار و صور حصرية كنا نحطها بدليل اصدارات ديزني و كانت تشغل المواقع من الصين لأمريكا
فنانات الوطن العربي يدشون هالموقع احيانا و يتكلمون عنه و عن فانزه
الصحافة العربية الفنية اغلبها مبلط بالمنتدى 24 ساعة و ياما انحطت اخبار كانت منقولة عن بعض الاعضاء
والله السالمية شي كبيييير كبييير
حرام والله يتسكر .. ارجوكم شوفو اي صرفه او حل
شنو اللي تطلبونه .. او عطونا اقتراحات للحل ترى احنا مش واحد او اثنين
احنا عشرات هنا بالمنتدى نعتبر هالمكان بيتنا الثاني و هدمه شي كبير و رح نحاول قد ما نقدر نتصدى له بس ارجوكم تعاونو معنا
رد مقتبس:المرسل الأصلي هو M.I.N.I.S.T.E.R. O.F. E.V.I.L: والله هالمنتدى يعنيلي كثييير كثييير .. والله العظيم اول شي اسويه الصبح لما افتح النت ادش السالمية و الفيسبوك
و هذا شي يومي و روتيني صار عندي مثل اللي يقرا الجريدة كل يوم الصبح
يا جماعة السالمية مو مجرد منتدى .. السالمية صار شي يونيك جدا مافي مثله بطول النت و عرضه
اعضائه و مواضيعه و كل شي فيه واقعي و مميز و قريب للقلب ومافيه تصنع مثل المنتديات الثانية
السالمية والله اني اعتبره عالم بروحه و شبكة سوشل ميديا اكثر من انه منتدى
غير اني اعتبره مرجع اساسي و مهم لأخبار و احداث فنية صارت بال13 سنة الماضية وياما دورت على مواضبع قديمة من سنوات عشان اقرا الردود و اشوف اشياء ماكنت لاحق عليها
والله السالمية شي كبيييير كبييير
لا تكسرون بخاطرنا بهالشهر الفضيل اترجاكم
--------------------
المشاركات: 2917 | من: M O R O C C O | تاريخ التسجيل: يناير 2010
|
هالموضوع لي من 2003 بعضويتي القديمة الي نسيت باسوردها شوفوا الاسلوب والركاكة في الكلام هني كان عمري 16 سنة ضحكت على نفسي وانا ما ودي اضحك فديت ايام المراهقة والجهل لول عشت فيه هني.. لا تلوموني اذا زعلت وتضايقت وما تفطرت عدل اليوم عمر بالسالمية مو يوم او يومين أو سنة وسنتين اخييييه على عوار القلب
[ يوليو 13, 2014, 08:51 PM: تم تحرير المشاركه من قبل: حمـزة ]
إرسال هذه الصفحه لصديق!
لطباعه هذا الموضوع
![[Frown]](frown.gif)
![[crying]](graemlins/crying.gif)
