اول شي الحمدلله على سلامتك يا اغلى بدر عندي بالدنيا .. وتستاهل كل النتايج الحلوه اللي وصلت لها ..
لانك من جد تعبت وقدمت تضحيات كثيره يمكن لي يومنا وانت تدفع ثمنها .. وكل هذا بس عشان تحقق حلمك وتوصل للوزن المثالي اللي تحلم فيه .. والله ماجاملك يا بدر بس والله العظيم انت صرت قدوه لناس كثار انا شخصياً اعرفهم .. كلهم حطوا صورتك جدام عينهم واتخذوك مثل لهم بالصبر والمثابره والطموح ..
انا وايد فخور بصداقتي فيك .. وفخور اكثر لاني كنت واحد من الناس اللي عاشوا معاك التجربه كلها من اول مابديت فيها لحظه بلحظه لحد ماوصلت لهالمكان .. اعتبر نفسي محظوظ لاني كنت اشوف مثال حي جدامي للانسان اللي يحط هدف ويكون هو الوحيد اللي متأكد ومؤمن انه راح ينجح فيه بينما انا وغيري كثار كانت نظرتنا العكس .. وبالاخير قدرت تكسر توقعاتنا كلنا وتحقق حلمك ..
كل اللي اتمناه لك الحين هو الصحه والعافيه .. حافظ عليها وانتبه لها زين .. لانك خلاص وصلت للوزن المثالي .. ولازم توقف لين هالحد وخلاص وتلتفت لصحتك شوي وماتخلي موضوع الضعف يصير هوس بالنسبه لك ويكون شغلك الشاغل ليل ونهار .. ولا بعدين بينقلب حالك وتصير النتيجه عكسيه .. عسى الله يحفظك ان شاء الله
واسمحلي اذا ظليت فتره طويله مارديت فيها على مواضيعك بهالساحه .. لانك تدري فيني ماحب ادخلها ولا اشارك فيها .. ونصيحتي الاخيره لك .. عيش جوووك عالاخر وحس نفسك انك صرت نجم مشهور .. يعني انت صح وصلت للشهره شوي لول << تذكر يوم اتصلت لك ذاك اليوم وقلت لك عن الايميل اللي مطرشينه لنا الشغل على ايميلنا الرسمي؟ وصورتك قبل وبعد؟ لووول قلت حق الموظفين هذا رفيجي بس محد صدق ..
وشي اخييييير وهالمره صج اخييير .. كل صوره لك تقول الزود عندي ماشاءالله .. روعه طالع يا الضعيف .. جد والله في صور لك احلى بمليون مره من نص صور فنانين الصف الاول .. زين انك ضعفت عشان نشوف هالمواهب اللي كنت خاشها عنا
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|