بحكم ان اخوي الصغير بيخلص الابتدائيه بعد سنه تقريبا قررنا ننقل اقامتنا للبحرين بحكم ان التعليم في البحرين اقوي تعليم بالمنطقه العربيه وابوي يبي يدرس اخوي الاعدادي والثانوي بالبحرين وقرر اننا ننقل للبحرين ( من كثرنا كلنا 4)
عندي طلب وياليت اهل البحرين يعرفون يدلوني
اذا تعرفون شقق للبيع في البحرين في المنطقه الدبلوماسيه او المناطق الجديده الي عند المرفأ المالي و مجمع الستي سنتر جفت هناك عماير لونها احمر وحدها كلاس ابي شقق لتمليك تكون مفروشه وتكون 5 نجوم ياليت لو تعرفون ارقامهم او موقع للانترنت يحطون رقمهم و صور لشققهم
ياليت تساعدوني لاني مستعجل
واذا تعرفون بعد ارقام فلل او مزارع للبيع بس تكون بمناطق راقيه الرفاع او قريب من جسر الملك فهد لاتبخلون علي .. واذا تعرفون مكتب عقار وسمعته زينه الله لايهينكم ارقامهم او اذا عندهم موقع علي الانترنت اسدحوه لنا
بس اهم شي ابعدونا عن المناطق المشبوهه ستره وقلالي وشارع المعارض وطقته
ننتضر فزعتكم وبيرسي
[ يناير 10, 2012, 10:11 PM: تم تحرير المشاركه من قبل: [Azooz ] ]
عزوز و روني بيصيروا ولاد ديرة وحدة , يعني ممكن افتك من هواشكم بالعامة لانه هينقل لارض الواقع لول , مستر A بيدخل كثير للساحة و اعتقد انه ممكن يفيدك لول, و بالتوفيق لك و للعائلة .
--------------------
المشاركات: 15649 | من: نفسيه سودة وثقالة دم | تاريخ التسجيل: مايو 2001
|
مرسله في
عزوز اولا حياك الله بتنورنا والله اذا ماشالتكم الارض تشيلكم عيونا .
, بخصوص السكن , انا انصحك تسكن بأحدى الجزر الجديده اشترو بيت هناك او حتى فيها شقق تمليك ,
في امواج او درة البحرين " بس الثانيه شوي بعيده عن المناطق الحيويه " لاكنها افخم , امواج خيار ممتاز جدا جدا جدا لانها صايره بالمحرق و10 دقايق بينها وبين العاصمه وجريبه من المطار " 5دقايق " والمنطقه جدا راقيه وفيها جميع المرافق من مجمعات تجاريه ونوادي رياضيه , وفيها اللاقون ممشى كبير بمقاهي , وغيره ..
والمنطقه هاديه وراقيه ومكس اجانب وبحرينيين وحدها أمان بسبب السكيورتي الي يدورون هناك 24 ساعه , لو تفتح باب البيت طول الليل محد يبوقك .وفوق هذا البيوت تطل على البحر والمنظر ولا اروع .وفيها مدرسة الشويفات " هههه ولد هند مسجل هناك " تعتبر من اقوى المدارس بالبحرين
واذا تبي بالمنامه عندك الشقق الي يم المرفأ المالي " الفيلامار " على قولتك الحمر والصفر , وايضا هناك شقق تمليك راقيه بالجفير .
وفيه خيارات كثيره , فيه بيوت منفصله بالحد , فيه بيوت واحات المحرق بس ماجهزو للحين واسعارهم ممتازين و تبتدي من 100 الف دينار " مليون ريال " , وفيه بيوت فالبسيتين " يم المحرق " وغيرهم الكثير .
عموما انت لازم تحدد شكبر المكان الي تبيه؟ وجريب من وين ؟ وهل تبي بيت ولا شقه ؟
وانشالله بساعدك على الي تبيه والي اقدر عليه .
[ يناير 10, 2012, 11:00 PM: تم تحرير المشاركه من قبل: [ [ A ] ] ]
--------------------
هالله الله يا قاسي هالله الله يا ناسي نسيت اسمي وانا حبك تشيبلي شعر راسي
المشاركات: 2912 | من: bahrain | تاريخ التسجيل: فبراير 2006
|
رد مقتبس:المرسل الأصلي هو [ يــآ حــظ قــلــبــي " s>:
آسجل لقافتي لاني قلت راح اتليقف بس عزوز سؤال معقوله يعني ابوك بيترك ديرته "السعوديه" ويروح يعيش بالبحرين وبتكون فترة طويله بعد!
البحرين اكيد دوله خليجيه ومو بعيده ومافيها شيء بس ماكو شيء ضروري عشان انتقال للعيش بدوله الثانيه
تصدق استغربت
ولقافه ماله داعي تجاوب
هلا فجور انتي شكلج مازرتي الدمام او المنامة لهول اعتبرهم مدينيتن بقلب بعض
من الدمام لين نص البحرين ربع ساعه بالكثير نص ساعه في حالة الجسر زحمه
وللمعلوميه كثير بحرينين يشتغلون بالدمام وساكنين بالبحرين ويروحون الصبح لدوامتهم بالدمام او ارامكو والظهر يرجعون للبحرين وفي سعودين يشتغلون بالسعوديه بس عايشين بالبحرين والعكس وفي كثير طلاب مدارس وجامعات سعودين يدرسون بالبحرين يعني عادي جدا المسافه قريبه جدا
يعني بيت خالتي بحي الجسر بالخبر من بيتهم للبحرين 10 دقايق
+
بحكم ابوي متقاعد من الحكومه قبل 20 سنه وعنده شغله الخاص وامي ربة منزل وانا متخرج اخوي الصغير ابوي يبي يدرسه بمدارس البحرين بحكم ان مدارس البحرين والتعليم بالبحرين من اقوي التعليم في المنطقه العربيه
[ يناير 10, 2012, 11:48 PM: تم تحرير المشاركه من قبل: [Azooz ] ]
رد مقتبس:المرسل الأصلي هو [ [ A ] ]: عزوز اولا حياك الله بتنورنا والله اذا ماشالتكم الارض تشيلكم عيونا .
, بخصوص السكن , انا انصحك تسكن بأحدى الجزر الجديده اشترو بيت هناك او حتى فيها شقق تمليك ,
في امواج او درة البحرين " بس الثانيه شوي بعيده عن المناطق الحيويه " لاكنها افخم , امواج خيار ممتاز جدا جدا جدا لانها صايره بالمحرق و10 دقايق بينها وبين العاصمه وجريبه من المطار " 5دقايق " والمنطقه جدا راقيه وفيها جميع المرافق من مجمعات تجاريه ونوادي رياضيه , وفيها اللاقون ممشى كبير بمقاهي , وغيره ..
والمنطقه هاديه وراقيه ومكس اجانب وبحرينيين وحدها أمان بسبب السكيورتي الي يدورون هناك 24 ساعه , لو تفتح باب البيت طول الليل محد يبوقك .وفوق هذا البيوت تطل على البحر والمنظر ولا اروع .وفيها مدرسة الشويفات " هههه ولد هند مسجل هناك " تعتبر من اقوى المدارس بالبحرين
واذا تبي بالمنامه عندك الشقق الي يم المرفأ المالي " الفيلامار " على قولتك الحمر والصفر , وايضا هناك شقق تمليك راقيه بالجفير .
وفيه خيارات كثيره , فيه بيوت منفصله بالحد , فيه بيوت واحات المحرق بس ماجهزو للحين واسعارهم ممتازين و تبتدي من 100 الف دينار " مليون ريال " , وفيه بيوت فالبسيتين " يم المحرق " وغيرهم الكثير .
عموما انت لازم تحدد شكبر المكان الي تبيه؟ وجريب من وين ؟ وهل تبي بيت ولا شقه ؟
وانشالله بساعدك على الي تبيه والي اقدر عليه .
[ يناير 10, 2012, 11:00 PM: تم تحرير المشاركه من قبل: [ [ A ] ] ]
واااو احمد فديتك ماقصرت ردك هذا نفس الي في بالي ابيه
شوف ابوي يبي فلاء مع حديقه حلوه ومسبح والسعر يعني بالكثير 4 مليون ريال ( 400 الف دينار بحريني ) زياده شوي اقل شوي مافي مشكله
وامي تبي شقه او فلا دبلكس مو عوده ويكون زي المنتجع مسابح ونوادي هلون مثل امواج بحكم احنا بس 4 (ابوي وامي وانا واخوي ) غير الخدم والسواق والطباخ + بيتنا بالدمام موجود وعود وكبير ونصه فاضي