ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم الـفـنـي » ســاحــة اللإهداءات وتصاميم الكـروت » ____ )( وطـنـي .. وطــــن النـــــهار )( ____ (الصفحه 1)

إرسال هذه الصفحه لصديق!

الموضوع متكون من صفحات: 1  2

الكاتب الموضوع: ____ )( وطـنـي .. وطــــن النـــــهار )( ____ حمـزة عضو قدير رقم العضويه 82337 مرسله في                    بتاريخ 19/8/1990 ارتفعت درجة حرارتي ووصلت للأربعين، وقتها كان عمري 3 سنوات، وبحكم هالتاريخ المشؤوم، كانت الكويت في ظل الاحتلال العراقي الغاشم. أخذني أبوي وأمي وركبوني السيارة، مع إنهم ترددوا ألف مرة بسبب اشتداد عمليات القصف، وأكيد ما ورا الطلعة هذي إلا الخطر! أمي قالت لي بغيت تموت علينا لو ماوديناك لدرجة إن عيوني تحولت للبياض! رايحين عند عمتي واللي وظيفتها طبيبة عائلية، ولها أدوية وحقن كان قد خزنتها في غرفتها الطبية الخاصة. المهم واحنا بالطريج وقفونا الجنود الصداميين وكالعادة ما يطوفون شي على خير.. كانوا حاطيني بالمقعد الخلفي ومغطيني بشرشف بني قاتم. أخرج ذلك الجندي " أمي " و" أبي " وقالهم: تشهدوا على روحكم لأنكم مو داشين مزاجي " بأسلوب " جدًا واطي.. قبل ما يطلق الرصاص عليهم، نزلت الرحمة والبركة الإلهية علينا أو بالأحري أبوي وأمي وانا، وبينما كان الجندي الآخر يفتش السيارة شاف طفل صغير >> صار الحين شكبره لول الجندي للوالد: هذا ابنكم؟ أبوي: اي وحرارته مرتفعة ولازم أوديه عند عمته أمي: في بكاء ونحيب بصوت خافت.. الجندي الآخر اللي يفتش السيارة حملني وبدوره الجندي اليي بغى يقتل " أبوي وأمي " حملني وقال: هذا مو ولدكم!! هذا أمريكي وما يشابهكم >> يا ولد الحلال افهم هذا ولدنا، ماكو فايدة الكلام معاه ضايع.. أي شي أبوي وأمي يحلفوله، والأخ راكب راسه.. فرجت الأزمة بقول الجندي: راح أخليكم تمشون بس لأن هالولد معاكم ولأنه أشباهه مو كويتية!! ( عيل ليش كل هالتخرع.. الله ياخذه ) مع ان عمري 3 سنوات وقتها الا اني اتذكر هالصور عدل في بالي وغير رواية الوالدة لهذا الموقف مرات عديدة الله ستر وماصار شي، طبعًا بعدها رحت عند عمتي وأخذ اللازم من العلاج وصرت مثل " اليني ".. يمكن تقولون شكو هذا بالإهداء، مادري يمكن الأغنية أثرت فيني حيل ف حبيت أشارككم فيها وهي " وطن النهار - عبدالكريم عبدالقادر " هالأغنية بس أسمعها لازم لازم أبجي، حتى كليبها يعور القلب. ما اذكر الكليب لأني من فترة طويلة حيل مو شايفه لكن أذكر منه مشهد ولد أو بنت يحطون ايدهم على القرآن.. آهات عبدالكريم عبدالقادر في الأغنية بس أسمعها غصب عني أذكر الغزو. تحسسني هالأغنية بقيمة الكويت، تخليني أحب وطني أكثر وأكثر وأتمسك فيها حيل.. مادري منو كتب كلمات الأغنية مادري منو لحنها لكن أقولهم الله يعطيكم العافية لأنكم دستوا على الجرح.. اتمنى من كل قلبي ما يصير بأي دولة مثل اللي صار بالكويت بسنة 90، مع انها شهور قليلة لكنها طويلة لكل كويتي ولكل من قاسى تلك الشهور المريرة.. والله لو مو الحيا جان بجيت مثل الياهل، لكن احترامًا للجامعة ولأني قاعد بلاب وفيه عشرات الأشخاص اكتفي بتنهيدة ودعوة طالعة من قلبي >> الله يحفظج يا كويت ^ ^ ^ عبدالكريم عبدالقادر وطن النهار: اضغط واستمع حمزة -------------------- المشاركات: 21830 | تاريخ التسجيل: أكتوبر 2007  |  Miso ( asma ) عضو رقم العضويه 19623 مرسله في                           وطني وطن النهار انت النهار هالاغنية بتزكرني بوالدي بس كان يسمعها يبكي و يتضايق على اللي صار للكويت مدري ليش موضوعك رجعني لقبل 17 سنة وقت ما دخل صدام الكويت كان يوم خميس واجازة والكل نايم بالبيت صحينا عصوت ماما تصرخ والجيران يدقوا على بعض .. والتلفزيون لما صار كل اغاني عراقية و اشياء غريبة ولما خواتي ركضوا عالسطح يشافو مدرستهم ازا صار فيها شي كانت قريبة منا كتير .. ايام سودة الله لا يعيدها عليكم مع انه كنت طفلة بس ابدا مو قادرة انسى هالايام .. وبتزكر الفنان عبدالرحمن العقل كان معرفة مع بابا و فترة من ايام الغزو قضى فترة معنا .. يلعن يومك والله اغنيتك قلبت عليي المواجع مع انه الاغنية كل تفاؤل و شوق و فرحة وعبدالكريم فظيع فيها .. وازا تزكرت شي برجع بكتبه لول -------------------- بدر 😔😔 المشاركات: 34768 | من: من: من: من: من | تاريخ التسجيل: ديسمبر 2004  |  فطونة عضو متميز رقم العضويه 19557 مرسله في                    لا تلوموني اذا ذبت بهواها -------- او تماديت بمحبتها وغلاها القمر وده يسمونه الكويت -------- والنجوم تغار والله من حلاها الله لايعووود على اي دوووله من الدوووله لا في الكويت ولا اي مكان الله يحفظكم من كــل شر الاغنــيه لــها ذكــرى لكل شــخص مو شــرط يكــووووون كويتي يعطــيك العافيه وتسلــم على الاهــداء المشاركات: 16014 | من: ^_^ UAE ^_^ | تاريخ التسجيل: ديسمبر 2004  |  حمـزة عضو قدير رقم العضويه 82337 مرسله في                    تسلمين مس على ردج، توني أدري إنج ممن شهدوا الغزو الغاشم، الله لا يعيدها من أيام وبانتظار اضافاتج متى ما تذكرتيها.. حمزة -------------------- المشاركات: 21830 | تاريخ التسجيل: أكتوبر 2007  |  حمـزة عضو قدير رقم العضويه 82337 مرسله في                    فطونة: من طيب أصلج هذا، وفعلاً هالذكرى مو بقلوب الكويتيين بس.. يعطيج ألف عافية على الرد حمزة -------------------- المشاركات: 21830 | تاريخ التسجيل: أكتوبر 2007  |  [ H m oo d i ] عضو مستمر رقم العضويه 16120 مرسله في                     أثرت فيني وايد حمزة مو عارف شقول بدعت -------------------- المشاركات: 2938 | من: K u ω α ï т | تاريخ التسجيل: يوليو 2004  |  حمـزة عضو قدير رقم العضويه 82337 مرسله في                    ^ ^ حمودي: من ذوقك هذا تسلم ما تقصر بمجرد ما يأثر فيك هذا هو الكمال بذاته -------------------- المشاركات: 21830 | تاريخ التسجيل: أكتوبر 2007  |  طبيعي مراقب رقم العضويه 11956 مرسله في                    حمزززه قلبت المواجع قاعد اشوف التاريخ اتاكد قلت اخاف ذكرى الغزو هاليوم اكيد مماننساه بالغزو كان عمري 10 سنين وبيوم الغزو كان خميس وامي كانت مواعدتني نروح مركز سلطان الصبح لوول يوم قعدت الساعه 7 اسمعهم يسمعون الراديو وويهم منصفق امي وابوي بس ...لانه اخوي بالشاليه مع عمي وعياله واختي يااهل كلش بوقتها المهم قلت حق امي : يالله اتسبح عشان نروح مركز سلطان؟ امي: بدوور العراق دشوو علينا صار حرب انا: اوووف صج؟ انزين اتسبح عشان نروح مركز سلطان؟ لوووووووووول شوووف قله الحيا حرب وحاله وانا مصر على مركز سلطان شوي شوي ولا اتذكر الحرب بالباباي طياير ودبابات والناس يركضون ...المهم ماوعينا الا هيلكوبتر فوق بيتني طافت وطاحت بحولي ((هالهيلكبوتر انشهرت وضلت طايحه لين عقب التحرير بجسر يربط الروضه بحولي)) انا بس سمعت الهيلكوبتر قلت خلاص الي اشوفه بالباباي بيصير واطقها ذيك البجوه اللي وصلت لين غرفه بوش بامريكا لووول طبعا امي خذيتني انا واختي ورحنا بيت يدتي ونمنا عندهم 4 ايام لانه ابوي كان مصر يروح الشاليه يسكره وجذي يخاف العراقين يسون فيه شي لووول خاف على الشاليه الاخ ... ولما راح الشاليه اشتدت الامور اول يومين فقالنا لاتيون البيت خلكم ببيت امج لين الامور تهدى وفعلا قعدنا 4 ايام وردينا بس هم كنا نروح بيت يدتي وايد ايام المشاركات: 44721 | من: الـكـويـت | تاريخ التسجيل: أكتوبر 2003  |  حمـزة عضو قدير رقم العضويه 82337 مرسله في                    ^ ^ مادري حنيت للذكرى هذي.. موشرط كل شي ينذكر بوقته ساعات لما ينذكر بوقت ثاني يكوون له وقع بالنفس أكثر.. لول بدر مركز سلطان ها اي والله كانت أيام، وكل واحد عاشها بطريقته لحد ما عدت هال7 شهور على خير.. بأول شهر من الاحتلال كلنا كنا مصدومين، محد كان مصدق اللي صاير! اذكر ناس وايد بفريجنا راحوا للسراديب الا بيتنا وبيت يدتي.. لول أمي تقول كان مافي كهربا وكنت اييب شمعة واحطها بوسط الصالة وادور عليها وارفع ايدي اليسار واقول كويت كويت >> السطر اللي قلت فيه لما دخلت على أمك وأبوك وويهم مختبص وهم يسمعون خبر الاحتلال وايد اثر فيني وحسيت نقسي أعيشه.. حمزة -------------------- المشاركات: 21830 | تاريخ التسجيل: أكتوبر 2007  |  Je t'aime عضو مستمر رقم العضويه 82505 مرسله في                    يالله .. الحرب شعور قبيح ! أنا وقتها كان عمري سنة وما كنت أدري وش السالفة بس اللي كنت أشوفه بأشرطة الفيديو كانو أهلي يشوفون الصواريخ اللي تمر فوق الرياض !!! الحمد لله .. عدت ذيك الأيام وان شاء الله ما ترجع الأغنية حلوة .. عبد الكريم عبد القادر كويتي أصيل صحيح حمزة .. الى الحين أنت أمريكي [ نوفمبر 21, 2007, 12:38 PM: تم تحرير المشاركه من قبل: فـتـات خـبـز ] -------------------- جـــــــــــــــاري التحــــــــــــميل I can't live If living is without you المشاركات: 2189 | من: بعيد جدا ً | تاريخ التسجيل: أكتوبر 2007  |  . Lena . عضو فعال رقم العضويه 42731 مرسله في                    ^ ^ أنا كنت بنفس عمرك يامحاسن الصدف بس ما أذكر شئ ابداً من هالايام الله لايعيدها والله يحفظ الكويت والخليج والعرب من كل شر يارب ثانكس حمزة ع الاهداء [ نوفمبر 21, 2007, 04:46 PM: تم تحرير المشاركه من قبل: [ Lena ] ] -------------------- فـرس .. فـرس وقفـة فرس .. مشيـة فرس .. لفتـة فرس من حقها تغتر حيـــل بحالها المشاركات: 5069 | تاريخ التسجيل: أكتوبر 2005  |  حمـزة عضو قدير رقم العضويه 82337 مرسله في                    فتات خبز: تسلم ما تقصر على الرد، لول لأ كويتي لينا: تسلمين أختي على الرد، والله يحفظ الكويت وشقيقاتها من دول الخليج من كل مكروه.. حمزة -------------------- المشاركات: 21830 | تاريخ التسجيل: أكتوبر 2007  |  طبيعي مراقب رقم العضويه 11956 مرسله في                    اكثر شي مانساه شلون تحولت الكويت من ديره طبيعيه وكل مظاهر الطبيعه فيها الى ديره مرعبه كل شي مسكر وواقف ...من 6 المغرب ينتهي كل يومنا وتتحول الى ظلام يخرع اذكر الشوارع صخهههههههه ماكو احد يمر بس الجنود ... ونقعد بالبين انيب الراديو ونشغل بس ...الحرب شي مخيف الله يوقف كل الحروب وبالعالم المشاركات: 44721 | من: الـكـويـت | تاريخ التسجيل: أكتوبر 2003  |  حمـزة عضو قدير رقم العضويه 82337 مرسله في                    ^ ^ آمين -------------------- المشاركات: 21830 | تاريخ التسجيل: أكتوبر 2007  |  الجـوري عضو مستمر رقم العضويه 17 مرسله في                     مشكور حمزة انا من اسمع اغنية وطن النهار احس اني بالخيال -------------------- المشاركات: 3947 | من: الكويت | تاريخ التسجيل: أبريل 2001  |

الموضوع متكون من صفحات: 1  2

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1