في تاريخ 30 نوفمبر الماضي سجلت في هذا المنتدى وبصراحه ما كان عندى تصور إني راح اتعلق فيه وفي أحلى ناس .. من يوم ما سجلت الين يومكم هذا ما نزلت ولا موضوع موب لأني إذا بنزل موضوع ما بيكون حيا الله أي موضوع لأ السبب هو إني وايد كسول مع إنه كتابه موضوع ما يبيله كل هالتعب بس سبحان الله هذا هو طبعي
اللي خلاني انزل هالموضوع انه في قلبي وايد كلام لناس انا احبهم واعزهم الصراحه وحاب اني استغل هذا الموضوع ومن خلاله اقول لهم اللي في قلبي وأهدي لهم اغنيه مرسال المراسيل للعملاقه فيروز.
قبل لا ابتدي بذكر الأسماء بس حاب انوه على شي للي ما يعرفوني ألا وهو إني واحد مش وحده مثل ما البعض يعتقد بمجرد النظر لأسمي .. والأسم اللي احمله لممثله انا وايد احبها ومن صغري اتابع اعمالها .. بس حبيت أقول هذا الشي لأنه متزقرت الفتره الأخيره طلع لي قرون وفي كل مره يصر لازم إلا ويقول لي مشكوره لوول
نبتدي أولاً في:
::منال القلب::
للأسف منال القلب راح تسافر وتخلينا من أول يوم من شهر اغسطس يعني باجر وما راح ترجع إلا بعد 20 يوم .. انا الصراحه استغرب كيف بتمر هذي الفتره علينا .. اللي يبون يعرفون وين بتروح منال انا اقولكم .. عند أصاله ( يعني لسوريا).. حاب اقولج منال تروحين وتردين بالسلامه عزيزتي .. تحملي على عمرج وخلينا نشوفج عن جريب يا رب ولا تنسين تشبكين معانا إذا حصلتي فرصه.
::سايلور::
يوم 29 من شهر 7 كان يوم مميز عندي وكنت أتمنى تواجدك معايا بس للأسف .. انا احيد انك قلت لي في رساله خاصه انك راح تاخد كورس صيفي فا أتمنى لك حظ موفق في دراستك وتحصيلك العلمي .. لك تحياتي يالغالي وفي إنتظار رجعتك لنا حبيبي.
::واقعي::
لأنك تحب وايد فيروز حاب اهدي لك اغنيه مرسال المراسيل على أمل انها تعجبك ولو انه أي شي ايي من فيروز انت تحبه مثل ما قلت في موضوع من المواضيع .. انت بالفعل سوبر مشرف ومحرك الفنيه بطريقه ما في أروع منها .. تستاهل الأهداء.
::يجيلك عبوود::
يا بطل .. حاب ابارك لك مره ثانيه وثالثه ورابعه يالغالي على الأشراف .. انا متأكد انك راح تكفي وتوفي لأنك نشيط حيل ما شاءالله عليك .. أتمنى لك التكييف في مهنتك اليديده وأتمنى لك كل الحظ والتوفيق يا رب.
::F U N K Y & ARTZ::
معا أنهم غايبين ما أدري ليش بس مكانهم فالقلب مبين .. ما أدري اذا زعلانين من تغير إصدار المنتدى ولا لسبب ثاني بس حاب اقولهم السالميه بيتكم اللي فنح أبوابه لكم فلا تنسونه ولا تنسون ناس حبوكم وعزوكم وايد .. في إنتظار رجعتكم.
::بداح::
أي موضوع اشوفه لك لازم انقض عليه قول ليش .. هاا قلت ليش !! لأنك خفيف الدم ما شاءالله عليك وأفرح يوم اقرأ لك رد أو موضوع .. وجودك فالسالميه يضيف لها وايد فلا تقطع عنا ولك تحياتي
:: MaD ::
في آخر رد لك فالحزب ذكرت انه في خلاف بين رويدا وملحم بسبب روتانا فا حاب إني أصحح لك المعلومه .. فيه خلاف بينهم لسبب انه ملحم اشترط في حفله من الحفلات اللي تجمعه برويدا انه صورته تكون أكبر من صورتها لأنه مكانته الفنيه أكبر .. كلام كثير انقال حبيبي عن هذا الخلاف .. اوعدك اني اشرح لك بالفصيل شو صار فالحزب.
::ولد دبي & لوفر & عبووودي & شوقي لك::
أي تصميم تنشرونه فالسالميه يبعث لي السرور لسبب بسيط انه من الصغري انا وأخوي التوأم معروفين انه رسمنا روعه بس للأسف موهبتي فالرسم تراجعت أما اخوي موهبته استمرت واتطورت بس انا غلبته في شي, في التلوين لوول في عشان جذي احب اشوف تصاميمكم لأني اتذوق الألوان بطريقه حلوة.
::RYTHEM & غير الناس::
الجار قبل الدار .. بما أنكم جيرانا (عمان) فأحب اذكركم فالموضوع لأنكم ذكرتوني بأهداءاتكم كم مره .. حاب ازوركم وأزور صلاله ولو مره في حياتي .. تحياتي
الف الحمدالله عالسلامه عزيزتي .. انا قريت رد لج فالحزب تقولين عني اني ما سألت عنج وقت غيابج .. بالعكس عزيزتي كنت على طول أسأل لأنج مميزه وحبوبه تستاهلين كل خير يا ستوره.
::عيون::
انت الوحيد اللي اشوفه ونتلاقى معا بعض خارج السالميه .. حاب اهدي لك هذي الاغنيه على أمل انها تعجبك عزيزي مروان .. لك تحياتي.
وأحيراً تركي:
ما عندي رساله أقولها لك عزبزي بس ما أقدر أنساك في أول أهداء رسمي لي إلا وأحط اسمك في ليسته المهدى اليهم .. اتمنى انه تنال الأغنيه على أعجابك.
بتجيب لي منو تزكار شي ورقه وشي صوره ... عالورفه يكتب أشعار واسمو عالصوره لما بتبكي المواويل يسأل عن أهلي المنديل ... يا مرسال المراسيل سلم عا حبيبي
وحاب اهدي الاغنيه بعد لـ : MUSIC LOVER رانيا رزان صدى الحرية موسيقي بيبسي خمس نجوم شو المانع مجنونه ام النوح تاليا طبيعي طلال Royal ..R.a.m.o.o.o.y.. عوضين كايدهم متزقرت Abu NaYeF كل اعضاء ملتقى شمس الغنيه على رأسهم روح روحي كل أعضاء حزب سوبر ستار العرب ديانا كروزن كل اعضاء حزب السموره رويدا بما فيهم: ليالي, ديفل, شام, عاشق رويدا وبهاء, howtodeal, The_End.
سوري إذا في بعض الأغلاط في كلمات الأغنيه سوري إذا نسيت أحد واتمنى ما يزعل مني والأغنيه اهداء لكل اللي دخلوا
--------------------
المشاركات: 15243 | من: |-|●|-| U.A.E |-|●|-| | تاريخ التسجيل: نوفمبر 2003
|
مرسله في
=============================================
:: [ S.T.A.R ] ::
الف الحمدالله عالسلامه عزيزتي .. انا قريت رد لج فالحزب تقولين عني اني ما سألت عنج وقت غيابج .. بالعكس عزيزتي كنت على طول أسأل لأنج مميزه وحبوبه تستاهلين كل خير يا ستوره ===========================================
سيرريييييييييييي لي الشرف اني ارد اول وحده
والله انك بتعرف معزتك عندي وهالحكي مزح مو اكتر منوور المنتدىالصرحه واهدائك و طريقتوو روعهههه
و ياريت ما تكون ماخد عخطراك مني
والأغنيه روعه ويعطيك الف عافيه
تحياتي ستاار
--------------------
.
visca barca . .
المشاركات: 9138 | من: || U . A . E ||//Jordan || | تاريخ التسجيل: أبريل 2004
|
مشكور على الاهداء ... هذا من طيب اخلاقك وكرمك حبيبي
--------------------
يا صوت الحق وروح الحرية.. يا كل بطل في سورية.. لو داستكم أقدام الظلم .. سيأتي فجركم ليمسح ظلمة ليل أل أسد ومخلوف وشوكت .. وستلقون بأبناء أنيسة مخلوف الى مزبلة التاريخ . ويكفيكم أن الله معكم.
حمزة يا منور قمرك .. يا زين الشهدا الابرار لا تحزن قطعوا ذكرك.. وحطوه في فتحة بشار
المشاركات: 4549 | من: زيمبابوي | تاريخ التسجيل: أبريل 2004
|
Sridevi : ودي اشرح لك عن اللي بي وأقول , انك اغلى من نصف روحي علىّ .. وانك اغلى وانك اغلى يا خجول , يمكن اغلى من الغلا نفسه شوي الله الله عليك سرسوري .. الموضوع رهيب حبيبي ، تنسيق ولا اروع .. كنت انتظر هالموضوع من زمان , على فكره سيري : حتى خالك البحار كان ينتظر هالموضوع على نار (غمزه) , الموضوع غالي سيري .. حسيت ان الموضوع موضوعي .. عشان جذي راح آخذ راحتى عالآخر سيري : انتبهت للموضوع , شفت انك انت كاتب الموضوع ، ما امزح سيري (فتحت عيوني عالآخر عشان اتأكد) .. وازيدك من الشعر بيت .. مسحت عيوني خفت اكون غلطانه ههههههه .. شو هالموضوع عباسوه .. يا بعد راسي والله * لو نزلت الموضوع امس وايد أحسن .. كنت راح اكتب فيك قصيده , الاهداء غالي غالي يا قلبي .. أذهلتني سرسوري .. موضوعك يسوى الدنيا يا عمري .. الله الله عليك "أبدعت"
رد مقتبس: حاب اقولج منال تروحين وتردين بالسلامه عزيزتي .. تحملي على عمرج وخلينا نشوفج عن جريب يا رب ولا تنسين تشبكين معانا إذا حصلتي فرصه
غالي و الطلب طماط سرسوري .. راح اشبك اذا لقيت فرصه ، واذا تبيني ما اسافر راح اكنسل السفره (انت بس عطني اشاره) .. كم عباسوه عندي ! ... عباسوه والله احس نفسي احلم , معقوله نزلت موضوع معقوله !
رد مقتبس: سايلور: يوم 29 من شهر 7 كان يوم مميز عندي وكنت أتمنى تواجدك معايا بس للأسف .. وفي إنتظار رجعتك لنا حبيبي
اضم صوتي لصوتك يا ابني البار .. سايلور : وينك يا خوي ؟ طلع الشيب في راسي حرام عليك .. تعال شوف موضوع عباسوه , وأخيراً يا سايلور وأخيراً .. تعال خل اكحل عيوني فيك مع انك ما تستاهل
رد مقتبس: بداح : أي موضوع اشوفه لك لازم انقض عليه قول ليش .. ها قلت ليش !! لأنك خفيف الدم ما شاء الله عليك وأفرح يوم اقرأ لك رد أو موضوع
سرسور , كلامك الماس .. بداحوه انسان ولا اروع .. شعوري مثلك بالزنط = بالضبط .. ما شاء الله عليه دمه شربات .. حتى لما اكون في أسوأ حالاتي ولما تكون نفسيتي مش ولا بد .. بداحوه عنده سحر غريب يخليني اضحك بقوه , تحياتي لك بدوحي . سيري : سوري سوري على الرد السريع حبيبي .. كنت اتمنى اكتب رد طول لسانك .. آه لو نزلت الموضوع قبل يوم والا يومين .. كنت كتبت فيك معلقه .. يا ريت تحس بمقدار الفرح والمرح و الشلخ اللي في قلبي .. راح اطير عباسوه .. تبي تطير معاي ؟
----------------
صرت لي خامس جهة لأربع فصول .. ما تموت فصول عمري وانت حي
[ 01. أغسطس 2004, 03:42 AM: تم تحرير المشاركه من قبل: منال القلب ]
مرسله في
اختيارك أول إهداء لك يكون للعملاقة ( فيروز ) ، ان دل يدل على رقي ذوقك حبيبي
رد مقتبس: ::واقعي::
لأنك تحب وايد فيروز حاب اهدي لك اغنيه مرسال المراسيل على أمل انها تعجبك ولو انه أي شي ايي من فيروز انت تحبه مثل ما قلت في موضوع من المواضيع .. انت بالفعل سوبر مشرف ومحرك الفنيه بطريقه ما في أروع منها .. تستاهل الأهداء
تسلم حبيب قلبي والله
الكلام هذا كبير علي ، انا اللي اسويه بالفنية ما يطلع ولا شي جدام وايد اعضاء
اما بالنسبة لفيروز ، فلما اي شخص يطلب مني اذكر اسماء افضل 10 مطربات او 3 او عالاقل افضل مطربة اقول ( باستثناء فيروز ) اهي : .......
المشاركات: 4875 | من: USA & UAE | تاريخ التسجيل: سبتمبر 2002
|
يجيلك يوم
عضويه مشطوبه
مرسله في
::يجيلك عبوود::
يا بطل .. حاب ابارك لك مره ثانيه وثالثه ورابعه يالغالي على الأشراف .. انا متأكد انك راح تكفي وتوفي لأنك نشيط حيل ما شاءالله عليك .. أتمنى لك التكييف في مهنتك اليديده وأتمنى لك كل الحظ والتوفيق يا رب. ــــــــــــــــــــــــ
مشكوور يالغالي سيري على كلامك الحلو و الله اني فرحان فيه و انشالله راح ابذل جهدي..و الأغنيه فظيعه مشالله عليك ذويق لا تحرمنا من مواضيعك.. ثانكســ علأهداء..
- - يجيلــ يوم ــك - -
[ 01. أغسطس 2004, 08:20 AM: تم تحرير المشاركه من قبل: يجيلك يوم ]
|
موضوع من أحلى ما يمكن .. تسلملي والله وأنا كل تصميم أحطه القصد فيه إني أمتعكم فيه وأنقل لكم الأغاني إللي تحبونها إلى لوحة متواضعة وإن شاء الله أعضاء السالمية دايما يكونون على قلب واحد يعطيك العافية على الموضوع
--------------------
K h a l o o d i e s SALMIYA ARTIST
--------------------
المشاركات: 6371 | من: - دبـــــي - | تاريخ التسجيل: يوليو 2002
|
سيري !!! عباس!!! جوني لفر لا مو معقولة ,,, ما ني قادر اصدق,,,بعد سنة من اشتراكك اخيرا حنيت علينا ونزلت موضوع!!!! والله ما تصدق فرحتي قد ايش ….. سبحان الله دايما لمن اغيب فتر وارجع للمنتدى لازم الاقي شي اتغير, والحين انت كتبت اول موضوع لك ومنال راح تسافر اليوم..... طيب ليش ما استنيتوني !!!!! . . . وكل عام وانت واخوك بالف خير , وانشاء الله تكون سنة خير عليك ولاخوك وبجد انا اسف لاني قصرت معاك في عيد ميلادك ,بس والله لمن قفل المنتدى اتذكرت انك كتب يوم عيد ميلادك في احد رسايلك الخاصة ووالله ما عرفت ايش اسوي وتعبت وانا افكر!!! وبعدها انشغلت ونسيت عمري مع الاشغال لكني كنت عارف و متاكد انو منال القلب ما راح تقصر,اصلا انا كنت ابا اخليها هيا الي تنزلو لاني اعرفها تموت في تنزيل الاهدائات(ايش رايك بالتصريفة ) يالله كلها كم يوم وانشاء الل ارجع و نتفاهم .............
أي تصميم تنشرونه فالسالميه يبعث لي السرور لسبب بسيط انه من الصغري انا وأخوي التوأم معروفين انه رسمنا روعه بس للأسف موهبتي فالرسم تراجعت أما اخوي موهبته استمرت واتطورت بس انا غلبته في شي, في التلوين لوول في عشان جذي احب اشوف تصاميمكم لأني اتذوق الألوان بطريقه حلوة.
والله عيونك الحلوه يا Sridevi ..
ودااام انك رسام لازم تنضم معانا بشلة حسب الله انا وخلود يعني .. لان هم احنا رسامين وبنفس الوقت نصمم ..
بالهندي ماعندك عذر لازم نشوف لك شي بالمنتدى ونكحل عيونا برسمه من رسماتك..
يعطيك العافيه مره ثانيه على الاهداء ومردوووووووده
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
هيه والله انا متحسف اني ما نزلت الموضوع من قبل لأني كنت ابي اتواصل وياج من خلال هالموضوع .. ردج يالغاليه وايد اسعدني وفرحني والله .. كنت خايف انج ما تحلقين عالموضوع بس الحمدالله الله ستر .. مشكوره عالكلام الحلو .. وهذا حقج إني اذكرج في هذا الأهداء لغلاج الكبير اللي في قلبي
ههههه مو لهدرجه عاد بس ما الومج اذا استغربتي لأنه هذا أول موضوع واهداء رسمي .. تسلمين عالكلام الحلو يا حلوه .. في امان الله وملتقانا ان شاءالله بعد 20 يوم
واقعي
ولو عزيزي .. انت الذوق يا ذويق .. انت صدق تستاهل كل خير على مواضيعك الحلوه .. وانا اعرف اثنين من اللي تحبهم: نوال الزغبي واليسا والثالثه الله يستر مع الايام ان شاءالله بنعرفها .. من دون دعوه عزيزي موضوعك لازم ادخله شو ما كان .. تسلم عالمرور
Royal
اشكر يالغالي عالمرور .. ردك يعني لي وايد الصراحه .. ان شاءالله الله يسمع منك والين 30 نوفمبر الله كريم
يجيلك يوم
هلا وغلا والله .. حبيب قلبي اشكرك عالرد الغاوي يا غاوي انت وبالفعل هذي الاغنيه روعه روعه روعه واللي يسمعها صدق اقول عنه ذويق .. ولو واثقيين انك بتكون قد المهمه .. تشكر عالكلام الحلو
ولد دبي
يا هلا والله بولد بلادي لوول .. حبيب قلبي والله .. انت تستاهل الأهداء وطوايفه بعد لأنك متميز سواء بمواضيعك ولا نقاشك أو تصاميمك الروعه .. لا تحرمنا من ابداعاتك حبيبي واسعدني مرورك
Sailor
ياااااااااي يا سايلور والله اني فرحت يوم شفت ردك .. اشكثر مشتاق لك حبوب .. والله اني كنت خايف انك اتم مشغول على طول وما تلاحظ الموضوع وهو في طور النمو لوول .. بس بعدني وحليلي ما كملت سنه
وانت بصحه وعافيه ولا انها متأخره بس والله انها تسوى وايد عندي صدقني ثم ثم .. لا ما عليك معذور سايلور وخذ راحتك وبنتفاهم ان شاءالله وقت ما تخلص دراستك .. لا تقطع عنا عاد
LOVER
لا .. لا تقولي ارسم لأنه رسمي صاير تعبان وايد .. قبل في صغري كنت بس الحين اعتزلت الفن للأسف بس ان شاءالله اذا اخوي رسم شي محرز بنشره بلا شك .. ولو تستاهل الأهداء عزيزي .. تسلم
Rythem
واااااو .. مشكوره ريثم عالكلام العسل .. فرحت يوم شفت ردج عزيزتي ولا تحاتين سالفه الخريف والشتاء هذي انا اعلم فيها ما شاءالله ربعي ما قصروا وقالوا لي عن هذي الملاحظه .. اشكرج حبوبه عالمرور والرد الحلو
--------------------
المشاركات: 15243 | من: |-|●|-| U.A.E |-|●|-| | تاريخ التسجيل: نوفمبر 2003
|