اول شي بس حبيت اقولكم اني قعدت ربع ساعة افكر انزل الموضوع بأي ساحة .. و اخر شي استقريت على ساحة الاهداءات .. مشرفين الساحة لا تحذفونه ما عليكم امر
يا جماعة حبيت اقولكم خبر وايد مهم بحياتي .. و حبيت اشارككم فيه مع انه خاص ..
تم بحمد الله عقد قراني يوم الأربعاء 22-12-2010 و دخلت القفص الذهبي
و على وزن اخبار اهل الفن و الفنانين زوجتي مو من اهل الفن (اقصد مو من اهل السالمية) ولاهي متابعة للساحة الفنية العربية .. بس تسمع عبدالحليم حافظ (ذبحتني فيه ) و اذا في اغنية سوبر هيت تسمعها ..
شغلها كله بيونسي و الانسة غاغا و هالطقه
وانا اللي كنت قبل اقول مستحيل اخذ وحده مو نفس تفكيري .. و صارت من نصيبي وحده عكسي تماما بالذوق الفني ..
بس الحمدلله باقي الاشياء متفقين عليها
و اهم شي ان اول شرط شرطته عليها .. تحفظ اغاني و تاريخ نوال الزغبي كله لا اكيد اضحك وياكم ..
من البداية كنا واضحين .. قلتلها اذا شفت ميريام فارس راح اخليج و اروح لميريام
نرجع للجد ..
الحمدلله الله وفقني فبنت الحلال .. متفاهمين و كالعادة نتذابح عشان اشياء تافهة و نرجع نتصالح
سبحان الله .. بعد الاستقرار نظرة الانسان تتغير لأشياء كثيرة .. اتمنى لكم تشوفون السعادة مثل ما انا شايفها ..
و ادعولي اليوم .. حفلتنا بليل انشالله ..
اي نعم انا سهران قاعد احاتي شبسوي بالحفلة .. قلت اقولكم تدعون لي .. يمكن اقدر انام
مرسله في
مبروك يالغالي , حتى أنا من شهر تقريباً تملكت يعني تقريباً حاسه فيك وفاهمه شعورك لول ومن جد ع قولتك بعد الإستقرار نظرتك تتغير لأشياء كثيره بالمره , وتحس إنك جزء من شخص وهو جزء منك شعور حلوو
الله يوفقك يارب ويعينك على الحفله اليوم بالليل , وأهم شي الهديه , ترانا الجنس الناعم نموت ع الهدايا
مبرووووووك مره ثانيه , وعقبال ماتنزل موضوع نباركلك فيه بأول بيبي
مرسله في
كللللللوووووووووش الف الف الف مبرررووووك ادري باركة لك من قبل بس تستاهل نبارك لك الف مره تستاهل والله طلال كل خير انسان ماشالله عليك ذوق واخلاق انا استانس لما اشوف شباب كويتين مثلك الله يتمم عليك يارب ويجعل ايامك مع مرتك باذن الله كلها فرح بفرح يارب ويرزقكم بالذريه الصالحه اهم شي بالزواج التفاهم والثقه والاحترام بين الطرفين علشان الزواج يستمر واهم شغله لما الواحد يشد من طرف الثاني يرخي علشان الاثنين مايخسرون بعض الف مبرووك مره ثانيه صديقي الصدوق واهم شي لازم نوال الزغبي تغني بعرسكم لوووول بعدين اليوم حفلتك شحقه مونايم الساعه 4 الفير عسى الله يتمم عليكم يارب
[ ديسمبر 25, 2010, 06:50 PM: تم تحرير المشاركه من قبل: الصغيره ]
--------------------
سمو الامير الشيخ صباح الاحمد الجابر الصباح ( نبض القلوب)
مرسله في
الف مبروك منك المال ومنها العيال.....اختلاف الاذواق والاراء ضروري بالحياه الزوجيه...والزعل والرضا شي كتير حلو...خصوصا اذا لما تراضيها يكون في هديه حلوه....
الله يهنيك يا رب ويتمملك على خير ويوفقك بعيله حلوه تملي عليك الدنيا