صيف 1986... اتلقو الأهل خبر مفرح ، الرحم عم يتحضر لعملية حمل قلب جديد / / خريف 1986... عم يسمع الموسيقى ، ويتحرك ، ويحس يفتح عيونو ويغمض \ \ شتا 1987... الخير عم يهل ، وهو ساكن بالدفى فرحان عم يسمع صوت الشتا / / ربيع 1987... بيطل علينا متل الربيع ، ولادة وردة مفتحه ، مبلله بقطر الندى الكل يفرح فيها ، يغمرها ويشما .. التمو الاهل والاحباب ، وزينو الشوارع والطرقات .. وردة حلوة ما عرفو شو يسموها ، قالو هالورده عاشت كل فصول السني نطرنا كتير هالوردة تتفتح و هي صبرت شهور لتكبر وكانت الزهره هي " الفرج " لوقت كبير من الانتظار وجودها حلا الكون ، وغير اللون ، ونسى العيون النوم
\ \ \ صديقي وعزيزي فرج
انت انسان وصفك اكبر من عمرك ، الكلام ما بسعك بحب فيك نضجك و وعيك ، بنفس الوقت كيفك وخفة دمك قدرتك تمشي عالحبيلن عالية جداُ ، مشيك متوازن جداُ روحك حلوه وطيبة قلبك ملخصه بعيونك
انا بحب هي الصفات اللي فيك ، وبتمنى تكون دايما فيك وتضل انسان هيك مرح عطول .. واحنا بنحبك لإنك هيك يا رب نشوفك عطول عم تضحك ، وعطول مبسوط والله يعطيك الصحه والعمر الطويل ويبعد عنك المرض والقلق
ان شالله تكون المرحلة الجاي بعمرك حلوة ، يكون فيها شي جديد بتمنالك التوفيق بحياتك العمليه ، وتبقى عطول قد حالك كل سني وانت سالم ، وان شالله كل سني بينعاد عليك بالعافيه
رح بكتبلك شيك بمليون دولار هديه عيد ميلادك
Enjoy . . . . . . . . .
[ أبريل 04, 2011, 12:04 AM: تم تحرير المشاركه من قبل: Josee/lissa ]
كل عام وان بخير فرج وعقبال المية يارب ولا تحزن مافي تجاهل ولا شي هو بس الساحة دي ولا واحد عم يمر من هون وخصوصي فانز نوال الزغبي مش شايف حدى فيهم في هالساحة منزل اكثر من تصميم لنوال بس ولا واحد من فانزها شكلهم عم يمرو من هون