من فترة سويت موضوع بالعامة وخذيت آراء الأعضاء أو شريحة منهم. هل ياكلون اللحم او الدجاج لما يسافرون دول أجنبية؟ تذكرون؟ المهم
في ناس عادي ما تدقق بهالأمور. وفيه ناس تدقق وتهتم علشان ما يطب في بطنها شي حرام. الصراحة من بداية 2014 ابتديت امتنع عن وايد مطاعم ولا صرت أقرب صوبها. مع اني كنت قبل اكل من أي مطعم داخل ديرتي " الكويت " لأن بما انها دولة اسلامية ف أكل الي ابيه بدون تفكير.
لكن بعدين صرت اوعى. واقول لأ مو كل شي احطه فيه بطني وأكله ممكن يكون حلال! في مطاعم تغش وتكتب " حلال " علشان بس يمشون سوقهم. للأسف عندنا بالكويت مطاعم امريكية كثيرة واللحوم اغلبها من واردات امريكا والبرازيل وفرنسا والارنجتين وتوصل أغلبها عن طريق السفن البحرية. انزين لما انا اروح مطعم مثل تشيلز أو فرايدز وأطلب لي ستيك واسألهم اللحم من وين يقولون لي من أمريكا. انزين هناك شدراني انا شلون ذابحينه!! اوكي أنا قاعد في دولة اسلامية بس اللحم ياي من دولة غير اسلامية.
أكثر مطعم حسيت بفراقه هو " كنتاكي " اخ يا قلبي. كنتاكي كان صديقي من 2003 لحد 2013 اموت على برجراته لكن للأسف الدياي ماله من فرنسا والبرازيل. حتى لما سألت الي ةيشتغل هناك ما عطاني اجابة مقنعة ما كان يبي يخسرني كزبون وقالي: دام شي خاطرك فيه أكله ليش تمنع نفسك!! على فكرة كنتاكي من دولة لي دولة يختلف طعمه. كنتاكي الكويت طعمه عجيب ولذيذ.
الحين تقلصت عندي دائرة المشتريات وصاير ماقدر اكل أي برجر لحم لان اغلبهم من برا ومن استراليا حتى " ماكدونالدز " طبعا سالفة انهم يحطون حلال وهالامور خلاص ما صارت تمشي علي. الحين صاير نظام اكلي كله دجاج وسلطات كأني حاط نفسي برجيم وحارم نفس من الملذات
صرت اخذ من (( بالنسبة للكويت ))
كنتاكي: البطاط + حلقات البصل
ماكدونالدز: كل برجرات الدجاج فقط لانها من ماليزيا ومرة جريدة الوطن الكويتية حطت صفحة كاملة عن ذهاب وفد كويتي لمصانع الدجاج هناك وشلون يذبحونهم ويصنعونهم وهذا غير ان ماليزيا دولة مسلمة. ( البطاط مالتهم من امريكا ويقلونها بدهن الخنزير. وانا الصراحة مادري من صحة المعلومة بس شي شاك فيه أبتعد عنه أحسن )
برجر كنج: بطاط وحلقات بصل + برجرات الدجاج
هارديز: اللحم عندهم حلال والدجاج حلال وكله من السعودية ف أقدر اكل الي ابيه لكن للأسف اللحم مالهم وايد زفر وفيه ريحة تخليك تصوم 40 يوم والدجاج طعمه مو حلو
بابا جونز: اللحم + الدجاج من الاردن وحلال 100%
بيتزا هت: كله حلال ماعدا صدور الدجاج + الجكن وينجز من امريكا الباجي كله شغل السعودية والامارات
دجاج نايف: هالمطعم كويتي واكله حلال 100% وماعتقد موجود بأي دولة خليجية او عربية. وهو يقلد كنتاكي يعني كنتاكي تقليد لول
ليل سيزرز + بوبايز + تشيليز + فرايدز + ساندويتشات اللحم والدجاج والتركي الي يبيبعونهم في الكوفي شوب من طقة ستاربكس وكوستا وباجي المطاعم الامريكية والايطالية ولا أقدر اقرب صوبها الا لما اعرف ان الدياي كويتي ساعتها اكل وانا مطمن أو اني اطلب شي مافيه دجاج او لحم من برا يعني مثلا اطلب لي باستا بدون دياي ..
طبعا المأكولات البحرية علاقتي فيها صفر ع الشمال اكره كل شي بحري للأسف. فعلشان جذي ماعندي غير الخضار والدجاج فقط.
======
يمكن تقولون. هذا انت تسمع اغاني والاغاني حرام. ليش يعني تقعد تدقق ع الأكل؟ خلاص اكل وقوم دامك بدولة اسلامية وحتى لو الاكل طلع حرام يكون بذمة الشركة الي جابت اللحم او الدجاج.
تبون الصج فكرت اني اطنش وخلاص. بس والله ماقدرت. هذا انا ماسك نفسي من بداية يناير 2014 وبيصيرلي سنة مو حاط في بطني شي انا شاك فيه او لحم من دولة اجنبية. شي جدا صعب وصاير مثل تحدي مع نفسي. مرة قلت أبي أخربها طلبت لي وجبة من " جوني روكتس " وكنت متخوف شلون باكل برجر لحم من أمريكا!! وصل الطلب فتحت البرجر صرت أطالعها!! بعدها خذيت البرجر ورميته في كيس الزبالة وانتوا بكرامة!! بعدها حرمت. صح الريحة فظيعة ولما اطلع اي مول أو أروح أي مطعم اشوف الناس تاكل عادي ولا همها بس اقول الحمدلله المتاح اقدر اكله والي ممنوع خلاص ممنوع.
==========
حتى حلاو الجيلي أو الجيلو داخل المولات فيه محلات كلها حلويات ماأقدر اقرب صوبها والسبب ان اغلب الجيلاتين االمستخدم جيلاتين خنزير او ثيران أو بقري وكلها من فرنسا وتايللند والصين ودول اوربية يعني اكلها ممنوع شرعًا.. قبل كنت أكل لما أقول امين ولا كنت ادقق على هالأمور. حاليًا الي مصبرني هي منتجات " هاريبو " انتاج تركيا وحلال وخالية من شحوم ودهون الخنزير والألوان المحرمة
مرسله في
اي بدر اذكر لما رحت جنيف والنمسا في مطاعم تحس مو حق العرب كلش ومكتوب حلال وبس اطل من داخل القى بارات وحاطين لي سيخ شاورما على الطرف على اساس حلال لول
عفكره كلامك مغلوط.. مطاعم الشايع مثلا منها the Cheesecake Factory/ pf changs & shake shack
تستعمل اللحوم من أمريكا.. و دجاج من البرازيل بتقولي كيف نعرف انها مذبوحة ذبح إسلامي
بقولك قبل لا تدخل آلامارات او الكويت في شركات فالبلدان هذي قامات تيب ناس متخصصه بالذبح الاسلامي عشان ما يخسرون زبائنهم فالخليج و يوم يدخل عندنا يدققون و يتأكدون انه مطابق للشريعه.. اسأل اي شخص يشتغل فالf & b و بيقولك طبعا لا تسال لي الكاشير غالبا هذيلا ما يعرفون شي لول
--------------------
المشاركات: 13760 | من: United Arab Emirates | تاريخ التسجيل: مايو 2003
|
مرسله في
ليل سيزرز + بوبايز + تشيليز + فرايدز + ساندويتشات اللحم والدجاج والتركي الي يبيبعونهم في الكوفي شوب من طقة ستاربكس وكوستا وباجي المطاعم الامريكية والايطالية ولا أقدر اقرب صوبها الا لما اعرف ان الدياي كويتي ساعتها اكل وانا مطمن أو اني اطلب شي مافيه دجاج او لحم من برا يعني مثلا اطلب لي باستا بدون دياي ..
-----------------------------------------
حمزة تكفا قول قاعد اتغشمر انت من صجك اصلا يدخل الكويت شي موحلال عشان بروحك تقرر ماتقرب صوبها هه يابابا بامريكا وكل مكان بالعالم في ذبح اسلامي خاص للدول الاسلامية والكويت اصلا عمرها ماتبيع لحوم مو ذبح حلال هه
المشاركات: 44721 | من: الـكـويـت | تاريخ التسجيل: أكتوبر 2003
|
حمزة يصدمني ساعات احس انه مفصول عالواقع وباني واقعه بروحة
في احد يشكك في لحوم تنباع بالكويت انها موحلااال
من واحنا يهال نعرف هالشي شلون كنت تشك انه مثلا ستاربكس سندويشاته موحلال؟؟
تخيل حمزة كانك تقول الكويت فيها خنزير باستاربكس وكل القهاوي ؟ هالمعلومة تتصدق؟ نفس معلومتك الي تقول انه ماتقرب صوبها ههههههههه
المشاركات: 44721 | من: الـكـويـت | تاريخ التسجيل: أكتوبر 2003
|
إرسال هذه الصفحه لصديق!
لطباعه هذا الموضوع
![[Frown]](frown.gif)
![[Smile]](smile.gif)
![[Big Grin]](biggrin.gif)
![[heartpump]](graemlins/heartpump.gif)
-
![[battingeyelashes]](graemlins/battingeyelashes.gif)
ليش الجذب أكلهم لذيذ مالت عليهم 
![[crazy]](graemlins/crazy.gif)
![[sick]](graemlins/sick029.gif)
![[crying]](graemlins/crying.gif)
![[Confused]](confused.gif)
انت من صجك اصلا يدخل الكويت شي موحلال عشان بروحك تقرر ماتقرب صوبها هه يابابا بامريكا وكل مكان بالعالم في ذبح اسلامي خاص للدول الاسلامية والكويت اصلا عمرها ماتبيع لحوم مو ذبح حلال هه
