مرسله في                      

رد مقتبس:

---

المرسل الأصلي هو القدع:
من صغري و انا مهووس بالجن و بتجزبني هالقصص المرعبه كتير قريت كتب و انا صغير من تأليف شيوخ بيحكو عن حالات عالجوها و اخرجو الجن من الانسان كنت ضل طول النهار اقراها و ما نام الليل من الرعب

كبرت و كبر معي هوسي بعالم الجن و الاشباح و ظهر الانترنت بحياتي صرت اقرا اكتر و احضر اشي ع يوتيوب

لحديد ما طحت بمنتدى سحر مغربي لقيت فيو كتاب شمس المعارف الكبرى عملتلو داونلوود و لليوم موجود عندي الكتاب بس مش عارف اقراه مكتوب بخط عربي قديم صعب عليي اقراه كأنو شفرات

تركتو لهالكتاب و قريت 4 كتب تانيه و صرت قلد الرسمات يلي فيهن و اقرا كلمات ما الها معنى بصوت عالي برغم التحذيرات بهالمنتدى انو ما تنقرا بصوت عالي و نفذت اشيا بهالكتب بتمنى الله يسامحني عليها
بس هوسي بهالعالم الخفي ما كان بيخليني فكر كان كل همي انو يطلعولي الجن و اشوفهم

ضليت اقرا بهالكتب الاربعه و قريت عن مؤلفهم و عرفت انو مات بطريقه بشعه و غامضه
و بواحد من هالكتب كان في تعويذه بتستخدم فيها بيضيتن بحطن بعاد عن بعض و بتقرا الكلام او التعوايذ و المفروض الجن بيحضر و علامه حضورو انو بيقرب البيضيتن حتى يتلامسو و يظهرلك الجن و تاخد منو العهد عملت كل شي متل بالكتاب بالظبط بس ما صار شي

بس هالليله حلمت اني ماشي بميدان و مافي حدا غيري و فجأه لقيت سياره زرقا و الزجاج تبعها اسود قربت عليها الزجاج تبعها تحول لتاتش سكرين متل الفون بس بحجم كبير و ظهرلي كلام ما قريتو بالحلم بس شفت خيارين yes و no فا حكيت حالي بالحلم قلت اكيد هدول الجن و جايين حتى اخد منهم العهد و ركضت و صحيت مفزوع


بعدها صرت احلم بحيوانات بتزكر مره حلمت بقطط اكلتلي رجلي و شوهتني

المهم ضليت اقرا بهالكتب اكتر و جرب اشيا بس ماصار شي بس بعدها مزاجي تغير بعد ما كنت بضهر كل يوم و ما بطيق اقعد ثانيه بالبيت صرت طول الوقت بغرفتي مش طايق حالي و ما بحكي مع حدا و مخنوق ضليت ع هالحاله شهر و كنت بطلت اقرا بهالكتب و بعد هالشهر رجعت لحالتي الطبيعيه

و بعد هالتجربه صرت ما بصدق كل القصص يلي قريت عن تلبس الجن للانسان و الجن يلي بيسكن البيوت و ابتعدت عن الموضوع و صرت اقرا بشغلات تاريخيه عن الحضارات و الفنون و لقيتها كتير ممتعه

---

المشاركات: 44721 | من: الـكـويـت | تاريخ التسجيل: أكتوبر 2003  |