من بعد ما استفزني الكلام في موضوع دراما رمضان 2014 قلت لازم إني افتح موضوع منفصل علشان أقدر أتكلم على راحتي وأتناقش وياكم في مسيرة نادية الجندي. وحتى ما نخرب موضوع عليلو الي هو بالأساس مختص عن مسلسلات رمضان. قبل كل شي. أكيد عندكم علم وعرفتوا إن نادية الجندي راح تنزل في رمضان 2014 مسلسل بعنوان " أسرار " ومن خلال البرومو الثاني واضح إن اسمها "أسرار" وهذول المقطعين حق الي ما شافهم.
من خلال المقطعين أقدر أتوقع قصة المسلسل إن فيه جريمة قتل وتتدبس فيها نادية الجندي او " أسرار " وتنسب لها الجريمة على أساس انها مجنونة. وأعتقد بعد راح تحاول تظهر براءتها. لكن أكيد نادية الجندي ما راح تاخذ هالدور من فراغ. لأني أشوفه نمط الدور مكرر وشايف هالشخصية بأفلام ومسلسلات ثانية. بالضبط نفس ما حكمت على مسلسل الملكة نازلي بالفشل والملل لكن اكتشفت العكس. نادية الجندي تغيب سنتين 3 أربع لكنها ترجع بدور مش مكرر وهذا على حسب كلامها في " هذا أنا " تقول انا تقريبًا أديب كل الادوار ولما أبي أسوي عمل فيلم كان او مسلسل لازم يكون الدور مو مكرر علشان أكتشف نفسي واخلي الجمهور يكتشفني من خلاله.
على ذمة ويكبيديا فعمر نادية الجندي 69 سنة مواليد 1945. فنانة بتعتب السبعين ولحد الحين عندها طاقات وشكلها معطي على 40 سنة ورشيقة مشالله عليها. انتوا شايفين شكلها بالبرومو؟ والله عفية عليها. فنانات جيلها كلهم سكرايب. واذا في وحدة مضبطة نفسها فشكلها يكون مسخ. أنا ما أنسب الجمال حق نادية الجندي واوصفها بملكة جمال. بس على عمرها تعتبر مقبولة.
على فكرة هذا ولد نادية الجندي الوحيد " رياض " من عماد حمدي خخخخ سبحان الله نادية الجندي بس على ولد نفس حواجب وشفايف أمه. نرجع مرة ثانية حق نادية. أنا بالنسبة لي حبيت نادية الجندي من فيلم " مهمة في تل أبيب " شفت نفسي كل ما يحطون الفيلم ما أمل منه وأشوفه باهتمام كأني أول مرة أشوفه. بعدها عرفت ان الي شدني اداء نادية نفسها. بديت أشوف اعمالها وافلامها. شفت انها فنانة ماعليها كلام وحبيت وايد فلسفتها الفنية. نادية الجندي لو كانت مثل الهام شاهين أو حيالله وحدة جان كل سنة لقيناها مرتزة بمسلسل او سوت نفس وايد فنانات وطلعت بفيلم ويفشل فشل ساحق. نادية فعلا نجمة شباك وفعلا نجمة جماهير حق الي يتابعها ومتابع مسيرتها. الي مو متابع شي حق نادية لا يفكر يعطي رايه فيها لأنه بجذي يكون ظلمها.
انا ما أطلب من الكل انهم يحبون نادية. لأن كل فنان له محبين وله ناقدين وكارهين. وهالشي طبيعي. جدًا متحمس لشخصيتها في مسلسلها اليديد لأن الشخصية من خلال ما شفته مركبة فيها حالات ذهنية وضياع وفراغ وراح ندخل بمتاهات لحد الحلقة الأخيرة وهالشي يشد وايد. بالاضافة ان منتج المسلسل طليقها محمد مختار الي كونوا ثنائي قوي وناجح في كل افلام نادية. ف انا ما أتوقع الا النجاح الباهر الساحق للمسلسل. بس ان شالله ينعرض على قناة سنعة علشان لا يظلم. وبالنهاية العمل الناجح راح يفرض وجوده حتى لو عرض على قناة مخيسة. لا تقارنون نادية مع غادة. كل واحد جيل مختلف. بدايات غادة مختلقة كليا عن بدايات نادية. لما تبون تقارنون قارونها مع بنات جيلها بتشوفون نادية الأولى عليهم.
مرسله في
ع فكره حمزه ، مو كل حد يقول رأي سلبي فيها او مش مقنع فيها يعني مو متابع مسيرتها الأوسكاريه ناديا تقريبا زيها زي رجاء الجداوي ، واحده كومبارس في افلام الابيض و الاسود ، نفسها طويل في الفن الفرق ان ناديا طاحت في منتج كاش - زي السبكي حاليا - فرضها ع هالشباك المسكين في وقت كان السينما المصريه تمر باسوء فتراتها لو كانت افلامها بديك الجوده الي صرعت راسنا بها ، كنا شفنا ع الاقل فيلم واحد منهم ضمن 100 فيلم في تاريخ السينما المصريه و الجواب ع سؤال طبعا لا
رد مقتبس:المرسل الأصلي هو . Zak: ع فكره حمزه ، مو كل حد يقول رأي سلبي فيها او مش مقنع فيها يعني مو متابع مسيرتها الأوسكاريه ناديا تقريبا زيها زي رجاء الجداوي ، واحده كومبارس في افلام الابيض و الاسود ، نفسها طويل في الفن الفرق ان ناديا طاحت في منتج كاش - زي السبكي حاليا - فرضها ع هالشباك المسكين في وقت كان السينما المصريه تمر باسوء فتراتها لو كانت افلامها بديك الجوده الي صرعت راسنا بها ، كنا شفنا ع الاقل فيلم واحد منهم ضمن 100 فيلم في تاريخ السينما المصريه و الجواب ع سؤال طبعا لا
مفيش شخص بيستمر هالمدة حتى لو انفرض عالناس سنة سنتين عشرة بس مشوار اكثر من 30 سنة مش من فراغ
نقطة الى السطر صفحة جديدة
و انا ضد الموضوع لأن اللقب لا جدال ولا غبار عليه لما كانو الفنانات زمان بيناموا و الحسرة بقلبهم و الكحل سايل على خدودهم و بدل الدمعة عشرة كانت نادية بتصنع تاريخ و تحقق نجاحات عجز عنها الكبار و الأكثر موهبة منها
يلا ردوا و وصلو الموضوع عشر صفحات , لا شيء سيتغير المسلسل حينعرض و عليه لقب نجمة الجماهير
مرسله في
نقمة القماهير على نفسها لقب زيه زي اي لقب تاني لاي وحده او واحد نقم القيل الاسطورة المبهرة نجمة النجوم الموهبة الفذة ... هي بعد اللي كان وراها وداعمها ماديا كانت النقمة اللي ممكن تعمل اي حاجة ان شاء الله حتى تتزلط اما عن موهبتها فهي تجسد المعنى الحقيقي لكلمة زيف زائف fake من صوتها ملامح وشها طريقة الالقاء نفسها الادوار اللي ممكن تلمع فيها وتعملها شوية افيهات ادوار الشراشيح او البيئة "سلملي ع البتنجان" " يا تاج راسي" "دنا نعمة الله والأجر على الله" خخخ اكتر من كده فمش هفتكرلها ادوار مهمة ابدا ده حتى لما حبت تعمل فيها العميلة رقم 1 في الوطن العربي قالت "خالتي بتسلم عليك" وزي ما سبق وقلت اكتر حاجة بتستفزني و بتكرهني فيها لما تعمل نفسها بتعيط وبتصرخ و تفتح عينيها كده ويجيلها تشنج والصوت الغريب اللي بيطلع منها المقترن بحرف العين هي تركيزها لو كان للادوار دي "الشراشيح " كانت هتحفظ ماء وشها
حتى غادة اللي الناس طايرين فيها انا ما بحبهاش لما تلعب دور وحده مسكينة مغلوب على امرها وطيبة ومكسورة الجناح الادوار اللي بتليق عليها ادوار الشر و السفالة غير كدة بتطلع مصطنعة بشكل ممرض