مرسله في
هالسنة الصراحة في وايد وايد أعمال ومادري شنو أشوف وشنو أطوف لكن بشكل عام انا متأكد اني ما راح أشوف ولا برنامج. رامز + الصدمة + الكاميرا الخفية مع الفنانين أكبر اكس، لأن كلها بايخة وردات الفعل صارت محفوظة وهذا غير الاعلانات الي تاكل من جو البرنامج وتزيده ملل إلى ملل. ف لو كانت الأصداء عن حلقات معينة قوية راح اشوفها باليوتيوب وبس. لكن اني اخصص لها وقت معين مستحيل.
مرسله في
تصدقون حتى برامج استضافة الفنانين مثل مايسترو صارت خلاص بايخة. لأن طول السنة في برامج من هالنوعية تعتمد على ثيمة معينة وديكورات واسألة فخلاص احس وجودها برمضان تحصيل حاصل.
الشغلة الجديدة علي هالسنة ان ودي تكون متابعتي لأغلبية المسلسلات على "شاهد نت" لسبب واحد وهو اني ابي اشوف المسلسل hd وثاني شي بدون اعلانات وثالث شي بالوقت الي يريحني! قاعد افكر جديًا بهالشي اني ما اعتمد على قنوات التلفزيون العادية الي راح يحرقون ابو جونا بالاعلانات. بس احس هم لا مفر من هالشي.
انا ماعندي بلورة سحرية لكن مبين الوضع العام شنو راح يكون يا ان رومانس اكشن او كوميدي. وبشكل عام الدراما اللبنانية صارت مشوهة بعد ما صار اغلب الممثلين منوعين من سوريا ومن الخليج ومن مصر. ف احسها فقدت هويتها للأسف.
تيم حسن مصمم يسوي مليون مسلسل مع نادين نجيم وهالسنة طالعين في مسلسل اسمه ( الهيبة ) انزين ما مليت!! القصص احسها مثل مثل والاكشن هو هو.. حتى مسلسل كراميل الي تغني مقدمته نوال احسه بايخ ويلوع الجبد وثقيل طينة.
=======
2- المسلسلات السورية
بعد ما بحثت وتقصيت، لازالت الازمة السورية مسيطرة على مجموعة من المسلسلات الجديدة، واذا لأ نروح على النص الثاني وهي مسلسلات الشام القديمة الي ملينا منها من طقة باب الحارة وغيرها. يعني لي متى راح نقعد نحلم بالدراما الاجتماعية الحديثة الي كانت هي اساس اعمدة المسلسلات السورية؟ متى بنشوف اعمال على مستوى:
مذكرات عائلة عائلتي وانا جميل وهناء عيلة 5و6و7 نجوم الفصول الأربع قوس قزح على حافة الهاوية
ليش هالنوعية من المسلسلات ما صرنا نشوفها! السنة الماضية كانت الدراما السورية مخيبة للآمال بشكل فظيع ومرات ما الومهم. احتمال حيييل ضعيف اني اتابع مسلسل أمل عرفة لرمضان 2017 وهو بعنوان (سايكو) كل يوم حلقة منفصلة بس هم مو متشجع وايد.
هالسنة بس 3 أعمال شدوني للمتابعة، والباجي حسيتهم زبالة.
- لأعلى سعر ( نيللي كريم )
- الحساب يجمع ( يسرا )
- واحة الغروب ( منة شلبي )
مع اني ما اطيق منة ولا يسرا بس تريلر مسلسلاتهم حيل شدوني وخاصة يسرا، احسه سجن النسا بس في 2017 (مومتابع سجن النسا: لول ) بس مادري ليش حبيت شكل يسرا فيه. اما منة شلبي بالتريلر ضابطة دور الأجنبية واذا حسيت المسلسل ممل راح اسحب عليه. يبقى مسلسل نيللي الي حبيته من ورا اغنية نوال، لكن في عوامل كثيرة تخليني احب احرص اتابع "لاعلى سعر"
1- نيللي كريم هي اساسا راقصة باليه والمسلسل اعتقد في من فيلم the swan ف نيللي راح تسوي شخصية من واقعها ف احس راح تبدع عدل بالتفاعلات النفسية وابعادها.
2- زينة وعلى الرغم من اني احتقر سالفتها مع احمد عز بس احب تمثيلها وااايد وانا متأكد بتسوي جو حق المسلسل
3- تتر نوال القوي خلاني احرص اني اتابعه لول.
=======
مسلسل عادل امام واحمد مكي والمسلسلات فيها كوميدي وشوي درامي كلش ما احب اشوفها برمضان
=======
المشكلة وين؟
الحب "ياسمين عبد العزيز " بتسوي مسلسل اسمه "هربانة منها" ومعاها نفس التيم الي عادة تمثل وياه في افلامها. والتريلر حيل حيل يحمس بس مادري كلش ما احس جوه انه يتابع في رمضان.. بشوف اذا مسلسل منة شلبي طلع بايخ راح اتابعه.
========
احمد عز واحمد السقا ويوسف الشريف ومن هالطقة الي مسوين فيها هات يا أكشن وغموض "يحلمون" اني اتابع لهم شي..
هني بلشنا بالجد لازم لازم ارسي على بر لكن خلاص احس اللستة نوعًا ما صارت جاهزة:
* كحل أسود,قلب أبيض
للمخرج ( محمد دحام الشمري ) وراح اتابعه بس لان دحام هو المخرج لاني اثق بإخراجه وتوصيله للقصة. المسلسل عبارة عن مجموعة قصص.
** كان في كل زمان
مو بس لان سعاد عبدالله بتمثل فيه، الحلو ان المسلسل لأكثر من مخرج واكثر من قصة وكل قصة ممكن بحلقة أو حلقتين يعني مافي مط ولا ملل والحبكة موجودة ف حيل متحمس.
(ملاحظة: كثرت في الآونة الآخيرة المسلسلات الخليجية الي تكون حلقاتها منفصلة )
*** إقبال يوم أقبلت
نفس التيم الي اشتغل في مسلسل " جود " من ممثلين ومخرج راح يكون بهالمسلسل الا باختلاف كم ممثل. وهدى حسين من بعد جود احس بتقدم في هالمسلسل شي قوي. وعلى فكرة اسم المسلسل مأخوذ من رواية وهي موجودة في المكتبات
**** رمانة
احتمال ضعيف اني أشوفه. بين اي ولأ لاني احسه الجزء الثاني من فال مناير. ف بخليها لي وقتها..
========
اما بقية المسلسلات إلى أقرب مكب نفايات من النوع الجامبو خاصة المسلسلات الكوميدية الخليجية من طقة سيلفي ومسلسلات المسلم وعبد الرحمن العقل
مرسله في
نيلي.. يسرا .. الهيبة .. هولي مبدئيا بس ممكن ما اشوفهم حتى برمضان مثل ما صار مع نيلي العام الماضي.. احب المسلسلات حقت نادين نجيم فيهم شياكة لبنانية .. ممكن اشوف هند صبري و مرفت امين .. السوري مدري ! بس زاعجني تواجد كاريس و سلافة في البيئة الشامية للعام الثاني على التوالي.
--------------------
المشاركات: 15649 | من: نفسيه سودة وثقالة دم | تاريخ التسجيل: مايو 2001
|
رد مقتبس:المرسل الأصلي هو بعطوش: نيلي.. يسرا .. الهيبة .. هولي مبدئيا بس ممكن ما اشوفهم حتى برمضان مثل ما صار مع نيلي العام الماضي.. احب المسلسلات حقت نادين نجيم فيهم شياكة لبنانية .. ممكن اشوف هند صبري و مرفت امين .. السوري مدري ! بس زاعجني تواجد كاريس و سلافة في البيئة الشامية للعام الثاني على التوالي.
اي كاريس وسلافة يبدعون بالاجتماعي الحديث، يقتلون نفسهم بالشامي القديم
الموضوع مغلق
إرسال هذه الصفحه لصديق!
لطباعه هذا الموضوع
![[Smile]](smile.gif)
![[heartpump]](graemlins/heartpump.gif)
![[eyelove]](graemlins/eyelove.gif)
وعلى الرغم من اني احتقر سالفتها مع احمد عز بس احب تمثيلها وااايد وانا متأكد بتسوي جو حق المسلسل ![[Mad]](mad.gif)
![[sick]](graemlins/sick029.gif)
عنده مسلسل برمضان اسمه 30 يوم 
![[rose]](graemlins/40.gif)
