آغلي بيتي أو بيتي القبيحة. منو ما تعلق في هالمسلسل الرائع وعاش بأدق التفاصيل مع أبطال العمل! بيتي بالنسخة الأمريكية غطى مليون مرة بنجاحه على النسخة المكسيكية الي ما أشوف من وجهة نظري نجح واكتسح نفس النسخة الأمريكية. بعد فترة شفنا بيتي القبيحة بالنسخة العربية وتحديدًا باللهجة المصرية من بطولة ايمي سمير غانم. وللأسف العمل كان من أفشل ما يكون. والي زاد الطين بلة إن صناع المسلسل بالنسخة العربية نفوا ان مسلسلهم " هبة رجل الغراب " هو النسخة العربية لبيتي القبيحة.
لا والله حلفوا بس!! مجلة تهتم بالأزياء ومدير يعين سكرتيرة قبيحة كل هذي الامور مو نفس القصة! جان زين ما صرحوا أحسنلهم. كل الي اعرفه ان النسخة العربية نسخة مشوهة وظالمة لبيتي. من جم يوم كنت أقلب بقنوات التلفزيون، استوقفني اعلان عن مسلسل راح يعرض على قنوات OSN بعنون ( أنيسة الونيسة ) ودور البطولة الفنانة الكويتية: فاطمة الصفي
احنا ناقصين بيتي القبيحة بالنسخة الخليجية!! لو تشوفون البطلة + مخرج العمل بتعرفون ان المسلسل ما راح يكون له أي بصمة. للأسف الاستنساخات الي قاعدين يسوونها حق مسلسل وشخصية بيتي كلها تبوء بالفشل الذريع.
انقهر. ما أحب أشوف مسلسل يندمر بهالطريقة. بريق اغلي بيتي بالنسخة الأمريكية لحد الحين يشع ومن جم يوم بس انتهيت من مشاهدة السيزن الرابع والأخير من النسخة الأمريكية. فجأة اشتقت اشوف اغلي بيتي ف بديت من شهر 11 أشوف السيزن الاول ومن جم يوم ختمت السيزن الأخير وبعدها انصدم انه فيه بيتي خليجية
مبين ان شغل بيتي الخليجية بيكون في البيت ونظام خطط ودوابير ومسخرة. يعني بيتي الخليجية بتكون صج صج خليجية. كله صوب واللي حاطينها بدور البطولة بصوب. الحين " فاطمة الصفي " وينها ووين هالأدوار!! سوري بس هذي دمها ثقيل. حطوا شجون ع الاٌل او غدير السبتي الي بدعت في دورها بمسلسل ثريا برمضان الماضي شخصيات عفوية مو وحدة ثقيلة دم ومعطينها دور جذي!! مسخرة والله..
وطبعًا بما ان شخصية بيتي قبيحة. لازم يخلونها معاقة وما تعرف تمشي وتعري او عندها مشكلة باللفظ والنطق وتلطيخ ميك اب ويشوهونها مع باروكة من النوع الخايس. مادري ليش ما يتعلمون من بيتي الأمريكية الي كانت قبيحة باعتدال وتحب وتنحب ومقبولة وواقعية.
مرسله في
والله ماعندكم السالفة لول المسلسل غير عن ugly betty اللهم وحدة قبيحة مع بريسليز شخصيا متحمس بعد ماشفت دعاية mbc اكيد حلقتين وحسحب عليهم كعادتي بالمسلسلات الخليقية
رد مقتبس:المرسل الأصلي هو iDoc: والله ماعندكم السالفة لول المسلسل غير عن ugly betty اللهم وحدة قبيحة مع بريسليز شخصيا متحمس بعد ماشفت دعاية mbc اكيد حلقتين وحسحب عليهم كعادتي بالمسلسلات الخليقية
الله يهداك حمزة!! كهرتنا بالمسلسل قبل لانشوفة
المسلسل ماله علاقة في اجلي بيتي وغير عن النسخة الامريكية والمصرية والمكسيكية لانه ماله علاقة فيهم قصة غيييييييييير
والله كرهتني فيه وقاعد اشوفه على استعباط لين تفاجأت انه حلو وماله علاقة في اجلي بيتي
المشاركات: 44721 | من: الـكـويـت | تاريخ التسجيل: أكتوبر 2003
|