كليبات كثيرة شفناها وحبيناها وتعلقنا فيها، وفيه كليبات مو حلوة، لكن لأنها تحمل لنا ذكرى في زمن ما وفي سنة ما فنحب نشوفها بين فترة وفترة. ولأن جيل الثمانينات وجيل التسعينات "الفنيين" عاصروا مجموعة لابأس بها من الكليبات، ف أكيد عندكم كليبات "تنرفز"أو بصيغة ثانية فيه مشاهد من كليبات معينة تحس انهم غلط ومالهم معنى وتحس إن المشهد تنفذ بطريقة غبية ويمكن مضحكة وشكل الفنان أو الفنانة فيها غلط.
بالنسبة لي عندي قائمة تطول وتطول من الكليبات الي المعوقة والستوري بورد مالها بو طقة
01 رباب - من متى
بطل الكليب أنواع العرق وأحس ميزانية الكليب حيل رخيصة ويتكلم عن حقوق المرأة وتكون رباب ماسكة اجتماع في غرفة الاجتماعات وتسوي صلح بين موظف وموظفة.
02 كلودا شمالي - حبيب الروح
كلودا شمالي عندها مشكلة بأغلب كليباتها ما تحط عيونها بالكاميرا.. مادري الغلط منها او من المخرج خاصة بكليب حبيب الروح تغني بصوب والكاميرا بصوب
03 هويدا يوسف - علامين
في هذا الكليب الروج أو الحمرة مدمرة أسنانها بشكل جدًا بشع، معقولة المخرج ما انتبه؟ او يمكن كان قرفان ويبي يخلص الكليب وبس. وملاحظ 99% من كليباتها لازم يكون فيه كرسي او سوفا تقعد عليها لاحظوا كليباتها كلها مقاعد وكراسي لول
04 أحلام - ولا تسوى
فيه مودل بهالكليب تنرفززززززني الي حاطة قلم تحديد على شفايفها لونه أسود تحررر
05 وردة - مواسم
انا والوالدة نضحك ضحك لما تسوي هالحركة بإيدها والسبب مجهول! اذكر بالزمنات بس نشوف هالكليب نضحك على نفس اللقطة
06 ميسم نحاس - نار نار
الحركة الي تسويها بأسناها لما تسوق السيكل عبيطة حيل
07 راشد الماجد - يا ناسينا
من 98 لحد اليوم وانا أحاول أفهم سر رقصة الكونغ فو الغريبة هذي! أحس كلش ما مو راكبة على الأغنية
08 أصالة - مشيت سنين
لما تقول في لحظة " معاااهممم " وتسكر على شفايفها أحسن كأنها ماكلة درابيل حجم عملاق " حلو كويتي "
09 منة ونهلة - احكيلي
كلمات الأغنية لا تمت للكليب بأي صلة المشكلة متضايقة وصديقتها تهديها لان حبيبها يخونها وطايحينله رقص، عيل لو فرحانة شنو بتسوين! خاصة لما تقولها " جرى ايه ما تشدي حيلك " والثانية طايحلته هز هز يا وز
رد مقتبس:المرسل الأصلي هو bilall2003: كليبات محمد فؤاد وخصوصي كلباتو الي يعملهم وهو طالب ثانوي وهو قد الجحش
+
على قد ما كانت الكليبات عبيطه بس كانت بسيطه و حلوة
الحين تقنيات و ميزانيات كبيرة بس ماكو افكار جديده ولا كليب يعلم معاك عكس كليبات التسعينات و بداية الالفين 😍
المشاركات: 4958 | تاريخ التسجيل: يوليو 2011
|
رد مقتبس:المرسل الأصلي هو T.A: حمزه احس الزمن واقف عندك بال 2003 كل مواضيعك عن القدامى لووول
فعلا احس الزمن وقف معاي من 2008 تلقاني وايد ارجع للكليبات من 2008 ونازل مادري ليش.. الكليبات اليديدة احسها مافيها طعم للاسباب الي ذكروها بالردود من شوي اموت بالمنتحرات فنيًا والي سحب الزمن منهم البساط