مرسله في
تدشين وتدشين تدشين وتدشين وآخرتها حفل مايسوى ريال
نبدأ من ناحية ملكة تدمر اللي كانت دمرانه عالآخر ملامحها متبنجه ومتعجبه طول الوقت طلتها باهته على غير العاده صوتها يضبط بأغنيه وينتع ويرجف بالثانيه ( فيس يتذكر اغتصابها لأغنية بريء ) تنسى كلام الاغاني وتألف كلمات من عندها كل شوي تبلع بريقها وتعيد وتزيد بالاغاني ويالله نبدأ من جديد دراما من نوع فاخر ودموع تماسيح تزامنت مع غناءها لحزين من الشتاء فالحه بس كل شوي تمسح جوخ لتركي آل الشيخ لدرجه وصلت فيها انها تهمس بأذن خديجه وتحثها على تقديم فروض الولاء والطاعه
ما ابي اظلمها واحط اللوم بس عليها لأن كل شيء بالحفل كان مكركب وملخبط وكانت طول الوقت تحن وتزن وتشكي من هندسة الصوت ولا حياة لمن تنادي يمكن رقعوها بالاخير بعد ما فات الفوت وصار الشق اكبر من اي رقعه وفعلاً فيه اجماع على هندسة الصوت وانها قد ايش كانت سيئه هذا غير الكورال النايم والاستعراض الكوميدي اللي رافق الاغاني والاعياد اللي جابوها بشاشة العرض
[ ديسمبر 24, 2021, 01:34 AM: تم تحرير المشاركه من قبل: 3ala ]
-------------------- المشاركات: 2882 | من: جدة | تاريخ التسجيل: أبريل 2008
|
مرسله في
حلومه طالعه اخت اليسا الكبيره فضيع الشبه من بينهم ما عقب الهنتين شدن حواجبهن نفس العيون والخشم تقريبا بس ان احلام اطول من اليسا جانهم اخوات
المشاركات: 12138 | تاريخ التسجيل: نوفمبر 2015
|
رد مقتبس:المرسل الأصلي هو HolyAngemon: على كل المهازل اللي صارت امس الا اني طلعت من الحفل مبسوط
اول شي النقل على شاهد كان جدا سئ و الصوت مكتوم و واطي عكس الواقع تماما
بدت الحفلة و كان واضح احلام خايفة و ترجف رجف قدامنا بعد اول دقيقتين بدينا نحس بشي غلط .. مو موضوع خوف
احلام مضيعة الموسيقى وهي بصوب و الاوركسترا بصوب ..
شالت السماعة من اذنها بعد ماصفرت باذنها و تحاول ترجعها كذا مرة و مو قادرة عرفنا انها مو قاعدة تسمع شي و قاعدة ترتجل بالأداء
صارت تقول كذا مرة مو سامعة الموسيقى ولا حياة لمن تنادي
و المهزلة الثانية اللي حسيت احلام كان ودها الأرض تنشق و تبلعها لما بدأ تراك صوت مساعد الرشيدي يلقي حزين بالثلث الأول من الحفل
و احلام تسوي نفسها مو سامعة و تحاول تأشر و تشتت انتباه الجمهور ولا كأنه في شي شغال
بدأت تغني خطاك اللاش و فيديو حزين اشتغل وراها بالسكرين و وجهها تلون من الفشلة و قالت ستوب ستوب
لين ماوقفت الحفلة "مو بريك" ابو عشر دقايق و الظاهر صار في طراق بالكواليس و جزم تتطاير على مهاوي
رجعت بعد التوقيف الوضع تعدل بس كان واضح انه خلاص احلام انبعص جوها و مو قادرة ترجع بالموود
في اغاني بدعت فيهم و الجو كان مشعلل عالمسرح مثل سر معلن - بعض الناس - الله يرحمه - لا يروح الليل جنان خصوصا مع ظهور خديجة
حزين لما غنيناها كلنا بدون موسيقى
وفي اغاني اغتصبتهم و طلعو زي الزفت مثل موعدنا الاخير اللي كل شوي توقفها و تعيدها كأننا قاعدين ببروفا
برئ تسولف عبرتي تشرق الشمس و تغيب كلهم زي الزفت
الكورال كان صوته واطي وماينسمع و الايقاع طاغي عليه بقوة
الأستعراضات شغل بنات سادس ابتدائي و شي يفشل و مهزلة
اولا الستيج باليالله واسع ال100 عازف ومافي اي مكان للرقص و الأستعراض و كل وحدة حركاتها بصوب و الثانية بصوب
الحفل بما انه البوم كامل جديد يتغنى لأول مرة المفروض بروفاته مكثفة من شهر مو بأسبوع جايين يتدربون على البوم كامل بتغنيه لأول مرة
حفل ابوظبي الباهت باليوم الوطني ما كان له اي داعي ولا اعراس اخر شهر
الحفل كان يحتاج 3-4 اغاني من الارشيف تكسر الجو و تخلي احلام تتنشط مع الجمهور اكثر
اللوم الأكبر باللي صار مو على احلام ولا على المايسترو اللوم على هندسة الصوت اللي وضعها ما كان طبيعي بالمرة و مثير للشك
واليوم وصلني كلام انه مهندس الصوت مدفوع له يعفس الصوت عشان ينحط اللوم على امير عبدالمجيد اللي نازلين سب فيه من امس عشان يستبعدونه
اللي عرفته انه سهم و عزوف مو طايقينه وهو المسكين ماقصر بشي
للآسف بيزعل هالحكي المشكلة بحفلات أحلام هو البهرجة و المبالغة في كل شيء احيانا بيكون شي عكسي مثل ماصار مع احلام احيانا البساطة بكل شي بيكون مبهر أكثر وموثر و بيأثر بالجمهور آكتر
-------------------- المشاركات: 1985 | من: Damascus | تاريخ التسجيل: يناير 2012
|