مرسله في
المسلسل صحيح اول موسم له عادي بس مو لهالدرجه سيء لتسوي طاف لاخر 5 حلقات خاصه ان فيها اشياء بتصير هي بتكون اساس السيزن الثاني زي تسكير موضوع روسو و تفاصيله الي بتظل خط مفتوح حتى بعد فينالي ثان موسم
مرسله في
انا اكثر شي كان يرفع ضغطي المقارنه بين ترو بلود و مذكرات الفامبيرز واحد من عند المتفوقه سي دابليو خخخ و واحد من اتش بي او رغم انه ترو بلود اخترب مستواه في الموسم الثالث و الرابع بس يظل احسن بسنوات ضوئيه من عك الثلاثي المرح تبع المذكرات - انجي علي
شفت بايلوت مسلسل جي جي الجديد ، حملت اول حلقتين بس متكسل اشوفهم
-
بالنسبه الزوجه العاهره شفت الحلقتين الجداد ، الاولى بعد العوده تضيع وقت و سوالف مرغليزيه ممله تجيب الحموضه و هالبيشوب ما خلصت قضايه خخخ ، من اول موسم له بهالمحاكم مع هالمحامي الانتيكه لول الثانيه احلى خصوصا مشهد الكوفي ، حبيت الباك ستوري لانه يبين شقد هالاليشيا بيغ هور و سوقها ما يمشي الا بالتنازلات زي مايصة عقرم مشهد جاكي ياريته كان حقيقي ويل شالها من الويل و عطته طعنه عمره ، نشالله يشهد ضد زوجها الدرج ، عشان تبقى واحده بواحده #TeamWill
[ مارس 22, 2014, 02:08 AM: تم تحرير المشاركه من قبل: . Zak ]
زاك مالي مزاج ارجع احمل حلقات من سيزن 1 خخخ ، مللني ، الاحداث فيه ممله منزله سيزن 2 كامل ، واليوم من الملل شفت اول حلقة منه ما حسيت ان طافني اشياء خخخخ ، يعني فهمت القصة
موضوع روسو صار بأي حلقة من سيزن 1 ؟ الاخيرة ؟
--------------------
المشاركات: 3139 | من: Bahrain | تاريخ التسجيل: أكتوبر 2010
|
مرسله في
بصراحة أنا أشوف المسلسل عشان damon خخخ كيووووت
للحين ماشفت مسلسل جي جي الجديد , للحين ما كملت حتى ترو ديتكتيف , لاهية أكمل Law and order svu لووول هالمسلسل عاد الـguilty pleasure بالنسبة لي وفعلا في حلقات حلووووة أتابعه أول بأول تقرييا وللحين مامليت
مو متذكر بس اظن الحلقه التاسعه ، انصحك تكملين بقيه الحلقات لان الريتيم فيها بيصير اسرع اتذكر اني وقفت عند الثامنه و لما رجعت كملت الحلقات شفتهم تكه وحده
انجي
ديمون كمان عديم المواهب خخخ - كلهم مشالله ، لو كان ممثل فلته ما كان اول واحد يتخلصوا من شخصيته من اول سيزن من لوست و كان اخذ دور اريك نورثمان في ترو بلود بدال أليكساندر سكارغارد بس هو كبيره ينجم في مسلسلات سي دابليو ، المراهقات يخقون ع عيونه الحوله و يصير gay icon
[ مارس 22, 2014, 02:14 AM: تم تحرير المشاركه من قبل: . Zak ]
هالمسلسل من انتاج abc فاميلي عن بنت أمريكية من اصول سعودية يموتون أمها وأبوها ويخطفونها أهلها بالسعودية - من الأسرة الحاكمة , البايلوت تصور وكان المفروض يعرضونه بس سوو حمله ضده بكل مكان فالقناة سحبت البايلوت وخلاص ماراح تعرضه
عبير
أنا أشوفه , بس السيزون الأخير للحين ماشفت , أنطره يخلص
[ مارس 23, 2014, 02:20 AM: تم تحرير المشاركه من قبل: Angie-Q8 ]
مرسله في
انا بتابع النسخة الفرنسية للبرنامج ، بس صاره سنه متوقف بسبب ان احد المشتركين مات وقت تسجيل اخر سيزن بشكل عام انواع النفسيات و الاستراتيجات و النفاق و الكذب ، لدرجة يكرهوك في البني ادمين lol ، و بالغالب الي بيوصلوا للنهائيات الاضعف
[ مارس 23, 2014, 05:31 AM: تم تحرير المشاركه من قبل: . Zak ]