بس بالنسبة لي احلى شي بالحفل بعد فوز زوتوبيا كانت هالمخلوقه الكيوت اللي اسمها اوليئي
ياحلوها والله .. طلتها مريحه وتجنن .. وكانت عملاااقه عالمسرح بالنسبة لبنت عمرها 16 سنه .. ادينا منزيل اللي صار لها قرون تمثل على مسارح البرودواي لما طلعت على مسرح الاوسكار تغني ليت ات جو جابت العيد ونشزت .. اما اوليئي ماشاءالله كانت متماسكه وثابته لاخر ثانيه من العرض وصوتها روعه .. حتى لما هفها القماش على راسها ما ارتبكت .. ظلت مبتسمه وتغني وخلت الموقف يعدي بسهوله .. فنانه حقيقية
من بنات ديزني اللي يرفعون الراس
احلى شي بعد ماخلصت العرض وكيف انها تنفست الصعداء على قولتهم
كيووت
اما مانويل من صجهم جايبينه يغني راب؟ ماعندهم سالفه وحركه مالها داعي
.......
وبكذا ختمنا 2016 .. كل عام وانتو بخير
من اقوى وانجح السنوات اللي عاشتها ديزني
[ فبراير 28, 2017, 12:55 PM: تم تحرير المشاركه من قبل: [ L.O.V.E.R ] ]
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
يستاهل زوتوبيا وكان متوقع فيلم ثقيل وقوي ولو اني كنت حاب موانا ياخذ الحائزة لانه يحرام انسحب عليه بكل شي حتى بفئة الاغاني
بس اوليئي عوضت هالشي باهدائها المذهل عالمسرح وكانت متمكنة بالنسبة لبنت عمرها 16 سنة بس !! وانا اشوفها حسيت بطاقة نفس مشهد الاغنية بالفيلم والاهم انها ما نشزت يعني عكس ادينا منزل اللي فشلتنا وجابت العيد بادئها المخزي ام نشاز هذا وهي مغنية بروداواي
يعني من الاخر اوليئي بيضت الوجه وكفت و وفت واتمنى ديزني تتبناها وتسويلها مسلسل غنائي من بطولتها لان غيرها مو احسن منها
ومبروك علينا جميعا
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
وأخيرا انفكت لعنة أداءات الأوسكار النص نص .. عاد انا كنت متوقع انه تنهار و تخبصها بس برافو عليها طلعت قدها و قدود ... وحبيت جدا انها غنت الأغنية كاملة من البداية للنهاية... لين مانويل ميراندا روعة اضافته و أساسا هذا ستايله ودوم يبدع فيه
على فكرة اللي تشتغل وياها من سنتين ومدربتنها عالأداء في الفلم نفسه وعلى مسرح الأوسكار هي أم كاثرن ماكفي ..
زوتوبيا يستاهل الفوز و أساسا الفلم كان المفروض يترشح لأفضل أغنية عن أغنية شاكيرا و أفضل سيناريو أصلي لانه يستاهل... اذا جاستن تمبرليك ترشح ليش شاكيرا لا
[ فبراير 28, 2017, 11:35 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
بس من اغنية البطلة الي غنتها بالاوسكار تحمممممممممممست الاغنية ناار لي درجة فكرت اشتري الالبوم قبل ماشوف الفلم بس لا بشوف الفلم اول وبعدين اشتري الاغاني جذي تعودت
المشاركات: 44721 | من: الـكـويـت | تاريخ التسجيل: أكتوبر 2003
|
مرسله في
مشكلتي ناصر اني مزاجي مع افلام ديزني يعني احب اشوف الفلم لما انا احس احتاج اشوف انتاج ديزني
مثل لما شفت قلبا وقالبا يمكن شفته عقب 6 اشهر من نزولة بس لاني نطرت احس محتاج اشوف ديزني ولما شفته وصلت السما من جماله
لذلك قررت من يوما اشوف الشي لما اشتهي اشوفه مو لما اكون ابي اشوف وبس ولو تعرف حياتي انا مومن الي يروحون سينما وايد عادي بالسنة مرتين واشوف افلام بغرفتي بالسنة مايتعدون العشر يعني مو وايد
والمشكلة الثانية ايتونز الامارات جنني وحرمني من اني اشوف شي بالعربي ,,شفت منه مره مرتين ثلاث بعدين لاحظت يشغل لي الفلم بس مايخصم شي من فيزتي !! شلون مادري بعدين صار العكس قام يطرش لي ايميلات ويقولي في فلوس ناقصة بفيزتك وو مع انه فيها واقوله فيها يالخبل جان يعطوني بلوك من الي يحبه قلبك بحسابي الاماراتي ولما سجلت من يديد يقولي فيزتك مو من الامارات الزبدة طلع لي قرون وهديته وظليت عالامريكي
بشوفه قريب ..الحين انا بروح لندن ويارب عرض علاء الدين براد وي موجود للحين
المشاركات: 44721 | من: الـكـويـت | تاريخ التسجيل: أكتوبر 2003
|
رأي من رايك ناصر ادائها كان جداً روعه على عكس ادينا منزيل مرتبكه ومنشزه , وصوتها حلو باللايف وافضل من وايد مطربات مثل كيتي بيري وريانا وبرتني ومرايا كاري ,, اصواتهم نشاز باللايف ونفسهم مقطوع
وحلو انهم اختاروها لدور في مسلسل والله وانا اشوفها تغني كنت اقول مسكينة يمكن خلاص ماتطلع في شي