ولا بعد كنت أبي أشيلها وأرجع ألصقها بالعلبه من ورا وايد متفائل عـ بالي مثل ستيكرات سيديات الأغاني
من جد إنقهد تشوه منظر الغلاف شوي
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
مرسله في
وسيم حبيت ذكرياتك عن الأسد الملك , أنا حدي متحمس أشتري الفيلم بأقرب وقت مع الأجزاء والفيلم الوثائقي يله كل واحد يقولنا ذكرياته مع الفيلم
.......
بخصوص ستيكر كارز 2 فعلاً عصبت منهم لأنه أول شي سويته هو أنه حاولت أبطل الستيكر وآخر شي تشوه منظر العلبة , لكن تذكرت أني كنت طالب الفيلم من أيدو قبل لا أدري أنه بينزل عندنا فاستلمت الفيلم منهم ومابطلت الستيكر , سبحان الله طلع تسرعي بشراء الفيلم من أيدو له فايدة
--------------------
المشاركات: 348 | من: الإمارات العربية المتحدة | تاريخ التسجيل: أكتوبر 2010
|
طبعاً انا كبرت وانا اتفرجه فما اذكر اول مره شفته فيها بس اذكر بعض الاوقات الي شفته فيها واذكر مواقف حصلتلي لها علاقه بالفيلم
اول شي انا ماقد شفت علبة الفيلم حقنا في حياتي! كل اللي اذكره شريط اسود عليه لصقه حمرا مرسوم فيها شمس صفرا وفيها ظلال الشخصيات وطبعاً مع الايام تقشرت اللصقه وماصرنا نفرق بينه وبين الافلام الثانيه لووول (من يومنا وكل اشيائنا مقربعه) طبعا كنا ثلاث اطفال في غرفه واحده فلازم الشقاوه والاشياء هذي .. صندوق العاب كبير مافيه لعبه واحده سليمه ! ههههههه
اذكر كنت اتفرج الفيلم مع شغالتي (كرواتي) الله يذكرها بالخير اعشقها هذيك الانسانه ومرره زعلت يوم سافرت بدون ماتودعني (احم احم) المهم انها كانت تقعد معايه طول اليوم وكنت مررره انبسط معاها.. كانت تجيب الصلصال وتسويلي شخصيات الأسد الملك وتلعب بهم معايه ههههه .. بس كانت تتقن بوكاهونتاس وقاربها الصغير اكثر من اي شي ثاني
وكنت لما اروح بيت جدي العب مع خالتي الي اكبر مني بسنه الله يحفظها يارب مررره وحشتني والله كنا نجيب الزحليقه (مدري ايش تسمونها اللي هي يزحلقون عليها الاطفال احنا نسميها كذا لول) المهم انها هي تكون فوق وتمسك ايديني بعدين تقول الوداع ياسيدي وتسبني وانا اصرخ زي مفاسا هههههههههههههههههههه (تحشييييش) وكنا نجري زي الأسود في الحوش بأيادينا ورجولنا عالارض خخخخ
نهاية الشريط 1994 - 1999 او 2000 : مؤلمه صراحه ههههههه احنا متعودين لما يقيلون امي وابويه في العصريه نسوي بلاوي في البيت .. نكسر شي نلون عالجدار نسوي اي حاجه اهم شي قبل لايقومون اهلي كنا نلعب انا واخويه وقاللي تتحداني اسوي مسبح للألعاب ؟ قلتله يالله .. انا على بالي مسبح مويه .. المهم راح جاب شريط وطلع الفيلم الورق كللله من تحت الشريط وجمعها في صندوق الألعاب وعجبني شكلها وقعدنا نلعب ومدري ايش .. فجأه قاللي اقولك حاجه؟ قلتله ايش؟ قال ترا الفيلم الي قاعدين نسبح الالعاب فيه هو سيمبا
صوت بكاي صحى البيت كلللللله ههههههههههه والله اذكر هذيك اللحظه للحين لانها كانت اول مره انصدم في حياتي
شكلي من جد بهذلتهم بهذاك الفيلم من كثر ماشفته ههههههههههه
ومن بعدها اظني رميت اشرطة فيديو والعاب علاء الدين من البلكونه .. ما ادري اذا انا كنت ناويها كإنتقام وقتها .. بس يريحني هذا الشي لما افكر فيه هههههه احس اني اخذت حقي منه
بخصوص الذكريات الي مع الأسد الملك مستحيل أنساها أذكر خذينا الفيلم من محلات جاشنمال وقتها كانت أفخم محلات العين و يوم أشتراه الوالد كان معاه هدية استكيرز الفيلم الي عاش نفس الفترة أكيد يذكره وكان له ألبوم تجمع الصور
و بعدها كان في احتفالية كبيرة هل الامارات يذكرونها في حديقة الخور بدبي و ديرة ستي سنتر في 95 وطبعا ما أنسى العرض الاول للفيلم كان في دبي بحضور الشيخ عبدالله بن زايد وزير الاعلام وقتها و طاقم عمل الدوبلاج مع الشخصيات و كان ينعرض الاحتفال كل شوي على التلفزون .. كان عمري 7 او 8 سنين تقريبا
رد مقتبس:المرسل الأصلي هو W.a.S.i.M.o.O.o.O.o.O.o.O: حمدان يالدب تخرعت لما شفت صورة الأفاتار حقك من شوي
البنت اللي ماسكه كاسه
من أسبوع جيت أرد ولا أحصلها عندي
قلت من اللي مهكر بروفايلي بالسالمية و جالس يسويلي هالفيلم الهندي [/QB]
ايه وسيم أنا بعد قلت شو السالفة فعلاً خرعتني الصورة , ياترى منو اللي غير صورة بروفايلي لول
........
يحظكم كل واحد عنده ذكريات مع هالفيلم الرائع إلا أنا , الشي الوحيد اللي أذكره هو أني شفته مرة وخلااص , وطبعاً السبب يرجع لأني انولدت بعد صدور الفيلم بسنة
[ نوفمبر 26, 2011, 02:49 PM: تم تحرير المشاركه من قبل: Mr.Fabulous ]
--------------------
المشاركات: 348 | من: الإمارات العربية المتحدة | تاريخ التسجيل: أكتوبر 2010
|
سعيد : نفسيييي اشوف الاحتفالات الي كانوا يسوونها على ايامكم ياسعيد .. ونفسي اشوف البرنامج الي كانوا يعرضون فيه كواليس دوبلاج ديزني اللي جابوا منه مقاطع على العاشره مساءً
انا كمان اول شنطه بالمدرسه كانت الأسد الملك ! ههههه بس حقتي كان مرسوم عليهاكوفو وكيارا ولونها برتقالي وفيها اصابع اسد من كل الجوانب.
.................
شباااااب !! طلع كان فيه محل ديزني في الرياض !! شوفوا هذا المنتدى فيه واحده مجنووونة الأسد الملك شكلها .. كاتبة انها كانت تشتري اشيائها من محل ديزني في الرياض وكاتبة موقعه بالزبط فين http://www.shamoa.com/vb/showthread.php?t=24352 بس تقول قفلوه لما كان عمرها عشر سنين ! وربي قهر
عجبني موضوعها رغم انه طويل وملخبط شوي بس انه حلو اهم شي اشرطة الفيديو حقتها ماشاءالله تبارك الله
[ نوفمبر 26, 2011, 04:18 PM: تم تحرير المشاركه من قبل: abdullah alfalla ]
الفترة اللي شفت فيها الأسد الملك أعتقد كانت بين 2003 و2004 وقتها أبوي الله يحفظه وداني أنا وأخوي محل الأفلام وأخوي أشترى شريط كابتن ماجد وأنا خذيت الأسد الملك بس مب الأول , خذيت الثاني ههههه كان أول فيلم لديزني أشتريه بحياتي , المهم أدمنت عليه واايد وحبيته وكنت كل حين أشوفه مع شغالتنا (جاسنتي) اللي كانت تحب الفيلم واايد بعد , ومرت الأيام وفي سنة 2004 أبوي اشترى سيارة يديدة وكان فيها ديفيدي بلاير ووقتها ماكان عندنا غير أشرطة الفيديو, فرحنا للمول عشان نشتري كذا فيلم ديفيدي وكان من بينهم الأسد الملك الجزء الأول ومن وقتها كل مانطلع بالسيارة كنت لازم أشغل الفيلم لدرجة أنه مرات ما أبغي أروح مكان بس أركب السيارة عشان الديفيدي , بس حسب ما أذكر ولامرة شفت الجزء الأول بالدبلجة كنت كله أشوفه بالإنجليش مادري ليش , المهم أني حبيته وايد لكن الجزء الثاني كنت أشوفه بالعربي بما أنه فيديو ,,,,, وأذكر لما شغالتنا كانت بتسافر , راحت تشتري هدايا لأهلها قبل ماتسافر ومن الأشياء اللي اشترتها كان فيلم الأسد الملك !!!! النهاية , لول
--------------------
المشاركات: 348 | من: الإمارات العربية المتحدة | تاريخ التسجيل: أكتوبر 2010
|
كل ذكرياتكم بصوب وذكريات عبدالله بصوب ثاني ههههههههه .. احلى شي خالتك عبدالله لما تحذفك من الزحليقه وتقولك قبلها الوداع يا سيدي .. جد وناسه حياتك وانت صغير ..
ووسيم لوول مادريت ان بينك وبين الاسد الملك كل هالعداء وانت صغير .. اقشر من يومك ..
سعود الله يذكر ذيك الايام بالخير كانت ديزني تهتم بكل فلم مدبلج ينزل وتسويله حفله كان نزول اي فلم لديزني حدث بحد ذاته .. اذكر جيهان الناصر كانت تقولي بعد ان ديزني طلبتها تسوي حفله تغني فيها كل اغاني بوكاهونتاس لما نزل الفلم بالامارات وكانت ايام حلوه وماتتعوض .. الحين للاسف كل شي تغير ..
حمدان لوول حبيت انك بديت بالعكس وشفت الثاني قبل الاول
---------------
بخصوص ذكرياتي مع الاسد الملك
اذكر اول مانزل الفلم بالسينما وانا صغير كنت ببيت جدي ولقيت عند خالي شريط فيديو للفلم .. كان تصوير سينما ومسرب ونسخه تعيسه بكل معنى الكلمه .. لكن بذيك الفتره كنا متعودين ان الافلام اصلا ماتنزل عندنا بالسوق على نسخ اصليه وكلها عباره عن نسخ مسربه ومصوره بكاميرا من السينما .. المهم خذته ذاك اليوم او بالاصح سرقته ورجعنا البيت وشغلته .. اذكر اول ردت فعل لي لما شفت ان الفلم مافيه بشر وكله اسود وحيوانات زعلت وماشعرت برغبه اني اكمله .. لكن مادري ليش ساعتها قررت اني اشوفه كله .. يمكن من الملل لان ماكان عندي احد اقعد معاه بالبيت .. كانت عندي اخت وحده صغيره بس .. فظليت اشوفه للاخير .. ومن ساعتها انبهرت بالفلم وبديت اشغله كل يوم كل يوم لحد ماحفظت النسخه الانجليزيه .. بنفس الوقت كنت من قراء مجلة ميكي اللي كانت تصدرها شركة الفطيم بالامارات وكنت مدمن عليها .. بعد ماشفت الاسد الملك بفتره لقيت مجلة ميكي عامله تغطية ضخمه وخاصه للنسخه العربيه من الفلم .. وساعتها كانت شغله جديده علي اني اشوف افلام ديزني مدبلجه بالعربي!! .. المهم تحمست من تغطية مجلة ميكي للفلم اني اشوفه بالعربي ..
للحين محتفظ باعداد مجلة ميكي .. صورت لكم اللي كتبوه عن الفلم قبل لاينزل على شريط فيديو وحتى قبل لاينزل السينما بالعربي بمصر ولبنان والامارات .. شوفوا التغطية واللوجو العربي الرسمي واهتمامهم بالموضوع .. فديتها والله مجلة ميكي الفطيم .. وتلوموني فيهم اذا قلت انهم احسن من اصدر مجلة عربيه لميكي كله لليوم!!
المهم بعد مانزل الفلم على شريط فيديو .. كان توزيع الخيول محدود بالامارات والسعوديه بس .. باقي الدول شركة الخيول مابدت توزع فيها افلام ديزني بالعربي الا بوقت متأخر .. وساعتها لقيت مجلة ميكي حاطين عنوان شركة الخيول عشان اللي يبي يشتري منهم يراسلهم .. وساعتها كان مصروفي باليالله مكفيني .. كان عمري وقتها 12 سنه .. فكتبت رساله لشركة الخيول بطريقه طفوليه تموت من الضحك .. وحاولت اوصف فرحتي بأن الاسد الملك نزل مدبلج وكذا .. وقلت لهم اني مالقيت الفلم عندنا بقطر .. ومتى بتنزلونه؟ .. وهل علاء الدين وحورية البحر والجميلة والوحش موجودين بالعربي؟ .. وساعتها ردت علي وحده عربية من شركة الخيول الله يذكرها بالخير اسمها عاليه .. كانت طيبه وذوووق وحنونه معاي .. المهم ردت عاليه على رسالتي وارسلت لي هديه مجانية شريط الاسد الملك بنسخه اصليه لكن بالانجليزي .. وكانت فرحتي لاتوصف يومها .. واذكر اني كنت ماسك الظرف اللي جا مع الشريط ورسالتها ولفيت على بيت جدي كله غرفه غرفه عشان ارويهم لول
كنت فرحان بالفلم مع انه انجليزي لاني يومها كنت اول مره اشوف فلم اصلي لديزني .. لما اقول اصلي يعني اقصد فلم مش مسرب ومصور بكاميرا تعبانه من السينما .. انبهرت بالصوره الصافيه النظيفه .. انبهرت بشكل الالوان وهي براقه وواضحه .. الصوره ثابته .. ماتهتز مثل الكاميرا .. الوان الفلم تجنن .. مش الوان باهته ومظلمه .. الاصوات روعه .. كل شي بهرني!! .. المهم رحت وارسلت لها رساله شكر طويله واذكر اني قلت لها كلام يضحك .. مثل انتي قلبي وحياتي .. لقد جعلتي دنيتي تصبح مثل الشمس المشرقه ومادري ايش خخخ .. المهم .. ظلينا نتراسل انا وهي وكأننا أصدقاء نعرف بعض من زمان ..
وبهالفتره ابوي ارسل لها شيك بملغ معين عشان يطرشون لي فلم الاسد الملك بالعربي وشريطين "سينغ ألونغ" بوكاهونتاس وعلاء الدين .. وكنت فرحاان فيهم .. ومن ساعتها بدا الادمان على ديزني والاشرطه الاصليه وتجميعهم .. يعني من يوم ماكان عمري 12 وانا اليوم عمري 28 سنه لول
عاد اخر شي اخوكم بالله خربها مع البنت الذوق اللي اسمها عاليه .. يومها كانت امي تقرا رسايلها وتقولي وهي تضحك: نصووور البنت شكلها تغازلك وميته فيك .. وانا عاد ماصدقت على الله جان امسك لها هالورقه والقلم واكتب لها رساله اهاوشها فيه .. مادري شقلت يومها لكن تقريبا كتبت: لقد عرفت ماترمين اليه انني لا احب هذه السوالف اتقي الله .. ومادري ايش لوول والله كلام يضحك استحي حتى اتذكره .. وبعدها المسكينه طرشت لي رساله تقولي فيها انت مثل ولدي الصغير ومو هذا قصدي وهذا دليل على انك فعلا للحين صغير لول .. واخر شي قالت انها بتحول رسايلي لشخص اخر بالشركه عشان يرد علي .. عاد امي لما درت بالسالفه هاوشتني هواش وقالت انت اهبل تصدق اي شي ينقال لك .. واجبرتني اكتب لها رساله اعتذار ومادري ايش .. لكن عاليه خلاص ماقامت ترد
نرجع لدبلجة الاسد الملك والصدمه الاولى لما عرفت ان الفلم متدبلج باللهجه المصريه .. خبركم ايام اول كنا متعودين ان الرسوم المتحركه تكون مدبلجة بالفصحى .. فتخرعت اول ماشفت سمبا يقول انا عاوز ابقى ملك قبااار .. وبومبا يقول هكونا متاتا يعني اضربها طبنجا .. وعصبت وقلت ليش المصاروه شوهوا افلام ديزني حرام عليهم .. لكن بعد ماشفت الفلم كله وخلصته .. شقولكم بالضبط؟ .. صار ادمااان!! .. ارقد واصحى والبيت كله يشوفه!! .. كلنا حفظنا اغاني الفلم بالمصري وصرنا نرددها خصوصا اغنية هكونا متاتا واغنية سمبا .. وبعدها بفتره كنت كل ماروح اي بيت القى عندهم الفلم شغال 24 ساعه بتلفزيوناتهم .. ومابالغ لما اقولكم ان الفلم صار بمثابة برستيج!! .. لازم بكل بيت تلقون عندهم الفلم بالمصري!! .. حتى مره كنت غايب من المدرسة وجارتنا كانت جايه بيتنا الصبح وتتكلم مع امي عن الاسد الملك لوول .. وبالتحديد المشهد اللي تكون فيه سرابي تلحس سمبا وتنظفه وصديقة سارابي تلحس بنتها نالا وتنظفها .. وتموا يتكلمون عن الفلم شلون رهيب وشلون ظهر اللبوات كأنهم صج امهات بشر هذا اللي يهمهم بس لول
بس جد الاسد الملك بنسخته العربيه عمل زوبعه مش طبيعيه وظل محور حديث الناس كلها .. فأكيد مستانس اني راح استقبل الفلم مره ثانيه واجيبه على بلو راي واشوفه كأني اشوفه من جديد
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|