رد مقتبس:

---

المرسل الأصلي هو N o M i D i A:
زعلانة عليه قبل حتى ما يبتدي
وبتخيل احساسي كيف رح يكون في آخر حلقة
كنت بتابع تغطية المسلسل خلال السنوات اللي فاتت
و lover عارفة انك من اوفى فانز المسلسل
حتى في عز الانتقادات اللي طالت المسلسل كنت بتدافع عنه
انا زيك على فكرة
المسلسل شكل بالنسبة لي اسلوب حياة
وبتمنى فعلا ان نهايته تكون مثل ما بتخيل

كمان انت بتشبهني بخصوص سوزن
دايما لما بعمل اختبارات لاقرب شخصية من المسلسل بتطلعلي سوزان :s
مع انها مش المفضلة عندي
و احيانا بغش في الاجابات حتى تطلعلي غابي هي الاقرب الى شخصيتي

بالنسبة للموسم الجديد
مش حابة اتحمس كتير لفكرة الفلاش باك
سمعنا نفس الشي بالنسبة للموسم اللي فات
بس الخبر اللي اتمنى انه يتحقق هو رجوع ايدي
لو فعلا عملوها رح تكون احسن هدية ختام
اصلا مش فاهمة ليه هانت عليهم من الاساس


شكرا lover

---

بالعكس والله الشكر لك يالغالي عالكلام الحلو اللي يسرسح القلب

تدري انا اعترف اني انسان متطرف اذا حبيت الشي حبيته للاخير واذا كرهت الشي كرهته للاخير

ديسبريت كان فيه بعض العيوب لكن والله من حبي لجو المسلسل وكل شي فيه كنت ماشوف الا حلاوته والاشياء اللي تكرهه بعيني ماشوفها

انت متخيل هوسي بالمسلسل واصل لاي درجة نوميديا؟

لدرجة اني حتى وانا بالسياره اشغل حلقات المسلسل واتسلى بحواراتهم وانا اسوق

وهالشي مستحيل اسويه الا مع افلام ديزني بس .. والشي الوحيد عندي اللي وصل لمستوى حبي لديزني هو ديسبريت

لووول سوزان لاحقتنا لاحقتنا

انا مره عملت الاختبار وطلع لي شخصيتك مثل سوزان .. وعملته مره ثانيه وطلع لي الجواب بعد سوزان

وبالعكسسس فكرة الفلاش بلاك بتكون رهيبه

كل الفانز متحمسين لها من اول ما صرح عنها مارك شيري قبل كم سنه .. بس ماتوقعنا ان الموضوع بيصير جد

انسى اني متعصب لديسبريت لول بس والله تخيل نرجع مع بعض لويستريا قبل ماتكون بالشكل اللي احنا نعرفها فيه ..

ونشوف ماري اليس كيف انتقلت له لانها الوحيده اللي ماشفنا قصتها وكيف جات لويستريا !!

صدقني بتكون فكره ساحره ومعاها بيكون المسلسل غطى كل ماضي وحاضر شخصيات الحريم الرئيسيه بالمسلسل

وساعتها بيكون ختامه صج مسك ..

ترى كل الكلام عن الفلاش باك مجرد كلام لحد الان ويمكن اخر شي يخالفون توقعاتنا ويطلع كله اشاعات .. بس اتمنى يطلع صج

ياليت نشوفك دايما معانا نوميديا

تراه اخر سيزن من ديسبريت .. لايصير قلبكم قاسي وتحرمونا من طلتكم والجمعه الحلوه اللي تعودنا عليها كل سنه!!

رد مقتبس:

---

المرسل الأصلي هو طبيعي:
بالانتظار رغم اني للحين ماشفت السابع تعرفون انا انطره ينزل امازون واشتريه يعني الثامن راح اشوفه بعد سنه من الحين لوول ...

بالنسبه للكوفر موقد التوقعات شكله كلش عادي والتفاح مو طاغي ومختصرينه حيل ..دام انه الاخير المفروض يبدعون اكثر

سوزن المفروض ماتكون بالطرف المفروض بالنص

فديت سووزن حبيت الشمحلال منها خخخ

---

يس يس يس .. جمهور سوزان عندنا بالعالم العربي وفي اكثر من جمهورها برا

هناك قاموا يستثقلون دمها .. غريبه؟ .. مع اني للحين اشوف هبالتها تضحك

بالنسبه لي مادري ليش هالمره راضي عن البوستر

حلو وبسيط ومعبر

عكس المواسم اللي قبل .. صحيح ان كانت في لهم بوسترات مشابهه لهالبوستر وهم واقفين مع اختلاف تعابيير وجوههم فيها

بس يمكن انا حبيت هالبوستر اكثر لان هذا اخر سيزن فحسيت انهم حبوا يحافظون على الصوره الكلاسيكيه لشكل الشخصيات

ولانه يوصل فكره معينه من غير تفلسف زايد

لابسين اسود ومعطينا ظهورهم .. وكأنهم يستعدون لتوديعنا

والتفاح المتناثر عالارض رمز المسلسل موجود ومش غايب عن الصوره ..

اللي ماحبيته بس انهم ماسوو برومو ضخم لتسويق السيزن مثل السنوات اللي طافت .. في هذي مو معاهم حق بالمره

ويالله اشتر الموسم السابع من امازون تراه نزل وشبع

رد مقتبس:

---

رد مقتبس:

---

المرسل الأصلي هو عليلو:
الله للحين مش مصدق انو خلاص النهاية
اهم سؤال طبعا عندي هو كيف رح يخلص المسلسل
و كيف شكل الحلقة الاخيرة منو ؟
حمااااااس

للآن مش عارف اذا حنتظر لتنزل النسخة الفرنسي و اشوفو بالصيف او اشوفو حلقة حلقة بالترجمة

اذا كنت حشوفو اول باول لازمني وعد من الجميع و من ناصر شخصيا انو ينورنا بردودو كل حلقة
مش مثل اخر موسم ما اهتميت فينا لول


يعطيك العافية ناصر

---

---

ولا انا مصدق ان هذا اخر سيزن لديسبريت

وان اخر مره راح انزل له موضوع تغطيه بعد ماتعودت على هالشي اربع سنوات

بس عليلو توني ادري انك تشوف النسخه الفرنسيه!!

دبلجة ولا ترجمه بالضبط؟

بكل الاحوال واو نفسي اشوف شي فرنسي وافهمه من غير ترجمه .. بس طل فويهي تصير هالمعجزه

احنا انجليزي وباليالله نفجج طلاسمهم

واكيييييييد افا عليك بس .. هالمره راح احاول اكون موجود على طول الموسم

وبحاول استمتع بكل دقيقه

رد مقتبس:

---

المرسل الأصلي هو N o M i D i A:

لا بالعكس انا حابة جدا فكرة الفلاش باك
بس خايفة اتحمس و تطلع مجرد اشاعة
مابدي ابتدي السيزن ولو بدرة احساس سلبي

بدي اتعرف اكثر ع لينيت من دون زحمة الاولاد
و غابي السوبر موديل
و ع علاقة سوزان و كارل
وبري و ريكس
وبدايات ايدي في الحي
وطبعا ماري اليس

مارك تشيري متوفرة له كل عوامل الابداع في هالفترة الزمنية


ومافي داعي تشكرني
بالعكس انا مقصرة في حق الموضوع وكنت بكتفي بالمتابعة بصمت
بس انشالله هالسيزن رح يكون اسثناء
و كل الفانز يجتمعو في هالتغطية
ويكون ختامها مسك

وعلى فكرة انا بنت [/QB]

---

لااااع .. اول ماقريت كلمة خايفه قلت توقعي طلع غلط لول

عاد قبل لا ارد احترت اخاطبج بأي صيغه لان النك نيم مبهم مثل حالتي لول ..

فدخلت على مشاركاتج الاخيره عشان اشوف الاعضاء كيف يكلمونج ولا اشوف عمر علي يقول يعطيك العافيه شي كذا

فقلت خلاص نوميديا ولد

مارك شيري ساعات يستهبل .. فكرة مثل هذي فعلا لو نفذها بتطلع النتيجه رهيبه

بس هو اهبل مثل ماقلت لانه ياما فكر بأشياء وصرح فيها وماطبقها بالمسلسل!!! مثل فكرة الحلقه الميوزكال اللي المفروض تكون من غناء سوزان

<< ترى والله احاول قد ماقدر اني ماجيب طاري سوزان بكل رد عشان لاتقولون زهق امنا فيها بس شسوي مو بايدي

وفي فكره صرح فيها مارك شيري عن نهاية المسلسل مادري اذا كانت اشاعه ولا لا

عاد انتوا اذا مب حابين تحرقون عليكم لاتكملون الرد

- سبويلر -

قال مره ان هو متخيل نهاية المسلسل تكون مفتوحه ..

وان الهاويسوايفز الاربعه يكونون مجتمعين في بيت واحد وفجأه تنطفي الانوار وتاخذ وحده منهم مسدس وتقتل الثانيه!!!

وبعدها تنزل الشاره .. ويترك تحليل هوية الشخصيه المقتوله للمشاهد!!

- انتهى السبويلر -

بس ماظن انه بيسويها لانه مش غبي يقول للناس النهايه بهالتفصيل الملل ويحرق المفاجأه

عموماً انا متوقع نهاية هاديه ومسالمه للمسلسل اكثر من انها تكون فلم هندي مثل لوست اللي خربها بأخر شي

واسف مره ثانيه لاني خاطبتج على اساس انج ولد

رد مقتبس:

---

المرسل الأصلي هو The N:
ع قد ما هالمسلسل إلو طلعات و نزلات,
إلا إني بعتبرو متل Grey's Anatomy بهالموضوع,
ع قد ما نزل مستواه ع قد انو مستحيل تنزل محبتو و غلاتو عندك,
لانو كوّن عندك أساس و قاعدة قوية.

أنا بحب المسلسل كتير,
بحب وجودهم الأربعة سوا,
بحب qoutes و الأفكار و الشغلات اللي برموها بالطريق احياناً بتفيدنا بالحياة كمان..

بحب غابي, بحب بري و بحب لينيت و طبعاً كنت بحب كتير إيدي,
الوحيدة إللي من سيزون 1 لهلاء ما قدرت أبلعها أو بالنسبة إللي عادية هي سوزان لول..

-

بالمناسبة لوفر مين غابيرال سوليس, حدي تحمست أعرفو

---

اي والله نايف مثل ماقلت

كل شي بديسبريت يحببك فيه ويخليك تدمن عليه .. المقولات اللي يقولونها .. الحكبه الدراميه والاثاره احيانا

مسلسل ماراح يتعوض

اتذكر الفنانه وعد لما كانت عامله برنامج وهي بأمريكا كانت المذيعه تسألها شتسوين لما تكونين متملله

فظهرت لها الديفيديهات اللي عندهات وقالت انها مدمنة مسلسلات اجنبيه ولازم تشوف كم حلقه كل اسبوع

واهم مسلسل عندها ديسبريت هاوس وايفز

سوزان حرام عليك والله انها تضحك وهبله لول .. اصلا شكل تيري هاتشر من غير اي شي يموتني من الضحك

واكثر شي يضحكني فيها لما تصيح

مره كانت سوزان تصيح من صجها بأحد الحلقات جان اضحك .. حسبالي لاول وهله انها تستعبط والله لول .. صيحتها تضحك

وبخصوص الاخ غابي سوليس .. بطرش له مسج عشان يدخل الموضوع ويكشف هو بنفسه عن هويته لول

رد مقتبس:

---

المرسل الأصلي هو [ كايداهم ]:

رد مقتبس:

---

المرسل الأصلي هو [ L.O.V.E.R ]:

رد مقتبس:

---

المرسل الأصلي هو [ كايداهم ]:
كثير متحمسس للسيزون الاخيو وحبيت انهم بينهونه هالسيزون لان خذا وقته
ديسبريت يعتبر من افضل المسلسلات لي من بعد سيكس اند ذا سيتي طبعا
احس يحميميه لما اشوفهم تعودنا عليهم وصاروا بارت منا

يالله ناطرين السيزون وانشالله مثل ما قلت نصور تكون الاحداث قبل السيزون الاول ودي اشوف ايدي

---

ماتحلى القعده مع ديسبريت الا مع مدام فيفي السالميه

بس لحظه لحظه .. من متى سكس اند ذا سيتي خذ مكان ديسبريت عندك يا الخاين .. بس يالله دام ديسبريت بالمركز الثاني ماراح ازعل

مسألة ايدي صارت مضمونه حط يدك بماي بارده وتطمن .. حبيبتك راجعه

---

ما تتخيل كيف سكس اند ذا سيتي شات ديسبريت !
بجد ذاك المسلسل متكامل كل حلقه احلى من الثانيه مافي حلقه تمر مرور الكرام
مو ديسبريت سيزون 6 مر مرور الكرام سيزون بحاله

---

هههه حسبي الله على ابليسك جانك بتخرب فرحتنا بالبريمير وتسوي دعايه معاديه للمسلسل وهو بموسمه الاخير

وبعدين شي طبيعي ديسبريت صار كخه عندك من الموسم السادس لان ايدي حبيبة القلب راحت

بس لا جد الحين .. لازم اشوفه سكس اند ذا سيتي هذا من كثر ماتتكلمون عنه

بس اللي متأكد منه انه مستحيييل ومن سابع المستحيلات بعد ياخذ مكانة ديسبريت عندي