حبيت التصوير فهالحلقة بداية من اول مشهد لما نيد يتكلم و النار اللي عند الدب تبين في عينه
كل شي كان ممتاز في هالحلقة
بالرغم انه نيد في السجن بس في كثير من الناس واقفين معاه .. بس ما عندهم الجرأة انهم يوقفون في ويه سيرسي و جوفري
خاصة انهم لانستر و عندهم مال الدنيا و فوق كل هذا عندهم خبرة فالحرب
ابا اعرف اخو الملك اللي مات .. الكلام ينقال عنه مب سهل .. منو اللي بيكون فهالدور .. اتمنى انهم يخترون ممثل معروف
لأنه الاسماء الكبيرة فالمسلسل طارت لول .. مارك أدي و شون بين
المهم نرجع لأحداث المسلسل اللي مستحيل نتوقع احداثها فالحلقة اليايه
تيريون لانستر من الشخصيات المفضلة عندي.. قصته حزينة في نفس الوقت تضحك لول .. البنت اللي حصلها ما اعرف عنها بس اعتقد يكون لها دور فالمستقبل
كاليسي حبها لريلها .. عواطفها بدأت تتحكم فيها بعد ما كانت تفكر قبل .. الكال شكلنا بنسلم عليه و نقوله مع السلامة
تعجبني لما تقول انه فيها دم دراجون .. نتريا الدراجون على نار
حبيت سالفة السحر فالموضوع .. مثل هالعالم لازم يكون في سحر
جون سنو .. ابا اقوله شي واحد .. يا غبي الحق اخوك
شكله بيتم مكانه .. هالمكان ينقصه اكشن
روب ستارك.. استوى من الشخصيات المفضلة عندي .. والممثل اللي يقدم دوره بدأ يعجبني
ضحى بأخته اللي بتزوج واحد من عيال الشيبة الصايع .. ضحى بزواجه بوحدة ما يندرى حلوة و لا لأ لول .. و اخيراً ضحى 2000 شخص
السبيش اللي قاله و كيف تغيرت نبرة صوته فجأة .. يبين كلامه كله حزن و ألام
جيمي انمسك .. و ياريتهم مسكوه قبل .. اقتراحه بقمة الغباء .. كيف تتوقع يوافقون على هالاقتراح و انت اللي بتفوز 100% .. فوق كل هذا انت أسير يقدرون يسون فيك اللي يبونه
المشهد الاخير
احلى مشهد فالحلقة .. نيد يعترف بجوفري كملك .. تخلى عن اهم شي عنده عسبت بناته .. حركة حلوة انه قال حق اربيعه عن اريا و بين مكانها بكلمة وحدة.. بس هل اللي قاله عن اريا يستحق الثقة؟ فهالمكان محد يستحق الثقة!
نيد مات .. غيروا طريقة موته عن الطريقة الاعتيادية .. اشوفها حركة حلوة .. خاصة انه الشخصية الرئيسية فالسيزن .. مات بطريقة الكل يتكلم عنه .. بعد ما اعترف عن شي ما سواه .. والله انقهرت
الله يكون بعون أريا و سانسا .. خاصة سانسا لأنها بتكون تحت ايدي السبال جوفري
هدية حق جوفري
--------------------
المشاركات: 3426 | من: .ıllıllı. U.A.E .ıllıllı. | تاريخ التسجيل: أكتوبر 2005
|
الحلقة كانت فظيييييييييييييييييييييييييييييييييييييييييييعة
بالنسبة لي توقعت الفينالي تمهيد للسيزن الياي.. هالشي كان صحيح
توقعته يكون يكون ممل مثل فيناليز ترو بلود .. بس طلع غييييييييييييير غييييير
الحلقة كلها أحداث مهمة.. اسألوني انا اللي اعرف احداث المهمة الروايات الاربع .. لا تسيرون صوب ويكيبيديا
ردة فعل موت نيد شفناها فالحلقة بطريقة رائعة
نبدأ من البداية.. الحلم اللي تكرر للمرة الثالثة و الغراب بو ثلاث أعين.. طلع هالحلم تفسيره انه نيد بيموت و مكانه بيكون بينهم
و السؤال ليش بران و الصغير حلموا بهالشي بس؟
بالمناسبة حبيت اسم داير وولف مال الولد الصغير Shaggydog
نظرة بران تعور القلب لما شاف الشيبة بعد ما وصلت له الرسالة
ما قدرنا نشوف ردة فعله .. بس شفنا ردة فعل أمه هي تتمشى صوب الغابة و عيونها مليانه دموع
و بعدين نشوف روب .. الام توعد ولدها بانهم بينتقمون من اللانسترز
They have your sisters. We have to get the girls back
And then we will kill them all
بعدين نشوف جوفري و غباءه بعد ما صار ملك .. و قراراته الطائشة .. حتى سيرسي بدأت تضايق من تصرافات هالغبي
بنات ستراك حالتهم صعبة .. سانسا يبين عليها التعب و عيون كلها كره لجوفري
تمنيت انه تدزه من فوق .. هالحيوان لازم ما يعيش .. وصلت وقاحته لدرجة يقولها شوفي ابوج
-After I raise my armies and kill your traitor brother, I'm going to give you his head as well.
- Or maybe he'll give me yours
بعد هالمشهد ننتقل لمشهد اللي احسه من اهم المشاهد
الممالك بدأت تنقسم و كل واحد يبا العرش
نعرف انه رينلي عنده جيش و اخوه ستانيس عنده جيش ( أموت و أعرف منو اللي بياخذ دور ستانيس)
بعدين اهل الشمال يخلون روب ملك للشمال .. روب بين انه مختلف شوي عن ابوه و وافق انه يكون ملك للشمال
الممثل .. تكلمت عنه قبل .. بس هالحلقة واللي قبلها ابدعععععععععععععععععععععععععععععع
The King in the North
كاتلين ستارك سارت صوب جيمي .. و جيمي كالعادة اللي داخله غير عن مظهره ... يبين عليه انه انه مب عاجبه الوضع
بعدين نشوف تايون وهو معصب لأنه ولده الحبيب مسكوه .. و ما عنده غير تريون.. فجأة يخليه هاند للملك .. يعترف فيه .. من كلامه يبين لنا انه عارف قيمة ولد وذكائه
نسير لأهم شخصية وهي دينريس ترغاريان .. ولدها و مات و زوجها عايش كأنه ميت .. و الساحرة الله يلعنها هي السبب
أريا صارت ولد .. و بنفس الوقت بتسافر مع كينغ روبرت باسترد .. سايرين صوب الجدار
من شكلها يبين لازم محد يثق فيها
جون سنو .. أخيراً اتخذ قرار و قال انه بيتم مكانه بعد ما حاول انه يشرد
طلعوا ورا الجدار .. شو في وراه .. بديت اخاف
أخر مشهد و هو أحلى مشهد نهاية رهيبة للسيزن .. دينيرس أثبتت انها المفروض تكون المملكة .. من كلامها و ثقتها بنفسها
أكثر شخصية تطورت فالمسلسل
لو بايدي بحط كلمة قالت له في اخر مشهد اهني .. كلام له معنى كبير
كلامها انها بتكون طيبة مع شعبها و نفس الوقت ما بترحم اي احد بيأذيهم
بديت اعشق الممثلة
مشهد النار ماله كلمات تعبر عنه .. مشهد رهيب
وصدمة التنانين الثلاث و كيف متعلقين فيها كأنها أمهم
حبيت احيي الممثلين فالمسلسل .. الكل يصدمك حتى اليهال .. يخلونك تحب الشخصية حتى لو كانت شخصية شريرة
I am Daenerys Stormborn of House Targaryen of the blood of Old Valyria. I am the Dragon’s daughter. And I swear to you that those who would harm you will die screaming
[ يونيو 20, 2011, 07:45 PM: تم تحرير المشاركه من قبل: ALTENNEEN ]
--------------------
المشاركات: 3426 | من: .ıllıllı. U.A.E .ıllıllı. | تاريخ التسجيل: أكتوبر 2005
|
الموضوع مغلق
إرسال هذه الصفحه لصديق!
لطباعه هذا الموضوع
![[Frown]](frown.gif)
![[Big Grin]](biggrin.gif)
جد حلوة بشكل مو طبيعي أول مرة انتبه
![[bgrlaugh]](graemlins/bgrlaugh.gif)
<< ضحكة خوف![[nut]](graemlins/nut.gif)
![[heartpump]](graemlins/heartpump.gif)
![[super]](graemlins/super.gif)
.. ابا اقوله شي واحد .. يا غبي الحق اخوك ![[Embarrassed]](redface.gif)
.. هالمكان ينقصه اكشن![[Razz]](tongue.gif)
.. ضحى بزواجه بوحدة ما يندرى حلوة و لا لأ لول .. و اخيراً ضحى 2000 شخص ![[Mad]](mad.gif)
![[crazy]](graemlins/crazy.gif)
![[crying]](graemlins/crying.gif)
