مرسله في
انت بتحضر نتفلكس من الابتوب او على التي في و اذا الابتوب لا تشوف من كروم لانه ما يعطيك اوبشن HD بس في Manually Force HD تكبس مره وحده Control + Shift + Option/Alt + S بيطلع لك مربع فيه درجات HD فيك تختار منها اللي بدك
رد مقتبس: الحرب قادمة! هذه هي الحلقة الأولى من الموسم الخامس من #GameOfThrones. شاهدها بنفس الدقيقة التي تبدأ في أمريكا الساعة 4:00 فجرا توقيت السعودية على #OSNplay و #OSNonDemand ولاحقا الساعة 22:00 توقيت السعودية على #OSNfirstHD
+
مادونا بالتويتر متحمسة للبريمير
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
محتوى هالرد فيه مقارنات مع الكتب و اللي ممكن يكون فيها حرق
. . . . .
الحلقه كانت حلوه و هاديه زيها زي اغلب بريميرات GoT ، اللي يكون الهدف منها البناء لمحاور السيزن و اعاده ربط الشخصيات بالاحداث اللي مضت و التمهيد للاشياء اللي بتصير ، و اظن الوضع بيستمر كذا لحد الحلقه الثالثه في موضوع التمهيد و البناء لان للان في ستوري لاينز لسه ما قدموها ، زي خطوط اريا ، الشمال ، و دورن اللي بيتم تقديمه لاول مره
Lannisport
مشهد الفلاش باك كان موقف كتنفيذ ، يونغ سيرسي رائعه كانت ، هي اكثر وحده لفتني تمثيلها في الحلقه عرفت تضبط شخصيه سيرسي بحذافيرها ، النبؤات من الاشياء الاساسيه في الروايات بس تظل في خانه احتمال يا تصيب يا تخيب كالعاده ديفد و دان لابد من التخبيص ، زي ما صار في تشويه النبؤات اللي بتشوفها دينيريس في the undying house هذي ما حرفوها بس جابوها ناقصه ، و شالوا اهم بارت منها اللي هو the valonqar thing ، بعد ما ماغي تقول لها عن موضوع الملكه عدد الاطفال و كفن اطفالها قدامها ، بتجيب سيره ان فولنكار راح يقتلها - فولنكار بلهجه high valyrian تعني الاخ الاصغر - Gold shall be their crowns and gold their shrouds. And when your tears have drowned you, the valonqar shall wrap his hands about your pale white throat and choke the life from you النبوءه كان المفروض يجيبوها بشكل كامل و بدون حذف ، لانها تفسر كثير من شخصيه سيرسي و افعالها ، خصوصا البرانويا اللي عندها من مارجري و سانسا من قبلها او حتى سبب كرهها لثيرون لانها تعتقد انه النبؤه بتتحقق و بيقتلها مع ان في احتمال ان المقصود يكون جايمي لانها انولدت قبل منه ، و حتى موضوع الملكه الجميله اللي بتجي بعدها ، احتمال تكون دينيريس المقصوده كمان ما بعرف ليش جايبين ميلارا صديقه سيرسي و قاصين حوارها مع ماغي ، كان افضل لو خلوا سيرسي تروح لحالها !
King’s Landing
احداث العاصمه كانت بمثابه تقديم لتوابع مصرع ثايون لانستر ، البدايه مع مشهد سيرسي و هي تصعد الدرج و تطالع مارجري بعد ما تتذكر نبؤه ماغي ذا فروغ ، مشهدها مع جايمي و اللي كان من اهم مشاهد كينغ لاندينغ فهالحلقه خاصه موضوع تأنيب الضمير اللي اشتغلت عليه سيرسي عند جايمي بنتايج مساعدته لثيرون بالهرب من المشاهد الجيده ايضا كان مشهد سيرسي مع ابن عمها لانسيل - اتعرض لغسيل دماغ من النوع الرفيع خخخ - المشهد كان بمثابه تقديم لخط تيار sparrows الديني الجديد ، المشهد ع الشرفه كان الغرض منه التذكير باخطاء و بلاوي سيرسي الجنسيه و الغير جنسيه - بس رهيبه سيرسي لما جاب سيره الخمر و اللي جاب حتف روبرت و اللي كان من تخطيطها - كيف سوت نفسها ماتدري عن شو بيحكي خخخ طبعا اعترافات لانسيل و صحوه ضميره المفاجئه مش عبث جايبنها تكون كابوس يطاردها في المستقبل القريب دخولها عمها كيفن ع الخط كان لطيف و ذكي خاصه بجملته سواء اعتذاره عن مظهر ابنه او عن توابع موت ثايون - لو كان لسه عايش ما كان هالتيار الديني ظهر في العاصمه - من المشاهد السيئة جدن ، مشاهد لورس يعني كام مره يبغون ديفد و دان يذكرونا انه مثلي جنسي و فوق كده يطلعوه بصوره واحد سخيف مع ان في الكتب جورج ما كثير يتوقف عند موضوع مثليته الجنسيه ، بالعكس يبين انه شخصيه لها جوانب ثانيه زي قوته كفارس و محارب
Pentos
كالعاده توأمه ثيرون و فاريس من احلى الاشياء اللي بيبدعوا فيها ديفد و دان ، خاصه التهكمات اللي صارت بينهم ع موضوع الالقاب و لطشات فاريس لول الحوار الثاني رغم انه مضمونه عليه ماخذ ، بس هو تقريبا عصب القصه اللي بيتصير بعدين ، التمهيد لرحله ثيرون في ايسوس و الهدف منها ، بس لاي حد فاريس راح يرافقه في رحلته ! لان في الكتب القصه مختلفه ، بعد ما ثيرون يقتل شاي و تايون ، فاريس يساعده على مغادره العاصمه و يبعثه لبانتوس ، و يظل في العاصمه بس يختفي عن الانظار لحد ما بيرجع بمشهد قوي و حاسم ، حليفه ايليرو هو اللي بيستقبل ثيرون في اقامته و بيكمل القصه معه ايليرو من الشخصيات المهمه و اتمنى ما يغفلون عن دوره في المستقبل
Meereen
ميرين عجبتني كثير مشاهدها فهالحلقه ، خاصه مشهد البدايه باسقاط تمثال الهاربي و مشهد جندي unsullied في بيت الدعاره و نحره من قبل واحد من سونز اوف ذا هاربي ، حتى مشهد المناقشات في اعاده عادات pits كان جيد للامانه انا حبيت تمثيل ايميليا فهالبريميير ، خاصه مشهدها مع داريو خصوصا البارت اللي جاب فيه سيره انها ملكه بالدراغنز و بدونهم ما تسوى شي ، تعابير وجه ايميليا كانت جيده و عطت المعنى ، و وضح لنا ان هيبتها هي الداغنز من حبست viserion & rhagael و فلسع drogon و المصايب تجيها من كل صوب ، خصوصا في ميرين من الاشياء اللي رافعه ضغطي من السيزن اللي فات و مكملين فيها هالسيزن هي عصافير الكناري ميساندي و غري ، حشو ما منه فايده
The Vale
مشاهد الفال ما كان لها داعي ، و ما كان المفروض نتعرف على جديدهم من اول حلقه ، ان كان مشهد سانسا مع ليتل فينغر او حتى بريين و بود يعني فوق ما خط بريين سامج في الكتب و انواع الهياط ، مع التحريف اللي بيعملوا بيزيدوا من التخبيص بس ضحكني تدريب و معاناة الدلوع سويث روبن ، ياهو بيتمرمط من بعد أمه خخخ
The Wall
اول مره للصراحه تعجبني هالقد مشاهد الجدار ، تواجد ستانيس و شلته و الهمج ، معطي للقلعه ديناميكيه جديده ، خاصه ان الوضع اختلف ما عاد مجرد حراسه و duty ، ستانيس من الشخصيات اللي ما يمزح و عنده هيبه الملوك ، ميليساندرى اكثر واحد مكيفه بتواجدها ع الجدار و بتعرفوا بعدين السبب خخخ ، مشهد محادثه جون و ستانيس فوق الجدار كان رائع و يحبس الانفاس اخراجيا ، حتى كمضمون كيف عطى باقتضاب مخططاته ، تقريبا حل لجون موضوع الهمج بس بنستنى وش الايام بتخبي بعدين محادثه مانس و جون كانت حلوة ، بس للصراحه مانس من الشخصيات المهمه في الكتب و حتى فروع قصته كثير قزموها في الاقتباس و حتى ما عرفوا يستغلوا ممثل بحجم ciaran ، و مثل ما قالت انجي ان مشهد الحرق فيه اختلاف عن الكتب في الكتب في تويست ، ميليسنادرى بتعمل حركه بالسحر انها بتغير ملامح مانس مع شخصيه ثانيه من الهمج و هالشخصيه الثانيه هي اللي بتنحرق و مانس بيتم توكيل بمهمه من تخطيط ميلساندرى و جون ، بس الاكيد مع نهايه هالحلقه ان بالفعل مانس مات بالفعل مشهد حرق مانس عجبني فيه الجو اللي كام مخيم ع القلعه ، خاصه تفاوت التعابير بين السايكو سيليس و الكتكوته شيرين مشاهد جيلي و سام ع سخافتها تعجبني كثير كيوت مع بعض ، دايما بقولها جيلي مش معقول كيف ضابطه الشخصيه صم من اكثر الشخصيات الثانويه اللي تحسهم جابوا الشخص المناسب للدور كيف غبيه و كلامها مقتضب و مباشر
هذي تقريبا قرائتي للبريميير ، و بانتظار الحلقه الثانيه
[ أبريل 13, 2015, 06:16 PM: تم تحرير المشاركه من قبل: ZAK I ]
مرسله في
محتوى هالرد فيه مقارنات مع الكتب و اللي ممكن يكون فيها حرق
-
رهيبه لينا عليها تعابير ، و بجد مسخفين كثير من شخصيه لورس مع انه الكتب مش كذا تماما
بالنسبه لايميليا صح هي متفاوته ، تمثيلها ع قدها بس حرام لازم لما تنوجد حسنات في تمثيلها تنذكر اما هي فجميله و ملامح مميزه و بارزه ، و الشقار يليق بها
اما كت مش لما يصير ممثل بعدين نقرر اذا تمثيله اتطور او اتحسن خخخ ، كل اللي اشوفه من السيزن اللي فات هو تضخيم لمشاهده و اعطاءه مساحة و مشاهد ترفع من مستواه بس لا حياه لمن تنادي ، الشين شين ، ايمليا عندي بطوايفه ع الاقل تحسب لها موضوع طلاقه كلامها بالهاي فلايرن ، كأنها لهجتها الأم ، تخيلي معي كت يتكلم هاي فلايرين
رد مقتبس:على طاري سانسا ماحبيت الحركة الرخيصة يوم يمرون بالعربة بنفس المكان اللي فيه بريين ,, حسيت مسلسل مكسيكي مدبلج
same here اساسا مشاهدهم ما تنفع تنحط في بريميير ، كان احسن لو وفرها ل delete scenes كهديه bonus مع الديفيديز
بالنسبه لشخصيه سيرسي هي ما صارت PoV غير من A Feast for Crows ، غير كذا تطلع في شابترز خاصه بثيرون ، سانسا و جايمي و حتى شخصيتها مختلفه شويه عن سيرسي الكتب ، سيرسي الكتب من نوعية spoiled child ، متوحشه و اذا كرهتك تقول لها بوجههك و ما همها و لا تقعد تداري و تخطط و تكتكت ع بعيد ، الغيم تبع مفضوح ، اللي مساعدها هو قوه اسم عيلتها و مكانتها بس بس من حسنات show القليله ، انهم معطين ابعاد اعمق لسيرسي و اللي معطيها ثقل ان عندهم ممثله زي لينا هيدي نفس الكلام ينطبق ع مارجري شخصيه هامشيه و للحشو ، مارجري تبع الكتب ساذجه و درويشه و مُسيره زي الروبوت من قبل عيلتها في التي في معطينها كاركتر يليق بقدرات ناتلي ، حاجه زي بلقيس هوى هوى ، صغيره و خبره و ماكره و عارفه من اي تكون الكتف
موضوع السحر مهم جد خاصه في خط ميليساندرى ، يعني اذا شالوا هالقصص في موضوع بران رغم انها كانت مميزه بس ميليساندرى بالتحديد لا و الف لا ، هي جايه من مدينه آشاي اقصى من منطقه في خريطه ايسوس مدينه يلفها الغموض و معروفه بالسحر و الشعوذه و قصص ما تتصدق و اساسا موضوع ولاده الداغنز و تواجدهم مرتبط بالسحر
رد مقتبس: الدراغونز شكلهم بيقلبون عليهم والغريب مو المفروض
موضوع الدارغنز هذا يبغاله ناسه ، داني تقريبا ما عندها اطلاع كبير عليهم مش غريبه حركاتهم ، بس في شي المفروض يمهدون له هالسيزن شي مرتبط بالتحكم بهم ، بس شو نقول ديفد و دان قاصين الشخصيات
[ أبريل 13, 2015, 09:49 AM: تم تحرير المشاركه من قبل: ZAK I ]