ما أبالغ اذا قلت أول بريمير حق المسلسل يعجبني .. و اعتقد السر في العناصر التاليه : ( اللي يخاف احرق عليه لا يقرا )
أولا لازم نوقف عن نقطة مهمه : مذكور ان هالقصه مستوحاة من قصة حقيقية .. للأمانه ما ادري اذا فعلا هي مستوحاة ولا اهما جذي يقلدون الافلام و البرامج التلفزيونية اللي تتكلم عن الاشباح و هيك !
1- قلة الشخصيات : فالحلقة الاولى ظهر فيها شخصيات قليلة .. واضحة و بسيطة .. ما فيها تكلف ما فيها كركترات تسوي هوالات بعمرها .. ابد .. ناس طبيعيين حيل .. و هذي نقطة مهمه في الافلام او القصص المرعبه .. عيب الاجزاء السابقه برأيي انها كانت مزحومة بالشخصيات .. كنا نتشتت شوي .. و يضيع التشويق و الرعب .. لكن هالجزء بداية مختلفة تماما حبيتها وايد
2- اللوكيشن الواحد : فعلا اللوكيشن الواحد دايما يثير الخوف و الترقب و يكون فيه الرعب اكثر .. فما بالك لو كان هاللوكيشن هو البيت اللي دايما يكون مسرح للاحداث في قصص الرعب .. حبيت جدا الاجواء القريبه من فيلم the conjuring حبيت الغموض و الالوان و الاجواء ..
3- تسارع الاحداث و تسلسل سرد القصة : استخدم كتاب المسلسل اسلوب السرد و كأن نشوف برنامج تلفزيوني .. بحيث خلو بعض الممثلين يؤدون ادوار الشخصيات الحقيقية و يروون القصة و ممثلين آخرين يمثلون القصة .. مادري شلون اوضح شوفوا الحلقة و تعرفون قصدي .. بس برأيي هالحركه عطت المسلسل اسلوب جديد بالطرح و السرد حبيته وايد
4- اداء الممثلين : اداء بسيط ما فيه تكلف لكن بنفس الوقت يشد و يخليك على اعصابك .. حبيت الكمبنيشن في الكوبل .. هو اسمر وهي بيضه و شلون هالشي ممكن يعرضك لتساؤلات و مشاكل في المجتمع الامريكي اللي يدعي الكمال و المساواة و اهما أبو العنصريه .. و يستمر مؤلف العمل في التركيز على العنصريه في كتاباته كما هو الحال في American crime story
انا عن نفسي تشوقت للعمل و حبيته حيل و متابعه بإذن الله بعكس الجزء اللي طاف مالت عليهم اسوء جزء ..
على فكرة جنه ليدي عاها مو معاهم هالسيزون ؟ شفت الاسامي طلعت بنهاية الحلقة و ما حطو اسمها معاهم ولا انا ما انتبهت مادري المهم ان ياليتها مو معاهم علشان يبقى للعمل ثقله و حلاوته
شكرا طبيعي على التغطيه .. مشكور بالزاف
--------------------
المشاركات: 547 | من: Kuwait | تاريخ التسجيل: أبريل 2015
|
رد مقتبس: على فكرة جنه ليدي عاها مو معاهم هالسيزون ؟
لا موجودة بس دورها ما بيكون رئيسي.. لكن بتطلع في كذا حلقة.. نزلتلها صورة وشكلها فيها أعوذ بالله أنا بعد شفت وحبيت .. من بين كل المواسم أحلى بداية هالبداية... على طول دخلنا أجواء السيزن وما حسيت بالملل أبدا وأنا اتابع.. يمكن السبب مثل ما قلت انه التركيز على قصة وحدة وما كانوا ضايعين ومتشتتين.. و اذا كمل المسلسل بهالبساطة أعتقد بيتميز هالسيزن.. ما بتسرع في الحكم لأني كنت مبهور بFreak show في أول ثلاث حلقات وكنت أقول انه بيكون أحلى سيزن بعدين خبصوها واخترب .. ان شالله هالسيزن يكمل بهالقوة ومتحمس للحلقة الثانيه
-------------------- [ المشاركات: 7335 | من: الامارات | تاريخ التسجيل: يوليو 2003
|
مرسله في
مساكم الله بالخير حبيت اللي شفت اتمنى يستمر على هذا الحال لحد الان الادوار متوظفه صح - حبيت طريقة السرد ممتعة جدا - من المشاهد اللي تروع مشهد الجاكوزي ومشهد يوم يدخلون عليهم بالمشاعل - والممرضات شي مستفز سايكو بشكل
باين الموسم جميل مع اني حاب كل مواسمه لانه يعيشك الجو
--------------------
جربت ألف محبة ومحبة فوجدت أفضلها محبة [ ذاتي ]
المشاركات: 94 | من: السعودية | تاريخ التسجيل: يوليو 2014
|
مرسله في
الي ذابحني انه ماكو مقدمة ليش جذي اختصروا اموت على مقدمات امريكان هيرور ستروي احسها جنها فيديو كليب
المشاركات: 44721 | من: الـكـويـت | تاريخ التسجيل: أكتوبر 2003
|
إرسال هذه الصفحه لصديق!
لطباعه هذا الموضوع
![[worried]](graemlins/worried.gif)
![[super]](graemlins/super.gif)
![[Razz]](tongue.gif)
![[heartpump]](graemlins/heartpump.gif)
-
