-------------------- قد تكون أحلامنا أقرب للخيال.. لكن لا يطوي النسر جناحيه طالما ان هناك قمة يريدها المشاركات: 163 | من: Maroc | تاريخ التسجيل: أغسطس 2007
|
مرسله في
حبيت المسلسل . حبيت الخلطة ما بين الحقيقة و الخيال.
-------------------- قد تكون أحلامنا أقرب للخيال.. لكن لا يطوي النسر جناحيه طالما ان هناك قمة يريدها المشاركات: 163 | من: Maroc | تاريخ التسجيل: أغسطس 2007
|
مرسله في
شكرا عالردووود المسلسل حلو بس ما اعرف لوين راح يودينا الكتاب ما اريد دوخه مثل لوست تم الاتفاق على 24 حلقه للموسم الاول لان المسلسل نسبه مشاهدته جيده
--------------------
There are no two words in the English language more harmful than "good job". المشاركات: 4111 | من: iraq | تاريخ التسجيل: نوفمبر 2004
|
صار لي اكثر من سنه وانا ادور عن مسلسل جديد يشد ويستاهل اني اتابعه ومالقيت .. بعد اغلي بيتي ولوست وقريباً ديسبريت حسيت نفسي ضايع ومالي مكان بعالم المسلسلات التلفزيونيه .. لحد ماطحت على مسلسل اسمه وانس ابان تايم
المسلسل الوحيد اللي استطاع بجداره انه يشدني بكل ثانية فيه من سنيييين طويله .. مسلسل عبقري بكل معنى الكلمه .. كل حلقه فيه عباره عن فيلم لحاله .. اول ماسمعت عن فكرته وهو انه يتطرق لعوالم الشخصيات الخرافيه والفيري تيلز قلت ماراح اخلي هالشي يخدعني مهما وصل اغراء فكرة المسلسل بالنسبة لي .. لاني اموت على الفيري تيلز واعشقها واعشق شخصيات هالقصص .. ويمكن هذا احد اهم اسباب حبي لافلام ديزني .. بس قلت لنفسي مابي اتأثر بأي عمل يتطرق للفيري تيلز واحبه بس لانه يتكلم عن هالشي اللي احبه وخلاص اذا ماكان فعلاً فيه شي قوي ويشد ويستاهل!!
ظليت ماسك نفسي عن المسلسل من اول ماشفت هالموضوع والردود المغريه اللي فيه .. لحد ماقلت الاسبوع اللي فات خلاص راح ابدا واشوفه واعطيه فرصه .. خصوصاً بعد الاغراءات اللي كان رفيجي العضو شبح الصمت يسويها لي وكلامه عن روعة كل حلقه يتابعها .. واول مابديت بالحلقة الاولى .. مالقيت نفسي الا وساحب الحلقات كلها ورا بعض 16 حلقة وشفتهم كلهم بفترة قياسيه
اول شي قلته بعد ماخلصت الحلقات .. جد جد انا ويني عن هالابداع!!!! .. لهالدرجة انا غبي؟ .. مسلسل من تأليف مؤلفين لوست واتردد بأني اشوفه ولا لا؟ .. شلون تجرأت اشكك بإبداعهم للحظة؟! .. قاموا بعمل مبهر بربط شحصيات الفيري تيلز بعالمنا .. وطريقة ربط قصص الفيري تيلز ببعض بطريقة تشيب شعر الراس!! .. والتفسيرات اللي اوجدوها لشغلات كثيره كنا نشوفها ونقرا عنها بقصص الفيري تيلز كانت قمممممممممه بالابداع والذكاء!! .. هالمؤلفين ناس مثلنا عندهم نفس المخ اللي عندنا؟ اشك الصراحه!!
حلقات كثيره ابهرتني .. مثلاً هوية الشخص اللي عايش بالمرآه السحرية واللي تكلمه الملكة الشريرة وسالفته وليش هو داخل المرآه!! .. قصة الاقزام السبعة وكيف انولدو وعاشوا بالغابة .. وقصة اسمائهم اللي يحملونها واللي تعبر عن شخصية كل واحد فيهم .. وقصة القزم غضبان وليش صار غضبان!! .. قصة الجميلة والوحش وارتباطها بقصة رامبل ستيلسكن!! .. قصة ليلى والذيب والصدمه الكبيره اللي شفناها بالحلقه واللي لحد اليوم انا مصدوووووووووم منها .. حلقة الصياد اللي كان ناوي يقتل سنووايت!! .. حلقة رامبل ستيلسكن!! .. اتكلم عن ايش ولا ايش؟ المسلسل ابداع متواصل من بدايته لنهايته!!
احلى شخصيتين عندي بالمسلسل بلا منازع شخصية رامبل ستيلسكن والملكة الشريرة .. OMG هالاثنين ابداع .. احلى شي لما يلتقون بنفس المشهد ونشوف كل واحد كيف يطلع جبروته بطريقته ضد الثاني .. خاصة رامبل .. ضحكته رهيبه لول .. والملكة عندها هيبه ووقار بشكل مخيييف ..
كل اللي اقدر اقوله ان المسلسل تحفه حفه تحفه .. واللي ماتابعه شناطر؟ هذا هو المسلسل اللي راح ينسيكم قرف المسلسلات الفاشله كلها طول هالسنين .. خصوصا محبين لوست .. المسلسل راح يكون مفصل تفصيييل على مزاجهم لانه واضح انه يحمل بصمة لوست خصوصاً بسالفة الفلاشات ..
واذا انتو من محبين الفيري تيلز وخصوصاً افلام ديزني فالمسلسل يعنيكم انتو بالذات دوناً عن غيركم .. المسلسل متأثر بشكل كبير بأفلام ديزني واغلب الشغلات والتفصيلات الصغيره بالمسلسل ماخذينها ومقتبسينها اقتباس صريح من افلام ديزني
مثلاً بحلقة الجميلة والوحش طلع فنجان مكسور .. هالفنجان ما انذكر بالفيري تيل الاصلي للجميلة والوحش .. لكن ديزني هي اللي اخترعته وحطته بفلمها الكلاسيكي الشهير كشخصيه من الشخصيات المسحورة بالقصر .. وبحلقة سنووايت وهي تنظف بيت الاقزام .. كانت تهمهم بأغنية .. هالاغنية هي نفسها اغنية (الحياة ابتسامة) من فلم ديزني الكلاسيكي سنووايت والاقزام السبعة .. وفستان سندريلا وبيل .. نفس فستان سندريلا وبيل اللي ظهروا بأفلام ديزني .. نفس التصميم والالوان وحتى تسريحة شعرهم .. والكلب المرقش اللي يملكة الطبيب النفسي .. اسمه بانجو .. نفس الكلب اللي طلع بفلم مئة مرقش ومرقش .. والقصة مش فيري تيل .. لكن لانه هالكلب طلع بفلم من افلام ديزني صارت قصة هالكلب بمثابة فيري تيل .. الجني لما طلع من المصباح السحري قال للملك بأنه جاي من أغربة .. هالاسم مش موجود بقصة علاء الدين الاصلية المعروفه .. ديزني اللي اخترعت اسم أغربة بفيلمها الكلاسيكي علاء الدين ..
واشياء كثيرة مش حاضرتني ..
بس جد جد جد اللي ماتابع هالمسلسل لاززززم يبدا يتابعه من اليوم .. انا ان شاء الله بكون متابع دائم من اليوم ورايح وبحاول اكون متواجد بشكل مستمر بهالموضوع واتمنى من اللي يشوفون المسلسل يشاركوني بأرائهم وتحليلاتهم بكل حلقه ..
[ مارس 25, 2012, 04:14 PM: تم تحرير المشاركه من قبل: [ L.O.V.E.R ] ]
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
مرسله في
صراحة ناصر حمسني أشوف المسلسل وبديته تقريباً من يومين والحين وصلت الحلقة الخامسة , وصرااحة إبداع إبداع مبدعين بهالمسلسل لدرجة أني مب قادر أوصف إعجابي فيه والمسلسل يتطرق لأشياء وايد حلوة عن القصص الخيالية من جذورها وهالشي اللي يميزه , أنصح الكل يتابعه بأقرب وقت , وأنا إنشالله يومين وبخلصه كامل