فعلاً الحلقة قنبلة بمعنى الكلمة وبصراحة حلقة تحبس الأنفاس , وايد وايد استمتعت فيها لأنه أهم حلقة في المسلسل للحين , وحدي متحمس للحلقة القادمة , وترى ماباقي شي المسلسل 22 حلقة وبيخلص يوم 13 مايو , يعني جهزوا حالكم
عشان كذا ماحب يكون للاولاد الصغار ادوار كبيره ومهمة بمسلسل راح يستمر لاكثر من موسم .. لانهم بأي لحظه ممكن يطولون وتتغير اشكالهم
عالعموم الحلقه 17 كانت رهيبه وفيها مفصل طرق مهم .. من هالحلقه راح تبدا ايما تاخذ موضوع كتاب هنري على محمل الجد .. مسكين جيفرسون لعنته من اصعب واقسى اللعنات من بين كل الشخصيات .. لانه راح يظل يتذكر بنته بأي مكان يكون فيه حتى لو ستوري بروك .. لكن بنته بالمقابل ماراح تطق له خبر ولا تعرفه
لكن اكثر مشهدين فعلاً تأثرت وانا اشوفهم مشهد ريجينا الحقيرة لما تركته ببلاد العجائب وقالت له كلامك صح المفروض الواحد مايتخلى عن عائلته .. حرقت قلبه وراحت .. والمشهد الاخير لما الكاميرا تعمل زوم اوت ولا نشوف الماد هاتر غارق بين القبعات وجالس يهلوس ..
بس كل هالمشاهد المؤثره بصوب .. والمشهد اللي شفناه بالحلقه اللي قلبها 16 بصوب .. لما جا الامير شارمنغ لسنووايت وهي بالسجن وشك فيها وسألها اذا هي قتلت كاثرين ولا لا .. صدمتها ونظرتها له كانت توجععععععع .. وردها عليه كان يوجع اكثر واكثر .. لما قالت له: لما سجل مكالماتك ظهر .. ولما لقيتك تتجول بالغابه .. ولما ظن الكل انك قتلت كاثرين .. انا وقفت جنبك وماشكيت فيك للحظه .. والحين لما كل شي يشير لي .. تظن اني قادره على هالنوع من الشر؟
مشهد أليييم ويعور القلب
موقف غولد صار جداً جداً غريب ومحير .. بأخر مشهد شفناه جمع بين ريجينا وغولد (اللي كشف فيه انه فاكر كل شي) كانوا يتحدون بعض .. وبعدها بهالمشهد نشوفهم حاطين يدهم بيد بعض!!
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
ناصر صح كلامك هوية ملكة القلوب بتكون صدمة لنا مثل كل الصدمات اللي واجهتنا بالمسلسل للحين , بقولكم توقعي بس أدري أنه غريب لول ,,,, يمكن تكون أخت ريجينا هي ملكة القلوب هذا إذا كان لها أخت أصلاً لول , بس من بتكون بعالمنا احنا مادري لول يمكن إيما
مرسله في
يمكن افضل حلقة بعد البيلوت .. قوة التمثيل مش طبيعية الحلقة مليانة مشاعر .. البنت طلعت مشهورة كثير شوفوا هون http://en.wikipedia.org/wiki/Bailee_Madison في لقطة في الاسطبل لما تقول لريجينا what r u doing with him شبهها من سنو الكبيرة مش طبيعي خصوصا تعابير الوجه
[ أبريل 05, 2012, 01:59 AM: تم تحرير المشاركه من قبل: Strider ]
--------------------
المشاركات: 2510 | من: Palestine and Germany | تاريخ التسجيل: يناير 2006
|