مرسله في
ليش مخلين الحلقة التذكيرية من ظمن البريمير ؟ المفروض تنزل بروحها ويخلون البريمير يكون ساعتين LOL متحمسة وايد للموسم الجديد وخصوصا شخصية آريل مادري شراح يسوون فيها وشنو التويست اللي بتصير أكيد بيكون شي سوداوي LOL يمكن صارت بهالشكل بسبب رجينيا اللي ماخلت حد , أكيد بيقلبون الفيري تيل الأصلية ويدخلونها بأشياء ثانية كالعادة , مبدعين
ناصر مبدع بالتصميم وبسك تواضع ألحين كل هذا وعادي ؟ بمه منك LOL وبخصوص شنو أفضل اللحظات بالموسم الثاني الصراحة مو ذاكرة كل شي بس في مشهد مستحيل أنساه , لما بي كان بلندن في بيت ويندي وكانوا مستعين يواجهون بيتر بان عشان لا يخطف الياهال , كان شكل الغرفة قريب من الشكل في فيلم ديزني وكان شكل الأطفال مقارب للفيلم بعد بس شكل بيتر بان كان مرعب وماله علاقة بفيلم ديزني وشلون دخل عليهم وطفى الشموع وبطل الشباك , شي يخوف مو بيتر بان اللي تعودنا عليه مشهد تختلط فيه المشاعر LOL للحين المشهد ببالي مانسيته
[ سبتمبر 23, 2013, 06:40 PM: تم تحرير المشاركه من قبل: Angie-Q8 ]
خلصت اخيراً من اعادة مشاهدة السيزن 2 .. بحط الحين رايي بأحلى خمس لحظات بالسيزن .. بابدا بأقل درجة الى اعلى درجة:
5
سيارة ايما الصفره
ماتخيلت ان لها قصة قديمة مع ايما تمتد لأكثر من عشر سنوات .. وانها بعد عبارة عن سيارة مسروقه .. شكلها يذكرني بسيارة العم بطوط بقصص مجلات ميكي لول
4
سنووايت ترفع السهم فجأة بوجه ريجينا
من المشاهد اللي ماقدر انساها بهالسيزن .. بالرغم من ان ريجينا كانت متنكره على شكل فلاحه فقيرة الا ان هالشي ماخدع سنووايت بعد مافضحت ريجينا نفسها وذكرت حادثة انقاذ الملكة لسنو وهي صغيرة .. طريقة تمثيل سنو وكيف وجهت السهم مباشرة على وجه ريجينا روعه .. اذا انا تخرعت لول .. ومسكينه ريجينا كان شكلها يعور القلب وهي تقول لسنو على لسان الفلاحه عطي الملكه فرصه ممكن يكون في بذرة خير بداخلها مثل ماقلتي .. لكن سنو من فجاعة المنظر اللي شافته وشكل جثث اهالي القرية وهم محترقين ماقدرت تسامحها .. ومالومها بهاللحظه
3
وصول البطاقة
افتتاحية السيزن .. مشهد بسيط لكن مشوق وغريب ويثير الف سؤال .. كنت محتار احط هالمشهد ولا مشهد ظهور الحصان وكيف التبس علينا المكان اللي تصير فيه الاحداث .. لأول وهله ظنينا اننا بالغابة المسحورة .. وبعدها اكتشفنا اننا بامريكا بالوقت الحاضر .. متحمس اشوف افتتاحية السيزن الثالث كيف بتكون .. حاس انها بتكون بنفس الغرابه!!
2
بيل تجتاز الخط الاحمر وتفقد الذاكره
من المشاهد اللي اجتمعت فيها كل العناصر .. خوف + ترقب + اثاره + حزن .. مشهد مكتوب بطريقه رهيبه .. فجأة نلقى نفسنا امام حادثة قوية .. بيل تجتاز الخط الاحمر وبكذا تفقد ذاكرتها للابد .. وبعدها نكتشف ان اللي خلاها تجتاز الحاجز ماكان الا بسبب طلقة نارية من هوك .. وبعدها وبأثناء حماسنا عشان نشوف كيف بينتقم غولد من هوك تدخل سيارة غريبة جات ماندري من وين .. وفجأه تخترق حاجز ستوري بروك وتصطدم بهوك!! لخبطه حلوه!! لما خلصت الحلقه اتذكر اني ظليت كذا @@ مصدوم لفتره من غير ما اتكلم لول
1
ظهور ستوري بروك
بوووف!! فجأه ظهرت المدينة بكل بساطه!! حلقتي المفضله بالسيزن 2 بلا منازع .. وهالمشهد من احلى المشاهد .. لانه فسر لنا بكل بساطة ظهور المدينة اللي ظليت افكر كيف راح يبررون ظهورها .. وكيف راح يبررون طريقة مسألة وصول الموبايلات والكمبيوترات والسيارات الجديدة اول بأول وهم عايشين في عزله عن العالم وجايين من مكان مايعرفون يتعاملون فيه مع الادوات اللي احنا نستخدمها بحياتنا العادية .. كل شغله تم تفسيرها بشكل مقنع ومنطقي .. حتى ريجينا خلونا نتعاطف معاها اكثر بعد ماشفنا كيف عاشت وحيده طول هالسنين مالها لا صاحب ولا ونيس بهالمدينة لحد ماجاها هينري .. حلقه حلوه من اولها لاخرها .. خصوصاً لحظة ظهور المدينة من بين الدخان البنفسجي الكثيف .. مشهد مهيب ..
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
مشهد الزواج السريع للامير تشارمنغ من سنو امام ام تشارمنغ المريضه .. روعه وفعلاً مؤثر
اصوات بكاء وعويل لاطفال صغار بالقرب من نيفر لاند .. مشهد مخيف واذكر اول ماسمعت اصواتهم انصعقت .. ماتخيلت السوداوية بقصة بيتر بان توصل لهالحد
تأثرت لما شفت بصيص امل بقلب رامبل .. القاتم الاسود!! ..لما تعمد انه يخطئ اصابة السهم اللي كان موجهه لزوجة روبين هود الحامل .. كلام بيل اثر فيه
هالشخصيه تحطني بحالة رعب مو طبيعيه
اكثر مره اشوف الملكة طالعه بهالكمية من الشر .. لا لا مو شر وبس .. الا قمة الحقد والغل واللئمنه!! .. نظرات الملكة وطريقة كلامها بهالمشهد وكيف كانت ترتجف واسنانها تصطك مو من المقصله اللي راح تفصل راسها عن جسدها .. كانت ترتجف من الغــــل ومن ندمها بأنها ماقدرت قبل لاتعدم بأنها تجلب موت اكثر للناس .. وندمها لانها ماقدرت تقتل سنووايت .. هالممثله شنو بالضبط؟! ادت هالمشهد بالذات بطريقه اوسكاريه رهيبه
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
ماتخيلت ان لها قصة قديمة مع ايما تمتد لأكثر من عشر سنوات .. وانها بعد عبارة عن سيارة مسروقه .. شكلها يذكرني بسيارة العم بطوط بقصص مجلات ميكي لول
LOL أنا أول ما شفتها جا في بالي سيارة دكتور أغاسا من انمي المحقق كونان شكلها سو كيوت
السيزون اللي طاف كان مليان قصص وأحداث ممتعة وحماسية بس كان واضج إنهم كانوا ضايعين ومو عارفين وين رايحين وهالشي واضح بشخصة ريجينا اللي كانوا مو عارفين شيسوون فيها مرة طيبة مرة الشر كله فيها مره تحب أمها مره تكرها , دوخونا LOL غير عن سيزون ون كانت شخصية ريجينا واضحة أكثر حقودة بسبب اللي صار لها بس مع هنري تصير حنونة مع إنه واضح حتى مع ولدها أنانية لكن الظاهر الكتاب تعلموا من أخطائهم LOL وشالوا الشخصيات اللي مو عارفين شيسوون فيهم ( ريد ) وحطوا خط واحد عشان يمشون عليه مو على البركة والمزاج