الحياة بالنسبة لإيما سوان هي أي شيء عدا النهايات السعيدة. ولكن عندما يلتم شملها مجدداً مع هينري - الابن الذي تخلت عنه للتبني قبل عشر سنوات - في ليلة عيد ميلادها الثامن والعشرين، يتغير كل شيء.
إنضموا في رحلة خيالية مثيرة مع سنووايت والأمير شارمنغ والملكة الشريرة ورامبل ستيلسكن والكابتن هوك والعديد من شخصيات الحكايات الخرافية الأخرى في صراعهم الأبدي بين الخير والشر في الفنتازيا الدرامية "كان ياما كان".
شاهدنا سابقاً
توقف الموسم السابق عندما أحضرت إيما سوان معها من الماضي ماريان زوجة روبين هود المتوفاه ضاربة بعرض الحائط تحذيرات ريجينا بأضرار العبث بالزمن. وعلى عكس نهاية ريجينا الحزينة التي فقدت فيها حبها الجديد بسبب إيما عاشت سنووايت مع الأمير شارمنغ أسعد لحظات حياتها عندما رزقا أخيراً بطفل جديد أطلقا عليه اسم نيل. وكذلك رامبل وبيل اللذان توجا حبهما بالزواج.
ولكن الحدث الأكبر والذي تفجر في الثواني الأخيرة تمثل في وصول ضيفة جديدة غير متوقعة قادمة من الماضي من عالم الحكايات الخرافية إلى مدينة ستوري بروك ضيفة تنفث الثلج في كل خطوه وكل مكان تطأه قدمها ضيفة كانت أسيره لدى رامبل ستيلسكن!
الموسم الرابع يعرض ابتداءً من 28 سبتمبر
المشاركات: 27170 | من: ~ NeverlanD ~ | تاريخ التسجيل: يوليو 2002
|
اول شي حاب اقول حق لوست يعطيك العافيه فديتك .. كواحد من فانز هالمسلسل الممتع فخـــور ان اسمك شايل تغطية السيزن الرابع بعد سلسلة من الاسماء المميزة مثل وسيم وحمدان ودكتور ليو .. ويارب ويهك يكون خير على السيزن
طبعاً مع اقتراب عرض وانس الحماااس لازم يرتفع عندي لسابع سما .. متخيلين؟!! ناطرنا سيزن جديد وكاااامل من المتعه والسحر والخيال .. مايفصلنا عن قصص وحكايات الاميرات والامراء والسحره والاقزام غير اقل من شهر بس .. وبرومو السيزن الرابع بطل .. خصوصاً اشكال الشخصيات .. حبيت شلون مدخلين اشكالهم الاصلية بعالم الفيري تيلز بستوري بروك .. وطبعاً احلى شي لزمة ايما .. really ؟!
اول حلقه بتكون بعنوان "حكاية اختان" .. عن إلسا وآنا .. راح يدخلونا بعالمهم من خلال استعراض ماضي إلسا وكيف وصلت داخل قمقم رامبل وصارت سجينه فيه ..
صور الحلقه
اشكالهم كيوت .. طالعين كأنهم صج خوات .. الممثلة اللي تلعب دور السا اصلها استرالي .. عن نفسي ماشفتها قبل بأي عمل .. لكن اللي شافوا مسلسل فرينج اكيد يعرفونها .. والممثله اللي تلعب دور آنا هذا اول عمل كبير تطلع فيه بمشوارها .. ماشاركت قبل غير بافلام قصيرة غير معروفه .. وهذا هو الدور اللي راح تبرز فيه .. احس فيها بريئه مثل آنا بالضبط
واو شايفين الباب .. نفس تصميم ابواب قصرهم بفيلم ديزني .. حبيت انهم مهتمين ينقلون حتى هالتفاصيل الصغيرة .. مو بس تفاصيل اللبس والشكل ..
الممثل اللي يلعب دور كريستوف كوبي بيست منه .. كأنه الموديل الاصلي للشخصية!!
حتى الرنة سفين راح يطلع بالمسلسل .. مسكين اولاف سحبوا عليه لول
يقولون ان قصة إلسا وآنا بالمسلسل راح تبدا بعد مرور 10 سنوات على قصتهم بفيلم ديزني .. يعني اللي متوقع يشوف ليت ات جو واحداث الفيلم الاحسن انه مايعشم نفسه .. والسا بالمسلسل المفروض تكون بنهاية العشرينات على بداية الثلاثينات ..
وقريت بعد ان السيزن الرابع راح يمشي على نفس خط السيزن الثالث بموضوع البارت 1 والبارت 2 .. اول 11 حلقه راح تنعرض ورا بعض مثل الميني سيريس .. راح تكون لها بناء درامي معين .. والبارت الثاني بعد مايرجع المسلسل بيكون له بناء درامي مختلف ..
*اللي مايحب يحرق على نفسه لايقرا هالفقره* البارت الاول بيكون عن قصة إلسا .. والبارت الثاني بيكون عن عودة مالفسنت .. يقولون انها راح تعفسهم فوق تحت وبتكون اقوى شريرة مرت بالمسلسل .. واحداثها هالمره راح تكون ماخذه من خط مالفسنت نسخة انجلينا جولي اكثر من فيلم ديزني الاميرة النائمة .. اظن السبب عشان يخلونا نشوف ماضيها مع الملك ستيفان .. وانهم كانوا يحبون بعض وبعدين خانها .. مثل ماصار بفيلم انجلينا .. فيلم انجلينا راح يشكل ماده دسمه لخط مالفسنت بالمسلسل ..
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
*اللي مايحب يحرق على نفسه لايقرا هالفقره* البارت الاول بيكون عن قصة إلسا .. والبارت الثاني بيكون عن عودة مالفسنت .. يقولون انها راح تعفسهم فوق تحت وبتكون اقوى شريرة مرت بالمسلسل .. واحداثها هالمره راح تكون ماخذه من خط مالفسنت نسخة انجلينا جولي اكثر من فيلم ديزني الاميرة النائمة .. اظن السبب عشان يخلونا نشوف ماضيها مع الملك ستيفان .. وانهم كانوا يحبون بعض وبعدين خانها .. مثل ماصار بفيلم انجلينا .. فيلم انجلينا راح يشكل ماده دسمه لخط مالفسنت بالمسلسل ..
بديت اتابع مسلسل وانس ابون تايم ان واندرلاند بعد نصيحة عمرو علي
المسلسل اول مانزل السنه اللي فاتت شفت منه اول حلقه وسحبت عليه ومافكرت اكمله .. ماحبيت محيط الشاشه الخضرا اللي حطونا فيها والجرافيكس المتهالك اللي شفته .. حتى وانس من هالناحيه افضل منه بالف مره ..
بس قلت الحين بما ان حماسي رجع لوانس وماعندي شي جديد اتابعه قررت اكمله
وبصراحه!!
ماندمـــــــــــــــــــــت
المسلسل عجيب ومو مثل ماتوقعته .. نهاية الحلقه الثانية خلتني بحالة ذهول من المفاجأة اللي صارت فيها .. قلت بقلبي هذولا هم مؤلفين وااانس اللي اعرفهم .. دخلونا بحته ثانيه غير متوقعه بالمره
ومن بعد هالحدث بدت الاحداث تاخذ منحنى ثاني وتتصاعد وصار المسلسل بمستوى وانس نفسه
وصلت الحلقه السابعه وباقيلي تقريباً 8 حلقات واخلصه
بس لحد الان حلقة جعفر اكثر حلقه اثرت فيني .. ماضيه بمدينة أغربة وطفولته اللي عاشها .. اتوقع لو ديزني حبت تسوي بريكول لشخصية جعفر او فيلم لايف اكشن عنه مثل مالفسنت بيكون مافي افضل من قصته بوانس ..
حتى عصى الثعبان اللي كله شايله معاه وين مايروح ماتوقعت ان في وراه قصه مؤثره تتعلق فيه ..
الحمدلله اني سمعت نصيحة عمرو وتابعته
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|