مرسله في
^ على فكرة انا كنت من فانز داوسن (المسلسل) لوول كان عمري شي 11 ههههههه وحماسي لفرينج اني بشوف جوشوا like a man هو صح مو قد التوقعات بس ماشي حالو اما من النواحي الاخرى فانا مع ايمان قلبا وقالبا
------
the human kind
حبيت فكرة تحول بيتر لواحد منهن وتمنيت انو ما ينزع التيك هو صح رح يتغير بس ممكن يصير متل سبتمبر او اوغست العاشق وندمارك الحقير كنت متمنية انو بيتر يخلص عليه حسب المخطط بس بيكون اقوى لو انسان قتلو هيك بتنتصر قصة المشاعر الانسانية وبتنقض نظرية انها نقطة الضعف .. واهم شي ما تخسرو اوليف
المشاهد بين اوليف و صاحبة الايمان والمغنطيس مؤثر اوليفا مو متقبلة خسارة بنتها لسا في انكار للموضوع بطريقة ما ... اول مشهد لما بتشوف الموالين عم ينزعو صورها
-----
ما بعرف ليش جانب والتر مو مطمني من اخر الجزء الثاني ولما اعترف ويليم بنزع اجزاء من عقلو بناء على طلب والتر وانا حاسة انو والتر لازم يبان جزء الشرير و الـ Ego God
هي غير ازا خلص المسلسل قبل ما يرجع يسيطر على عقلو بشكل كامل او ازا شالت نينا هالبارت هههههههه
---
في كمان شغلة ما عم تقنعني انو ويليام اشمعنى قلب شرير وخاصة انو بيتر لا يعتبر متغير بحياته .. معقول وجود جونز هو السبب مع انو بالاخر جونز طلع كارت متلو متل غيرو .. يا خوفي يختموها انو ويليام كان عم يعمل هالشي لصالحهن
---
رجوع الابزورفر الكيوت رائع ومتاكدة انو الكل وقتها حب الحلقة تبعو وكل فترة كان يخطر ببالي انو لسا الو دور معقول يطلع ابن سبتمبر
مرسله في
^ قصه بيتر بتتفسر اكثر في الحلقه 15 من سيزن 2 ، تقريبا لها علاقه ب cliffhanger الفينالي الاول
-
ستيلا
داوسن اتذكر اني شفت له موسم واحد زمان ع قناه فرنسيه ، ايام الطفوله تحت 10 خخخ طبعا زي كل اعمال المتفوقه cw ، الواحد ما يحتاج يشوف كل المواسم ليفهم القصه شفت الجزء الي بيغادروا مدينتهم و يروحوا للجامعه ، لما كايتي تصير روميت مع بيزي فيليب اكثر واحده كانت تستفزني ميشيل ويليماز ، كانت وايد عايشه دور شريفه مكه و هي بأساس واحدة ناقصه حنان و تعاني من الفراغ العاطفي و داوسن كمان كان كئيب و روتيني بشكل خخخ ، بيسي كان دوره ملون بسبب صياعته للصراحه انا سبب مشاهده لفرينج بعد فكره انه من عنده جي جي ، ان جوشوا جاكسون مشارك فيه بس لما شفت آنا و جون و حتى ام كشه جيسيكا ، سحبت عليه سحبه قويه ، اساس لو فيه فايده كان قبله جي جي في ستار ترك دور في فرينج كان ترضيه و جبر خاطر من جي جي لما رفضه لدورين من الفيلم
رد مقتبس: صاحبة الايمان والمغنطيس
simone the oracle
اعشق جيل سكووت ، ظهورها في فرينج كضيفه شرف ما خيب الظن كثير حبيت حوارتها مع اوليفيا فهالحلقه و كنت اتمنى اشوفها بمشاهد غنائيه مع والتر
رد مقتبس: في كمان شغلة ما عم تقنعني انو ويليام اشمعنى قلب شرير وخاصة انو بيتر لا يعتبر متغير بحياته
والتر و ويليام بيل وجهين لنفس العمله ، علماء اتخطت نظرياتهم الخطوط الحمراء ، بس كل واحد و مدرسته مثل كل شي علمي لازم عواقب و اعراض جانبيه ضاره الي بتخليني نشوف هالعالم شرير + بس احنا اتعودنا ع والتر - as the sweetheart teddy bear - فلما بنشوف تصادم بين افكار والتر و بيلي دايما ننحاز لوالتر و نشوفه العالم المجنون الي اتخيل مستحيلات الي ندم عليها على عكس رؤيتنا لويليام بيل ، بعيد و حياته يلفها الغموض كلامه ناشف و عودته دايما بتحدف معها بلاوي - قصه ويليام بيل اتسكرت ع حد الحلقه الي رجعت فيها نينا شارب - الحلقه الي عنوانها ارقام كود - يعني عوده قصته هالمره بمثابه قطعه من puzzle المخطط و تصفية حسابات قديمه للمره الاخيره بين نينا و والتر - بين جدال حول حب و اخلاص نينا الأعمى له و غيره والتر منه - ويليام بيل من الشخصيات الي لها ثقل فالمسلسل و دايما المشاهد القليله الي بيطلع بيكون لها هيبه و ثقل بس سن ليونارد نيموي - رجل في الحياه و رجل في القبر - ، حد من استغلال شخصيته بالشكل المطلوب فكانوا دايما بيلجأوا ل Miss keeping information - نينا الي كان تتفنن بلعب دور الصندوق الأسود لماضي بيل و والتر
[ أبريل 26, 2013, 04:37 AM: تم تحرير المشاركه من قبل: ´Zak ]
رد مقتبس:اكثر واحده كانت تستفزني ميشيل ويليماز ، كانت وايد عايشه دور شريفه مكه
فيس بيتزكر فيلم بلو فلانتاين بس كانت من الشخصيات المفضلة هي وبيسي كنت امقت كايتي ولازلت
رد مقتبس: اساس لو فيه فايده كان قبله جي جي في ستار ترك
جد كتير مستفز عليه تعابير غبية غريبة مع العلم دوره كبير وفي اله نصيب كبير من الحلقات المتميزة حتى اختي قالتلي انو لسا عايش دور المراهق والحبيب مو فهمان من الدور الا انو البوي فريند لاوليف
رد مقتبس: بس لما شفت آنا و جون و حتى ام كشه جيسيكا
انا تورف فظيعة كيف تحسنت اثناء المسلسل فرق كبير بين اول حلقات والموسم الثالث خاصة طريقة لعبها للشخصيتين كتير اوقات يخطرلي انهن 2 لوول
جون نوبل حبيتو من اول حلقة وجوده باي مشهد متعة
جيسيكا(استرو -افرو-اشرم-اليكس- ...الخ ) متاكدة انها من فانز جوني ديب شخصيتها بالعالم الموازي ما بتزكرني الا بـ charlie and the chocolate factory
رد مقتبس: فكانوا دايما بيلجأوا ل Miss keeping information - نينا
نينا للجزء الرابع وانا لسا شاكة فيها بحس حتى الشخصيات والممثلين كمان لوول
نهايتها مؤثرة ومقنعة اساسا الحلقة كلها حلوة صراع والتر مع والتر
-----
باقي الفينال يا ريت يكترو من الفلاش باك السريعة بعشقهن من ايام لوست
افضل القابها عندي lol استريكس ، استرويد و اسبرين اما ألستريد ، فاحسها so geek خخخ زي الي عندها توحد ، حتى جيسيكا قالت ان الي ساعدها في اداء هالشخصيه اختها ال autistic جماعه فرينج كانوا متبين قضية لهالمرض و داعمينها و في حلقة عملوها ع هالموضوع اسمها the plateau ، كانت من احلى كيز المسلسل استريد أم دميعة ع قد ما دورها بسيط لكنه مؤثر ، للان اشوفها اكثر واحده كان رده فعلها طبيعيه لما شافت نسختها الموازيه في making angels
رد مقتبس: انا تورف فظيعة كيف تحسنت اثناء المسلسل فرق كبير بين اول حلقات والموسم الثالث
آنا انظلمت في البدايه ، الكل كان ينتقذها انها بارده و ملامح جامده من بعد البايلوت بس لو نرجع لتراكمات الاحداث من ماضيها و المفاجأت الي صارت معها ، ندري ان الشخصيه هي البارده هالشي تقريبا تبين بشكل كبير لما شفنا فوليفيا و لما انعمل اسقاط رائع في حلقه one night in octobre كيف ان اختلاف تفاصيل طفوله الواحد ممكن تكون لها انعكاساتها متباينه ع حياة الواحد بعدين
رد مقتبس: نينا للجزء الرابع وانا لسا شاكة فيها
انا كنت شاكك فيها لحد حلقه بيتر من الموسم الثاني بعدين ارتحت لها و دريت انها زكرتيه و قبضاية و حتى شخصيتها مينا الي كانت مايله للشر حبيتها جدا و تمنيت نعرف عنها اشياء في الموسم الخامس بس الظاهر انها ظلت متعفنه بالسجن
رد مقتبس: جد كتير مستفز عليه تعابير غبية غريبة
ع قد ما انا شاد حيلي في التحطيمات في جوش بمختلف تغطيات فرينج بس اوقات يكسر خاطري من التعليقات الي اقراها عن تمثيله في المراجعات النقذية و التعليقات ع التمبلر و التويتر خصوصا مشهده الاخير في letter of transit مع ايثا ، من اسوء ردات الفعل الي شفتها في التلفزيون خخخ اتذكر المقارنات الي صارت بين مشهد اوليف و ايثا في البرميير الخامس و مشهده خخ ، لو قراها اكيد كان اعتزل المهنة
[ أبريل 28, 2013, 08:02 PM: تم تحرير المشاركه من قبل: ´Zak ]
مرسله في
جربت روابط ل 214 ، بتتحمل بشكل عادي بس السرعه بطيئه للاسف كل الروابط ع المواقع الثانية معطوبه ع عكس التورنت بس لقيت لك بس 214 ع netload ، سرعه التحميل من هالموقع كويسة http://netload.in/dateibJ8pTI7D8f.htm
[ مايو 01, 2013, 03:48 AM: تم تحرير المشاركه من قبل: ´Zak ]
شفت اخر 3 حلقات مرتين لان اول مرة كان التركيز ضايع بين المشاعر لوول
منقدر نقول انو نقطة القوة بـfringe التفسيرات الكاملة والمقنعة لكل الالغاز والحبكات
بتزكر اول ما بلشت افكر بالمسلسل ما كنت متحمسة لقصة الخيال العلمي والظواهر الطبيعية الغريبة وتحدي الفيزياء المالوفة بسبب اني تجاوزت المرحلة الكرتونية وفكرة الانسان الخارق فطريا
بس جملة والتر يلي ضلنا نسمعها بكل المواسم " Theoretically everything is possible"
ما كانت عن عبث فعلا المسلسل اقنعنا انو اي شي ممكن ولكل فكرة جنونية نظرية مثبتة او غير مثبتة بعد !!
------------
so much happened her .. so much is about to
حلقة عن حلقة الامور بدت تتشربك وتتعلق ببعضها كل حالة من الجزء الاول كانت الها علاقة بالنهاية وبسير الاحداث مع باقي الاجزاء او حتى استخدام متل ما شفنا باخر سيزن بجو من الغموض والاسرار والعواطف العميقة
fringe Phenomena
عالم متكامل من الغرائب والعجائب بشكل ممتع وشيق ومرعب ومقرف بنفس الوقت تحدي المستحيل للافكار وحرفية ،واتقان اخراجي على مستوى عالي و علاقتها بالقصة الدرامية محبوكة جدا ومقنعة بنفس الوقت
The story
مجموعة من الاشخاص جمعتهن روابط بالماضي وبعد مرور اكتر من 20 سنة بيجتمعوا بسبب ظروف معينة ممكن صدفة وممكن لا !! وبسبب قدرتهن على كشف الاسرار وحل الغموض وتفاعل هالشي مع تطور علاقاتهن الانسانية اعطاهن سر التحكم بالقدر وتغيره احيانا مع تحمل النتائج المردودة والقاسية للافعال ..
والتر أوليفا بيتر بالإضافة للمفاجاة سبتمبر شكلو دائرة بتناغم وكانه تنفيذ لمخطط مدروس خارج عن وعي الأربعة بأول الأمر .. الفكرة الاقوى يلي ركز عليها المسلسل بانه كل شي بالحياة أرقام فيزياء علوم و رياضيات !! وانه لا يمكن ان يكون كل ما حدث حدث بشكل اعتباطي وبنفس الوقت لو جينا نحلل بعض الامور ونرجع لاصلها منلاقي انو الصدفة او (القدر) لعب دوره ببعض الأوقات وأحيانا بأهم المواقف كإختيار سبتمبر عضو من ضمن الفريق العلمي .. او بحث اوليفيا عن الشخص المناسب لانقاذ سكوت كان ضربة حظ بدون اي تكتيك !! او مشهد العبور للمستقبل وموت دونالد ما كان ابدا لحظة هوليودية نمطية اكتر من انها تاكيد على قدر والتر المحتوم !!
برأيي انه حتى الكتاب نفسهن عاشوا صراع الإيمان بالقدر والاستسلام للمكتوب وبين القدرة على خلق ظروف حتى ولو كانت مستحيلة لتغير الواقع .. هي النقطة تركت للمشاهد حرية اختيار الجانب الامن له مع استفزاز وتحريض للفكرة المعاكسة ..
The end
مرضية تماما كحبكة درامية (مقنعة عادلة ومنطقية) اما من ناحية الإخراج كان في عندي عتب على تواضع المشهدية المادية وتكرار بعض المواقف بين الابطال قتل عنصر التشويق شوي ..
The last scene
بيتر بيستلم الرسالة من المستقبل متل ما كان مدروس ومخطط بس بتغير بسيط انو بيتر كان المفروض بعد ما قرا الرسالة يدور على والتر وبعدين يشوف شريط الفيديو ولكن يلي صار انو بيتر شاف الشريط بالمستقبل والنظرة اخر شي ممكن تخليك تتوقع اي تغير للمحتوم وهو بقاء والتر بالمستقبل او امكانية المحاربة وخلق fringe Phenomena لاسترجاعه !!
الافكار المجنونة ولحسة المخ
العوالم المتوازية: أكتر فكرة استحوذت علي وخاصة انو نظريا مطروحة الفكرة وحتى بتزكر اني قريت مقال عن تجربة مشابهة حدثت أثناء حرب الفيتنام لسفينة حربية ولكن التجربة فشلت وصار عليها تكتم كبير وصار في محاولة من بعض الصحافة للبحث بالأمر بس الغريب انو 4 من الصحفيين قتلو او انتحرو او اختفو .. ومن بعض النظريات بتحكي انو مثلث برمودا هو Soft spot والله اعلم
السفر عبر الزمن : ولو انها كفكرة ابعد من العوالم المتوازية وتعتبر فانتازيا اكتر من علم بس كل شي وارد
محي اشخاص من الوجود : امنية كل شخص بس للاسف كانت اغبى فكرة بالمسلسل وحتى كرت الانقاذ ما كان موفق الحب يتحدى المستحيل
The cast
موفق بنسبة كبيرة مع بعض التحفظات الأقوى جون نوبل ما قدرت أتخيل أي ممثل مكانه انا تورف موهوبة جدا وكانت قد التحدي والفرصة الكبيرة .. جوشوا مع تفاوت الأداء بين مقبول وجيد وممتاز (أخر سيزن) بس كان في شوية حق على الكتاب يلي ما عرفو يلعبو بشخصيته ويعطوه أبعاد وخاصة بالأول كان التركيز على انا وجون طاغي ..
الأدوار الثانية
استريد ، نينا موفقين أداء حرفي غير متكلف ومقنع ويا ريت شفنا دور اكبر لاسترد والعلاقة بينها بين والتر عفوية واكيد امتعت الكل
سبتمبر ظهوره الأول كان قوي مع استمرارية هالشي بتصاعد لاخر مشهد الممثل شاطر عشقته لما كان سبتمبر وكتير انبسطت لما شفته دونالد تدخله الدائم بالاحداث لصالحنا كمشاهدين اكيد عطتوا قاعدة جماهيرة منيحة
برويلز أكتر شي كرهتو بالمسلسل الوحيد يلي كان الرابط بينه وبين الأبطال ضعيف مما ادى لفقر الدور وأوقات كتير وجوده من عدمه واحد أي حدى ممكن يعبي فراغه قائد صارم عقلاني متفاني ووطني اكتر من هيك كاركتر تبيكل ما في لوول
وهون رجاء من كتابنا الأعزاء الموهوبين بالأفكار المجنونة لا عيب بالاستعانة بكتاب من شاكلة شوندا على إضافة بعد درامي وروابط عاطفية بين الشخصيات مو اضطر أشوف شخصية 100 حلقة بس لان في جمل لازم يحكيها لوول
ايجنت او كابتن لي مع اني حبيت الايجنت geek اكتر بس حلقة ولادة فوليفيا كمان من اقوى مشاهده .. اضافة حجم لدوره موفق جدا ويا ريت كان من اول جزء بدل تشارلي
روبرت جونز مسكين الممثل على كمية السفالة والشر والمقت يلي فيه بس كان قد اكتر من شاطر
ويند مارك كمان ادى الدور بشطارة وموفق الاختيار
ايتا ما حبيتها ولا هضمتها حتى تمثيلها كان فيه show
يلي عشقتو الشيب شفتر نيوتن مبهر بشكل ومقنع ابن ستين كلب مشهد موته من المشاهد يلي ما ممكن انساها ابدا التصوير الساوند تراك تقاطع المشاهد بيقشعر البدن
يلي بيقهرني بنظام المسلسلات الاميركية انو في ابطال ما منعود نشوف خلقتهن بعد ما يخلص المسلسل وكانه كرت ونحرق الا من رحم ربي .. امنيتي اشوف انا تورف بعمل تاني لا يقل عن مستوى Fringe
---------------
بالنهاية المسلسل يستحق المشاهدة بجدارة وشخصيا بعتبره اقوى من لوست
إرسال هذه الصفحه لصديق!
لطباعه هذا الموضوع
![[heartpump]](graemlins/heartpump.gif)
like a man ![[eyelove]](graemlins/eyelove.gif)
فانا مع ايمان قلبا وقالبا![[nut]](graemlins/nut.gif)
وبتنقض نظرية انها نقطة الضعف .. واهم شي ما تخسرو اوليف ![[Roll Eyes]](rolleyes.gif)
![[Frown]](frown.gif)
![[bgrlaugh]](graemlins/bgrlaugh.gif)
![[Razz]](tongue.gif)
![[kiss]](graemlins/kiss.gif)
![[rofl]](graemlins/rofl.gif)
![[Big Grin]](biggrin.gif)
![[help]](graemlins/help.gif)
![[crazy]](graemlins/crazy.gif)
) متاكدة انها من فانز جوني ديب شخصيتها بالعالم الموازي ما بتزكرني الا بـ charlie and the ![[rose]](graemlins/40.gif)
![[crying]](graemlins/crying.gif)
![[Mad]](mad.gif)
الوحيد يلي كان الرابط بينه وبين الأبطال ضعيف مما ادى لفقر الدور وأوقات كتير وجوده من عدمه واحد أي حدى ممكن يعبي فراغه قائد صارم عقلاني متفاني ووطني اكتر من هيك كاركتر تبيكل ما في لوول 
