كلامي ما راح يكون " تعميم " لكن هذا رأيي والي ملاحظه على أبطال المسلسلات الأمريكية الشهيرة والي صيتها انتشر بكل العالم. وتعلقوا الناس بهذي المسلسلات وحبوا أبطالهم على اختلاف توجه هذي المسلسلات، إن كان درامي او جريمة أو رعب او كوميديا. سؤال محيرني وايد ومن فترة طويلة. ليش نجوم التلفزيون الامريكي " طايح حظهم " في السينما؟ يعني مثال بطلة بيتي القبيحة وبطل ديكستر عمركم شفتوا لهم فيلم عليه شوشرة والناس تتكلم عنه! دايمًا يطلعون بأفلام وتكون أدوارهم عادية ومحد يلتفت لهم. وكأنه ما قدم عمل ضخم ومجنون ونال نجاح باهر وفاز المسلسل ماله بأهم الجوائز. هل هو كسل من الفنان نفسه او ان منتجين الأفلام ما يطلبونهم!
أبي أقربلكم أكثر وأكثر عندكم المسلسل الي اغلب الناس شافته وهو friends قلة قليلة من أبطاله الي نجحوا كملوا بنجاح وصاروا يسوون افلام والناس ما نستهم مثل جينيفر انستون. وكأنها لعنة تصيب هذول الممثلين. اذا سويت مسلسل فإنت طايح حظك بالسينما. ودي اتناقش معاكم حول هذا الموضوع. وأبي أشوف وجهات نظركم ورايكم.
مرسله في
انا الي اعرفه انه نجوم المسلسلات جذي طريقتهم مادري شلون اوصلك الي فهمته بس كل بطلة يظرب لها مسلسل والا مسلسلين وخلاص الناس يحطون عليها انها بطلة مسلسل فقط
يعني مثلا اهم ممثلين لوست خلاص تقريبا انتهوا بعده مع انه بوقت عرضة كانوا مكسرين الدينا بالعالم
ونفس الشي دسبرت وجذي
هناك بامريكا عندهم اختصاص يعني كل شي مختص بشي
مثلا بطلة جريز انتومي الي لما طق المسلسل ونجمت وانجحت "ليزي" قامت انغرت وقالت خلاص انا بصير ساندرا بولك وشفطت على المسلسل وراح تسوي افلام
شوف افلام طيااااااااااااااح حظ
عكس نجوميتها بالمسلسل الي كانت فيه
وبعدها لاهي قادرة ترجع المسلسل لانه مايبونها ولاهي قادرة تنجم بالافلام
المشاركات: 44721 | من: الـكـويـت | تاريخ التسجيل: أكتوبر 2003
|
جينيفر أنيستون مثال رائع لنجوم الي حققو هالمعادلة الصعبة و تحول سريع وبكل رشاقة من التلفزيون إلى السينما ولا ننسى أن عمر النجمة الذهبي بهوليوود هو بين 20 إلى 40 تقريباً
#مراهقة_طايم #هوس_طايم
بخصوص بطلة بيتي القبيحة للحين صغيره وأتوقع تسوي شي حلو بالسينما وهي عندها سلسلة ناجحة بالسينما How to Train Your Dragon يمكن ناس ما تشوفه هالشي المهم بس هذا يحسب نجاح
إرسال هذه الصفحه لصديق!
لطباعه هذا الموضوع
![[Smile]](smile.gif)
![[Big Grin]](biggrin.gif)
![[heartpump]](graemlins/heartpump.gif)
![[happy.]](graemlins/happy.gif)
![[crazy]](graemlins/crazy.gif)
![[rofl]](graemlins/rofl.gif)
