الكاتب
الموضوع: An Education — ترشيحات الاوسكار .. افضل فيلم وافضل ممثله رئيسيه وافضل سيناريو مقتبس
[ L.O.V.E.R ]
سوبر مصمم
رقم العضويه 3004
مرسله في نوفمبر 09, 2009 06:01 PM
نرجع لفلم An Education الفلم سبق وانعرض بمهرجان سانداس السينمائي وفاز بجائزتين افضل فيلم من اختيار الجمهور وافضل سينماتوغرافي << يستاهل وبقوه لاني احس العالم متجاهلين السينماتوغرافي الرهيبه المعموله بالفلم --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
{ Hadeel }
Salmiya Star
رقم العضويه 15440
مرسله في نوفمبر 09, 2009 08:02 PM
رد مقتبس: المرسل الأصلي هو [ L.O.V.E.R ]: اقص ايدي لو حد قرى الرد يلا قصها اشوف ليش مارحت وانت لابس كاجوال عشان تندمج مع الاجانب ! لول واضح انك زعلان لان مافي قطريين .. بس معليه المهرجان بدورته الاولى واي شي في بدايته ماياخذ الضجه المطلوبه بالدورات القادمه اتصور بيكون الحضور والتركيز الاعلامي عليه افضل ، وان شاء الله ياخذ مكانته بين المهرجانات العربيه ماعندنا الا مهرجانين بالوطن العربي عليهم القيمه القاهره وابوظبي حتي يمكن القاهره مو عالمي .. ابو ظبي افضل .. فحلو من قطر انها اقامت هالمهرجان كذا بيكون في تنافس بالمنطقه .. حلوه تجربتك ، ماقتصرت على الافلام ، قدرت تكون علاقات خلال فتره بسيطه .. وبينكم قواسم مشتركه .. اكيد السوالف ما تخلص ! بالنسبه لبريشس ، من اول ناويه اسوي تغطيه عنه ، بس يوم شفتك منزل هالموضوع قلت اكيد ناصر بينزل موضوع عن كل فلم شافه ومن بينهم بريشس ليش ماتكتب عن الافلام الباقيه وتخصص لها مواضيع ؟ الساحه محتاجه افلام قيّمه نتكلم عنها ونفتح لها مواضيع ! خلاص هالفلم محجوز لي .. كتغطيه ، بحاول اجمع عنه معلومات قد ماقدر .. لقاء اوبرا ما شفته لسه ، بحاول ادور عليه واشوفه .. شكرا ناصر لانك شاركتنا بتجربتك -------------------- ليكـ وحشـــه
المشاركات: 8890 | من: الســــعـــوديه | تاريخ التسجيل: مايو 2004
|
[ L.O.V.E.R ]
سوبر مصمم
رقم العضويه 3004
مرسله في نوفمبر 09, 2009 08:38 PM
اصلا اليد ماتنقص .. اشدعوه ورقه ؟ .. اليد تقطع .. يعني الرهان لاغي هديل المهرجان عباره عن فرع ثاني لمهرجان تريبيكا السينمائي اللي مأسسه روبرت دينيرو .. حتى اسمه تريبيكا .. على اسم المدينة اللي يقام فيها المهرجان هناك يعني المهرجان انولد كبير وكل طاقم الستاف الامريكان نفسهم اللي مشتغلين على المهرجان هناك مش نفس مهرجان دبي السينمائي مثلا اللي بدا صغير وقدر يبني سمعته ويخلق له وجود وكيان بين المهرجانات السينمائيه اللي تصير بالعالم عشان جذي حتى على قلة الاعلانات عندنا .. كان المكان مزدحم بالاجانب .. وكأنهم يدرون عن موعد اقامة المهرجان وعشان جذي قلت ان الدعايه اشتغلت على ناس وناس !! مستوى المهرجان كان فوق الممتاز .. بس اللي خرب عليه الاعلان الضعيف اللي المفروض يتوجه لنا كقطريين بالمقام الاول بما انهم بالبروشورات والكتيبات طلعوا عيونا وهم يقولون ان المهرجان للقطريين ويهمنا تواجدهم والاخذ بيدهم وبعدين فعلا ماكان في تسليط ضوء كافي ابداً يعني في نجوم كثار حضروا ليلة الافتتاح والاعلام ماصورهم .. مثل مارتن سكورسيزي وميرا ناير ونيكول كيدمان وهيلاري سوانك وبن كنجسلي وغيرهم فلازم يتفادون هالشغله السنه اليايه .. وبخصوص اني البس كاجوال .. هديل الله يخليج في احلى و ارز من الثوب والغتره والعقال وانا احس الاجانب لما يجون بلد عربي نفسهم يشوفون ناس بلسهم التقليدي .. مب نسخه تايوانيه عن اللي يشوفونه ببلداهم خخ بس والله جداً استمعت بالروحه والجيه في هالثلاثة ايام .. وحسيت نفسي قاعد بكان الافلام اللي شفتها انشاءالله باكتب عنها بإختصار بالسينما كافيه لانه مافي واحد فيهم استفزني احط موضوع عنه كثر هالفلم .. ولما بتشوفينه بتعرفين قصدي السنه اللي فاتت نزلتي موضوع عن ذا ريدر واخرتها انا حبيت الفلم ووقفت مع كيت ونسلت اكثر منج والحين عندي احساس ان نفس السيناريو راح يتكرر مع بريشوس .. لول لا جد الفلم شكله رهيب .. واوبرا داعمته بشكل فظيييع .. لانه ذكرها بإغتصابها ومعاناتها مع الفقر لما كانت صغيره ومقابلتها مع اللي لعبت دور الام قصيره وضمن حلقه منوعه انشاءالله بقطع جزء المقابله وبحملها وبعطيج اللنك --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
{ Hadeel }
Salmiya Star
رقم العضويه 15440
مرسله في نوفمبر 09, 2009 09:04 PM
اها يعني المهرجان مو قطري قطري .. معليه مع الدورات الجايه بيصححون الاغلاط و اكيد الاقبال بيكون اكثر من القطريين .. وبتضطر تلبس كاجوال لين ماتشوف عشره عشرين لابسين غتر وثياب عشان تحس بالدمج لول ماقابلت مارتن ؟ ولا اي نجم من الي ذكرتهم ؟ بالنسبه لبريشووس ، نفس السيناريو بيتكرر بالنسبه لافضل ممثله باقي الفئات ماظن يكون مرشح قوي فيها .. في عندك ناين مثلا هذا احسه بيخم اغلب الجوائز ..انتاج ضخم ونجوم كباااار ومخرج مهم ..يعني فيه كل المعايير الي يحبونها حقين الاكاديميه بس عيبه بالنسبه لي انه موسيقى مو على ذوقي ان شاء الله يكون اداءها قد التوقعات ومايكون بهرجه اعلاميه ، اوبرا طبيعي تقوم سوقها البنت جديده والفلم مؤثر وقضيته حساسه وعن السود .. منتظره اللينكات .. [ نوفمبر 09, 2009, 09:06 PM: تم تحرير المشاركه من قبل: 'Hadoola ] -------------------- ليكـ وحشـــه
المشاركات: 8890 | من: الســــعـــوديه | تاريخ التسجيل: مايو 2004
|
{ Hadeel }
Salmiya Star
رقم العضويه 15440
مرسله في نوفمبر 09, 2009 09:15 PM
اكتشفت انه اوبرا بردوسر للفلم Produced by Lee Daniels Oprah Winfrey Tyler Perry -------------------- ليكـ وحشـــه
المشاركات: 8890 | من: الســــعـــوديه | تاريخ التسجيل: مايو 2004
|
ALTENNEEN
Smart Star 2
رقم العضويه 42513
مرسله في نوفمبر 09, 2009 09:25 PM
ميود .. انا بعد استغربت من وين طلع فيلم ميريل! بس هذا يساعد فرصة ميريل أكثر على الترشيح و المنافسة على اللقب نصور سوري يوم اتصلت فيني كنت فالكلاس و لما كان عندي بريك انت ما رديت علي .. و لما انت اتصلت بعد مرة كنت فالكلاس .. و لما خلصت رجعت السكن و رقدت نصور خربت علي مذاكرتي لول قريت كل ردودك .. و هالرد كتبته خلال ساعتين لول .. كل سطر و بعد اذاكر وراي باجر كويزين لازم تكتب عن Bright Star تعرفني كيف اموت في هالافلام مواقفك حلوة في المهرجان كرهت النذل اللي ما عطاك التكت .. صدق انه نذل الحلو انك شفت الفيلم مرتين عاد نحن عندنا مهرجانين و انا ما عندي خبر عن اي واحد فيهم بس ان شاء الله هالسنة في مخططات مع مسيو خليفة.. شجعني قبل كم من يوم لازم نفتح مواضيع حق الافلام المهمة .. انا افكر افتح موضوع حق ناين و يمكن ذا لوفلي بونز و عندي The hurt locker من زماااااان بس ما شفته لول .. لأنه ما تستهويني هالافلام بحاول اشوفه هالاسبوع .. مع انه عندي زحمة افلام --------------------
المشاركات: 3426 | من: .ıllıllı. U.A.E .ıllıllı. | تاريخ التسجيل: أكتوبر 2005
|
[ L.O.V.E.R ]
سوبر مصمم
رقم العضويه 3004
مرسله في نوفمبر 10, 2009 01:57 PM
هديل هو الحلو بالمهرجان انه ينمي مواهب الناس اللي عندها اهتمامات بالسينما على مدار العام يقيمون ورش ودورات وندوات ثقافيه ويستضيفون صناع الافلام من كل مكان بالعالم بشكل دوري لحين الدوره الجديده بس عيبهم مثل ماسبق وذكرت لااا وين اقابل مارتن سكورسيزي .. للاسف مارحت يومها الافتتاح .. شفتي الحظ فعلاً في افلام كثيره واعده هالسنه غير بريشوس وناين .. ذا لوفلي بونز مثلاً من خلال متابعتي مكتسح توقعات الجمهور والنقاد على حد سواء قبل لايعرض بأهم فئات الاوسكار نفس الشي ذا هارت لوكر .. مع اني مثل تنين ماحب الافلام الحربيه المعاصره .. شكل الدبابات والاسحله تجيب لي اكتئاااب بس المميز بهالفلم ان المخرجه تناولت فكرة الحرب من زاويه مختلفه وجداً انسانيه عن باقي اللي سبقوها فيلم نيلسون مانديلا مش متحمس له ابداً .. صادني تشبع من افلام السير الذاتيه .. حتى لو كان من اخراج كلينت ايستود نفسه وفلم اب ان ذا إير .. لمخرج فلم جونو .. مسوي ضجه كبيره قبل لايبدا .. بس ايضاً ماحس بحماس كافي له واوبرا فعلاً طلعت البرديوسر للفلم لول .. وانا اقول شعندها ؟ --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
[ L.O.V.E.R ]
سوبر مصمم
رقم العضويه 3004
مرسله في نوفمبر 10, 2009 02:05 PM
تنين ههههه ماعليك انا بعد متفرغ داق عليك الصبح .. موفق بدراستك انشاءالله حمود وبرايت ستار لايفوتك .. من انعم وارق افلام 2009 بحاول اكتب عنه انشاءالله النذل شفته مره ثانيه قبل اخر يوم ورحت كلمته وقطيت عليه نغزات .. ماخليتها فقلبي خخ والمهرجان فعلا تجربه ماتنسى وانا خليفه اللي قالي على فكره عن سالفة خط الانتظار ولا انا كنت فاقد الامل اني ادخل ان اديوكيشن واغلب افلام المهرجان .. بس لانه خليفه ماشالله عليه خبره بسوالف المهرجانات .. لول ناطر مواضيعك تنين .. وناطر تصميماتك الرهيبه لها --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
randomly
Smart Star 2
رقم العضويه 13811
مرسله في نوفمبر 10, 2009 08:37 PM
أحييك أخوي ناصر عالمقالة الروعة ومستانس إنك قدرت تحضر الأفلام الي مالقيت لها تذاكر بس الله يهديهم, الطابور المفروض ينعمل من البداية على أساس شخص ورى شخص مب حشر مع بعض !! بس زين إنه مشت الإجراءات معاك على خير ..... أما من ناحية الترتيب والتنسيق والدعاية, أشوفه شي متوقع كونه أول مهرجان يصير عندكم متأكد إنه هالأشياء راح تنحط بعين الإعتبار وتتفادى بالسنة اليديدة مثلك, أنا كنت المواطن الوحيد الي يتواجد بأغلب العروض عدا إنه فيه اقبال من العرب لكن مايلة صوب الأعمال العربية مثل الجزائرية, العراقية وغيرها أجواء المهرجان صدق صدق شي ثاني, كل سنة أروح أحصل مدرسة الكلية تخم الأفلام لكن حسافة ماحضرت ولا قعدة من القعدات الي منضمينها مع مارتن, ميرا وغيرهم نرجع لـ إديوكشن, القصة تبغي الصراحة من التريلر تبين عادية بس أكيد التنفيذ عطى روح للفيلم والبطلة بيني وبينكم ملامحها تنفرز وفيها من جينات الفار لكن حيلوة بشكل عام ناطره وعلى أمل ينزل عندنا بالمهرجان .... عاد أحاسيس كرشتي العميقة تقولي إنه بريشس راح يظفر بجوايز هالموسم !! --------------------
المشاركات: 7100 | من: || Dubai || | تاريخ التسجيل: فبراير 2004
|
saroon q8
عضو نشيط
رقم العضويه 87480
مرسله في نوفمبر 12, 2009 05:31 AM
لوووووووووووووفر انت اسم على مسمى خخخخخ اي لوف يوووووووو هالفلم توني قبل كم يوم كنت اتكلم عنه التريلر مالت الفلم حافطتها عندي وكل يوم اشوفها احسها شتويه وتناسب هالوقت كاري موليغان وما ادراك ما كاري موليغان هالبنت من اول لقطه شفتها حبيتها بشكل مو طبيعي وفعلا حظها هالسنه كبير بانها تفوز بالاوسكار مو بس تترشح كل النقاد تكلمو عنها وعلى فكره عطوها جائزه قبل كم اسبوع اعتقد اسمها هوليود اوورد انها افضل ممثله شابه يسسسس تمثيل عجيب كاريزما جمال كل شي احب قمازتها وايد كيووت وميته عالفلم كل مارحت محل يقول ما نزل على فكره شفت كليب من الفلم لها مشهد مع ايما تومبسون المفروض كاري على هالمشهد تاخذ اوسكار فعلا مشهد رائع {{ ركزو عليها لا قالت بوووورد انا هذا فلمي الي راح اراهن عليه واوسكار افضل ممثله حق كاري باذن الله بس عسى ما تطلع لنا هيلاري سوانك الي اكرهها من تحت الارض -------------------- ELISSA 2010 SooooN
المشاركات: 450 | تاريخ التسجيل: فبراير 2009
|
saroon q8
عضو نشيط
رقم العضويه 87480
مرسله في نوفمبر 12, 2009 05:41 AM
رد مقتبس: المرسل الأصلي هو ALTENNEEN: أول ما رجعت البيت دخلت ... دخلت المنتدى عسب أقرأ الموضوع نصور تصلح تكتب في الجرايد من أول ما قلت لي عن الفيلم و حماسي زاد اكثر و اكثر قمر قمر انشالله اشوف الاوسكار بايدها ملينا من هالعجايز الي يكرمونهم عطو فرصه حق جيل الشباب على فكره الاغنيه روووعه اول ما سمعتها بالتريلر حبيتها كلاسيييييييييييك ابي احمل الساوند تراك شلون -------------------- ELISSA 2010 SooooN
المشاركات: 450 | تاريخ التسجيل: فبراير 2009
|
SARAAA QO8
عضو نشيط
رقم العضويه 88620
مرسله في نوفمبر 12, 2009 07:06 AM
--------------------
المشاركات: 255 | تاريخ التسجيل: نوفمبر 2009
|
SARAAA QO8
عضو نشيط
رقم العضويه 88620
مرسله في نوفمبر 12, 2009 07:08 AM
^^ هذا انا باللوك اليديد لوول باي --------------------
المشاركات: 255 | تاريخ التسجيل: نوفمبر 2009
|
SARAAA QO8
عضو نشيط
رقم العضويه 88620
مرسله في نوفمبر 23, 2009 11:42 PM
نظراتها معبره حيل ياربي متى ينزل الفلم حرام جذيه ميته بشوفه --------------------
المشاركات: 255 | تاريخ التسجيل: نوفمبر 2009
|
SARAAA QO8
عضو نشيط
رقم العضويه 88620
مرسله في نوفمبر 23, 2009 11:44 PM
شباب الي فاضي وما عنده شغل يحطلنا شنو قالو النقاد عن اداء كاري بالفلم ويحط اسامي النقاد المهمين بليز يعني --------------------
المشاركات: 255 | تاريخ التسجيل: نوفمبر 2009
|