الفلم رووعه صراحه انا مشكلتي ما اعرف اعبر اذا عجبني فلم او شي مو اختصاصي التفاصيل وجذيه
بي بتكلم عن الشغلات الي حبيتها حيل
طبعا مثل ما قالو الاخوان السينموغرافي والالوان والتصوير وهالسوالف عجييبه
تحس انك صج باجواء الستينات السيارات اللبس الاماكن والمطاعم وغيرها مادري احس عيشتني بجو ثاني
وما انسى الموسيقى موسيقة الفلم رووعه يخليك تتأثر بالمشهد غصب سواء حزين او سعيد
ومشاهد باريس روعه شوقتني اروح هناك
وكاري شبهوها بالممثله اودري هيبورن صج والله في مشاهد حسيتها تشبهها بالستايل والبس
بي انا عندي كاري احلى
طبعا ما ابي احرق الفلم بس القصه رائعه صحيح مو جديده على قوله علووش بس طريقه الاداء والتمثيل والاحداث شالت عنصر التكرار وكل ممثل بدع صراحه
كاري موليغان بدور جيني
هالبنت حاله خاصه والله صعب الواحد يصدق انه هذا اول دور رئيسي تمثله في حياتها
ممثله من الطراز الاول ضبطت دور البنت المراهقه والبالغه بنفس الوقت البريئه والذكيه الي همها في الحياه بس ترضي ابوها وامها وتدخل الجامعه
كاري خطيره بهالدرو قبل لا اشوف الفلم كنت اقرأ كلام النقاد عنها وهي اكثر وحده يمكن كتبو عنها وشادين فيها الظهر هالسنه
الحين عرفت ليش يعني هي تقريبا بكل مشهد بالفلم وبكل مشهد تسرق الاضواء على قولتهم حتى بالمشاهد العاديه اللي ما فيها انفعالات وجذيه
تجنن هالبنت شوفو الفلم وراح تحبونها
صج تستاهل كل هالضجه والجوائز الي ترشحت لها وانشالله الغولدن والساق والاوسكار من نصيبها بإذن الله والله ابيها تفوز بس يا خوفي العجوز ميريل تخطفها على ابو انها مترشحه مرتين ورى بعض
لا بس انشالله يكونون حقانيين هالسنه لان انا شفت جولي اند جوليا وميريل عجيبه طبعا بالدور
بس كاري قدمت دور استثنائي وجديد ويستحق التصفيق وبقوه
وعلى فكره ترا بكيت لين قلت بس مادري احس كسرت خاطري حيل والله وانشالله لا شفتو بتعرفون ليش
الفريد مولينا وما ادراك ما الفريد مولينا
ابو جيني
هالممثل انا اموت عليه حسيت انه ابوي بالفلم
ضبط دور الاب اللي المضحك والي تهمه مصلحه بنته ويخاف عليها بطريقه تفطس من الضحك عجيب هالممثل
واستغربت انهم ما رشحوه بفئه افضل ممثل مساعد حرام
وطبعا هو ثاني اكثر شي بهرني بالفلم بعد كاري
عجييييب خاصه مشهد عيد الميلاد
والولد المراهق الي كان معاهم ضبط الدور موتني ضحك
نجي عند بيتر سارسغارد
الي هو مثل دور ديفيد الي تتعرف عليه جيني
هم بعد تمثيله رووعه
مثل الرجل الكلاس الي تنعجب فيه جيني
وبطريقته وبإسلوبه خلاني انعجب فيه مثل جيني
والله يعني تحسونه بجاذبيته وبإسلوبه يخلي الناس تحبه ونشوف فيه الي جيني فاقدته بحياتها
هو الفلم كله تقريبا يبين نظره جيني للناس وللحياه عرفتو
وما انسى طبعا ايما تومسون غنيه عن التعريف
هي مثلت ناظره المدرسه الصارمه الحكيمه بطريقه ايما تومسون والله ما جنها تمثل جنه صج امووت عليها صراحه وزادت الفلم حلاوه وابداع
والممثلين الي مثلو دور هيلين وداني اصدقاء ديفيد حلو تمثيلهم خاصه هيلين
لبسها وستايلها عجيب بالفلم بس فيها عيب راح تعرفونه بالفلم
الفلم الي يميزه انه جمع ممثلين موهوبين درجه اولى يخليك تحب كل مشهد وما تطوفه
المهم ياريت الكل يشووف الفلم هذا فلمي المفضل هالسنه ومع اني ما شفت الافلام المرشحه بس ما اعتقد اني راح احلى منه
لاني احب هالنوع من الافلام وحبيته من اول نظره
وانشالله يكون له نصيب مثل ممثلته الي كلت الاخضر واليابس
المهم بالنسبه للبنات الي بيشوفون الفلم راح يتأثرون فيه اكثر احم
[ ديسمبر 30, 2009, 02:54 AM: تم تحرير المشاركه من قبل: SARAAA QO8 ]
المهم اتصلت حق خليفة و قالي انه هالفيلم يقول : حمود الله يخليك تعال شوفني
عاد انا ما صبرت و سويت اكبر طاف حق الدراسة و شفته قبل شوي لول
الفيلم .. ابدااااااااااع .. كاري تقول فالفيلم تعالوا شوفوني .. الاوسكار حقي لول
ابدااااااااااااع .. الفيلم مر بلمح البصر .. كل شخصية تقول الزود عندي ..و كل شخصية توحي بشي
الابتسامة طول الوقت مرسومة على ويهي .. خاصة انه الفيلم بعد ما تشوفها تحس انك تتدرس شي مهم و ممتع
الدراسة مب كل شي فالحياة ... و اللعب و الوناسة مب كل شي فالحياة
لازم توافق بين الاثنين .. و بعدين حياتك بتكون حلوة
الحمدلله اني مطبق هالشي في حياتي لول
التمثيل روعة روعة روعة من الكاست كامل من كاري لين سالي هوكنز اللي طلعت و قالت كلمتين
كاري المنافسة الاولى هالسنة و خاصة بعد ما شفت جولي ان جوليا .. ميريل مب سهلة هالسنة بعد دورها قمة فالروعة
صدقوني ما بزعل اذا اي وحدة فازت .. الاثنين يستاهلون .. بس اباها حق كاري
اللي مثل دور ابوها عن جد فظيع .. لازم يترشح .. بس ما اعتقد بيلقى فرصة بالفوز يدام الوحش كريستوف والتز
اما الحريم .. ايما و اللي مثلت دور المدرسة ... ابدعوا بكل مشهد كانوا فيه.. المدرسة ابهار دورها روعة و اتقنته بكل احتراف ... انصدمت انه هي نفسها تمثل في دول هاوس
الموسيقى روعة و خاصة اللي نصور حطاها.. و السينماتوغرافي فظيع بعد
لول ما اعرف شو اشجع هالسنة .. ان ايديوكيشين و افاتار فالتوب
--------------------
المشاركات: 3426 | من: .ıllıllı. U.A.E .ıllıllı. | تاريخ التسجيل: أكتوبر 2005
|
مرسله في
اول شي كنت متردده انس اشوفه لني ما احب الافلام البريطانيه بس عقب ماسمعت عنه وعرفت انه اجزاءه بالستينات تشجعت وقلت يالله بس صج كان الفلم كلمه ابداع شوي عليه كل الممثلين سوي اللي عليهم وبزود محد فيهم قصر بدوره حبيت كل شي فيه خلاني صج احس اجواء الستينات وخاصه لم راحو باريس حدها المناظر ابهرتني و بالتوفيق للجميع
-------------------- المشاركات: 379 | تاريخ التسجيل: أغسطس 2008
|
In an alternate ending that takes place 18 months later after being accepted and while attending Oxford, Jenny sees the red Bristol and then David. He tries to apologize to her and explains that he is planning on divorcing his wife. Jenny, however, explains how much he almost cost her, including her future, and that she has a new life at Oxford now. She walks away with her new boyfriend and David stares longingly after her.