خلينى اقول الاول يعطيك الف عافية يا ناصر بجد الموضوع متعوب عليه... حبيت التنسيق و الكلام اللى كتبته بجد روووعة
ثانيا...مغامراتك فى المهرجان روووووعة استمتعت بقرائتها جدا... و زى ما هدول قالت...قص ايديك عشان انا قريت ردودك كاملة
بس انقهرت من السخيف اللى ما رضى يديك التذكرة بجد سخافة ... بس كويس انك شوفته يومها عشام تعبك ما يروح على الفاضى...
حبيت موود المهرجان اللى عشته فى انتظار الدورة التانية...انت عارف احنا عندنا مهرجانات سينما بالهبل و فى منها بيعرضوا افلام جدا مهمة و روعة حسب ما بقرا من النقد عليه... بس عمرها ما زبطت معايا انى احضر...
كلامك حمسنى و حسسنى انى بفوت على نفسى فرص كبيرة و مهمة... الواحد مش بيحس بقيمة اللى عنده when it's taken for granted...
بالنسبة للفيلم بقى...Spoilers
انا ما قريت و لا كلمة قبل الفيلم عشان استمتع اكتر بيه و انا معرفش ايه القصة او حتى الشخصيات هتمشى ازاى...
و لو كنت قريت القصة مكنتش هتحمس لانها تقليدية و بشدة...بس مين قال القصص التقليدية مش حلو تتشاف؟؟؟...لما تتعمل كويس و تستاهل تنشاف بتنشاف اكيد و بتحس بسعادة و انت بتشوف نفس القصة مرة تانية و تلاقى نفس النهاية اللى تأكدلك انك برضه صح...
مش بعرف احلل قوى بس باختصار عجبنى الفيلم...و كنت متوقعة ان ديفيد ده وراه مصيبة لانه he's 2 good 2 be true ... مفيش حد تحفة كده...
كارى موليجان رهيييبة ادت الدور على اكمل وجه...مش مصدقة انها 23 سنة شكلها فعلا 17 سنة مش اكتر ...
الراجل اللى ادى دور والدها كان رهيييب برضه ... الشخصية مكتوبة كويس اصلا و هو اعطى للشخصية روح...الاب اللى بيغير مبادئه على حسب الموقف... فى الاول تفتكر انه مسيطر و مش سهل و بعدين تكتشف ان in secure و ديفيد قدر يقنعه بحاجات غلط تماما و مش مقبولة- زى انه ياخد بنته "المراهقة" فى رحلة لفرنسا لوحدهم- ... كل ده لانه كان intimated بديفيد اللى يعرف كتاب زى c.s.Lewis شخصيا و الاب نفسه عمره ما شاف الناس دى و لا عرف الناس دى...
و لما دايفيد اتقدم لبنته بقى التعليم مش مهم مدام العريس الممتاز اللى هيوفرلها كل حاجة موجود...
احلى مشهد لما جينى اتخانقت مع والدها و قالتله انت السبب كل البنات بينبهروا بالرجالة لكن انت ما منعتنى انى اهد مستقبلى... ساعتها حسيت ان عندها حق و فى نفس الوقت حسيت انى عايزة اضربها لان ده كان قرارها من البداية...
و لما كان جايبلها اكل و قالها "هو مطلعش الشخص اللى احنا فاكرينه...و مطلعش الشخص اللى خليتنا نفتكر انه هو"... لما حكالها ان فى الراديو قايلين ان C.S Lewis اتنقل لكامبريدج و مش فى اوكسفرد زى ما قالتلهم
و من المشاهد المهمة برضه نقاشها مع المديرة و المدرسة... كان رووعة
الفيلم حلو حبييييييت... و ان شاءالله ياخد حقه من الجوايز عشان الفيلم يستاهل...