صراحة برافو عليه .. ضابط الشخصية صح مع انه ما تكلم وايد لين الحين أحس انه ممكن يبطل قفل الباب ويدخل علي بالمدفع ماله في أي لحظة مشهد المطاردة الاولى بين أنتون و موس كان أحلى مشهد في الفلم .. هالنوع من الاثارة صار شبه معدوم في الأفلام اللي تنزل الحين.. يعني فعلا تحسون انكم أبدا ما عندكم فكره وين الفلم بياخذكم لانه أي شي ممكن يصير .. مع اني عادة ما أحب النهايات اللي تخلي المشاهد يفكر ويحط آراء شخصية بس حسيتها لهالفلم بالذات كانت مناسبة جدا الفلم أصلا واقعي من أول ما بدا والنهاية حسيتها عززت هالشي أكثر.. بس مشاهد تومي لي جونز الأخيره أبدا ما فهمتها شو سالفة الحلم و شو دخله بالقصة؟؟؟ خليفة وعبود شرايكم؟؟
اشوى مو انا بس الي طلع لي علامات استفهام , حتى انت ماجد
رأيي مثل رأيك تقريبا .. وتشابهنا في التساؤولات ..
--------------------
ليكـ وحشـــه
المشاركات: 8890 | من: الســــعـــوديه | تاريخ التسجيل: مايو 2004
|
قريت تحليلك للنهاية تقريبا أتفق معاك بس شخصية تومي لي جونز ما حسيت نفسي مهتم وايد فيها.. يمكن لانه الثانيين كانوا ماكلين الاجواء شوي بس مثل ما قلتلك الحلو في الفلم انه واقعي جدا واذا صارت مثل هالقصة في الواقع أحس انه أحداثها يتكون نفس الفلم بالضبط. بالنسبة لزوجة موس مادري ليش أحس انه ما قتلها.. لو لاحظتوا انه دخل على حرمتين قبل زوجة موس وما قتلهم.. يمكن يكون قتلهم بس ما بينوا انه سوا هالشي
رد مقتبس: أكثر مشهد كنت على أعصابي فيه لما كان واقف صوب الباب ينتظر الفرصة المناسبــة
هيييييه خليفة يوم كان موس يترياه في الغرفة وشاف ريوله من تحت.. اول ما طار القفل طار قلبي وياه ويوم آخر شي كان طالع من بيت زوجة موس وفجأة اندعم
رد مقتبس: صدقيني الفيلم مش دموي بمعنى الكلمة إنما فيه مشاهد عنف لاأكثر ولا أقل
وهذا ميود شافه ولا إتشكــى لول
المفروض نور ما توثق في ذوقي وايد.. لاني على كثر ما أحب الأشياء الهادية والرومانسية أحب الدم والذبح بعد في الافلام بس طبعا
هدووووولة
رد مقتبس: حسسني بخوف مو طبيعي ماذكر انه ابتسم بمشهد !
ابتسم شوي لأجزاء من الثانية
بعدين على طول رجع مثل ما كان
رد مقتبس: مين قتل موس ؟ العصابه الي كانت تطارد زوجته وامها ولا المجرم !
أعتقد المجرم لانه القفل كان مكسور بنفس الطريقة اللي يكسر فيها انتون باقي القفول.
رد مقتبس: وليش المجرم قتل زوجة موس ؟ وليش قال لها اني انا وعدت زوجك بقتلك ؟ ووين راحت الفلوس !
الفلوس أحس انها عند المجرم لانه لما طلب القميص من الولد آخر الفلم عطاه فلوس نفس الحركة اللي سواها موس في نص الفلم لما كانت عنده الفلوس ..
على العموم .. الفلم فعلا من أحلى أفلام السنة.. وانا قبل ما أشوفه كان على بالي اني بشوف فلم عن العنصرية وكيف ان المكسيكيين يطالبون بحقوقهم بس طلع الفلم حاجة ثانية خالص.. وسوري جايز على الرد الطويل
[ يناير 06, 2008, 01:05 PM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|