مرسله في
ياسلام نازل وفي اي بي بعد بس بنتظر ايام الاسبوع واروح له بما انه ويك اند وزحمة مبينة من موقع الحجز
المشاركات: 44721 | من: الـكـويـت | تاريخ التسجيل: أكتوبر 2003
|
عيزان اكتب رأيي الكامل في الفيلم .. بس في أشياء بقولها ..
اولاً أحلى شخصية عندي في الفيلم هو الذيب .. بس لا تحطون أمالكم وايد لانه دوره فعلا صغير ومحدود .. لكنه عجبني وايد طالع وايد كريبي ومثير .. وفعلا اني كرهت لبسه في البداية بس بعدين حبيته .. حبيت فكرة انهم ما حولوا شكلة الى ذيب حقيقي مصنوع بالكمبيوتر ، حافظوا على الشكل المسرحي للشخصية وذكرني لبس جوني بالملابس التنكرية اللي يلبسونها الناس في الأربعينات والخمسينات ..
شخصية ميريل تعاطفت وياها ما أشوفها شريرة .. وحلو انهم عرضوا لنا ماضيها.
شخصية رابونزل ما حبيتها .. يمكن من الممثلة .. أو يمكن من شخصيتها المختلفة شوي عن رابونزل نسخة ديزني.
شخصية ليلى رووووعه والممثلة فعلا رائعة للدور .. وفي مشهد لها يروي عن تجربتها مع الذيب ذكرني بفيلم أليس في بلاد العجائب ، اذا شفتوه راح تعرفون ليش ..
شخصية الولد جاك جميلة و أغنية Giants in the sky حبيتها وايد .. بس تمنيتهم حطوا لنا المشاهد لما صعد فوق الغيوم عند العملاقة .. بخلوا علينا بهالنقطة ..
اغنية it's the last midnight للساحرة أبدعت فيها ميريل وأبدعوا الكاست في الموسيقى
اما شخصية زوجة الخباز ..
*حرق للأحداث *
ما حبيت انهم خلوها تخون زوجها حتى ولو بالسر .. يعني كنت شايفها انسانة عظيمة وايد .. فلما بكى عليها زوجها بعد ما ماتت ما خلاني هالشي اتأثر .. حسيت انه مخدوع فيها، ادري ان هالشي في المسرحية ولازم يحطونه لكن ما عجبني.
*خلص الحرق *
الفيلم عجبني وأول ما طلعت على طووول شريت الأغاني كلها من الايتونز .. وفي خاطري أدخلة مرة ثانية .. شي سااحر جداً طلعت بمود مختلف تماماً من السينما .. ما اشتهيت أشوف افلام عقبه من كثر ما هو عالق بهالراس.
[ ديسمبر 26, 2014, 04:35 PM: تم تحرير المشاركه من قبل: Roo7Qtr ]
--------------------
المشاركات: 47 | من: قطر | تاريخ التسجيل: أغسطس 2014
|
التويستيد إلي داخل فالقصه حلو لكن في تخربط وايد ومش مقنعه القصه وترابط الأحداث مادري كيف صاير
ومافيه أي إبداع بـ صراحه ماتوقعت جذي !اللهم فستان ميريل كان يجنننننن
الإخراج جداً حلو لكن مافيه سحر ديزني طول الفيلم غيوم وظلام ماشفنا شمس
ميريل لو ترشحت أوسكار راح أتحامل عليها لأنها بتكون مجامله من الأوسكار يرشحونها على دور عادي مايستاهل ترشيح حتى
دورها وايد حلو كان لكن ترشيح لا sorry
إلي يستاهل الترشيح هو جاك الولدالصغير هذا بدّع
لا ميريل ولا إيميلي بلونت يستاهلون ترشيح للأمانه
صوت آنا كيندريك رهيـــــــب
روب مارشل وينه وين عالم ديزني خله على الأفلام المسرحيه أحلى وهذاك ملعبه
والطامه الكبرى شنو !!!
جوني ديب لا دور لا صوت ولا كوستيوم وجوده بالفيلم ماله أي داعي
لكن لو نجي للأغاني
روعه روعه روعه وكل الكاست بدعوا بالغناء برافو
+
الناس من نص الفيلم بدوا يطلعون وكانوا يتحلطمون ماتوقعوا فيلم موسيقي لول
هذا عيب إلي يدخل بدون مايقرا شنو نوع الفيلم
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
للحين ماشفته بس كان واضح من المراجعات اللي ظهرت عن الفيلم قبل فتره بأنه ماراح يكون فيلم فيري تيل سعيد كالمعتاد .. السوداوية والثقل اللي بالفيلم حتى النقاد انصدموا منها .. كانوا يظنون ان ديزني ممكن مايكون عندها الجرأة الكافية بأنها تنقل الاجواء السوداوية الموجودة بالمسرحية مثل ماهي للفيلم ..
عن نفسي هالنقطة مشوقتني اكثر للفيلم لاني منتظر اشوف عمل ثقيل ومنقول بأمانه من المسرحية .. مش خفيف ومحرف وبعيد عن جو المسرحية نفسها
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
مرسله في
شفت الفلم أمس... ببدا بالجوانب الايجابية للفلم.. أولا الكاست لا شك انه ممتاز ... اللي تميزت بين الكل هي ايميلي بلانت برأيي.. ايميلي كممثلة قادرة انها توصل مشاعر مختلفه للمشاهد بهدوْء و تعابير ويه بسيطه... الواحد يحس براحه لما يشوفها تمثل... ميريل مشهدها الغنائي الأخير كان قمه.. جوني ديب تقريبا 5 دقايق مدة مشهده ... يعني كاميو بالفلم وضيف شرف الحوار سواْء غنائي أو حوار عادي كان ذكي جدا و سريع.. يعني لو سرحتوا ثواني ممكن تفوتكم كلمه أو حدث مهم .. بالنسبه للأغاني شخصيا
سبويلر 00000
استمتعت بالأغاني اللي كانت بالنص الأول من الفلم.. اللي ما حبيته بالفلم هو النص الثاني الكئيب والسوداوي.. الفكره رائعه وشي حلو انا نشوف نهايات مختلفه وغير عن اللي ببالنا لهالشخصيات المعروفه لكنها تقدمت بشكل ممل جدا.. يعني في وقت معين حسيت انه الفلم ما بيخلص... بتظل دوامة الحزن والأغاني الممله ماشيه.. حسيت انه روب مارشل كان كسول في الجزْء الأخير وقدم كل اللي عنده بالثلاث أرباع الأولى من الفلم ...
نهاية السبويلر 00000000000
مع ذلك ما زلت مبهور بالفلم و أكيد من الأفلام اللي برجع أشوفها مره ثانيه وثالثه و رابعه .. شغل ممتاز من الكاست والمخرج و حبيت الممثلين الثانويين اللي كانوا ضيوف شرف مثل كريستن برانسكي و تريسي أولمان واللي كانت بمسلسل Scrubs ...
-------------------- [ المشاركات: 7335 | من: الامارات | تاريخ التسجيل: يوليو 2003
|
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[heartpump]](graemlins/heartpump.gif)
![[Big Grin]](biggrin.gif)
![[eyelove]](graemlins/eyelove.gif)
![[nut]](graemlins/nut.gif)
![[Frown]](frown.gif)
خله على الأفلام المسرحيه أحلى وهذاك ملعبه ![[Eek!]](eek.gif)
!!!![[crying]](graemlins/crying.gif)
لا دور لا صوت ولا كوستيوم ![[worried]](graemlins/worried.gif)
وجوده بالفيلم ماله أي داعي 
![[Razz]](tongue.gif)
![[super]](graemlins/super.gif)
